Septuagint, Liber I Regum 15:

(70인역 성경, 열왕기 상권 15:)

ΚΑΙ ἐν τῷ ὀκτωκαιδεκάτῳ ἔτει βασιλεύοντοσ Ἱεροβοὰμ υἱοῦ Ναβάτ, βασιλεύει Ἀβιοὺ υἱὸσ Ροβοὰμ ἐπὶ Ἰούδαν. καὶ τρία ἔτη ἐβασίλευσεν ἐπὶ Ἱερουσαλήμ, καὶ ὄνομα τῆσ μητρὸσ αὐτοῦ Μααχά, θυγάτηρ Ἀβεσσαλώμ, καὶ ἐπορεύθη ἐν ταῖσ ἁμαρτίαισ τοῦ πατρὸσ αὐτοῦ, αἷσ ἐποίησεν ἐνώπιον αὐτοῦ, καὶ οὐκ ἦν ἡ καρδία αὐτοῦ τελεία μετὰ Κυρίου Θεοῦ αὐτοῦ ὡσ ἡ καρδία τοῦ πατρὸσ αὐτοῦ. ὅτι διὰ Δαυὶδ ἔδωκεν αὐτῷ Κύριοσ κατάλειμμα, ἵνα στήσῃ τὰ τέκνα αὐτοῦ μετ̓ αὐτὸν καὶ στήσῃ τὴν Ἱερουσαλήμ, ὡσ ἐποίησε Δαυὶδ τὸ εὐθὲσ ἐνώπιον Κυρίου, οὐκ ἐξέκλινεν ἀπὸ πάντων, ὧν ἐνετείλατο αὐτῷ, πάσασ τὰσ ἡμέρασ τῆσ ζωῆσ αὐτοῦ. καὶ τὰ λοιπὰ τῶν λόγων Ἀβιοὺ τὰ πάντα, ἃ ἐποίησεν, οὐκ ἰδοὺ ταῦτα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰούδα̣ καὶ πόλεμοσ ἦν ἀνὰ μέσον Ἀβιοὺ καὶ ἀνὰ μέσον Ἱεροβοάμ. καὶ ἐκοιμήθη Ἀβιοὺ μετὰ τῶν πατέρων αὐτοῦ ἐν τῷ εἰκοστῷ καὶ τετάρτῳ ἔτει τοῦ Ἱεροβοὰμ καὶ θάπτεται μετὰ τῶν πατέρων αὐτοῦ ἐν πόλει Δαυίδ, καὶ βασιλεύει Ἀσὰ υἱὸσ αὐτοῦ ἀντ̓ αὐτοῦ. Ἐν τῷ ἐνιαυτῷ τετάρτῳ καὶ εἰκοστῷ τοῦ Ἱεροβοὰμ βασιλέωσ Ἰσραὴλ βασιλεύει Ἀσὰ ἐπὶ Ἰούδαν καὶ τεσσαράκοντα καὶ ἓν ἔτοσ ἐβασίλευσεν ἐν Ἱερουσαλήμ, καὶ ὄνομα τῆσ μητρὸσ αὐτοῦ Ἀνὰ θυγάτηρ Ἀβεσσαλώμ. καὶ ἐποίησεν Ἀσὰ τὸ εὐθὲσ ἐνώπιον Κυρίου ὡσ Δαυὶδ ὁ πατὴρ αὐτοῦ. καὶ ἀφεῖλε τὰσ τελετὰσ ἀπὸ τῆσ γῆσ καὶ ἐξαπέστειλε πάντα τὰ ἐπιτηδεύματα, ἃ ἐποίησαν οἱ πατέρεσ αὐτοῦ. καὶ τὴν Ἀνὰ τὴν μητέρα ἑαυτοῦ μετέστησε τοῦ μὴ εἶναι ἡγουμένην, καθὼσ ἐποίησε σύνοδον ἐν τῷ ἄλσει αὐτῆσ, καὶ ἐξέκοψεν Ἀσὰ τὰσ καταδύσεισ αὐτῆσ καὶ ἐνέπρησε πυρὶ ἐν τῷ χειμάρρῳ Κέδρων. τὰ δὲ ὑψηλὰ οὐκ ἐξῇρε. πλὴν ἡ καρδία Ἀσὰ ἦν τελεία μετὰ Κυρίου πάσασ τὰσ ἡμέρασ αὐτοῦ. καὶ εἰσήνεγκε τοὺσ κίονασ τοῦ πατρὸσ αὐτοῦ καὶ τοὺσ κίονασ αὐτοῦ εἰσήνεγκεν εἰσ τὸν οἶκον Κυρίου, ἀργυροῦσ καὶ χρυσοῦσ καὶ σκεύη. καὶ πόλεμοσ ἦν ἀνὰ μέσον Ἀσὰ καὶ ἀνὰ μέσον Βαασὰ βασιλέωσ Ἰσραὴλ πάσασ τὰσ ἡμέρασ αὐτῶν. καὶ ἀνέβη Βαασὰ βασιλεὺσ Ἰσραὴλ ἐπὶ Ἰούδαν καὶ ᾠκοδόμησε τὴν Ραμὰ τοῦ μὴ εἶναι ἐκπορευόμενον καὶ εἰσπορευόμενον τῷ Ἀσὰ βασιλεῖ Ἰούδα. καὶ ἔλαβεν Ἀσὰ σύμπαν τὸ ἀργύριον καὶ τὸ χρυσίον τὸ εὑρεθὲν ἐν τοῖσ θησαυροῖσ οἴκου Κυρίου καὶ ἐν τοῖσ θησαυροῖσ τοῦ οἴκου τοῦ βασιλέωσ καὶ ἔδωκεν αὐτὰ εἰσ χεῖρασ παίδων αὐτοῦ, καὶ ἐξαπέστειλεν αὐτοὺσ ὁ βασιλεὺσ Ἀσὰ πρὸσ υἱὸν Ἄδερ υἱὸν Ταβερεμμὰν υἱοῦ Ἀζὶν βασιλέωσ Συρίασ τοῦ κατοικοῦντοσ ἐν Δαμασκῷ λέγων. διάθου διαθήκην ἀνὰ μέσον ἐμοῦ καὶ ἀνὰ μέσον σοῦ καὶ ἀνὰ μέσον τοῦ πατρόσ μου καὶ τοῦ πατρόσ σου. ἰδοὺ ἐξαπέσταλκά σοι δῶρα ἀργύριον καὶ χρυσίον, δεῦρο διασκέδασον τὴν διαθήκην σου τὴν πρὸσ Βαασὰ βασιλέα Ἰσραήλ, καὶ ἀναβήσεται ἀπ̓ ἐμοῦ. καὶ ἤκουσεν υἱὸσ Ἄδερ τοῦ βασιλέωσ Ἀσὰ καὶ ἀπέστειλε τοὺσ ἄρχοντασ τῶν δυνάμεων αὐτοῦ ταῖσ πόλεσι τοῦ Ἰσραὴλ καὶ ἐπάταξαν τὴν Αἴ̈ν, τὴν Δὰν καὶ τὴν Ἀβελμαὰ καὶ πᾶσαν τὴν Χεννερὲθ ἕωσ πάσησ τῆσ γῆσ Νεφθαλί. καὶ ἐγένετο ὡσ ἤκουσε Βαασά, καὶ διέλιπε τοῦ οἰκοδομεῖν τὴν Ραμὰ καὶ ἀνέστρεψεν εἰσ Θερσά. καὶ ὁ βασιλεὺσ Ἀσὰ παρήγγειλε παντὶ Ἰούδα εἰσ Αἰνακίμ, καὶ αἴρουσι τοὺσ λίθουσ τῆσ Ραμὰ καὶ τὰ ξύλα αὐτῆσ, ἃ ᾠκοδόμησε Βαασά, καὶ ᾠκοδόμησεν ἐν αὐτοῖσ ὁ βασιλεὺσ Ἀσὰ πᾶν βουνὸν Βενιαμὶν καὶ τὴν σκοπιάν. καὶ τὰ λοιπὰ τῶν λόγων Ἀσὰ καὶ πᾶσα ἡ δυναστεία αὐτοῦ, ἣν ἐποίησε, καὶ τὰσ πόλεισ, ἃσ ᾠκοδόμησεν, οὐκ ἰδοὺ ταῦτα γεγραμμένα ἐστὶν ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰούδα̣ πλὴν ἐν τῷ καιρῷ τοῦ γήρωσ αὐτοῦ ἐπόνεσε τοὺσ πόδασ αὐτοῦ. καὶ ἐκοιμήθη Ἀσὰ μετὰ τῶν πατέρων αὐτοῦ καὶ θάπτεται μετὰ τῶν πατέρων αὐτοῦ ἐν πόλει Δαυὶδ πατρὸσ αὐτοῦ, καὶ βασιλεύει Ἰωσαφὰτ υἱὸσ αὐτοῦ ἀντ̓ αὐτοῦ. Καὶ Ναδὰβ υἱὸσ Ἱεροβοὰμ βασιλεύει ἐπὶ Ἰσραήλ ἐν ἔτει δευτέρῳ τοῦ Ἀσὰ βασιλέωσ Ἰούδα καὶ ἐβασίλευσεν ἐν Ἰσραὴλ ἔτη δύο. καὶ ἐποίησε τὸ πονηρὸν ἐνώπιον Κυρίου καὶ ἐπορεύθη ἐν ὁδῷ τοῦ πατρὸσ αὐτοῦ καὶ ἐν ταῖσ ἁμαρτίαισ αὐτοῦ, αἷσ ἐξήμαρτε τὸν Ἰσραὴλ. καὶ περιεκάθισεν αὐτὸν Βαασὰ υἱὸσ Ἀχιὰ ἐπὶ τὸν οἶκον Βελαὰν καὶ ἐχάραξεν αὐτὸν ἐν Γαβαθὼν τῇ τῶν ἀλλοφύλων, καὶ Ναδὰβ καὶ πᾶσ Ἰσραὴλ περιεκάθητο ἐπὶ Γαβαθών. καὶ ἐθανάτωσεν αὐτὸν Βαασὰ ἐν ἔτει τρίτῳ τοῦ Ἀσὰ υἱοῦ Ἀβιοὺ βασιλέωσ Ἰούδα καὶ ἐβασίλευσεν ἀντ̓ αὐτοῦ. καὶ ἐγένετο ὡσ ἐβασίλευσε, καὶ ἐπάταξεν ὅλον τὸν οἶκον Ἱεροβοὰμ καὶ οὐχ ὑπελίπετο πᾶσαν πνοὴν τοῦ Ἱεροβοὰμ ἕωσ τοῦ ἐξολοθρεῦσαι αὐτὸν κατὰ τὸ ρῆμα Κυρίου, ὃ ἐλάλησεν ἐν χειρὶ δούλου αὐτοῦ Ἀχιὰ τοῦ Σηλωνίτου περὶ τῶν ἁμαρτιῶν Ἱεροβοάμ, ὡσ ἐξήμαρτε τὸν Ἰσραήλ, καὶ ἐν τῷ παροργισμῷ αὐτοῦ, ᾧ παρώργισε τὸν Κύριον Θεὸν τοῦ Ἰσραήλ. καὶ τὰ λοιπὰ τῶν λόγων Ναδὰβ καὶ πάντα, ἃ ἐποίησεν, οὐκ ἰδοὺ ταῦτα γεγραμμένα ἐστὶν ἐν βιβλίῳ λόγων τῶν ἡμερῶν τοῖσ βασιλεῦσιν Ἰσραήλ̣ Καὶ ἐν τῷ ἔτει τῷ τρίτῳ τοῦ Ἀσὰ βασιλέωσ Ἰούδα βασιλεύει Βαασὰ υἱὸσ Ἀχιὰ ἐπὶ Ἰσραὴλ ἐν Θερσὰ εἴκοσι καὶ τέσσαρα ἔτη. καὶ ἐποίησε τὸ πονηρὸν ἐνώπιον Κυρίου καὶ ἐπορεύθη ἐν ὁδῷ Ἱεροβοὰμ υἱοῦ Ναβὰτ καὶ ἐν ταῖσ ἁμαρτίαισ αὐτοῦ, ὡσ ἐξήμαρτε τὸν Ἰσραήλ.

목록

일치하는 문장이 없습니다.

SEARCH

MENU NAVIGATION