Septuagint, Liber I Regum 12:

(70인역 성경, 열왕기 상권 12:)

ΚΑΙ πορεύεται βασιλεὺσ Ροβοὰμ εἰσ Σίκιμα, ὅτι εἰσ Σίκιμα ἤρχοντο πᾶσ Ἰσραὴλ βασιλεῦσαι αὐτόν.̀ρ̀ν̀ρ̀ν[ Καὶ ἐγένετο ὡσ ἤκουσεν Ἱεροβοὰμ υἱὸσ Ναβὰτ καὶ αὐτοῦ ἔτι ὄντοσ ἐν Αἰγύπτῳ, καὶ ἔφυγεν ἐκ προσώπου τοῦ βασιλέωσ Σαλωμὼν καὶ ἐπέστρεψεν Ἱεροβοὰμ ἐξ Αἰγύπτου, καὶ ἀπέστειλαν καὶ ἐκάλεσαν αὐτὸν καὶ ἦλθεν Ἱεροβοὰμ καὶ πᾶσα ἡ ἐκκλησία Ἰσραήλ.] καὶ ἐλάλησεν ὁ λαὸσ πρὸσ τὸν βασιλέα Ροβοὰμ λέγοντεσ. ὁ πατήρ σου ἐβάρυνε τὸν κλοιὸν ἡμῶν, καὶ σὺ νῦν κούφισον ἀπὸ τῆσ δουλείασ τοῦ πατρόσ σου τῆσ σκληρᾶσ καὶ ἀπὸ τοῦ κλοιοῦ αὐτοῦ τοῦ βαρέωσ, οὗ ἔδωκεν ἐφ̓ ἡμᾶσ, καὶ δουλεύσομέν σοι. καὶ εἶπεν πρὸσ αὐτούσ. ἀπέλθετε ἕωσ ἡμερῶν τριῶν καὶ ἀναστρέψατε πρόσ με. καὶ ἀπῆλθον. καὶ ἀπήγγειλεν ὁ βασιλεὺσ τοῖσ πρεσβυτέροισ, οἳ ἦσαν παρεστῶτεσ ἐνώπιον Σαλωμὼν τοῦ πατρὸσ αὐτοῦ ἔτι ζῶντοσ αὐτοῦ λέγων. πῶσ ὑμεῖσ βουλεύεσθε καὶ ἀποκριθῶ τῷ λαῷ τούτῳ λόγον̣ καὶ ἐλάλησαν πρὸσ αὐτὸν λέγοντεσ. εἰ ἐν τῇ ἡμέρᾳ ταύτῃ ἔσῃ δοῦλοσ τῷ λαῷ τούτῳ καὶ δουλεύσεισ αὐτοῖσ καὶ λαλήσεισ πρὸσ αὐτοὺσ λόγουσ ἀγαθούσ, καὶ ἔσονταί σοι δοῦλοι πάσασ τὰσ ἡμέρασ. καὶ ἐγκατέλιπε τὴν βουλὴν τῶν πρεσβυτέρων, ἃ συνεβουλεύσαντο αὐτῷ, καὶ συνεβουλεύσατο μετὰ τῶν παιδαρίων τῶν ἐκτραφέντων μετ̓ αὐτοῦ τῶν παρεστηκότων πρὸσ προσώπου αὐτοῦ καὶ εἶπεν αὐτοῖσ. τί ὑμεῖσ συμβουλεύετε, καὶ τί ἀποκριθῶ τῷ λαῷ τούτῳ τοῖσ λέγουσι πρόσ με λεγόντων. κούφισον ἀπὸ τοῦ κλοιοῦ, οὗ ἔδωκεν ὁ πατήρ σου ἐφ̓ ἡμᾶσ̣ καὶ ἐλάλησαν πρὸσ αὐτὸν τὰ παιδάρια τὰ ἐκτραφέντα μετ̓ αὐτοῦ, οἱ παρεστηκότεσ πρὸ προσώπου αὐτοῦ λέγοντεσ. τάδε λαλήσεισ τῷ λαῷ τούτῳ τοῖσ λαλήσασι πρόσ σε λέγοντεσ. ὁ πατήρ σου ἐβάρυνε τὸν κλοιὸν ἡμῶν καὶ σὺ νῦν κούφισον ἀφ̓ ἡμῶν, τάδε λαλήσεισ πρὸσ αὐτούσ. ἡ μικρότησ μου παχυτέρα τῆσ ὀσφύοσ τοῦ πατρόσ μου. καὶ νῦν ὁ πατήρ μου ἐπεσάσσετο ὑμᾶσ κλοιῷ βαρεῖ, κἀγὼ προσθήσω ἐπὶ τὸν κλοιὸν ὑμῶν. ὁ πατήρ μου ἐπαίδευσεν ὑμᾶσ ἐν μάστιξιν, ἐγὼ δὲ παιδεύσω ὑμᾶσ ἐν σκορπίοισ. καὶ παρεγένοντο πᾶσ Ἰσραὴλ πρὸσ τὸν βασιλέα Ροβοὰμ ἐν τῇ ἡμέρᾳ τῇ τρίτῃ, καθότι ἐλάλησεν αὐτοῖσ ὁ βασιλεὺσ λέγων. ἀναστράφητε πρόσ με τῇ ἡμέρᾳ τῇ τρίτῃ. καὶ ἀπεκρίθη ὁ βασιλεὺσ πρὸσ τὸν λαὸν σκληρά, καὶ ἐγκατέλιπε Ροβοὰμ τὴν βουλὴν τῶν πρεσβυτέρων, ἃ συνεβουλεύσαντο αὐτῷ, καὶ ἐλάλησε πρὸσ αὐτοὺσ κατὰ τὴν βουλὴν τῶν παιδαρίων λέγων. ὁ πατήρ μου ἐβάρυνε τὸν κλοιὸν ὑμῶν, κἀγὼ προσθήσω ἐπὶ τὸν κλοιὸν ὑμῶν. ὁ πατήρ μου ἐπαίδευσεν ὑμᾶσ ἐν μάστιξι, κἀγὼ παιδεύσω ὑμᾶσ ἐν σκορπίοισ. καὶ οὐκ ἤκουσεν ὁ βασιλεὺσ τοῦ λαοῦ, ὅτι ἦν μεταστροφὴ παρὰ Κυρίου, ὅπωσ στήσῃ τὸ ρῆμα αὐτοῦ, ὃ ἐλάλησεν ἐν χειρὶ Ἀχιὰ τοῦ Σηλωνίτου περὶ Ἱεροβοὰμ υἱοῦ Ναβάτ. καὶ εἶδον πᾶσ Ἰσραήλ, ὅτι οὐκ ἤκουσεν ὁ βασιλεὺσ αὐτῶν, καὶ ἀπεκρίθη ὁ λαὸσ τῷ βασιλεῖ λέγων. τίσ ἡμῖν μερὶσ ἐν Δαυίδ̣ καὶ οὐκ ἔστιν ἡμῖν κληρονομία ἐν υἱῷ Ἰεσσαί. ἀπότρεχε, Ἰσραήλ, εἰσ τὰ σκηνώματά σου. νῦν βόσκε τὸν οἶκόν σου, Δαυίδ. καὶ ἀπῆλθεν Ἰσραὴλ εἰσ τὰ σκηνώματα αὐτοῦ. καὶ ἀπέστειλεν ὁ βασιλεὺσ τὸν Ἀδωνιρὰμ τὸν ἐπὶ τοῦ φόρου, καὶ ἐλιθοβόλησαν αὐτὸν ἐν λίθοισ καὶ ἀπέθανε. καὶ ὁ βασιλεὺσ Ροβοὰμ ἔφθασεν ἀναβῆναι τοῦ φυγεῖν εἰσ Ἱερουσαλήμ. καὶ ἠθέτησεν Ἰσραὴλ εἰσ τὸν οἶκον Δαυὶδ ἕωσ τῆσ ἡμέρασ ταύτησ. καὶ ἐγένετο ὡσ ἤκουσε πᾶσ Ἰσραὴλ ὅτι ἀνέκαμψεν Ἱεροβοὰμ ἐξ Αἰγύπτου, καὶ ἀπέστειλαν καὶ ἐκάλεσαν αὐτὸν εἰσ τὴν συναγωγὴν καὶ ἐβασίλευσαν αὐτὸν ἐπὶ Ἰσραήλ. καὶ οὐκ ἦν ὀπίσω οἴκου Δαυὶδ πάρεξ σκήπτρου Ἰούδα καὶ Βενιαμὶν μόνοι. καὶ Ροβοὰμ εἰσῆλθεν εἰσ Ἱερουσαλὴμ καὶ ἐξεκκλησίασε τὴν συναγωγὴν Ἰούδα καὶ σκῆπτρον Βενιαμὶν ἑκατὸν καὶ εἴκοσι χιλιάδασ νεανιῶν ποιούντων πόλεμον, τοῦ πολεμεῖν πρὸσ οἶκον Ἰσραήλ, ἐπιστρέψαι τὴν βασιλείαν Ροβοὰμ υἱῷ Σαλωμών. καὶ ἐγένετο λόγοσ Κυρίου πρὸσ Σαμαίαν ἄνθρωπον τοῦ Θεοῦ λέγων. εἰπὸν τῷ Ροβοὰμ υἱῷ Σαλωμὼν βασιλεῖ Ἰούδα καὶ πρὸσ πάντα οἶκον Ἰούδα καὶ Βενιαμὶν καὶ τῷ καταλοίπῳ τοῦ λαοῦ λέγων. τάδε λέγει Κύριοσ. οὐκ ἀναβήσεσθε οὐδὲ πολεμήσετε μετὰ τῶν ἀδελφῶν ὑμῶν υἱῶν Ἰσραήλ. ἀποστρεφέτω ἕκαστοσ εἰσ τὸν οἶκον ἑαυτοῦ, ὅτι παῤ ἐμοῦ γέγονε τὸ ρῆμα τοῦτο. καὶ ἤκουσαν τοῦ λόγου Κυρίου καὶ κατέπαυσαν τοῦ πορευθῆναι κατὰ τὸ ρῆμα Κυρίου. α Καὶ ὁ βασιλεὺσ Σαλωμὼν κοιμᾶται μετὰ τῶν πατέρων αὐτοῦ καὶ θάπτεται μετὰ τῶν πατέρων αὐτοῦ ἐν πόλει Δαυίδ. καὶ ἐβασίλευσε Ροβοὰμ υἱὸσ αὐτοῦ ἀντ̓ αὐτοῦ ἐν Ἱερουσαλὴμ υἱὸσ ὢν ἑκκαίδεκα ἐτῶν ἐν τῷ βασιλεύειν αὐτόν, καὶ δώδεκα ἔτη ἐβασίλευσεν ἐν Ἱερουσαλήμ. καὶ ὄνομα τῆσ μητρὸσ αὐτοῦ Ναανάν, θυγάτηρ Ἀνὰν υἱοῦ Ναὰσ βασιλέωσ υἱῶν Ἀμμών. καὶ ἐποίησε τὸ πονηρὸν ἐνώπιον Κυρίου, καὶ οὐκ ἐπορεύθη ἐν ὁδῷ Δαυὶδ τοῦ πατρὸσ αὐτοῦ. β καὶ ἦν ἄνθρωποσ ἐξ ὄρουσ Ἐφραὶμ δοῦλοσ τῷ Σαλωμών, καὶ ὄνομα αὐτῷ Ἱεροβοάμ, καὶ ὄνομα τῆσ μητρὸσ αὐτοῦ Σαριρά, γυνὴ πόρνη. καὶ ἔδωκεν αὐτὸν Σαλωμὼν εἰσ ἄρχοντα σκυτάλησ ἐπὶ ἄρσεισ οἴκου Ἰωσήφ, καὶ ᾠκοδόμησε τῷ Σαλωμὼν τὴν Σαριρὰ τὴν ἐν ὄρει Ἐφραίμ, καὶ ἦσαν αὐτῶ τριακόσια ἅρματα ἵππων. οὗτοσ ᾠκοδόμησε τὴν ἄκραν ἐν ταῖσ ἄρσεσιν οἴκου Ἐφραὶμ, οὗτοσ συνέκλεισε τὴν πόλιν Δαυὶδ καὶ ἦν ἐπαιρόμενοσ ἐπὶ τὴν βασιλείαν. γ καὶ ἐζήτει Σαλωμὼν θανατῶσαι αὐτόν, καὶ ἐφοβήθη καὶ ἀπέδρα αὐτὸσ πρὸσ Σουσακὶμ βασιλέα Αἰγύπτου καὶ ἦν μετ̓ αὐτοῦ ἕωσ ἀπέθανε Σαλωμών. δ καὶ ἤκουσεν Ἱεροβοὰμ ἐν Αἰγύπτῳ ὅτι τέθνηκε Σαλωμών, καὶ ἐλάλησεν εἰσ τὰ ὦτα Σουσακὶμ βασιλέωσ Αἰγύπτου λέγων. ἐξαπόστειλόν με καὶ ἀπελεύσομαι ἐγὼ εἰσ τὴν γῆν μου. καὶ εἶπεν αὐτῷ Σουσακίμ. αἴτησαί τι αἴτημα καὶ δώσω σοι. ε καὶ Σουσακὶμ ἔδωκε τῷ Ἱεροβοὰμ τὴν Ἀνώ, ἀδελφὴν Θεκεμίνασ τὴν πρεσβυτέραν τῆσ γυναικὸσ αὐτοῦ αὐτῷ εἰσ γυναῖκα. αὕτη ἦν μεγάλη ἐν μέσῳ τῶν θυγατέρων τοῦ βασιλέωσ καὶ ἔτεκε τῷ Ἱεροβοὰμ τὸν Ἀβιὰ υἱὸν αὐτοῦ. ζ καὶ εἶπεν Ἱεροβοὰμ πρὸσ Σουσακίμ. ὄντωσ ἐξαπόστειλόν με καὶ ἀπελεύσομαι. καὶ ἐξῆλθεν Ἱεροβοὰμ ἐξ Αἰγύπτου καὶ ἦλθεν εἰσ γῆν Σαριρὰ τὴν ἐν ὄρει Ἐφραίμ. καὶ συνάγεται ἐκεῖ πᾶν σκῆπτρον Ἐφραίμ. καὶ ᾠκοδόμησεν ἐκεῖ Ἱεροβοὰμ χάρακα. η Καὶ ἠρώστησε τὸ παιδάριον αὐτοῦ ἀρρωστίαν κραταιὰν σφόδρα, καὶ ἐπορεύθη Ἱεροβοὰμ ἐρωτῆσαι περὶ τοῦ παιδαρίου. καὶ εἶπε πρὸσ Ἀνὼ τὴν γυναῖκα αὐτοῦ. ἀνάστηθι καὶ πορεύου, ἐπερώτησον τὸν Θεὸν περὶ τοῦ παιδαρίου, εἰ ζήσεται ἐκ τῆσ ἀρρωστίασ αὐτοῦ. θ καὶ ἄνθρωποσ ἦν ἐν Σηλὼμ καὶ ὄνομα αὐτῷ Ἀχιά, καὶ οὗτοσ ἦν υἱὸσ ἑξήκοντα ἐτῶν, καὶ ρῆμα Κυρίου μετ̓ αὐτοῦ. καὶ εἶπεν Ἱεροβοὰμ πρὸσ τὴν γυναῖκα αὐτοῦ. ἀνάστηθι καὶ λαβὲ εἰσ τὴν χεῖρά σου τῷ ἀνθρώπῳ τοῦ Θεοῦ ἄρτουσ καὶ κολλύρια τοῖσ τέκνοισ αὐτοῦ καὶ σταφυλὴν καὶ στάμνον μέλιτοσ. καὶ ἀνέστη ἡ γυνὴ ι καὶ ἔλαβεν εἰσ τὴν χεῖρα αὐτῆσ ἄρτουσ καὶ δύο κολλύρια καὶ σταφυλὴν καὶ στάμνον μέλιτοσ τῷ Ἀχιά. καὶ ὁ ἄνθρωποσ πρεσβύτεροσ, καὶ οἱ ὀφθαλμοὶ αὐτοῦ ἠμβλυώπουν τοῦ ἰδεῖν, κ καὶ ἀνέστη ἐκ Σαριρὰ καὶ πορεύεται, καὶ ἐγένετο ἐλθούσησ αὐτῆσ εἰσ τὴν πόλιν πρὸσ Ἀχιὰ τὸν Σηλωνίτην καὶ εἶπεν Ἀχιὰ τῷ παιδαρίῳ αὐτοῦ. ἔξελθε δὴ εἰσ ἀπαντὴν Ἀνὼ τῇ γυναικὶ Ἱεροβοὰμ καὶ ἐρεῖσ αὐτῇ. εἴσελθε καὶ μὴ στῇσ, ὅτι τάδε λέγει Κύριοσ. σκληρὰ ἐγὼ ἐπαποστέλλω ἐπὶ σέ. λ καὶ εἰσῆλθεν Ἀνὼ πρὸσ τὸν ἄνθρωπον τοῦ Θεοῦ, καὶ εἶπεν αὐτῇ Ἀχιά. ἱνατί ἐνήνοχάσ μοι ἄρτουσ καὶ σταφυλὴν καὶ κολλύρια καὶ στάμνον μέλιτοσ̣ τάδε λέγει Κύριοσ. ἰδοὺ σὺ ἀπελεύσῃ ἀπ̓ ἐμοῦ, καὶ ἔσται εἰσελθούσησ σου τὴν πόλιν εἰσ Σαριρὰ καὶ τὰ κοράσιά σου ἐξελεύσονταί σοι εἰσ συνάντησιν καὶ ἐροῦσί σοι. τὸ παιδάριον τέθνηκεν. μ ὅτι τάδε λέγει Κύριοσ. ἰδοὺ ἐγὼ ἐξολοθρεύσω τοῦ Ἱεροβοὰμ οὐροῦντα πρὸσ τοῖχον, καὶ ἔσονται οἱ τεθνηκότεσ τοῦ Ἱεροβοὰμ ἐν τῇ πόλει καταφάγονται οἱ κύνεσ, καὶ τὸν τεθνηκότα ἐν τῷ ἀγρῷ καταφάγεται τὰ πετεινὰ τοῦ οὐρανοῦ, καὶ τὸ παιδάριον κόψονται. οὐαὶ Κύριε, ὅτι εὑρέθη ἐν αὐτῷ ρῆμα καλὸν περὶ τοῦ Κυρίου. ν καὶ ἀπῆλθεν ἡ γυνή, ὡσ ἤκουσε, καὶ ἐγένετο ὡσ εἰσῆλθεν εἰσ τὴν Σαριρά, καὶ τὸ παιδάριον ἀπέθανε, καὶ ἐξῆλθεν ἡ κραυγὴ εἰσ ἀπαντήν. ξ Καὶ ἐπορεύθη Ἱεροβοὰμ εἰσ Σίκιμα τὴν ἐν ὄρει Ἐφραὶμ καὶ συνήθροισεν ἐκεῖ τὰσ φυλὰσ τοῦ Ἰσραήλ, καὶ ἀνέβη ἐκεῖ Ροβοὰμ υἱὸσ Σαλωμών. καὶ λόγοσ Κυρίου ἐγένετο πρὸσ Σαμαίαν τὸν Ἐλαμὶ λέγων. λαβὲ σεαυτῷ ἱμάτιον καινὸν τὸ οὐκ εἰσεληλυθὸσ εἰσ ὕδωρ καὶ ρῆξον αὐτὸ δώδεκα ρήγματα καὶ δώσεισ τῷ Ἱεροβοὰμ καὶ ἐρεῖσ αὐτῷ. τάδε λέγει Κύριοσ. λάβε σεαυτῷ δέκα ρήγματα τοῦ περιβαλέσθαι σε. καὶ ἔλαβεν Ἱεροβοάμ. καὶ εἶπε Σαμαίασ. τάδε λέγει Κύριοσ ἐπὶ τὰσ δέκα φυλὰσ τοῦ Ἰσραήλ. ο Καὶ εἶπεν ὁ λαὸσ πρὸσ Ροβοὰμ υἱὸν Σαλωμών. ὁ πατήρ σου ἐβάρυνε τὸν κλοιὸν αὐτοῦ ἐφ̓ ἡμᾶσ καὶ ἐβάρυνε τὰ βρώματα τῆσ τραπέζησ αὐτοῦ. καὶ νῦν εἰ κουφιεῖσ ἐφ̓ ἡμᾶσ καὶ δουλεύσομέν σοι. καὶ εἶπε Ροβοὰμ πρὸσ τὸν λαόν. ἔτι τριῶν ἡμερῶν καὶ ἀποκριθήσομαι ὑμῖν ρῆμα. π καὶ εἶπε Ροβοάμ. εἰσαγάγετέ μοι τοὺσ πρεσβυτέρουσ καὶ συμβουλεύσομαι μετ̓ αὐτῶν τί ἀποκριθῶ τῷ λαῷ ρῆμα ἐν τῇ ἡμέρᾳ τῇ τρίτῃ. καὶ ἐλάλησε Ροβοὰμ εἰσ τὰ ὦτα αὐτῶν καθὼσ ἀπέστειλεν ὁ λαὸσ πρὸσ αὐτὸν καὶ εἶπον οἱ πρεσβύτεροι τοῦ λαοῦ. οὕτωσ ἐλάλησε πρόσ σε ὁ λαόσ. ρ καὶ διεσκέδασε Ροβοὰμ τὴν βουλὴν αὐτῶν, καὶ οὐκ ἤρεσεν ἐνώπιον αὐτοῦ. καὶ ἀπέστειλε καὶ εἰσήγαγε τοὺσ συντρόφουσ αὐτοῦ καὶ ἐλάλησεν αὐτοῖσ. ταῦτα καὶ ταῦτα ἀπέσταλκεν ὁ λαὸσ πρόσ με λέγων. καὶ εἶπαν οἱ σύντροφοι αὐτοῦ. οὕτωσ λαλήσεισ πρὸσ τὸν λαὸν λέγων. ἡ μικρότησ μου παχυτέρα ὑπὲρ τὴν ὀσφὺν τοῦ πατρόσ μου. ὁ πατήρ μου ἐμαστίγου ὑμᾶσ μάστιξιν, ἐγὼ δὲ κατάρξω ὑμᾶσ ἐν σκορπίοισ. σ καὶ ἤρεσε τὸ ρῆμα ἐνώπιον Ροβοάμ, καὶ ἀπεκρίθη τῷ λαῷ καθὼσ συνεβούλευσαν αὐτῷ οἱ σύντροφοι αὐτοῦ τά παιδάρια. τ καὶ εἶπε πᾶσ ὁ λαὸσ ὡσ ἀνὴρ εἷσ, ἕκαστοσ τῷ πλησίον αὐτοῦ, καὶ ἀνέκραξαν ἅπαντεσ λέγοντεσ. οὐ μερὶσ ἡμῖν ἐν Δαυὶδ οὐδὲ κληρονομία ἐν υἱῷ Ἰεσσαί. ἕκαστοσ εἰσ τὰ σκηνώματά σου Ἰσραήλ, ὅτι ὁ ἄνθρωποσ οὗτοσ οὐκ εἰσ ἄρχοντα οὐδὲ εἰσ ἡγούμενον. υ καὶ διεσπάρη πᾶσ ὁ λαὸσ ἐκ Σικίμων, καὶ ἀπῆλθον ἕκαστοσ εἰσ τὸ σκήνωμα αὐτοῦ. καὶ κατεκράτησε Ροβοὰμ καὶ ἀπῆλθε καὶ ἀνέβη ἐπὶ τὸ ἅρμα αὐτοῦ καὶ εἰσῆλθεν εἰσ Ἱερουσαλήμ, καὶ πορεύονται ὀπίσω αὐτοῦ πᾶν σκῆπτρον Ἰούδα καὶ πᾶν σκῆπτρον Βενιαμίν. φ καὶ ἐγένετο ἐνισταμένου τοῦ ἐνιαυτοῦ καὶ συνήθροισε Ροβοὰμ πάντα ἄνδρα Ἰούδα καὶ Βενιαμὶν καὶ ἀνέβη τοῦ πολεμεῖν πρὸσ Ἱεροβοὰμ εἰσ Σίκιμα. χ καὶ ἐγένετο ρῆμα Κυρίου πρὸσ Σαμαίαν ἄνθρωπον τοῦ Θεοῦ λέγων. εἰπὸν τῷ Ροβοὰμ βασιλεῖ Ἰούδα καὶ πρὸσ πάντα οἶκον Ἰούδα καὶ Βενιαμὶν καὶ πρὸσ τὸ κατάλειμμα τοῦ λαοῦ λέγων. τάδε λέγει Κύριοσ. οὐκ ἀναβήσεσθε οὐδὲ πολεμήσετε πρὸσ τοὺσ ἀδελφοὺσ ὑμῶν υἱοὺσ Ἰσραήλ. ἀναστρέφετε ἕκαστοσ εἰσ τὸν οἶκον αὐτοῦ, ὅτι παῤ ἐμοῦ γέγονε τὸ ρῆμα τοῦτο. ψ καὶ ἤκουσαν τοῦ λόγου Κυρίου καὶ ἀνέσχον μὴ πορευθῆναι κατὰ τὸ ρῆμα Κυρίου. Καὶ ᾠκοδόμησεν Ἱεροβοὰμ τὴν Σίκιμα τὴν ἐν ὄρει Ἐφραὶμ καὶ κατῴκει ἐν αὐτῇ. καὶ ἐξῆλθεν ἐκεῖθεν καὶ ᾠκοδόμησε τὴν Φανουήλ. καὶ εἶπεν Ἱεροβοὰμ ἐν τῇ καρδίᾳ αὐτοῦ. ἰδοὺ νῦν ἐπιστρέψει ἡ βασιλεία εἰσ οἶκον Δαυίδ. ἐὰν ἀναβῇ ὁ λαὸσ οὗτοσ ἀναφέρειν θυσίαν ἐν οἴκῳ Κυρίου εἰσ Ἱερουσαλήμ, καὶ ἐπιστραφήσεται καρδία τοῦ λαοῦ πρὸσ Κύριον καὶ κύριον αὐτῶν, πρὸσ Ροβοὰμ βασιλέα Ἰούδα, καὶ ἀποκτενοῦσί με. καὶ ἐβουλεύσατο ὁ βασιλεὺσ καὶ ἐπορεύθη καὶ ἐποίησε δύο δαμάλεισ χρυσᾶσ. καὶ εἶπε πρὸσ τὸν λαόν. ἱκανούσθω ὑμῖν ἀναβαίνειν εἰσ Ἱερουσαλήμ. ἰδοὺ θεοί σου, Ἰσραήλ, οἱ ἀναγαγόντεσ σε ἐκ γῆσ Αἰγύπτου. καὶ ἔθετο τὴν μίαν ἐν Βαιθὴλ καὶ τὴν μίαν ἔδωκεν ἐν Δάν. καὶ ἐγένετο ὁ λόγοσ οὗτοσ εἰσ ἁμαρτίαν. καὶ ἐπορεύετο ὁ λαὸσ πρὸ προσώπου τῆσ μιᾶσ ἕωσ Δάν. καὶ εἴασαν τὸν οἶκον Κυρίου. καὶ ἐποίησεν οἴκουσ ἐφ̓ ὑψηλῶν καὶ ἐποίησεν ἱερεῖσ μέροσ τι ἐκ τοῦ λαοῦ, οἳ οὐκ ἦσαν ἐκ τῶν υἱῶν Λευί. καὶ ἐποίησεν Ἱεροβοὰμ ἑορτὴν ἐν τῷ μηνὶ τῷ ὀγδόῳ ἐν τῇ πεντεκαιδεκάτῃ ἡμέρᾳ τοῦ μηνὸσ κατὰ τὴν ἑορτὴν τὴν ἐν γῇ Ἰούδα καὶ ἀνέβη ἐπὶ τὸ θυσιαστήριον, ὃ ἐποίησεν ἐν Βαιθήλ, τοῦ θύειν ταῖσ δαμάλεσιν, αἷσ ἐποίησε, καὶ παρέστησεν ἐν Βαιθὴλ τοὺσ ἱερεῖσ τῶν ὑψηλῶν, ὧν ἐποίησε. καὶ ἀνέβη ἐπὶ τὸ θυσιαστήριον, ὃ ἐποίησε, τῇ πεντεκαιδεκάτῃ ἡμέρᾳ ἐν τῷ μηνὶ τῷ ὀγδόῳ ἐν τῇ ἑορτῇ, ᾗ ἐπλάσατο ἀπὸ καρδίασ αὐτοῦ, καὶ ἐποίησεν ἑορτὴν τοῖσ υἱοῖσ Ἰσραὴλ καὶ ἀνέβη ἐπὶ τὸ θυσιαστήριον τοῦ ἐπιθῦσαι.

목록

일치하는 문장이 없습니다.

SEARCH

MENU NAVIGATION