Septuagint, Liber I Regum 7:

(70인역 성경, 열왕기 상권 7:)

ΚΑΙ ἀπέστειλεν ὁ βασιλεὺσ Σαλωμὼν καὶ ἔλαβε τὸν Χιρὰμ ἐκ Τύρου, υἱὸν γυναικὸσ χήρασ, καὶ οὗτοσ ἀπὸ τῆσ φυλῆσ τῆσ Νεφθαλίμ, καὶ ὁ πατὴρ αὐτοῦ ἀνὴρ Τύριοσ, τέκτων χαλκοῦ καὶ πεπληρωμένοσ τῆσ τέχνησ καὶ συνέσεωσ καὶ ἐπιγνώσεωσ τοῦ ποιεῖν πᾶν ἔργον ἐν χαλκῷ. καὶ εἰσηνέχθη πρὸσ τὸν βασιλέα Σαλωμὼν καὶ ἐποίησε πάντα τὰ ἔργα. καὶ ἐχώνευσε τοὺσ δύο στήλουσ τῷ αἰλὰμ τοῦ οἴκου, ὀκτωκαίδεκα πήχεισ ὕψοσ τοῦ στύλου, καὶ περίμετρον τεσσαρεσκαίδεκα πήχεισ ἐκύκλου αὐτόν, καὶ τὸ πάχοσ τοῦ στύλου τεσσάρων δακτύλων τὰ κοιλώματα, καὶ οὕτωσ ὁ στῦλοσ ὁ δεύτεροσ. καὶ δύο ἐπιθέματα ἐποίησε δοῦναι ἐπὶ τὰσ κεφαλὰσ τῶν στύλων, χωνευτὰ χαλκᾶ. πέντε πήχεισ τὸ ὕψοσ τοῦ ἐπιθέματοσ τοῦ ἑνόσ, καὶ πέντε πήχεισ τὸ ὕψοσ τοῦ ἐπιθέματοσ τοῦ δευτέρου. καὶ ἐποίησε δύο δίκτυα περικαλύψαι τὸ ἐπίθεμα τῶν στύλων, καὶ δίκτυον τῷ ἐπιθέματι τῷ ἑνί, καὶ δίκτυον τῷ ἐπιθέματι τῷ δευτέρῳ. καὶ ἔργον κρεμαστόν, δύο στίχοι ροῶν χαλκῶν δεδικτυωμένοι, ἔργον κρεμαστόν, στίχοσ ἐπὶ στίχον. καὶ οὕτωσ ἐποίησε τῷ ἐπιθέματι τῷ δευτέρῳ. καὶ ἔστησε τοὺσ στύλουσ τοῦ αἰλὰμ τοῦ ναοῦ. καὶ ἔστησε τὸν στῦλον τὸν ἕνα καὶ ἐπεκάλεσε τὸ ὄνομα αὐτοῦ Ἰαχούμ. καὶ ἔστησε τὸν στῦλον τὸν δεύτερον καὶ ἐπεκάλεσε τὸ ὄνομα αὐτοῦ Βαάσ. καὶ ἐπὶ τῶν κεφαλῶν τῶν στύλων ἔργον κρίνου κατὰ τὸ αἰλὰμ τεσσάρων πηχῶν. καὶ μέλαθρον ἐπ̓ ἀμφοτέρων τῶν στύλων, καὶ ἐπάνωθεν τῶν πλευρῶν ἐπίθεμα τὸ μέλαθρον τῷ πάχει. καὶ ἐποίησε τὴν θάλασσαν δέκα ἐν πήχει ἀπὸ τοῦ χείλουσ αὐτῆσ ἕωσ τοῦ χείλουσ αὐτῆσ, στρογγύλον κύκλῳ τὸ αὐτό. πέντε ἐν πήχει τὸ ὕψοσ αὐτῆσ, καὶ συνηγμένοι τρεῖσ καὶ τριάκοντα ἐν πήχει ἐκύκλουν αὐτήν. καὶ ὑποστηρίγματα ὑποκάτωθεν τοῦ χείλουσ αὐτῆσ κυκλόθεν ἐκύκλουν αὐτήν, δέκα ἐν πήχει κυκλόθεν καὶ τὸ χεῖλοσ αὐτῆσ ὡσ ἔργον χείλουσ ποτηρίου, βλαστὸσ κρίνου, καὶ τὸ πάχοσ αὐτοῦ παλαιστήσ. καὶ δώδεκα βόεσ ὑποκάτω τῆσ θαλάσσησ, οἱ τρεῖσ ἐπιβλέποντεσ βορρᾶν καὶ οἱ τρεῖσ ἐπιβλέποντεσ θάλασσαν καὶ οἱ τρεῖσ ἐπιβλέποντεσ νότον καὶ οἱ τρεῖσ ἐπιβλέποντεσ ἀνατολήν, καὶ πάντα τὰ ὀπίσθια εἰσ τὸν οἶκον, καὶ ἡ θάλασσα ἐπ̓ αὐτῶν ἐπάνωθεν. καὶ ἐποίησε δέκα μεχωνὼθ χαλκᾶσ. πέντε πήχεισ μῆκοσ τῆσ μεχωνὼθ τῆσ μιᾶσ, καὶ τέσσαρεσ πήχεισ τὸ πλάτοσ αὐτῆσ, καὶ ἓξ ἐν πήχει τὸ ὕψοσ αὐτῆσ. καὶ τοῦτο τὸ ἔργον τῶν μεχωνὼθ συγκλειστὸν αὐτοῖσ, καὶ συγκλειστὸν ἀνὰ μέσον τῶν ἐξεχομένων. καὶ ἐπὶ τὰ συγκλείσματα αὐτῶν ἀνὰ μέσον τῶν ἐξεχομένων λέοντεσ καὶ βόεσ καὶ Χερουβίμ, καὶ ἐπὶ τῶν ἐξεχομένων οὕτωσ. καὶ ἐπάνωθεν καὶ ὑποκάτωθεν τῶν λεόντων καὶ τῶν βοῶν χῶραι, ἔργον καταβάσεως καὶ τέσσαρεσ τροχοὶ χαλκοῖ τῇ μεχωνὼθ τῇ μιᾷ, καὶ τὰ προσέχοντα χαλκᾶ καὶ τέσσαρα μέρη αὐτῶν, ὠμίαι ὑποκάτω τῶν λουτήρων. καὶ χεῖρεσ ἐν τοῖσ τροχοῖσ ἐν τῇ μεχωνώθ, καὶ τὸ ὕψοσ τοῦ τροχοῦ τοῦ ἑνὸσ πήχεοσ καὶ ἡμίσουσ. καὶ τὸ ἔργον τῶν τροχῶν ἔργον τροχῶν ἅρματοσ. αἱ χεῖρεσ αὐτῶν καὶ οἱ νῶτοι αὐτῶν καὶ ἡ πραγματεία αὐτῶν, τὰ πάντα χωνευτά. αἱ τέσσαρεσ ὠμίαι ἐπὶ τῶν τεσσάρων γωνιῶν τῆσ μεχωνὼθ τῆσ μιᾶσ, ἐκ τῆσ μεχωνὼθ οἱ ὦμοι αὐτῆσ. καὶ ἐπὶ τῆσ κεφαλῆσ τῆσ μεχωνὼθ ἥμισυ τοῦ πήχεοσ μέγεθοσ αὐτῆσ στρογγύλον κύκλῳ ἐπὶ τῆσ κεφαλῆσ τῆσ μεχωνώθ, καὶ ἀρχὴ χειρῶν αὐτῆσ καὶ τὰ συγκλείσματα αὐτῆσ, καὶ ἠνοίγετο ἐπὶ τὰσ ἀρχὰσ τῶν χειρῶν αὐτῆσ. καὶ τὰ συγκλείσματα αὐτῆσ Χερουβὶμ καὶ λέοντεσ καὶ φοίνικεσ ἑστῶτα, ἐχόμενον ἕκαστον κατὰ πρόσωπον αὐτοῦ ἔσω καὶ τὰ κυκλόθεν. κατ̓ αὐτὴν ἐποίησε πάσασ τὰσ δέκα μεχωνώθ, τάξιν μίαν καὶ μέτρον ἐν πάσαισ. καὶ ἐποίησε δέκα χυτροκαύλουσ χαλκοῦσ, τεσσαράκοντα χοεῖσ χωροῦντα τὸν ἕνα χυτρόκαυλον μετρήσει τεσσάρων πηχῶν. ὁ χυτρόκαυλοσ ὁ εἷσ ἐπὶ τῆσ μεχωνὼθ τῆσ μιᾶσ ταῖσ δέκα μεχωνώθ. καὶ ἔθετο τὰσ πέντε μεχωνὼθ ἀπὸ τῆσ ὠμίασ τοῦ οἴκου ἐκ δεξιῶν καὶ πέντε ἀπὸ τῆσ ὠμίασ τοῦ οἴκου ἐξ ἀριστερῶν. καὶ ἡ θάλασσα ἀπὸ τῆσ ὠμίασ τοῦ οἴκου ἐκ δεξιῶν κατ̓ ἀνατολὰσ ἀπὸ τοῦ κλίτουσ τοῦ νότου. καὶ ἐποίησε Χιρὰμ τοὺσ λέβητασ καὶ τὰσ θερμάστρεισ καὶ τὰσ φιάλασ, καὶ συνετέλεσε Χιρὰμ ποιῶν πάντα τὰ ἔργα, ἃ ἐποίησε τῷ βασιλεῖ Σαλωμὼν ἐν οἴκῳ Κυρίου, στύλουσ δύο καὶ τὰ στρεπτὰ τῶν στύλων ἐπὶ τῶν κεφαλῶν τῶν στύλων δύο καὶ τὰ δίκτυα δύο τοῦ καλύπτειν ἀμφότερα τὰ στρεπτὰ τῶν γλυφῶν τὰ ὄντα ἐπὶ τῶν στύλων, τὰσ ροὰσ τετρακοσίασ ἀμφοτέροισ τοῖσ δικτύοισ, δύο στίχοι ροῶν τῷ δικτύῳ τῷ ἑνὶ περικαλύπτειν ἀμφότερα τὰ ὄντα τὰ στρεπτὰ τῆσ μεχωνὼθ ἐπ̓ ἀμφοτέροισ τοῖσ στύλοισ, καὶ τὰ μεχωνὼθ δέκα καὶ τοὺσ χυτροκαύλουσ δέκα ἐπὶ τῶν μεχωνὼθ καὶ τὴν θάλασσαν μίαν καὶ τοὺσ βόασ δώδεκα ὑποκάτω τῆσ θαλάσσης καὶ τοὺσ λέβητασ καὶ τὰσ θερμάστρεισ καὶ τὰσ φιάλασ καὶ πάντα τὰ σκεύη, ἃ ἐποίησε Χιρὰμ τῷ βασιλεῖ Σαλωμὼν τῷ οἴκῳ Κυρίου. καὶ οἱ στῦλοι τεσσαράκοντα καὶ ὀκτὼ τοῦ οἴκου τοῦ βασιλέωσ καὶ τοῦ οἴκου Κυρίου. πάντα τὰ ἔργα τοῦ βασιλέωσ, ἃ ἐποίησε Χιράμ, χαλκᾶ ἄρδην. οὐκ ἦν σταθμὸσ τοῦ χαλκοῦ, οὗ ἐποίησε πάντα τὰ ἔργα ταῦτα, ἐκ πλήθουσ σφόδρα. οὐκ ἦν τέρμα τῶν σταθμῶν τοῦ χαλκοῦ. ἐν τῷ περιοίκῳ τοῦ Ἰορδάνου ἐχώνευσεν αὐτὰ ἐν τῷ πάχει τῆσ γῆσ ἀνὰ μέσον Σοκχὼθ καὶ ἀνὰ μέσον Σειρά. καὶ ἔδωκεν ὁ βασιλεὺσ Σαλωμὼν τὰ σκεύη, ἃ ἐποίησεν, ἐν οἴκῳ Κυρίου, τὸ θυσιαστήριον τὸ χρυσοῦν καὶ τὴν τράπεζαν, ἐφ̓ ἧσ οἱ ἄρτοι τῆσ προσφορᾶσ, χρυσῆν, καὶ τὰσ λυχνίασ πέντε ἐξ ἀριστερῶν καὶ πέντε ἐκ δεξιῶν κατὰ πρόσωπον τοῦ δαβίρ, χρυσᾶσ συγκλειομένασ, καὶ τὰ λαμπάδια καὶ τοὺσ λύχνουσ καὶ τὰσ ἐπαρυστρίδασ χρυσᾶς καὶ τὰ πρόθυρα καὶ οἱ ἧλοι καὶ αἱ φιάλαι καὶ τὰ τρυβλία καὶ αἱ θυί̈σκαι χρυσαῖ, σύγκλειστα, καὶ τὰ θυρώματα τῶν θυρῶν τοῦ οἴκου τοῦ ἐσωτάτου, ἁγίου τῶν ἁγίων, καὶ τὰσ θύρασ τοῦ ναοῦ χρυσᾶσ. καὶ ἀνεπληρώθη πᾶν τὸ ἔργον, ὃ ἐποίησε Σαλωμὼν οἴκου Κυρίου, καὶ εἰσήνεγκε Σαλωμὼν τὰ ἅγια Δαυὶδ τοῦ πατρὸσ αὐτοῦ καὶ πάντα τὰ ἅγια Σαλωμών, τὸ ἀργύριον καὶ τὸ χρυσίον καὶ τὰ σκεύη, ἔδωκεν εἰσ τοὺσ θησαυροὺσ οἴκου Κυρίου. Καὶ τὸν οἶκον ἑαυτῷ ᾠκοδόμησε Σαλωμὼν τρισκαίδεκα ἔτεσι. καὶ ᾠκοδόμησε τὸν οἶκον δρυμῷ τοῦ Λιβάνου. ἑκατὸν πήχεισ μῆκοσ αὐτοῦ, καὶ πεντήκοντα πήχεισ πλάτοσ αὐτοῦ, καὶ τριάκοντα πηχῶν ὕψοσ αὐτοῦ. καὶ τριῶν στίχων στύλων κεδρίνων, καὶ ὠμίαι κέδριναι τοῖσ στύλοισ. καὶ ἐφάτνωσε τὸν οἶκον ἄνωθεν ἐπὶ τῶν πλευρῶν τῶν στύλων, καὶ ὁ ἀριθμὸσ τῶν στύλων τεσσαράκοντα καὶ πέντε ὁ στίχοσ. καὶ μέλαθρα τρία καὶ χώρα ἐπὶ χώραν τρισσῶσ. καὶ πάντα τὰ θυρώματα καὶ αἱ χῶραι τετράγωνοι μεμελαθρωμέναι καὶ ἀπὸ τοῦ θυρώματοσ ἐπὶ θύραν τρισσῶσ. καὶ τὸ αἰλὰμ τῶν στύλων πεντήκοντα μῆκοσ καὶ πεντήκοντα ἐν πλάτει, ἐζυγωμένα, αἰλὰμ ἐπὶ πρόσωπον αὐτῶν, καὶ στῦλοι καὶ πάχοσ ἐπὶ πρόσωπον αὐτῆσ τοῖσ αἰλαμμίμ. καὶ τὸ αἰλὰμ τῶν θρόνων, οὗ κρινεῖ ἐκεῖ, αἰλὰμ τοῦ κριτηρίου. καὶ ὁ οἶκοσ αὐτῶν, ἐν ᾧ καθήσεται ἐκεῖ, αὐλὴ μία ἐξελισσομένη τούτοισ κατὰ τὸ ἔργον τοῦτο. καὶ οἶκον τῇ θυγατρὶ Φαραώ, ἣν ἔλαβε Σαλωμών, κατὰ τὸ αἰλὰμ τοῦτο. πάντα ταῦτα ἐκ λίθων τιμίων κεκολαμμένα ἐκ διαστήματοσ ἔσωθεν καὶ ἐκ τοῦ θεμελίου ἕωσ τῶν γεισῶν καὶ ἔξωθεν εἰσ τὴν αὐλὴν τὴν μεγάλην τὴν τεθεμελιωμένην ἐν τιμίοισ λίθοισ μεγάλοισ, λίθοισ δεκαπήχεσι καὶ τοῖσ ὀκταπήχεσι, καὶ ἐπάνωθεν τιμίοισ κατὰ τὸ μέτρον ἀπελεκήτων καὶ κέδροισ. τῆσ αὐλῆσ τῆσ μεγάλησ κύκλῳ τρεῖσ στίχοι ἀπελεκήτων καὶ στίχοσ κεκολαμμένησ κέδρου. καὶ συνετέλεσε Σαλωμὼν ὅλον τὸν οἶκον αὐτοῦ.

목록

일치하는 문장이 없습니다.

SEARCH

MENU NAVIGATION