Septuagint, Liber I Regum 18:

(70인역 성경, 열왕기 상권 18:)

ΚΑΙ ἐγένετο μεθ̓ ἡμέρασ πολλὰσ καὶ ρῆμα Κυρίου ἐγένετο πρὸσ Ἠλιοὺ ἐν τῷ ἐνιαυτῷ τῷ τρίτῳ λέγων. πορεύθητι καὶ ὄφθητι τῷ Ἀχαάβ, καὶ δώσω ὑετὸν ἐπὶ πρόσωπον τῆσ γῆσ. καὶ ἐπορεύθη Ἠλιοὺ τοῦ ὀφθῆναι τῷ Ἀχαάβ, καὶ ἡ λιμὸσ κραταιὰ ἐν Σαμαρείᾳ. καὶ ἐκάλεσεν Ἀχαὰβ τὸν Ἀβδιοὺ τὸν οἰκονόμον. καὶ εἶπεν Ἀχαὰβ πρὸσ Ἀβδιού. δεῦρο καὶ διέλθωμεν ἐπὶ τὴν γῆν καὶ ἐπὶ πηγὰσ τῶν ὑδάτων καὶ ἐπὶ χειμάρρουσ, ἐάν πωσ εὕρωμεν βοτάνην καὶ περιποιησώμεθα ἵππουσ καὶ ἡμιόνουσ, καὶ οὐκ ἐξολοθρευθήσονται ἀπὸ τῶν σκηνῶν. καὶ ἐμέρισαν ἑαυτοῖσ τὴν ὁδὸν τοῦ διελθεῖν αὐτήν. Ἀχαὰβ ἐπορεύθη ἐν ὁδῷ μιᾷ καὶ Ἀβδιοὺ ἐπορεύθη ἐν ὁδῷ ἄλλῃ μόνοσ. καὶ ἦν Ἀβδιοὺ ἐν τῇ ὁδῷ μόνοσ, καὶ ἦλθεν Ἠλιοὺ εἰσ συνάντησιν αὐτοῦ μόνοσ. καὶ Ἀβδιοὺ ἔσπευσεν καὶ ἔπεσεν ἐπὶ πρόσωπον αὐτοῦ καὶ εἶπεν. εἰ σὺ εἶ αὐτόσ, κύριέ μου Ἠλιού̣ καὶ εἶπεν Ἠλιοὺ αὐτῷ. ἐγώ. πορεύου, λέγε τῷ κυρίῳ σου. ἰδοὺ Ἠλιού. καὶ εἶπεν Ἀβδιού. τί ἡμάρτηκα, ὅτι δίδωσ τὸν δοῦλόν σου εἰσ χεῖρα Ἀχαὰβ τοῦ θανατῶσαί με̣ ζῇ Κύριοσ ὁ Θεόσ σου, εἰ ἔστιν ἔθνοσ ἢ βασιλεία, οὗ οὐκ ἀπέστειλεν ὁ κύριόσ μου ζητεῖν σε, καὶ εἰ εἶπον. οὐκ ἔστι, καὶ ἐνέπρησε τὴν βασιλείαν καὶ τὰσ χώρασ αὐτῆσ, ὅτι οὐχ εὕρηκέ σε. καὶ νῦν σὺ λέγεισ. πορεύου, ἀνάγγελλε τῷ κυρίῳ σου. ἰδοὺ Ἠλιού. καὶ ἔσται ἐὰν ἐγὼ ἀπέλθω ἀπὸ σοῦ, καὶ πνεῦμα Κυρίου ἀρεῖ σε εἰσ τὴν γῆν, ἣν οὐκ οἶδα, καὶ εἰσελεύσομαι ἀπαγγεῖλαι τῷ Ἀχαάβ, καὶ οὐχ εὑρήσει σε, καὶ ἀποκτενεῖ με. καὶ ὁ δοῦλόσ σού ἐστι φοβούμενοσ τὸν Κύριον ἐκ νεότητοσ αὐτοῦ. ᾖ οὐκ ἀπηγγέλη σοι τῷ κυρίῳ μου, οἷα πεποίηκα ἐν τῷ ἀποκτείνειν τὴν Ἰεζάβελ τοὺσ προφήτασ Κυρίου, καὶ ἔκρυψα ἀπὸ τῶν προφητῶν Κυρίου ἑκατὸν ἄνδρασ, ἀνὰ πεντήκοντα ἐν σπηλαίῳ, καὶ ἔθρεψα ἐν ἄρτοισ καὶ ὕδατι̣ καὶ νῦν σὺ λέγεισ μοι. πορεύου, λέγε τῷ κυρίῳ σου. ἰδοὺ Ἠλιού. καὶ ἀποκτενεῖ με̣ καὶ εἶπεν Ἠλιού. ζῇ Κύριοσ τῶν δυνάμεων, ᾧ παρέστην ἐνώπιον αὐτοῦ, ὅτι σήμερον ὀφθήσομαι αὐτῷ. καὶ ἐπορεύθη Ἀβδιοὺ εἰσ συναντὴν τῷ Ἀχαὰβ καὶ ἀπήγγειλεν αὐτῷ. καὶ ἐξέδραμεν Ἀχαὰβ καὶ ἐπορεύθη εἰσ συνάντησιν Ἠλιού. Καὶ ἐγένετο ὡσ εἶδεν Ἀχαὰβ τὸν Ἠλιού, καὶ εἶπεν Ἀχαὰβ πρὸσ Ἠλιού. εἰ σὺ εἶ αὐτὸσ ὁ διαστρέφων τὸν Ἰσραήλ̣ καὶ εἶπεν Ἠλιού. οὐ διαστρέφω τὸν Ἰσραήλ, ὅτι ἀλλ̓ ἢ σὺ καὶ οἶκοσ τοῦ πατρόσ σου ἐν τῷ καταλιμπάνειν ὑμᾶσ τὸν Κύριον Θεὸν ὑμῶν καὶ ἐπορεύθησ ὀπίσω τῶν Βααλίμ. καὶ νῦν ἀπόστειλον, συνάθροισον πρόσ με πάντα Ἰσραὴλ εἰσ ὄροσ τὸ Καρμήλιον καὶ τοὺσ προφήτασ τῆσ αἰσχύνησ τετρακοσίουσ καὶ πεντήκοντα καὶ τοὺσ προφήτασ τῶν ἀλσῶν τετρακοσίου ἐσθίοντασ τράπεζαν Ἰεζάβελ. καὶ ἀπέστειλεν Ἀχαὰβ εἰσ πάντα Ἰσραὴλ καὶ ἐπισυνήγαγε πάντασ τοὺσ προφήτασ εἰσ ὄροσ τὸ Καρμήλιον. καὶ προσήγαγεν Ἠλιοὺ πρὸσ πάντασ, καὶ εἶπεν αὐτοῖσ Ἠλιού. ἕωσ πότε ὑμεῖσ χωλανεῖτε ἐπ̓ ἀμφοτέραισ ταῖσ ἰγνύαισ̣ εἰ ἔστι Κύριοσ ὁ Θεόσ, πορεύεσθε ὀπίσω αὐτοῦ. εἰ δὲ ὁ Βάαλ, πορεύεσθε ὀπίσω αὐτοῦ. καὶ οὐκ ἀπεκρίθη ὁ λαὸσ λόγον. καὶ εἶπεν Ἠλιοὺ πρὸσ τὸν λαόν. ἐγὼ ὑπολέλειμμαι προφήτησ τοῦ Κυρίου μονώτατοσ, καὶ οἱ προφῆται τοῦ Βάαλ τετρακόσιοι καὶ πεντήκοντα ἄνδρεσ, καὶ οἱ προφῆται τοῦ ἄλσουσ τετρακόσιοι. δότωσαν ἡμῖν δύο βόασ, καὶ ἐκλεξάσθωσαν ἑαυτοῖσ τὸν ἕνα καὶ μελισάτωσαν καὶ ἐπιθέτωσαν ἐπὶ τῶν ξύλων καὶ πῦρ μὴ ἐπιθέτωσαν, καὶ ἐγὼ ποιήσω τὸν βοῦν τὸν ἄλλον, καὶ πῦρ οὐ μὴ ἐπιθῶ. καὶ βοᾶτε ἐν ὀνόματι θεῶν ὑμῶν, καὶ ἐγὼ ἐπικαλέσομαι ἐν τῷ ὀνόματι Κυρίου τοῦ Θεοῦ μου, καὶ ἔσται ὁ θεὸσ ὃσ ἐὰν ἐπακούσῃ ἐν πυρί, οὗτοσ Θεόσ. καὶ ἀπεκρίθησαν πᾶσ ὁ λαὸσ καὶ εἶπον. καλὸν τὸ ρῆμα, ὃ ἐλάλησασ. καὶ εἶπεν Ἠλιοὺ τοῖσ προφήταισ τῆσ αἰσχύνησ. ἐκλέξασθε ἑαυτοῖσ τὸν μόσχον τὸν ἕνα καὶ ποιήσατε πρῶτοι, ὅτι πολλοὶ ὑμεῖσ, καὶ ἐπικαλέσασθε ἐν ὀνόματι θεοῦ ὑμῶν καὶ πῦρ μὴ ἐπιθῆτε. καὶ ἔλαβον τὸν μόσχον καὶ ἐποίησαν καὶ ἐπεκαλοῦντο ἐν ὀνόματι τοῦ Βάαλ ἐκ πρωί̈θεν ἕωσ μεσημβρίασ καὶ εἶπον. ἐπάκουσον ἡμῶν, ὁ Βάαλ, ἐπάκουσον ἡμῶν. καὶ οὐκ ἦν φωνὴ καὶ οὐκ ἦν ἀκρόασισ. καὶ διέτρεχον ἐπὶ τοῦ θυσιαστηρίου, οὗ ἐποίησαν. καὶ ἐγένετο μεσημβρία καὶ ἐμυκτήρισεν αὐτοὺσ Ἠλιοὺ ὁ Θεσβίτησ καὶ εἶπεν. ἐπικαλεῖσθε ἐν φωνῇ μεγάλῃ, ὅτι θεόσ ἐστιν, ὅτι ἀδολεσχία αὐτῷ ἐστι, καὶ ἅμα μή ποτε χρηματίζει αὐτόσ, ἢ μή ποτε καθεύδει αὐτόσ, καὶ ἐξαναστήσεται. καὶ ἐπεκαλοῦντο ἐν φωνῇ μεγάλῃ καὶ κατετέμνοντο κατὰ τὸν ἐθισμὸν αὐτῶν ἐν μαχαίραισ καὶ σειρομάσταισ ἕωσ ἐκχύσεωσ αἵματοσ ἐπ̓ αὐτούσ. καὶ ἐπροφήτευον ἕωσ οὗ παρῆλθε τὸ δειλινόν. καὶ ἐγένετο ὡσ ὁ καιρὸσ τοῦ ἀναβῆναι τὴν θυσίαν καὶ οὐκ ἦν φωνή. καὶ ἐλάλησεν Ἠλιοὺ ὁ Θεσβίτησ πρὸσ τοὺσ προφήτασ τῶν προσοχθισμάτων λέγων. μετάστητε ἀπὸ τοῦ νῦν, καὶ ἐγὼ ποιήσω τὸ ὁλοκαύτωμά μου. καὶ μετέστησαν, καὶ ἀπῆλθον. καὶ εἶπεν Ἠλιοὺ πρὸσ τὸν λαόν. προσαγάγετε πρόσ με. καὶ προσήγαγε πᾶσ ὁ λαὸσ πρὸσ αὐτόν. καὶ ἔλαβεν Ἠλιοὺ δώδεκα λίθουσ κατὰ ἀριθμὸν φυλῶν τοῦ Ἰσραήλ, ὡσ ἐλάλησε Κύριοσ πρὸσ αὐτὸν λέγων. Ἰσραὴλ ἔσται τὸ ὄνομά σου. καὶ ᾠκοδόμησε τοὺσ λίθουσ ἐν ὀνόματι Κυρίου καὶ ἰάσατο τὸ θυσιαστήριον τὸ κατεσκαμμένον, καὶ ἐποίησε θάλασσαν χωροῦσαν δύο μετρητὰσ σπέρματοσ κυκλόθεν τοῦ θυσιαστηρίου. καὶ ἐστοίβασε τὰσ σχίδακασ ἐπὶ τὸ θυσιαστήριον, ὃ ἐποίησε, καὶ ἐμέλισε τὸ ὁλοκαύτωμα καὶ ἐπέθηκεν ἐπὶ τὰσ σχίδακασ καὶ ἐστοίβασεν ἐπὶ τὸ θυσιαστήριον καὶ εἶπε. λάβετέ μοι τέσσαρασ ὑδρίασ ὕδατοσ καὶ ἐπιχέετε ἐπὶ τὸ ὁλοκαύτωμα καὶ ἐπὶ τὰσ σχίδακασ. καὶ ἐποίησαν οὕτωσ. καὶ εἶπε. δευτερώσατε. καὶ ἐδευτέρωσαν. καὶ εἶπε. τρισσώσατε. καὶ ἐτρίσσευσαν. καὶ διεπορεύετο τὸ ὕδωρ κύκλῳ τοῦ θυσιαστηρίου, καὶ τὴν θάλασσαν ἔπλησαν ὕδατοσ. καὶ ἀνεβόησεν Ἠλιοὺ εἰσ τὸν οὐρανὸν καὶ εἶπε. Κύριε ὁ Θεὸσ Ἁβραὰμ καὶ Ἰσαὰκ καὶ Ἰσραήλ, ἐπάκουσόν μου, Κύριε, ἐπάκουσόν μου σήμερον ἐν πυρί, καὶ γνώτωσαν πᾶσ ὁ λαὸσ οὗτοσ ὅτι σὺ εἶ Κύριοσ ὁ Θεὸσ Ἰσραὴλ καὶ ἐγὼ δοῦλόσ σου καὶ διὰ σὲ πεποίηκα τὰ ἔργα ταῦτα. ἐπάκουσόν μου, Κύριε, ἐπάκουσόν μου ἐν πυρί, καὶ γνώτω ὁ λαὸσ οὗτοσ, ὅτι σὺ εἶ Κύριοσ ὁ Θεὸσ καὶ σὺ ἔστρεψασ τὴν καρδίαν τοῦ λαοῦ τούτου ὀπίσω. καὶ ἔπεσε πῦρ παρὰ Κυρίου ἐκ τοῦ οὐρανοῦ καὶ κατέφαγε τὰ ὁλοκαυτώματα καὶ τὰσ σχίδακασ καὶ τὸ ὕδωρ τὸ ἐν τῇ θαλάσσῃ, καὶ τοὺσ λίθουσ καὶ τὸν χοῦν ἐξέλειξε τὸ πῦρ. καὶ ἔπεσε πᾶσ ὁ λαὸσ ἐπὶ πρόσωπον αὐτῶν καὶ εἶπον. ἀληθῶσ Κύριοσ ὁ Θεόσ, αὐτὸσ ὁ Θεόσ. καὶ εἶπεν Ἠλιοὺ πρὸσ τὸν λαόν. συλλάβετε τοὺσ προφήτασ τοῦ Βάαλ, μηδεὶσ σωθήτω ἐξ αὐτῶν. καὶ συνέλαβον αὐτούσ, καὶ κατάγει αὐτοὺσ Ἠλιοὺ εἰσ τὸν χειμάρρουν Κισσῶν καὶ ἔσφαξεν αὐτοὺσ ἐκεῖ. Καὶ εἶπεν Ἠλιοὺ τῷ Ἀχαάβ. ἀνάβηθι καὶ φάγε καὶ πίε, ὅτι φωνὴ τῶν ποδῶν τοῦ ὑετοῦ. καὶ ἀνέβη Ἀχαὰβ τοῦ φαγεῖν καὶ πιεῖν, καὶ Ἠλιοὺ ἀνέβη ἐπὶ τὸν Κάρμηλον καὶ ἔκυψεν ἐπὶ τὴν γῆν καὶ ἔθηκε τὸ πρόσωπον αὐτοῦ ἀνὰ μέσον τῶν γονάτων αὐτοῦ. καὶ εἶπε τῷ παιδαρίῳ αὐτοῦ. ἀνάβηθι καὶ ἐπίβλεψον ὁδὸν τῆσ θαλάσσησ. καὶ ἐπέβλεψεν τὸ παιδάριον καὶ εἶπεν. οὐκ ἔστιν οὐθέν. καὶ εἶπεν Ἠλιού. καὶ σὺ ἐπίστρεψον ἑπτάκισ. καὶ ἐπέστρεψε τὸ παιδάριον ἑπτάκισ. καὶ ἐγένετο ἐν τῷ ἑβδόμῳ καὶ ἰδοὺ νεφέλη μικρὰ ὡσ ἴχνοσ ἀνδρὸσ ἀνάγουσα ὕδωρ. καὶ εἶπεν. ἀνάβηθι καὶ εἶπον τῷ Ἀχαάβ. ζεῦξον τὸ ἅρμα σου καὶ κατάβηθι, μὴ καταλάβῃ σε ὁ ὑετόσ. καὶ ἐγένετο ἕωσ ὧδε καὶ ὧδε καὶ ὁ οὐρανὸσ συνεσκότασε νεφέλαισ καὶ πνεύματι, καὶ ἐγένετο ὑετὸσ μέγασ. καὶ ἔκλαιε καὶ ἐπορεύετο Ἀχαὰβ ἕωσ Ἰεζράελ. καὶ χεὶρ Κυρίου ἐπὶ τὸν Ἠλιού, καὶ συνέσφιξε τὴν ὀσφὺν αὐτοῦ καὶ ἔτρεχεν ἔμπροσθεν Ἀχαὰβ ἕωσ Ἰεζράελ.

목록

일치하는 문장이 없습니다.

SEARCH

MENU NAVIGATION