헬라어 문장 검색 - Σεπτύ011́019́

(70인역 성경, 열왕기 상권 19:)

ΚΑΙ ἀνήγγειλεν Ἀχαὰβ τῇ Ἰεζάβελ γυναικὶ αὐτοῦ πάντα, ἃ ἐποίησεν Ἠλιού, καὶ ὡσ ἀπέκτεινε τοὺσ προφήτασ ἐν ρομφαίᾳ. καὶ ἀπέστειλεν Ἰεζάβελ πρὸσ Ἠλιοὺ καὶ εἶπεν. εἰ σὺ εἶ Ἠλιοὺ καὶ ἐγὼ Ἰεζάβελ, τάδε ποιήσαι μοι ὁ Θεὸσ καὶ τάδε προσθείη, ὅτι ταύτην τὴν ὥραν αὔριον θήσομαι τὴν ψυχήν σου καθὼσ ψυχὴν ἑνὸσ ἐξ αὐτῶν. καὶ ἐφοβήθη Ἠλιοὺ καὶ ἀνέστη καὶ ἀπῆλθε κατὰ τὴν ψυχὴν αὐτοῦ καὶ ἔρχεται εἰσ Βηρσαβεὲ γῆν Ἰούδα καὶ ἀφῆκε τὸ παιδάριον αὐτοῦ ἐκεῖ. καὶ αὐτὸσ ἐπορεύθη ἐν τῇ ἐρήμῳ ὁδὸν ἡμέρασ καὶ ἦλθε καὶ ἐκάθισεν ὑποκάτω Ραθμὲν καὶ ᾐτήσατο τὴν ψυχὴν αὐτοῦ ἀποθανεῖν καὶ εἶπεν. ἱκανούσθω νῦν, λαβὲ δὴ τὴν ψυχή μου ἀπ̓ ἐμοῦ, Κύριε, ὅτι οὐ κρείσσων ἐγώ εἰμι ὑπὲρ τοὺσ πατέρασ μου. καὶ ἐκοιμήθη καὶ ὕπνωσεν ἐκεῖ ὑπὸ φυτόν, καὶ ἰδού τισ ἥψατο αὐτοῦ καὶ εἶπεν αὐτῷ. ἀνάστηθι καὶ φάγε. καὶ ἐπέβλεψεν Ἠλιού, καὶ ἰδοὺ πρὸσ κεφαλῆσ αὐτοῦ ἐγκρυφίασ ὀλυρίτησ καὶ καψάκησ ὕδατοσ. καὶ ἀνέστη καὶ ἔφαγε καὶ ἔπιε. καὶ ἐπιστρέψασ ἐκοιμήθη. καὶ ἐπέστρεψεν ὁ ἄγγελοσ Κυρίου ἐκ δευτέρου καὶ ἥψατο αὐτοῦ καὶ εἶπεν αὐτῷ. ἀνάστα φάγε, ὅτι πολλὴ ἀπὸ σοῦ ἡ ὁδόσ. καὶ ἀνέστη καὶ ἔφαγε καὶ ἔπιε. καὶ ἐπορεύθη ἐν ἰσχύϊ τῆσ βρώσεωσ ἐκείνησ τεσσαράκοντα ἡμέρασ καὶ τεσσαράκοντα νύκτασ ἕωσ ὄρουσ Χωρήβ. καὶ εἰσῆλθεν ἐκεῖ εἰσ τὸ σπήλαιον καὶ κατέλυσεν ἐκεῖ. καὶ ἰδοὺ ρῆμα Κυρίου πρὸσ αὐτὸν καὶ εἶπε. τί σὺ ἐνταῦθα, Ἠλιού̣ καὶ εἶπεν Ἠλιού. ζηλῶν ἐζήλωκα τῷ Κυρίῳ παντοκράτορι, ὅτι ἐγκατέλιπόν σε οἱ υἱοὶ Ἰσραήλ. τὰ θυσιαστήριά σου κατέσκαψαν καὶ τοὺσ προφήτασ σου ἀπέκτειναν ἐν ρομφαίᾳ, καὶ ὑπολέλειμμαι ἐγὼ μονώτατοσ, καὶ ζητοῦσι τὴν ψυχήν μου λαβεῖν αὐτήν. καὶ εἶπεν. ἐξελεύσῃ αὔριον καὶ στήσῃ ἐνώπιον Κυρίου ἐν τῷ ὄρει. ἰδοὺ παρελεύσεται Κύριοσ, καὶ ἰδοὺ πνεῦμα μέγα κραταιὸν διαλῦον ὄρη καὶ συντρίβον πέτρασ ἐνώπιον Κυρίου, οὐκ ἐν τῷ πνεύματι Κύριοσ. καὶ μετὰ τὸ πνεῦμα συσσεισμόσ, οὐκ ἐν τῷ συσσεισμῷ Κύριοσ. καὶ μετὰ τὸν συσσειμὸν πῦρ, οὐκ ἐν τῷ πυρὶ Κύριοσ. καὶ μετὰ τὸ πῦρ φωνὴ αὔρασ λεπτῆσ, κἀκεῖ Κύριοσ. καὶ ἐγένετο ὡσ ἤκουσεν Ἠλιού, καὶ ἐπεκάλυψε τὸ πρόσωπον αὐτοῦ ἐν τῇ μηλωτῇ αὐτοῦ καὶ ἐξῆλθε καὶ ἔστη ὑπὸ σπήλαιον. καὶ ἰδοὺ πρὸσ αὐτὸν φωνὴ καὶ εἶπε. τί σὺ ἐνταῦθα Ἠλιού̣ καὶ εἶπεν Ἠλιού. ζηλῶν ἐζήλωκα τῷ Κυρίῳ παντοκράτορι, ὅτι ἐγκατέλιπον τὴν διαθήκην σου οἱ υἱοὶ Ἰσραήλ. καὶ τὰ θυσιαστήριά σου καθεῖλαν καὶ τοὺσ προφήτασ σου ἀπέκτειναν ἐν ρομφαίᾳ, καὶ ὑπολέλειμμαι ἐγὼ μονώτατοσ, καὶ ζητοῦσι τὴν ψυχήν μου λαβεῖν αὐτήν. καὶ εἶπε Κύριοσ πρὸσ αὐτόν. πορεύου, ἀνάστρεφε εἰσ τὴν ὁδόν σου καὶ ἥξεισ εἰσ τὴν ὁδὸν ἐρήμου Δαμασκοῦ καὶ ἥξεισ καὶ χρίσεισ τὸν Ἀζαὴλ εἰσ βασιλέα τῆσ Συρίασ. καὶ τὸν Ἰοὺ υἱὸν Ναμεσσὶ χρίσεισ εἰσ βασιλέα ἐπὶ Ἰσραήλ. καὶ τὸν Ἑλισαιὲ υἱὸν Σαφὰτ χρίσεισ εἰσ προφήτην ἀντὶ σοῦ. καὶ ἔσται τὸν σῳζόμενον ἐκ ρομφαίασ Ἀζαήλ, θανατώσει Ἰού, καὶ τὸν σῳζόμενον ἐκ ρομφαίασ Ἰοὺ θανατώσει Ἑλισαιέ. καὶ καταλείψεισ ἐν Ἰσραὴλ ἑπτὰ χιλιάδασ ἀνδρῶν, πάντα γόνατα, ἃ οὐκ ὤκλασαν γόνυ τῷ Βάαλ, καὶ πᾶν στόμα, ὃ οὐ προσεκύνησεν αὐτῷ. Καὶ ἀπῆλθεν ἐκεῖθεν καὶ εὑρίσκει τὸν Ἑλισαιὲ υἱὸν Σαφάτ, καὶ αὐτὸσ ἠροτρία ἐν βουσὶ δώδεκα ζεύγη ἐνώπιον αὐτοῦ, καὶ αὐτὸσ ἐν τοῖσ δώδεκα καὶ ἀπῆλθεν ἐπ̓ αὐτὸν καὶ ἐπέρριψε τὴν μηλωτὴν αὐτοῦ ἐπ̓ αὐτόν. καὶ κατέλιπεν Ἑλισαιὲ τὰσ βόασ καὶ κατέδραμεν ὀπίσω Ἠλιοὺ καὶ εἶπε. καταφιλήσω τὸν πατέρα μου καὶ ἀκολουθήσω ὀπίσω σου. καὶ εἶπεν Ἠλιού. ἀνάστρεφε, ὅτι πεποίηκά σοι. καὶ ἀνέστρεψεν ἐξόπισθεν αὐτοῦ καὶ ἔλαβε τὰ ζεύγη τῶν βοῶν καὶ ἔθυσε καὶ ἥψησεν αὐτὰ ἐν τοῖσ σκεύεσι τῶν βοῶν καὶ ἔδωκε τῷ λαῷ, καὶ ἔφαγον. καὶ ἀνέστη καὶ ἐπορεύθη ὀπίσω Ἠλιοὺ καὶ ἐλειτούργει αὐτῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Regum 19:

(70인역 성경, 열왕기 상권 19:)

목록

SEARCH

MENU NAVIGATION