Septuagint, Liber I Regum 14:

(70인역 성경, 열왕기 상권 14:)

ΚΑΙ Ροβοὰμ υἱὸσ Σαλωμὼν ἐβασίλευσεν ἐπὶ Ἰούδαν. υἱὸσ τεσσαράκοντα καὶ ἑνὸσ ἐνιαυτῶν Ροβοὰμ ἐν τῷ βασιλεύειν αὐτὸν καὶ ἑπτακαίδεκα ἔτη ἐβασίλευσεν ἐν Ἱερουσαλὴμ τῇ πόλει, ἣν ἐξελέξατο Κύριοσ θέσθαι τὸ ὄνομα αὐτοῦ ἐκεῖ ἐκ πασῶν φυλῶν τοῦ Ἰσραήλ. καὶ τὸ ὄνομα τῆσ μητρὸσ αὐτοῦ Νααμὰ ἡ Ἀμμωνῖτισ. καὶ ἐποίησε Ροβοὰμ τὸ πονηρὸν ἐνώπιον Κυρίου καὶ παρεζήλωσεν αὐτὸν ἐν πᾶσιν, οἷσ ἐποίησαν οἱ πατέρεσ αὐτῶν ἐν ταῖσ ἁμαρτίαισ αὐτῶν, αἷσ ἥμαρτον, καὶ ᾠκοδόμησαν ἑαυτοῖσ ὑψηλὰ καὶ στήλασ καὶ ἄλση ἐπὶ πάντα βουνὸν ὑψηλὸν καὶ ὑποκάτω παντὸσ ξύλου συσκίου. καὶ σύνδεσμοσ ἐγενήθη ἐν τῇ γῇ, καὶ ἐποίησαν ἀπὸ πάντων τῶν βδελυγμάτων τῶν ἐθνῶν, ὧν ἐξῇρε Κύριοσ ἀπὸ προσώπου υἱῶν Ἰσραήλ. καὶ ἐγένετο ἐν τῷ ἐνιαυτῷ τῷ πέμπτῳ βασιλεύοντοσ Ροβοάμ, ἀνέβη Σουσακὶμ βασιλεὺσ Αἰγύπτου ἐπὶ Ἱερουσαλὴμ καὶ ἔλαβε πάντασ τοὺσ θησαυροὺσ οἴκου τοῦ βασιλέωσ καὶ τὰ δόρατα τὰ χρυσᾶ, ἃ ἔλαβε Δαυὶδ ἐκ χειρὸσ τῶν παίδων Ἀδραζὰρ βασιλέωσ Σουβά, καὶ εἰσήνεγκεν αὐτὰ εἰσ Ἱερουσαλὴμ τὰ πάντα, ἃ ἔλαβεν, ὅπλα τὰ χρυσᾶ, ὅσα ἐποίησε Σαλωμών, καὶ ἐπήνεγκεν αὐτὰ εἰσ Αἴγυπτον. καὶ ἐποίησε Ροβοὰμ ὁ βασιλεὺσ ὅπλα χαλκᾶ ἀντ̓ αὐτῶν. καὶ ἐπέθεντο ἐπ̓ αὐτὸν οἱ ἡγούμενοι τῶν παρατρεχόντων οἱ φυλάσσοντεσ τὸν πυλῶνα οἴκου βασιλέωσ. καὶ ἐγένετο ὅτε εἰσεπορεύετο ὁ βασιλεὺσ εἰσ οἶκον Κυρίου, καὶ ᾖρον αὐτὰ οἱ παρατρέχοντεσ καὶ ἀπηρείδοντο αὐτὰ εἰσ τὸ θεὲ τῶν παρατρεχόντων. καὶ τὰ λοιπὰ τῶν λόγων Ροβοὰμ καὶ πάντα, ἃ ἐποίησεν, οὐκ ἰδοὺ ταῦτα γεγραμμένα ἐν βιβλίῳ λόγων τῶν ἡμερῶν τοῖσ βασιλεῦσιν Ἰούδα̣ καὶ πόλεμοσ ἦν ἀνὰ μέσον Ροβοὰμ καὶ ἀνὰ μέσον Ἱεροβοὰμ πάσασ τὰσ ἡμέρασ. καὶ ἐκοιμήθη Ροβοὰμ μετὰ τῶν πατέρων αὐτοῦ καὶ θάπτεται μετὰ τῶν πατέρων αὐτοῦ ἐν πόλει Δαυίδ, καὶ ἐβασίλευσεν Ἀβιοὺ ὁ υἱὸσ αὐτοῦ ἀντ̓ αὐτοῦ. Ἐν τῷ καιρῷ ἐκείνῳ ἠρρώστησεν Ἀβιὰ υἱὸσ Ἱεροβοὰμ καὶ εἶπεν ὁ Ἱεροβοὰμ πρὸσ τὴν γυναῖκα αὐτοῦ. ἀνάστηθι καὶ ἀλλοιωθήσῃ, καὶ οὐ γνώσονται ὅτι σὺ γυνὴ Ἱεροβοάμ, καὶ πορευθήσῃ εἰσ Σηλώ. καὶ ἰδοὺ ἐκεῖ Ἀχιὰ ὁ προφήτησ, αὐτὸσ ἐλάλησεν ἐμὲ τοῦ βασιλεῦσαι ἐπὶ τὸν λαὸν τοῦτον. καὶ λαβὲ εἰσ τὴν χεῖρά σου τῷ ἀνθρώπῳ τοῦ Θεοῦ ἄρτουσ καὶ κολλυρίδα τοῖσ τέκνοισ αὐτοῦ καὶ σταφίδασ καὶ στάμνον μέλιτοσ, καὶ ἐλεύσῃ πρὸσ αὐτόν. αὐτὸσ ἀναγγείλῃ σοι τί ἔσται τῷ παιδί. καὶ ἐποίησεν οὕτωσ γυνὴ Ἱεροβοάμ. καὶ ἀνέστη καὶ ἐπορεύθη εἰσ Σηλώ, καὶ εἰσῆλθεν ἐν οἴκῳ Ἀχιά. καὶ ὁ ἄνθρωποσ πρεσβύτεροσ τοῦ ἰδεῖν, καὶ ἠμβλυώπουν οἱ ὀφθαλμοὶ αὐτοῦ ἀπὸ γήρουσ αὐτοῦ. καὶ Κύριοσ εἶπε πρὸσ Ἀχιά. ἰδοὺ γυνὴ τοῦ Ἱεροβοὰμ εἰσέρχεται τοῦ ἐκζητῆσαι ρῆμα παρὰ σοῦ περὶ υἱοῦ αὐτῆσ, ὅτι ἄρρωστόσ ἐστι. κατὰ τοῦτο καὶ κατὰ τοῦτο λαλήσεισ πρὸσ αὐτήν. καὶ ἐγένετο ἐν τῷ εἰσέρχεσθαι αὐτὴν καὶ αὐτὴ ἀπεξενοῦτο. καὶ ἐγένετο ὡσ ἤκουσεν Ἀχιὰ τὴν φωνὴν ποδῶν αὐτῆσ, εἰσερχομένησ αὐτῆσ ἐν τῷ ἀνοίγματι, καὶ εἶπεν. εἴσελθε, γυνὴ Ἱεροβοάμ. ἱνατί σὺ τοῦτο ἀποξενοῦσαι̣ καὶ ἐγώ εἰμι ἀπόστολοσ πρόσ σε σκληρόσ. πορευθεῖσα εἰπὸν τῷ Ἱεροβοάμ. τάδε λέγει Κύριοσ ὁ Θεὸσ Ἰσραήλ. ἀνθ̓ οὗ ὅσον ὕψωσά σε ἀπὸ μέσου λαοῦ καὶ ἔδωκά σε ἡγούμενον ἐπὶ τὸν λαόν μου Ἰσραήλ, καὶ ἔρρηξα σὺν τὸ βασίλειον ἀπὸ τοῦ οἶκου Δαυὶδ καὶ ἔδωκα αὐτό σοι καὶ οὐκ ἐγένου ὡσ ὁ δοῦλόσ μου Δαυίδ, ὃσ ἐφύλαξε τὰσ ἐντολάσ μου καὶ ὃσ ἐπορεύθη ὀπίσω μου ἐν πάσῃ καρδίᾳ αὐτοῦ ποιῆσαι ἕκαστοσ τὸ εὐθὲσ ἐν ὀφθαλμοῖσ μου καὶ ἐπονηρεύσω τοῦ ποιῆσαι παρὰ παντόσ, ὅσοι ἐγένοντο εἰσ πρόσωπόν σου καὶ ἐπορεύθησ καὶ ἐποίησασ σεαυτῷ θεοὺσ ἑτέρουσ χωνευτὰ τοῦ παροργίσαι με καὶ ἐμὲ ἔρριψασ ὀπίσω σώματόσ σου. διὰ τοῦτο ἐγὼ ἄγω κακίαν πρόσ σε εἰσ οἶκον Ἱεροβοάμ. ἐξολοθρεύσω τοῦ Ἱεροβοὰμ οὐροῦντα πρὸσ τοῖχον ἐχόμενον καὶ ἐγκαταλελειμμένον ἐν Ἰσραὴλ καὶ ἐπιλέξω οἴκου Ἱεροβοάμ, καθὼσ ἐπιλέγεται ἡ κόπροσ, ὡσ τελειωθῆναι αὐτόν. οἱ τεθνηκότεσ τοῦ Ἱεροβοὰμ ἐν τῇ πόλει, καταφάγονται οἱ κύνεσ, καὶ τὸν τεθνηκότα ἐν τῷ ἀγρῷ καταφάγονται τὰ πετεινὰ τοῦ οὐρανοῦ, ὅτι Κύριοσ ἐλάλησε. καὶ σὺ ἀναστᾶσα πορεύθητι εἰσ τὸν οἶκόν σου. ἐν τῷ εἰσέρχεσθαι πόδα σου τὴν πόλιν, ἀποθανεῖται τὸ παιδάριον. καὶ κόψονται αὐτὸν πᾶσ Ἰσραὴλ καὶ θάψουσιν αὐτόν, ὅτι οὗτοσ μόνοσ εἰσελεύσεται τῷ Ἱεροβοὰμ πρὸσ τάφον, ὅτι εὑρέθη ἐν αὐτῷ ρῆμα καλὸν περὶ τοῦ Κυρίου Θεοῦ Ἰσραὴλ ἐν οἴκῳ Ἱεροβοάμ. καὶ ἀναστήσει Κύριοσ ἑαυτῷ βασιλέα ἐπὶ Ἰσραήλ, ὃσ πλήξει τὸν οἶκον Ἱεροβοάμ ταύτῃ τῇ ἡμέρᾳ. καὶ τί καὶ νῦν̣ Κύριοσ πλήξει τὸν Ἰσραήλ, καθὰ κινεῖται ὁ ἄνεμοσ ἐν τῷ ὕδατι, καὶ ἐκτελεῖ τὸν Ἰσραὴλ ἀπὸ ἄνω τῆσ χθονὸσ τῆσ ἀγαθῆσ ταύτησ, ἧσ ἔδωκε τοῖσ πατράσιν αὐτῶν, καὶ λικμήσει αὐτοὺσ ἀπὸ πέραν τοῦ ποταμοῦ. ἀνθ̓ οὗ ὅσον ἐποίησαν τὰ ἄλση αὐτῶν παροργίζοντεσ τὸν Κύριον. καὶ παραδώσει Κύριοσ τὸν Ἰσραὴλ χάριν ἁμαρτιῶν Ἱεροβοάμ, ὃσ ἥμαρτε καὶ ὃσ ἐξήμαρτε τὸν Ἰσραήλ. καὶ ἀνέστη ἡ γυνὴ Ἱεροβοὰμ καὶ ἐπορεύθη εἰσ γῆν Σαριρά. καὶ ἐγένετο ὡσ εἰσῆλθεν ἐν τῷ προθύρῳ τοῦ οἴκου καὶ τὸ παιδάριον ἀπέθανε. καὶ ἔθαψαν αὐτὸν καὶ ἐκόψαντο αὐτὸν πᾶσ Ἰσραήλ, κατὰ τὸ ρῆμα Κυρίου, ὃ ἐλάλησεν ἐν χειρὶ δούλου αὐτοῦ Ἀχιὰ τοῦ προφήτου. καὶ περισσὸν ρημάτων Ἱεροβοάμ, ὅσα ἐπολέμησε καὶ ὅσα ἐβασίλευσεν, ἰδοὺ αὐτὰ γεγραμμένα ἐπὶ βιβλίου ρημάτων τῶν ἡμερῶν τῶν βασιλέων Ἰσραὴλ. καὶ αἱ ἡμέραι, ἃσ ἐβασίλευσεν Ἱεροβοὰμ εἴκοσι δύο ἔτη. καὶ ἐκοιμήθη μετὰ τῶν πατέρων αὐτοῦ καὶ ἐβασίλευσε Ναβὰτ υἱὸσ αὐτοῦ ἀντ̓ αὐτοῦ.

목록

일치하는 문장이 없습니다.

SEARCH

MENU NAVIGATION