헬라어 문장 검색 - Σεπτύ011́008́

(70인역 성경, 열왕기 상권 8:)

ΚΑΙ ἐγένετο ὡσ συνετέλεσε Σαλωμὼν τοῦ οἰκοδομῆσαι τὸν οἶκον Κυρίου καὶ τὸν οἶκον αὐτοῦ μετὰ εἴκοσιν ἔτη, τότε ἐξεκκλησίασεν ὁ βασιλεὺσ Σαλωμὼν πάντασ τοὺσ πρεσβυτέρουσ Ἰσραὴλ ἐν Σιὼν τοῦ ἀνενεγκεῖν τὴν κιβωτὸν διαθήκησ Κυρίου ἐκ πόλεωσ Δαυὶδ ἐν μηνὶ Ἀθανίν. καὶ ᾖραν οἱ ἱερεῖσ τὴν κιβωτὸν καὶ τὸ σκήνωμα τοῦ μαρτυρίου καὶ τὰ σκεύη τὰ ἅγια τὰ ἐν τῷ σκηνώματι τοῦ μαρτυρίου, καὶ ὁ βασιλεὺσ καὶ πᾶσ Ἰσραὴλ ἔμπροσθεν τῆσ κιβωτοῦ θύοντεσ πρόβατα καὶ βόασ ἀναρίθμητα. καὶ εἰσφέρουσιν οἱ ἱερεῖσ τὴν κιβωτὸν εἰσ τὸν τόπον αὐτῆσ εἰσ τὸ δαβὶρ τοῦ οἴκου, εἰσ τὰ ἅγια τῶν ἁγίων ὑπὸ τὰσ πτέρυγασ τῶν Χερουβίμ. ὅτι τὰ Χερουβὶμ διαπεπετασμένα ταῖσ πτέρυξιν ἐπὶ τὸν τόπον τῆσ κιβωτοῦ, καὶ περιεκάλυπτον τὰ Χερουβὶμ ἐπὶ τὴν κιβωτὸν καὶ ἐπὶ τὰ ἅγια αὐτῆσ ἐπάνωθεν, καὶ ὑπερεῖχον τὰ ἡγιασμένα, καὶ ἐνεβλέποντο αἱ κεφαλαὶ τῶν ἡγιασμένων ἐκ τῶν ἁγίων εἰσ πρόσωπον τοῦ δαβὶρ καὶ οὐκ ὠπτάνοντο ἔξω. οὐκ ἦν ἐν τῇ κιβωτῷ πλὴν δύο πλάκεσ λίθιναι, πλάκεσ τῆσ διαθήκησ, ἃσ ἔθηκεν ἐκεῖ Μωυσῆσ ἐν Χωρήβ, ἃσ διέθετο Κύριοσ μετὰ τῶν υἱῶν Ἰσραὴλ ἐν τῷ ἐκπορεύεσθαι αὐτοὺσ ἐκ γῆσ Αἰγύπτου. καὶ ἐγένετο ὡσ ἐξῆλθον οἱ ἱερεῖσ ἐκ τοῦ ἁγίου, καὶ ἡ νεφέλη ἔπλησε τὸν οἶκον. καὶ οὐκ ἠδύναντο οἱ ἱερεῖσ στήκειν λειτουργεῖν ἀπὸ προσώπου τῆσ νεφέλησ, ὅτι ἔπλησε δόξα Κυρίου τὸν οἶκον. Καὶ ἀπέστρεψεν ὁ βασιλεὺσ τὸ πρόσωπον αὐτοῦ, καὶ εὐλόγησεν ὁ βασιλεὺσ πάντα Ἰσραήλ, καὶ πᾶσα ἐκκλησία Ἰσραὴλ εἱστήκει. καὶ εἶπεν. εὐλογητὸσ Κύριοσ ὁ Θεὸσ Ἰσραὴλ σήμερον, ὃσ ἐλάλησεν ἐν τῷ στόματι αὐτοῦ περὶ Δαυὶδ τοῦ πατρόσ μου καὶ ἐν ταῖσ χερσὶν αὐτοῦ ἐπλήρωσε λέγων. ἀφ̓ ἧσ ἡμέρασ ἐξήγαγον τὸν λαόν μου τὸν Ἰσραὴλ ἐξ Αἰγύπτου, οὐκ ἐξελεξάμην ἐν πόλει ἐν ἑνὶ σκήπτρῳ Ἰσραὴλ τοῦ οἰκοδομῆσαι οἶκον τοῦ εἶναι τὸ ὄνομά μου ἐκεῖ. καὶ ἐξελεξάμην ἐν Ἱερουσαλὴμ εἶναι τὸ ὄνομά μου ἐκεῖ. καὶ ἐξελεξάμην τὸν Δαυὶδ τοῦ εἶναι ἐπὶ τὸν λαόν μου τὸν Ἰσραήλ. καὶ ἐγένετο ἐπὶ τῆσ καρδίασ τοῦ πατρόσ μου οἰκοδομῆσαι οἶκον τῷ ὀνόματι Κυρίου Θεοῦ Ἰσραήλ. καὶ εἶπε Κύριοσ πρὸσ Δαυὶδ τὸν πατέρα μου. ἀνθ̓ ὧν ἦλθεν ἐπὶ τὴν καρδίαν σου τοῦ οἰκοδομῆσαι οἶκον τῷ ὀνόματί μου, καλῶσ ἐποίησασ ὅτι ἐγενήθη ἐπὶ τὴν καρδίαν σου. πλὴν σὺ οὐκ οἰκοδομήσεισ τὸν οἶκον, ἀλλ̓ ἢ ὁ υἱόσ σου ὁ ἐξελθὼν ἐκ τῶν πλευρῶν σου, οὗτοσ οἰκοδομήσει τὸν οἶκον τῷ ὀνόματί μου. καὶ ἀνέστησε Κύριοσ τὸ ρῆμα αὐτοῦ, ὃ ἐλάλησε, καὶ ἀνέστην ἀντὶ Δαυὶδ τοῦ πατρόσ μου καὶ ἐκάθισα ἐπὶ τοῦ θρόνου Ἰσραήλ, καθὼσ ἐλάλησε Κύριοσ, καὶ ᾠκοδόμησα τὸν οἶκον τῷ ὀνόματι Κυρίου Θεοῦ Ἰσραήλ. καὶ ἐθέμην ἐκεῖ τόπον τῇ κιβωτῷ, ἐν ᾗ ἐστιν ἐκεῖ διαθήκη Κυρίου, ἣν διέθετο Κύριοσ μετὰ τῶν πατέρων ἡμῶν ἐν τῷ ἐξαγαγεῖν αὐτὸν αὐτοὺσ ἐκ γῆσ Αἰγύπτου. Καὶ ἀνέστη Σαλωμὼν κατὰ πρόσωπον τοῦ θυσιαστηρίου Κυρίου ἐνώπιον πάσησ ἐκκλησίασ Ἰσραὴλ καὶ διεπέτασε τὰσ χεῖρασ αὐτοῦ εἰσ τὸν οὐρανόν, καὶ εἶπε. Κύριε ὁ Θεὸσ Ἰσραήλ, οὐκ ἔστιν ὡσ σὺ Θεὸσ ἐν τῷ οὐρανῷ ἄνω καὶ ἐπὶ τῆσ γῆσ κάτω, φυλάσσων διαθήκην καὶ ἔλεοσ τῷ δούλῳ σου τῷ πορευομένῳ ἐνώπιόν σου ἐν ὅλῃ τῇ καρδίᾳ αὐτοῦ, ἃ ἐφύλαξασ τῷ δούλῳ σου Δαυὶδ τῷ πατρί μου. καὶ γὰρ ἐλάλησασ ἐν τῷ στόματί σου καὶ ἐν χερσί σου ἐπλήρωσασ ὡσ ἡ ἡμέρα αὕτη. καὶ νῦν, Κύριε ὁ Θεὸσ Ἰσραήλ, φύλαξον τῷ δούλῳ σου Δαυὶδ τῷ πατρί μου ἃ ἐλάλησασ αὐτῷ λέγων. οὐκ ἐξαρθήσεταί σου ἀνὴρ ἐκ προσώπου μου καθήμενοσ ἐπὶ θρόνου Ἰσραήλ, πλὴν ἐὰν φυλάξωνται τὰ τέκνα σου τὰσ ὁδοὺσ αὐτῶν τοῦ πορεύεσθαι ἐνώπιόν μου, καθὼσ ἐπορεύθησ ἐνώπιον ἐμοῦ. καὶ νῦν, Κύριε ὁ Θεὸσ Ἰσραήλ, πιστωθήτω δὴ τὸ ρῆμά σου τῷ Δαυὶδ τῷ πατρί μου. ὅτι εἰ ἀληθῶσ κατοικήσει ὁ Θεὸσ μετὰ ἀνθρώπων ἐπὶ τῆσ γῆσ̣ εἰ ὁ οὐρανὸσ καὶ ὁ οὐρανὸσ τοῦ οὐρανοῦ οὐκ ἀρκέσουσί σοι, πλὴν καὶ ὁ οἶκοσ οὗτοσ, ὃν ᾠκοδόμησα τῷ ὀνόματί σου̣ καὶ ἐπιβλέψῃ ἐπὶ τὴν δέησίν μου, Κύριε ὁ Θεὸσ Ἰσραήλ, ἀκούειν τῆσ προσευχῆσ, ἧσ ὁ δοῦλόσ σου προσεύχεται ἐνώπιόν σου πρόσ σε σήμερον, τοῦ εἶναι τοὺσ ὀφθαλμούσ σου ἠνεῳγμένουσ εἰσ τὸν οἶκον τοῦτον ἡμέρασ καὶ νυκτόσ, εἰσ τὸν τόπον, ὃν εἶπασ. ἔσται τὸ ὄνομά μου ἐκεῖ, τοῦ εἰσακούειν τῆσ προσευχῆσ, ἧσ προσεύχεται ὁ δοῦλόσ σου εἰσ τὸν τόπον τοῦτον ἡμέρασ καὶ νυκτόσ. καὶ εἰσακούσῃ τῆσ δεήσεωσ τοῦ δούλου σου καὶ τοῦ λαοῦ σου Ἰσραήλ, ἃ ἂν προσεύξωνται εἰσ τὸν τόπον τοῦτον, καὶ σὺ εἰσακούσῃ ἐν τῷ τόπῳ τῆσ κατοικήσεώσ σου ἐν οὐρανῷ καὶ ποιήσεισ καὶ ἵλεωσ ἔσῃ. ὅσα ἂν ἁμάρτῃ ἕκαστοσ τῷ πλησίον αὐτοῦ, καὶ ἐὰν λάβῃ ἐπ̓ αὐτὸν ἀρὰν τοῦ ἀράσασθαι αὐτόν, καὶ ἔλθῃ καὶ ἐξαγορεύσῃ κατὰ πρόσωπον τοῦ θυσιαστηρίου σου ἐν τῷ οἴκῳ τούτῳ, καὶ σὺ εἰσακούσῃ ἐκ τοῦ οὐρανοῦ καὶ ποιήσεισ καὶ κρινεῖσ τὸν λαόν σου Ἰσραὴλ ἀνομηθῆναι ἄνομον, δοῦναι τὴν ὁδὸν αὐτοῦ εἰσ κεφαλὴν αὐτοῦ καὶ τοῦ δικαιῶσαι δίκαιον, δοῦναι αὐτῷ κατὰ τὴν δικαιοσύνην αὐτοῦ. ἐν τῷ πταῖσαι τὸν λαόν σου Ἰσραὴλ ἐνώπιον ἐχθρῶν, ὅτι ἁμαρτήσονταί σοι, καὶ ἐπιστρέψουσι καὶ ἐξομολογήσονται τῷ ὀνόματί σου καὶ προσεύξονται καὶ δεηθήσονται ἐν τῷ οἴκῳ τούτω, καὶ σὺ εἰσακούσῃ ἐκ τοῦ οὐρανοῦ καὶ ἵλεωσ ἔσῃ ταῖσ ἁμαρτίαισ τοῦ λαοῦ σου Ἰσραὴλ καὶ ἐπιστρέψεισ αὐτοὺσ εἰσ τὴν γῆν, ἣν ἔδωκασ τοῖσ πατράσιν αὐτῶν. ἐν τῷ συσχεθῆναι τὸν οὐρανὸν καὶ μὴ γενέσθαι ὑετόν, ὅτι ἁμαρτήσονταί σοι, καὶ προσεύξονται εἰσ τὸν τόπον τοῦτον καὶ ἐξομολογήσονται τῷ ὀνόματί σου καὶ ἀπὸ τῶν ἁμαρτιῶν αὐτῶν ἀποστρέψουσιν, ὅταν ταπεινώσῃσ αὐτούσ, καὶ εἰσακούσῃ ἐκ τοῦ οὐρανοῦ καὶ ἵλεωσ ἔσῃ ταῖσ ἁμαρτίαισ τοῦ δούλου σου καὶ τοῦ λαοῦ σου Ἰσραήλ. ὅτι δηλώσεισ αὐτοῖσ τὴν ὁδὸν τὴν ἀγαθὴν πορεύεσθαι ἐν αὐτῇ καὶ δώσεισ ὑετὸν ἐπὶ τὴν γῆν, ἣν ἔδωκασ τῷ λαῷ σου ἐν κληρονομίᾳ. λιμὸσ ἐὰν γένηται, θάνατοσ ἐὰν γένηται, ὅτι ἔσται ἐμπυρισμόσ, βροῦχοσ, ἐρυσίβη ἐὰν γένηται, καὶ ἐὰν θλίψῃ αὐτὸν ὁ ἐχθρὸσ αὐτοῦ ἐν μιᾷ τῷν πόλεων αὐτοῦ, πᾶν συνάντημα, πάντα πόνον, πᾶσαν προσευχήν, πᾶσαν δέησιν, ἐὰν γένηται παντὶ ἀνθρώπῳ ὡσ ἂν γνῶσιν ἕκαστοσ ἁφὴν καρδίασ αὐτοῦ καὶ διαπετάσῃ τὰσ χεῖρασ αὐτοῦ εἰσ τὸν οἶκον τοῦτον, καὶ σὺ εἰσακούσῃ ἐκ τοῦ οὐρανοῦ ἐξ ἑτοίμου κατοικητηρίου σου καὶ ἵλεωσ ἔσῃ καὶ ποιήσεισ καὶ δώσεισ ἀνδρὶ κατὰ τὰσ ὁδοὺσ αὐτοῦ, καθὼσ ἂν γνῷσ τὴν καρδίαν αὐτοῦ, ὅτι σὺ μονώτατοσ οἶδασ τὴν καρδίαν πάντων υἱῶν ἀνθρώπων, ὅπωσ φοβῶνταί σε πάσασ τὰσ ἡμέρασ, ὅσασ αὐτοὶ ζῶσιν ἐπὶ τῆσ γῆσ, ἧσ ἔδωκασ τοῖσ πατράσιν ἡμῶν. καὶ τῷ ἀλλοτρίῳ, ὃσ οὐκ ἔστιν ἀπὸ λαοῦ σου οὗτοσ, καὶ ἥξουσι καὶ προσεύξονται εἰσ τὸν τόπον τοῦτον, καὶ σὺ εἰσακούσῃ ἐκ τοῦ οὐρανοῦ ἐξ ἑτοίμου κατοικητηρίου σου καὶ ποιήσεισ κατὰ πάντα, ὅσα ἂν ἐπικαλέσηταί σε ὁ ἀλλότριοσ, ὅπωσ γνῶσι πάντεσ οἱ λαοὶ τὸ ὄνομά σου, καὶ φοβῶνταί σε, καθὼσ ὁ λαόσ σου Ἰσραήλ, καὶ γνῶσιν ὅτι τὸ ὄνομά σου ἐπικέκληται ἐπὶ τὸν οἶκον τοῦτον, ὃν ᾠκοδόμησα. ὅτι ἐξελεύσεται ὁ λαόσ σου εἰσ πόλεμον ἐπὶ τοὺσ ἐχθροὺσ αὐτοῦ ἐν ὁδῷ, ᾗ ἐπιστρέψεισ αὐτούσ, καὶ προσεύξονται ἐν ὀνόματι Κυρίου ὁδὸν τῆσ πόλεωσ, ἧσ ἐξελέξω ἐν αὐτῇ, καὶ τοῦ οἴκου, οὗ ᾠκοδόμησα τῷ ὀνόματί σου, καὶ σὺ εἰσακούσῃ ἐκ τοῦ οὐρανοῦ τῆσ δεήσεωσ αὐτῶν καὶ τῆσ προσευχῆσ αὐτῶν καὶ ποιήσεισ τὸ δικαίωμα αὐτοῖσ. ὅτι ἁμαρτήσονταί σοι ὅτι οὐκ ἔστιν ἄνθρωποσ, ὃσ οὐχ ἁμαρτήσεται καὶ ἐπάξεισ αὐτοὺσ καὶ παραδώσεισ αὐτοὺσ ἐνώπιον ἐχθρῶν καὶ αἰχμαλωτιοῦσιν οἱ αἰχμαλωτίζοντεσ εἰσ γῆν μακρὰν καὶ ἐγγύσ, καὶ ἐπιστρέψουσι καρδίασ αὐτῶν ἐν τῇ γῇ, οὗ μετήχθησαν ἐκεῖ, καὶ ἐπιστρέψουσιν ἐν γῇ μετοικίασ αὐτῶν καὶ δεηθῶσί σου λέγοντεσ. ἡμάρτομεν, ἠδικήσαμεν, ἠνομήσαμεν, καὶ ἐπιστρέψωσι πρόσ σε ἐν ὅλῃ καρδίᾳ αὐτῶν καὶ ἐν ὅλῃ ψυχῇ αὐτῶν ἐν τῇ γῇ ἐχθρῶν αὐτῶν, οὗ μετήγαγεσ αὐτούσ, καὶ προσεύξονται πρόσ σε, ὁδὸν γῆσ αὐτῶν, ἧσ ἔδωκασ τοῖσ πατράσιν αὐτῶν, καὶ τῆσ πόλεωσ, ἧσ ἐξελέξω, καὶ τοῦ οἴκου, οὗ ᾠκοδόμηκα τῷ ὀνόματί σου, καὶ εἰσακούσῃ ἐκ τοῦ οὐρανοῦ ἐξ ἑτοίμου κατοικητηρίου σου καὶ ἵλεωσ ἔσῃ ταῖσ ἀδικίαισ αὐτῶν, αἷσ ἥμαρτόν σοι, καὶ κατὰ πάντα τὰ ἀθετήματα αὐτῶν, ἃ ἠθέτησάν σοι, καὶ δώσεισ αὐτοὺσ εἰσ οἰκτιρμοὺσ ἐνώπιον αἰχμαλωτευόντων αὐτούσ, καὶ οἰκτειρήσουσιν αὐτούσ. ὅτι λαόσ σου καὶ κληρονομία σου, οὓσ ἐξήγαγεσ ἐκ γῆσ Αἰγύπτου ἐκ μέσου χωνευτηρίου σιδήρου. καὶ ἔστρωσαν οἱ ὀφθαλμοί σου καὶ τὰ ὦτά σου ᾐνεῳγμένα εἰσ τὴν δέησιν τοῦ δούλου σου καὶ εἰσ τὴν δέησιν τοῦ λαοῦ σου Ἰσραὴλ εἰσακούειν αὐτῶν ἐν πᾶσιν, οἷσ ἂν ἐπικαλέσωνταί σε, ὅτι σὺ διέστειλασ αὐτοὺσ σεαυτῷ εἰσ κληρονομίαν ἐκ πάντων τῶν λαῶν τῆσ γῆσ, καθὼσ ἐλάλησασ ἐν χειρὶ δούλου σου Μωυσῆ ἐν τῷ ἐξαγαγεῖν σε τοὺσ πατέρασ ἡμῶν ἐκ γῆσ Αἰγύπτου, Κύριε Κύριε. α Τότε ἐλάλησε Σαλωμὼν ὑπὲρ τοῦ οἴκου, ὡσ συνετέλεσε τοῦ οἰκοδομῆσαι αὐτόν, Ἥλιον ἐγνώρισεν ἐν οὐρανῷ Κύριοσ, εἶπε τοῦ κατοικεῖν ἐν γνόφῳ. οἰκοδόμησον οἶκόν μου, οἶκον εὐπρεπῆ σεαυτῷ, τοῦ κατοικεῖν ἐπὶ καινότητοσ. οὐκ ἰδοὺ αὕτη γέγραπται ἐν βιβλίῳ τῆσ ᾠδῆσ̣ Καὶ ἐγένετο ὡσ συνετέλεσε Σαλωμὼν προσευχόμενοσ πρὸσ Κύριον ὅλην τὴν προσευχὴν καὶ τὴν δέησιν ταύτην, καὶ ἀνέστη ἀπὸ προσώπου τοῦ θυσιαστηρίου Κυρίου ὀκλακὼσ ἐπὶ τὰ γόνατα αὐτοῦ καὶ αἱ χεῖρεσ αὐτοῦ διαπεπετασμέναι εἰσ τὸν οὐρανόν. καὶ ἔστη καὶ εὐλόγησε πᾶσαν ἐκκλησίαν Ἰσραὴλ φωνῇ μεγάλῃ λέγων. εὐλογητὸσ Κύριοσ σήμερον, ὃσ ἔδωκε κατάπαυσιν τῷ λαῷ αὐτοῦ Ἰσραὴλ κατὰ πάντα, ὅσα ἐλάλησεν. οὐ διεφώνησε λόγοσ εἷσ ἐν πᾶσι τοῖσ λόγοισ αὐτοῦ τοῖσ ἀγαθοῖσ, οἷσ ἐλάλησεν ἐν χειρὶ δούλου αὐτοῦ Μωυσῆ. γένοιτο Κύριοσ ὁ Θεὸσ ἡμῶν μεθ̓ ἡμῶν, καθὼσ ἦν μετὰ τῶν πατέρων ἡμῶν. μὴ ἐγκαταλίποιτο ἡμᾶσ μηδὲ ἀποστρέψοιτο ἡμᾶσ, ἐπικλῖναι καρδίασ ἡμῶν ἐπ̓ αὐτὸν τοῦ πορεύεσθαι ἐν πάσαισ ὁδοῖσ αὐτοῦ καὶ φυλάσσειν πάσασ ἐντολὰσ αὐτοῦ καὶ τὰ προστάγματα αὐτοῦ, ἃ ἐνετείλατο τοῖσ πατράσιν ἡμῶν. καὶ ἔστρωσαν οἱ λόγοι οὗτοι, ὡσ δεδέημαι ἐνώπιον Κυρίου Θεοῦ ἡμῶν, ἐγγίζοντεσ πρὸσ Κύριον Θεὸν ἡμῶν ἡμέρασ καὶ νυκτόσ, τοῦ ποιεῖν τὸ δικαίωμα τοῦ δούλου σου καὶ τὸ δικαίωμα λαοῦ Ἰσραὴλ ρῆμα ἡμέρασ ἐν ἡμέρᾳ ἐνιαυτοῦ, ὅπωσ γνῶσιν πάντεσ οἱ λαοὶ τῆσ γῆσ, ὅτι Κύριοσ ὁ Θεόσ, αὐτὸσ Θεὸσ καὶ οὐκ ἔστιν ἔτι. καὶ ἔστρωσαν οἱ καρδίαι ἡμῶν τέλειαι πρὸσ Κύριον Θεὸν ἡμῶν καὶ ὁσίωσ πορεύεσθαι ἐν τοῖσ προστάγμασιν αὐτοῦ καὶ φυλάσσειν ἐντολὰσ αὐτοῦ ὡσ ἡ ἡμέρα αὕτη. Καὶ ὁ βασιλεὺσ καὶ πάντεσ οἱ υἱοὶ Ἰσραὴλ ἔθυσαν θυσίαν ἐνώπιον Κυρίου. καὶ ἔθυσεν ὁ βασιλεὺσ Σαλωμὼν τὰσ θυσίασ τῶν εἰρηνικῶν, ἃσ ἔθυσε τῷ Κυρίῳ, βοῶν δύο καὶ εἴκοσι χιλιάδασ καὶ προβάτων ἑκατὸν καὶ εἴκοσι χιλιάδασ. καὶ ἐνεκαίνισε τὸν οἶκον Κυρίου ὁ βασιλεὺσ καὶ πάντεσ οἱ υἱοὶ Ἰσραήλ. τῇ ἡμέρᾳ ἐκείνῃ ἡγίασεν ὁ βασιλεὺσ τὸ μέσον τῆσ αὐλῆσ τὸ κατὰ πρόσωπον τοῦ οἴκου Κυρίου. ὅτι ἐποίησεν ἐκεῖ τὴν ὁλοκαύτωσιν καὶ τὰσ θυσίασ καὶ τὰ στέατα τῶν εἰρηνικῶν, ὅτι τὸ θυσιαστήριον τὸ χαλκοῦν τὸ ἐνώπιον Κυρίου μικρόν. τοῦ μὴ δύνασθαι τὴν ὁλοκαύτωσιν καὶ τὰσ θυσίασ τῶν εἰρηνικῶν ὑπενεγκεῖν. καὶ ἐποίησε Σαλωμὼν τὴν ἑορτὴν ἐν τῇ ἡμέρᾳ ἐκείνῃ, καὶ πᾶσ Ἰσραὴλ μετ̓ αὐτοῦ, ἐκκλησία μεγάλη ἀπὸ τῆσ εἰσόδου Ἡμὰθ ἕωσ ποταμοῦ Αἰγύπτου, ἐνώπιον Κυρίου Θεοῦ ἡμῶν ἐν τῷ οἴκῳ, ᾧ ᾠκοδόμησεν, ἐσθίων καὶ πίνων καὶ εὐφραινόμενοσ ἐνώπιον Κυρίου Θεοῦ ἡμῶν ἑπτὰ ἡμέρασ. καὶ ἐν τῇ ἡμέρᾳ τῇ ὀγδόῃ ἐξαπέστειλε τὸν λαὸν καὶ εὐλόγησαν τὸν βασιλέα, καὶ ἀπῆλθεν ἕκαστοσ εἰσ τὰ σκηνώματα αὐτοῦ χαίροντεσ καὶ ἀγαθῇ καρδίᾳ ἐπὶ τοῖσ ἀγαθοῖσ, οἷσ ἐποίησε Κύριοσ τῷ Δαυὶδ δούλῳ αὐτοῦ καὶ τῷ Ἰσραὴλ λαῷ αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Regum 8:

(70인역 성경, 열왕기 상권 8:)

목록

SEARCH

MENU NAVIGATION