헬라어 문장 검색 - Σεπτύ011́005́

(70인역 성경, 열왕기 상권 5:)

ΚΑΙ ἐχορήγουν οἱ καθεσταμένοι οὕτωσ τῷ βασιλεῖ Σαλωμὼν καὶ πάντα τὰ διαγγέλματα ἐπὶ τὴν τράπεζαν τοῦ βασιλέωσ, ἕκαστοσ μῆνα αὐτοῦ, οὐ παραλλάσσουσι λόγον. καὶ τὰσ κριθὰσ καὶ τὸ ἄχυρον τοῖσ ἵπποισ καὶ τοῖσ ἅρμασιν ᾖρον εἰσ τὸν τόπον, οὗ ἂν ᾖ ὁ βασιλεύσ, ἕκαστοσ κατὰ τὴν σύνταξιν αὐτοῦ. καὶ ταῦτα τὰ δέοντα τῷ Σαλωμὼν ἐν ἡμέρᾳ μιᾷ. τριάκοντα κόροι σεμιδάλεωσ καὶ ἑξήκοντα κόροι ἀλεύρου κεκοπανισμένου. καὶ δέκα μόσχοι ἐκλεκτοὶ καὶ εἴκοσι βόεσ νομάδεσ καὶ ἑκατὸν πρόβατα ἐκτὸσ ἐλάφων καὶ δορκάδων ἐκλεκτῶν, σιτευτά. ὅτι ἦν ἄρχων πέραν ποταμοῦ, καὶ ἦν αὐτῷ εἰρήνη ἐκ πάντων τῶν μερῶν κυκλόθεν. Καὶ ἔδωκε Κύριοσ φρόνησιν τῷ Σαλωμὼν καὶ σοφίαν πολλὴν σφόδρα καὶ χύμα καρδίασ ὡσ ἡ ἄμμοσ ἡ παρὰ τὴν θάλασσαν. καὶ ἐπληθύνθη Σαλωμὼν σφόδρα ὑπὲρ τὴν φρόνησιν πάντων ἀρχαίων ἀνθρώπων καὶ ὑπὲρ πάντασ φρονίμουσ Αἰγύπτου καὶ ἐσοφίσατο ὑπὲρ πάντασ τοὺσ ἀνθρώπουσ καὶ ἐσοφίσατο ὑπὲρ Γαιθὰν τὸν Ζαρείτην καὶ τὸν Αἰνὰν καὶ τὸν Χαλκὰλ καὶ Δαρδὰ υἱοὺσ Μάλ. καὶ ἐλάλησε Σαλωμὼν τρισχιλίασ παραβολάσ, καὶ ἦσαν ᾠδαὶ αὐτοῦ πεντακισχίλιαι. καὶ ἐλάλησεν ὑπὲρ τῶν ξύλων ἀπὸ τῆσ κέδρου τῆσ ἐν τῷ Λιβάνῳ καὶ ἕωσ τῆσ ὑσσώπου τῆσ ἐκπορευομένησ διὰ τοῦ τοίχου καὶ ἐλάλησε περὶ τῶν κτηνῶν καὶ περὶ τῶν πετεινῶν καὶ περὶ τῶν ἑρπετῶν καὶ περὶ τῶν ἰχθύων. καὶ παρεγίνοντο πάντεσ οἱ λαοὶ ἀκοῦσαι τῆσ σοφίασ Σαλωμὼν καὶ ἐλάμβανε δῶρα παρὰ πάντων τῶν βασιλέων τῆσ γῆσ, ὅσοι ἤκουον τῆσ σοφίασ αὐτοῦ. α Καὶ ἔλαβε Σαλωμὼν τὴν θυγατέρα Φαραὼ αὐτῷ εἰσ γυναῖκα καὶ εἰσήγαγεν αὐτὴν εἰσ τὴν πόλιν Δαυὶδ ἕωσ συντελέσαι αὐτὸν τὸν οἶκον Κυρίου καὶ τὸν οἶκον ἑαυτοῦ καὶ τὸ τεῖχοσ Ἱερουσαλήμ. β τότε ἀνέβη Φαραὼ βασιλεὺσ Αἰγύπτου καὶ προκατελάβετο τὴν Γαζὲρ καὶ ἐνεπύρισεν αὐτὴν καὶ τὸν Χανανίτην τὸν κατοικοῦντα ἐν Μεργάβ, καὶ ἔδωκεν αὐτὰσ Φαραὼ ἀποστολὰσ θυγατρὶ αὐτοῦ γυναικὶ Σαλωμών, καὶ Σαλωμὼν ᾠκοδόμησε τὴν Γαζέρ. Καὶ ἀπέστειλε Χιρὰμ βασιλεὺσ Τύρου τοὺσ παῖδασ αὐτοῦ χρῖσαι τὸν Σαλωμὼν ἀντὶ Δαυὶδ τοῦ πατρὸσ αὐτοῦ, ὅτι ἀγαπῶν ἦν Χιρὰμ τὸν Δαυὶδ πάσασ τὰσ ἡμέρασ. καὶ ἀπέστειλε Σαλωμὼν πρὸσ Χιρὰμ λέγων. σὺ οἶδασ τὸν πατέρα μου Δαυὶδ ὅτι οὐκ ἠδύνατο οἰκοδομῆσαι οἶκον τῷ ὀνόματι Κυρίου Θεοῦ μου ἀπὸ προσώπου τῶν πολέμων τῶν κυκλωσάντων αὐτὸν ἕωσ τοῦ δοῦναι Κύριον αὐτοὺσ ὑπὸ τὰ ἴχνη τῶν ποδῶν αὐτοῦ. καὶ νῦν ἀνέπαυσε Κύριοσ ὁ Θεόσ μου ἐμοὶ κυκλόθεν. οὐκ ἔστιν ἐπίβουλοσ καὶ οὐκ ἔστιν ἁμάρτημα πονηρόν. καὶ ἰδοὺ ἐγὼ λέγω οἰκοδομῆσαι οἶκον τῷ ὀνόματι Κυρίου Θεοῦ μου, καθὼσ ἐλάλησε Κύριοσ ὁ Θεὸσ πρὸσ Δαυὶδ τὸν πατέρα μου, λέγων. ὁ υἱόσ σου, ὃν δώσω ἀντὶ σοῦ ἐπὶ τὸν θρόνον σου, οὗτοσ οἰκοδομήσει τὸν οἴκον τῷ ὀνόματί μου. καὶ νῦν ἔντειλαι καὶ κοψάτωσάν μοι ξύλα ἐκ τοῦ Λιβάνου, καὶ ἰδοὺ οἱ δοῦλοί μου μετὰ τῶν δούλων σου. καὶ τὸν μισθὸν δουλείασ σου δώσω σοι κατὰ πάντα, ὅσα ἂν εἴπῃσ, ὅτι σὺ οἶδασ ὅτι οὐκ ἔστιν ἡμῖν εἰδὼσ ξύλα κόπτειν καθὼσ οἱ Σιδώνιοι. καὶ ἐγενήθη καθὼσ ἤκουσε Χιρὰμ τῶν λόγων Σαλωμών, ἐχάρη σφόδρα καὶ εἶπεν. εὐλογητὸσ ὁ Θεὸσ σήμερον, ὃσ ἔδωκε τῷ Δαυὶδ υἱὸν φρόνιμον ἐπὶ τὸν λαὸν τὸν πολὺν τοῦτον καὶ ἀπέστειλε πρὸσ Σαλωμὼν λέγων. ἀκήκοα περὶ πάντων, ὧν ἀπέσταλκασ πρόσ με. ἐγὼ ποιήσω πᾶν θέλημά σου, ξύλα κέδρινα καὶ πεύκινα. οἱ δοῦλοί μου κατάξουσιν αὐτὰ ἐκ τοῦ Λιβάνου εἰσ τὴν θάλασσαν, ἐγὼ θήσομαι αὐτὰ σχεδίασ ἕωσ τοῦ τόπου, οὗ ἐὰν ἀποστείλῃσ πρόσ με, καὶ ἐκτινάξω αὐτὰ ἐκεῖ, καὶ σὺ ἀρεῖσ. καὶ ποιήσεισ τὸ θέλημά μου, τοῦ δοῦναι ἄρτουσ τῷ οἴκῳ μου. καὶ ἦν Χιρὰμ διδοὺσ τῷ Σαλωμὼν κέδρουσ καὶ πεύκασ καὶ πᾶν θέλημα αὐτοῦ. καὶ Σαλωμὼν ἔδωκε τῷ Χιρὰμ εἴκοσι χιλιάδασ κόρουσ πυροῦ καὶ μαχεὶρ τῷ οἴκῳ αὐτοῦ καὶ εἴκοσι χιλιάδασ βαὶθ ἐλαίου κεκομμένου. κατὰ τοῦτο ἐδίδου Σαλωμὼν τῷ Χιρὰμ κατ̓ ἐνιαυτόν. καὶ Κύριοσ ἔδωκε σοφίαν τῷ Σαλωμών, καθὼσ ἐλάλησεν αὐτῷ. καὶ ἦν εἰρήνη ἀνὰ μέσον Χιρὰμ καὶ ἀνὰ μέσον Σαλωμών, καὶ διέθεντο διαθήκην ἀνὰ μέσον αὐτῶν. καὶ ἀνήνεγκεν ὁ βασιλεὺσ φόρον ἐκ παντὸσ Ἰσραήλ, καὶ ἦν ὁ φόροσ τριάκοντα χιλιάδεσ ἀνδρῶν. καὶ ἀπέστειλεν αὐτοὺσ εἰσ τὸν Λίβανον, δέκα χιλιάδεσ ἐν τῷ μηνί, ἀλλασσόμενοι, μῆνα ἦσαν ἐν τῷ Λιβάνῳ καὶ δύο μῆνασ ἐν οἴκῳ αὐτῶν. καὶ Ἀδωνιρὰμ ἐπὶ τοῦ φόρου. καὶ ἦν τῷ Σαλωμὼν ἑβδομήκοντα χιλιάδεσ αἴροντεσ ἄρσιν καὶ ὀγδοήκοντα χιλιάδεσ λατόμων ἐν τῷ ὄρει, χωρὶσ τῶν ἀρχόντων τῶν καθεσταμένων ἐπὶ τῶν ἔργων τῷ Σαλωμών, τρεῖσ χιλιάδεσ καὶ ἑξακόσιοι ἐπιστάται οἱ ποιοῦντεσ τὰ ἔργα. καὶ ἡτοίμασαν τοὺσ λίθουσ καὶ τὰ ξύλα τρία ἔτη. Καὶ Σαλωμὼν ἦν ἐξουσιάζων ἐν πᾶσι τοῖσ βασιλείοισ ἀπὸ τοῦ ποταμοῦ γῆσ ἀλλοφύλων καὶ ἕωσ ὁρίου Αἰγύπτου προσεγγίζοντεσ δῶρα καὶ δουλεύοντεσ τῷ Σαλωμὼν πάσασ ἡμέρασ ζωῆσ αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Regum 5:

(70인역 성경, 열왕기 상권 5:)

목록

SEARCH

MENU NAVIGATION