헬라어 문장 검색 - Σεπτύ011́013́

(70인역 성경, 열왕기 상권 13:)

ΚΑΙ ἰδοὺ ἄνθρωποσ τοῦ Θεοῦ ἐξ Ἰούδα παρεγένετο ἐν λόγῳ Κυρίου εἰσ Βαιθήλ, καὶ Ἱεροβοὰμ εἱστήκει ἐπὶ τὸ θυσιαστήριον ἐπιθῦσαι. καὶ ἐπεκάλεσε πρὸσ τὸ θυσιαστήριον ἐν λόγῳ Κυρίου καὶ εἶπε. θυσιαστήριον θυσιαστήριον, τάδε λέγει Κύριοσ. ἰδοὺ υἱὸσ τίκτεται τῷ οἴκῳ Δαυίδ, Ἰωσίασ ὄνομα αὐτῷ, καὶ θύσει ἐπὶ σὲ τοὺσ ἱερεῖσ τῶν ὑψηλῶν τοὺσ ἐπιθύοντασ ἐπὶ σὲ καὶ ὀστᾶ ἀνθρώπων καύσει ἐπὶ σέ. καὶ δώσει ἐν τῇ ἡμέρᾳ ἐκείνῃ τέρασ λέγων. τοῦτο τὸ ρῆμα ὃ ἐλάλησε Κύριοσ λέγων. ἰδοὺ τὸ θυσιαστήριον ρήγνυται, καὶ ἐκχυθήσεται ἡ πιότησ ἡ ἐπ̓ αὐτῷ. καὶ ἐγένετο ὡσ ἤκουσεν ὁ βασιλεὺσ Ἱεροβοὰμ τῶν λόγων τοῦ ἀνθρώπου τοῦ Θεοῦ τοῦ ἐπικαλεσαμένου ἐπὶ τὸ θυσιαστήριον τὸ ἐν Βαιθήλ, καὶ ἐξέτεινεν ὁ βασιλεὺσ τὴν χεῖρα αὐτοῦ ἀπὸ τοῦ θυσιαστηρίου λέγων. συλλάβετε αὐτόν. καὶ ἰδοὺ ἐξηράνθη ἡ χεὶρ αὐτοῦ, ἣν ἐξέτεινεν ἐπ̓ αὐτόν, καὶ οὐκ ἐδυνήθη ἐπιστρέψαι αὐτὴν πρὸσ αὐτόν, καὶ τὸ θυσιαστήριον ἐρράγη, καὶ ἐξεχύθη ἡ πιότησ ἀπὸ τοῦ θυσιαστηρίου κατὰ τὸ τέρασ, ὃ ἔδωκεν ὁ ἄνθρωποσ τοῦ Θεοῦ ἐν λόγῳ Κυρίου. καὶ εἶπεν ὁ βασιλεὺσ Ἱεροβοὰμ τῷ ἀνθρώπῳ τοῦ Θεοῦ. δεήθητι τοῦ προσώπου Κυρίου τοῦ Θεοῦ σου, καὶ ἐπιστρεψάτω ἡ χείρ μου πρὸσ ἐμέ. καὶ ἐδεήθη ὁ ἄνθρωποσ τοῦ Θεοῦ τοῦ προσώπου Κυρίου, καὶ ἐπέστρεψε τὴν χεῖρα τοῦ βασιλέωσ πρὸσ αὐτόν, καὶ ἐγένετο καθὼσ τὸ πρότερον. καὶ ἐλάλησεν ὁ βασιλεὺσ πρὸσ τὸν ἄνθρωπον τοῦ Θεοῦ. εἴσελθε μετ̓ ἐμοῦ εἰσ οἶκον καὶ ἀρίστησον, καὶ δώσω σοι δόμα. καὶ εἶπεν ὁ ἄνθρωποσ τοῦ Θεοῦ πρὸσ τὸν βασιλέα. ἐὰν δῷσ μοι τὸ ἥμισυ τοῦ οἴκου σου, οὐκ εἰσελεύσομαι μετὰ σοῦ οὐδὲ μὴ φάγω ἄρτον οὐδὲ μὴ πίω ὕδωρ ἐν τῷ τόπῳ τούτῳ. ὅτι οὕτωσ ἐνετείλατό μοι Κύριοσ ἐν λόγῳ λέγων. μὴ φάγῃσ ἄρτον καὶ μὴ πίῃσ ὕδωρ καὶ μὴ ἐπιστρέψῃσ ἐν τῇ ὁδῶ, ᾗ ἐπορεύθησ ἐν αὐτῇ. καὶ ἀπῆλθεν ἐν ὁδῷ ἄλλῃ καὶ οὐκ ἀνέστρεψεν ἐν τῇ ὁδῷ, ᾗ ἦλθεν ἐν αὐτῇ εἰσ Βαιθήλ. Καὶ προφήτησ εἷσ πρεσβύτησ κατῴκει ἐν Βαιθήλ, καὶ ἔρχονται οἱ υἱοὶ αὐτοῦ καὶ διηγήσαντο αὐτῷ πάντα τὰ ἔργα, ἃ ἐποίησεν ὁ ἄνθρωποσ τοῦ Θεοῦ ἐν τῇ ἡμέρᾳ ἐκείνῃ ἐν Βαιθήλ, καὶ τοὺσ λόγουσ, οὓσ ἐλάλησε τῷ βασιλεῖ. καὶ ἐπέστρεψαν τὸ πρόσωπον τοῦ πατρὸσ αὐτῶν. καὶ ἐλάλησε πρὸσ αὐτοὺσ ὁ πατὴρ αὐτῶν λέγων. ποίᾳ ὁδῷ πεπόρευται̣ καὶ δεικνύουσιν αὐτῷ οἱ υἱοὶ αὐτοῦ τὴν ὁδόν, ἐν ᾗ ἀνῆλθεν ὁ ἄνθρωποσ τοῦ Θεοῦ ὁ ἐλθὼν ἐξ Ἰούδα. καὶ εἶπε τοῖσ υἱοῖσ αὐτοῦ. ἐπισάξατέ μοι τὸν ὄνον. καὶ ἐπέσαξαν αὐτῷ τὸν ὄνον, καὶ ἐπέβη ἐπ̓ αὐτόν. καὶ ἐπορεύθη κατόπισθεν τοῦ ἀνθρώπου τοῦ Θεοῦ καὶ εὗρεν αὐτὸν καθήμενον ὑπὸ δρῦν καὶ εἶπεν αὐτῷ. εἰ σὺ εἶ ὁ ἄνθρωποσ τοῦ Θεοῦ ὁ ἐληλυθὼσ ἐξ Ἰούδα̣ καὶ εἶπεν αὐτῷ. ἐγώ. καὶ εἶπεν αὐτῷ. δεῦρο μετ̓ ἐμοῦ καὶ φάγε ἄρτον. καὶ εἶπεν. οὐ μὴ δύνωμαι τοῦ ἐπιστρέψαι μετὰ σοῦ οὐδὲ μὴ φάγομαι ἄρτον οὐδὲ πίομαι ὕδωρ ἐν τῷ τόπῳ τούτῳ. ὅτι οὕτωσ ἐντέταλταί μοι ἐν λόγῳ Κύριοσ λέγων. μὴ φάγῃσ ἄρτον ἐκεῖ καὶ μὴ πίῃσ ὕδωρ καὶ μὴ ἐπιστρέψῃσ ἐκεῖ ἐν τῇ ὁδῷ, ᾗ ἐπορεύθησ ἐν αὐτῇ. καὶ εἶπε πρὸσ αὐτόν. κἀγὼ προφήτησ εἰμὶ καθὼσ σύ, καὶ ἄγγελοσ λελάληκε πρόσ με ἐν ρήματι Κυρίου λέγων. ἐπίστρεψον αὐτὸν πρὸσ σεαυτὸν εἰσ τὸν οἶκόν σου, καὶ φαγέτω ἄρτον, καὶ πιέτω ὕδωρ. καὶ ἐψεύσατο αὐτῷ. καὶ ἐπέστρεψεν αὐτὸν καὶ ἔφαγεν ἄρτον καὶ ἔπιεν ὕδωρ ἐν τῷ οἴκῳ αὐτοῦ. καὶ ἐγένετο αὐτῶν καθημένων ἐπὶ τῆσ τραπέζησ, καὶ ἐγένετο λόγοσ Κυρίου πρὸσ τὸν προφήτην τὸν ἐπιστρέψαντα αὐτὸν καὶ εἶπε πρὸσ τὸν ἄνθρωπον τοῦ Θεοῦ τὸν ἥκοντα ἐξ Ἰούδα λέγων. τάδε λέγει Κύριοσ. ἀνθ̓ ὧν παρεπίκρανασ τὸ ρῆμα Κυρίου καὶ οὐκ ἐφύλαξασ τὴν ἐντολήν, ἣν ἐνετείλατό σοι Κύριοσ ὁ Θεόσ σου, καὶ ἐπέστρεψασ καὶ ἔφαγεσ ἄρτον καὶ ἔπιεσ ὕδωρ ἐν τῷ τόπῳ τούτῳ, ᾧ ἐλάλησε πρόσ σε λέγων. οὐ μὴ φάγῃσ ἄρτον καὶ μὴ πίῃσ ὕδωρ, οὐ μὴ εἰσέλθῃ τὸ σῶμά σου εἰσ τὸν τάφον τῶν πατέρων σου. καὶ ἐγένετο μετὰ τὸ φαγεῖν αὐτὸν ἄρτον καὶ πιεῖν ὕδωρ, καὶ ἐπέσαξεν αὐτῷ τὸν ὄνον, καὶ ἐπέστρεψε. καὶ ἀπῆλθε, καὶ εὗρεν αὐτὸν λέγων ἐν τῇ ὁδῷ καὶ ἐθανάτωσεν αὐτόν, καὶ ἦν τὸ σῶμα αὐτοῦ ἐρριμμένον ἐν τῇ ὁδῷ, καὶ ὁ ὄνοσ εἱστήκει παῤ αὐτό, καὶ ὁ λέων εἱστήκει παρὰ τὸ σῶμα. καὶ ἰδοὺ ἄνδρεσ παραπορευόμενοι καὶ εἶδον τὸ θνησιμαῖον ἐρριμμένον ἐν τῇ ὁδῷ καὶ ὁ λέων εἱστήκει ἐχόμενα τοῦ θνησιμαίου. καὶ εἰσῆλθον καὶ ἐλάλησαν ἐν τῇ πόλει, οὗ ὁ προφήτησ ὁ πρεσβύτησ κατῴκει ἐν αὐτῇ. καὶ ἤκουσεν ὁ ἐπιστρέψασ αὐτὸν ἐκ τῆσ ὁδοῦ καὶ εἶπεν. ὁ ἄνθρωποσ τοῦ Θεοῦ οὗτόσ ἐστίν, ὃσ παρεπίκρανε τὸ ρῆμα Κυρίου. καὶ ἐπορεύθη καὶ εὗρε τὸ σῶμα αὐτοῦ ἐρριμμένον ἐν τῇ ὁδῷ, καὶ ὁ ὄνοσ καὶ ὁ λέων εἱστήκεισαν παρὰ τὸ σῶμα, καὶ οὐκ ἔφαγεν ὁ λέων τὸ σῶμα τοῦ ἀνθρώπου τοῦ Θεοῦ καὶ οὐ συνέτριψε τὸν ὄνον. καὶ ᾖρεν ὁ προφήτησ τὸ σῶμα τοῦ ἀνθρώπου τοῦ Θεοῦ καὶ ἐπέθηκεν αὐτὸ ἐπὶ τὸν ὄνον, καὶ ἐπέστρεψεν αὐτὸν εἰσ τὴν πόλιν ὁ προφήτησ τοῦ θάψαι αὐτὸν ἐν τῷ τάφῳ ἑαυτοῦ, καὶ ἐκόψαντο αὐτόν. οὐαὶ ἀδελφέ. καὶ ἐγένετο μετὰ τὸ κόψασθαι αὐτὸν καὶ εἶπε τοῖσ υἱοῖσ αὐτοῦ λέγων. ἐὰν ἀποθάνω, θάψατέ με ἐν τῷ τάφῳ τούτῳ οὗ ὁ ἄνθρωποσ τοῦ Θεοῦ τέθαπται ἐν αὐτῷ. παρὰ τὰ ὀστᾶ αὐτοῦ θέτε με, ἵνα σωθῶσι τὰ ὀστᾶ μου μετὰ τῶν ὀστῶν αὐτοῦ. ὅτι γινόμενον ἔσται τὸ ρῆμα, ὃ ἐλάλησεν ἐν λόγῳ Κυρίου ἐπὶ τὸ θυσιαστήριον ἐν Βαιθὴλ καὶ ἐπὶ τοὺσ οἴκουσ τοὺσ ὑψηλοὺσ τοὺσ ἐν Σαμαρείᾳ. καὶ μετὰ τὸ ρῆμα τοῦτο οὐκ ἐπέστρεψεν Ἱεροβοὰμ ἀπὸ τῆσ κακίασ αὐτοῦ, καὶ ἐπέστρεψε καὶ ἐποίησεν ἐκ μέρουσ τοῦ λαοῦ ἱερεῖσ ὑψηλῶν. ὁ βουλόμενοσ ἐπλήρου τὴν χεῖρα αὐτοῦ, καὶ ἐγίνετο ἱερεὺσ εἰσ τὰ ὑψηλά. καὶ ἐγένετο τὸ ρῆμα τοῦτο εἰσ ἁμαρτίαν τῷ οἴκῳ Ἱεροβοὰμ καὶ εἰσ ὄλεθρον καὶ εἰσ ἀφανισμὸν ἀπὸ προσώπου τῆσ γῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Regum 13:

(70인역 성경, 열왕기 상권 13:)

목록

SEARCH

MENU NAVIGATION