헬라어 문장 검색 - Σεπτύ011́014́

(70인역 성경, 열왕기 상권 14:)

ΚΑΙ Ροβοὰμ υἱὸσ Σαλωμὼν ἐβασίλευσεν ἐπὶ Ἰούδαν. υἱὸσ τεσσαράκοντα καὶ ἑνὸσ ἐνιαυτῶν Ροβοὰμ ἐν τῷ βασιλεύειν αὐτὸν καὶ ἑπτακαίδεκα ἔτη ἐβασίλευσεν ἐν Ἱερουσαλὴμ τῇ πόλει, ἣν ἐξελέξατο Κύριοσ θέσθαι τὸ ὄνομα αὐτοῦ ἐκεῖ ἐκ πασῶν φυλῶν τοῦ Ἰσραήλ. καὶ τὸ ὄνομα τῆσ μητρὸσ αὐτοῦ Νααμὰ ἡ Ἀμμωνῖτισ. καὶ ἐποίησε Ροβοὰμ τὸ πονηρὸν ἐνώπιον Κυρίου καὶ παρεζήλωσεν αὐτὸν ἐν πᾶσιν, οἷσ ἐποίησαν οἱ πατέρεσ αὐτῶν ἐν ταῖσ ἁμαρτίαισ αὐτῶν, αἷσ ἥμαρτον, καὶ ᾠκοδόμησαν ἑαυτοῖσ ὑψηλὰ καὶ στήλασ καὶ ἄλση ἐπὶ πάντα βουνὸν ὑψηλὸν καὶ ὑποκάτω παντὸσ ξύλου συσκίου. καὶ σύνδεσμοσ ἐγενήθη ἐν τῇ γῇ, καὶ ἐποίησαν ἀπὸ πάντων τῶν βδελυγμάτων τῶν ἐθνῶν, ὧν ἐξῇρε Κύριοσ ἀπὸ προσώπου υἱῶν Ἰσραήλ. καὶ ἐγένετο ἐν τῷ ἐνιαυτῷ τῷ πέμπτῳ βασιλεύοντοσ Ροβοάμ, ἀνέβη Σουσακὶμ βασιλεὺσ Αἰγύπτου ἐπὶ Ἱερουσαλὴμ καὶ ἔλαβε πάντασ τοὺσ θησαυροὺσ οἴκου τοῦ βασιλέωσ καὶ τὰ δόρατα τὰ χρυσᾶ, ἃ ἔλαβε Δαυὶδ ἐκ χειρὸσ τῶν παίδων Ἀδραζὰρ βασιλέωσ Σουβά, καὶ εἰσήνεγκεν αὐτὰ εἰσ Ἱερουσαλὴμ τὰ πάντα, ἃ ἔλαβεν, ὅπλα τὰ χρυσᾶ, ὅσα ἐποίησε Σαλωμών, καὶ ἐπήνεγκεν αὐτὰ εἰσ Αἴγυπτον. καὶ ἐποίησε Ροβοὰμ ὁ βασιλεὺσ ὅπλα χαλκᾶ ἀντ̓ αὐτῶν. καὶ ἐπέθεντο ἐπ̓ αὐτὸν οἱ ἡγούμενοι τῶν παρατρεχόντων οἱ φυλάσσοντεσ τὸν πυλῶνα οἴκου βασιλέωσ. καὶ ἐγένετο ὅτε εἰσεπορεύετο ὁ βασιλεὺσ εἰσ οἶκον Κυρίου, καὶ ᾖρον αὐτὰ οἱ παρατρέχοντεσ καὶ ἀπηρείδοντο αὐτὰ εἰσ τὸ θεὲ τῶν παρατρεχόντων. καὶ τὰ λοιπὰ τῶν λόγων Ροβοὰμ καὶ πάντα, ἃ ἐποίησεν, οὐκ ἰδοὺ ταῦτα γεγραμμένα ἐν βιβλίῳ λόγων τῶν ἡμερῶν τοῖσ βασιλεῦσιν Ἰούδα̣ καὶ πόλεμοσ ἦν ἀνὰ μέσον Ροβοὰμ καὶ ἀνὰ μέσον Ἱεροβοὰμ πάσασ τὰσ ἡμέρασ. καὶ ἐκοιμήθη Ροβοὰμ μετὰ τῶν πατέρων αὐτοῦ καὶ θάπτεται μετὰ τῶν πατέρων αὐτοῦ ἐν πόλει Δαυίδ, καὶ ἐβασίλευσεν Ἀβιοὺ ὁ υἱὸσ αὐτοῦ ἀντ̓ αὐτοῦ. Ἐν τῷ καιρῷ ἐκείνῳ ἠρρώστησεν Ἀβιὰ υἱὸσ Ἱεροβοὰμ καὶ εἶπεν ὁ Ἱεροβοὰμ πρὸσ τὴν γυναῖκα αὐτοῦ. ἀνάστηθι καὶ ἀλλοιωθήσῃ, καὶ οὐ γνώσονται ὅτι σὺ γυνὴ Ἱεροβοάμ, καὶ πορευθήσῃ εἰσ Σηλώ. καὶ ἰδοὺ ἐκεῖ Ἀχιὰ ὁ προφήτησ, αὐτὸσ ἐλάλησεν ἐμὲ τοῦ βασιλεῦσαι ἐπὶ τὸν λαὸν τοῦτον. καὶ λαβὲ εἰσ τὴν χεῖρά σου τῷ ἀνθρώπῳ τοῦ Θεοῦ ἄρτουσ καὶ κολλυρίδα τοῖσ τέκνοισ αὐτοῦ καὶ σταφίδασ καὶ στάμνον μέλιτοσ, καὶ ἐλεύσῃ πρὸσ αὐτόν. αὐτὸσ ἀναγγείλῃ σοι τί ἔσται τῷ παιδί. καὶ ἐποίησεν οὕτωσ γυνὴ Ἱεροβοάμ. καὶ ἀνέστη καὶ ἐπορεύθη εἰσ Σηλώ, καὶ εἰσῆλθεν ἐν οἴκῳ Ἀχιά. καὶ ὁ ἄνθρωποσ πρεσβύτεροσ τοῦ ἰδεῖν, καὶ ἠμβλυώπουν οἱ ὀφθαλμοὶ αὐτοῦ ἀπὸ γήρουσ αὐτοῦ. καὶ Κύριοσ εἶπε πρὸσ Ἀχιά. ἰδοὺ γυνὴ τοῦ Ἱεροβοὰμ εἰσέρχεται τοῦ ἐκζητῆσαι ρῆμα παρὰ σοῦ περὶ υἱοῦ αὐτῆσ, ὅτι ἄρρωστόσ ἐστι. κατὰ τοῦτο καὶ κατὰ τοῦτο λαλήσεισ πρὸσ αὐτήν. καὶ ἐγένετο ἐν τῷ εἰσέρχεσθαι αὐτὴν καὶ αὐτὴ ἀπεξενοῦτο. καὶ ἐγένετο ὡσ ἤκουσεν Ἀχιὰ τὴν φωνὴν ποδῶν αὐτῆσ, εἰσερχομένησ αὐτῆσ ἐν τῷ ἀνοίγματι, καὶ εἶπεν. εἴσελθε, γυνὴ Ἱεροβοάμ. ἱνατί σὺ τοῦτο ἀποξενοῦσαι̣ καὶ ἐγώ εἰμι ἀπόστολοσ πρόσ σε σκληρόσ. πορευθεῖσα εἰπὸν τῷ Ἱεροβοάμ. τάδε λέγει Κύριοσ ὁ Θεὸσ Ἰσραήλ. ἀνθ̓ οὗ ὅσον ὕψωσά σε ἀπὸ μέσου λαοῦ καὶ ἔδωκά σε ἡγούμενον ἐπὶ τὸν λαόν μου Ἰσραήλ, καὶ ἔρρηξα σὺν τὸ βασίλειον ἀπὸ τοῦ οἶκου Δαυὶδ καὶ ἔδωκα αὐτό σοι καὶ οὐκ ἐγένου ὡσ ὁ δοῦλόσ μου Δαυίδ, ὃσ ἐφύλαξε τὰσ ἐντολάσ μου καὶ ὃσ ἐπορεύθη ὀπίσω μου ἐν πάσῃ καρδίᾳ αὐτοῦ ποιῆσαι ἕκαστοσ τὸ εὐθὲσ ἐν ὀφθαλμοῖσ μου καὶ ἐπονηρεύσω τοῦ ποιῆσαι παρὰ παντόσ, ὅσοι ἐγένοντο εἰσ πρόσωπόν σου καὶ ἐπορεύθησ καὶ ἐποίησασ σεαυτῷ θεοὺσ ἑτέρουσ χωνευτὰ τοῦ παροργίσαι με καὶ ἐμὲ ἔρριψασ ὀπίσω σώματόσ σου. διὰ τοῦτο ἐγὼ ἄγω κακίαν πρόσ σε εἰσ οἶκον Ἱεροβοάμ. ἐξολοθρεύσω τοῦ Ἱεροβοὰμ οὐροῦντα πρὸσ τοῖχον ἐχόμενον καὶ ἐγκαταλελειμμένον ἐν Ἰσραὴλ καὶ ἐπιλέξω οἴκου Ἱεροβοάμ, καθὼσ ἐπιλέγεται ἡ κόπροσ, ὡσ τελειωθῆναι αὐτόν. οἱ τεθνηκότεσ τοῦ Ἱεροβοὰμ ἐν τῇ πόλει, καταφάγονται οἱ κύνεσ, καὶ τὸν τεθνηκότα ἐν τῷ ἀγρῷ καταφάγονται τὰ πετεινὰ τοῦ οὐρανοῦ, ὅτι Κύριοσ ἐλάλησε. καὶ σὺ ἀναστᾶσα πορεύθητι εἰσ τὸν οἶκόν σου. ἐν τῷ εἰσέρχεσθαι πόδα σου τὴν πόλιν, ἀποθανεῖται τὸ παιδάριον. καὶ κόψονται αὐτὸν πᾶσ Ἰσραὴλ καὶ θάψουσιν αὐτόν, ὅτι οὗτοσ μόνοσ εἰσελεύσεται τῷ Ἱεροβοὰμ πρὸσ τάφον, ὅτι εὑρέθη ἐν αὐτῷ ρῆμα καλὸν περὶ τοῦ Κυρίου Θεοῦ Ἰσραὴλ ἐν οἴκῳ Ἱεροβοάμ. καὶ ἀναστήσει Κύριοσ ἑαυτῷ βασιλέα ἐπὶ Ἰσραήλ, ὃσ πλήξει τὸν οἶκον Ἱεροβοάμ ταύτῃ τῇ ἡμέρᾳ. καὶ τί καὶ νῦν̣ Κύριοσ πλήξει τὸν Ἰσραήλ, καθὰ κινεῖται ὁ ἄνεμοσ ἐν τῷ ὕδατι, καὶ ἐκτελεῖ τὸν Ἰσραὴλ ἀπὸ ἄνω τῆσ χθονὸσ τῆσ ἀγαθῆσ ταύτησ, ἧσ ἔδωκε τοῖσ πατράσιν αὐτῶν, καὶ λικμήσει αὐτοὺσ ἀπὸ πέραν τοῦ ποταμοῦ. ἀνθ̓ οὗ ὅσον ἐποίησαν τὰ ἄλση αὐτῶν παροργίζοντεσ τὸν Κύριον. καὶ παραδώσει Κύριοσ τὸν Ἰσραὴλ χάριν ἁμαρτιῶν Ἱεροβοάμ, ὃσ ἥμαρτε καὶ ὃσ ἐξήμαρτε τὸν Ἰσραήλ. καὶ ἀνέστη ἡ γυνὴ Ἱεροβοὰμ καὶ ἐπορεύθη εἰσ γῆν Σαριρά. καὶ ἐγένετο ὡσ εἰσῆλθεν ἐν τῷ προθύρῳ τοῦ οἴκου καὶ τὸ παιδάριον ἀπέθανε. καὶ ἔθαψαν αὐτὸν καὶ ἐκόψαντο αὐτὸν πᾶσ Ἰσραήλ, κατὰ τὸ ρῆμα Κυρίου, ὃ ἐλάλησεν ἐν χειρὶ δούλου αὐτοῦ Ἀχιὰ τοῦ προφήτου. καὶ περισσὸν ρημάτων Ἱεροβοάμ, ὅσα ἐπολέμησε καὶ ὅσα ἐβασίλευσεν, ἰδοὺ αὐτὰ γεγραμμένα ἐπὶ βιβλίου ρημάτων τῶν ἡμερῶν τῶν βασιλέων Ἰσραὴλ. καὶ αἱ ἡμέραι, ἃσ ἐβασίλευσεν Ἱεροβοὰμ εἴκοσι δύο ἔτη. καὶ ἐκοιμήθη μετὰ τῶν πατέρων αὐτοῦ καὶ ἐβασίλευσε Ναβὰτ υἱὸσ αὐτοῦ ἀντ̓ αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Regum 14:

(70인역 성경, 열왕기 상권 14:)

목록

SEARCH

MENU NAVIGATION