Septuagint, Liber I Regum 5:

(70인역 성경, 열왕기 상권 5:)

ΚΑΙ ἐχορήγουν οἱ καθεσταμένοι οὕτωσ τῷ βασιλεῖ Σαλωμὼν καὶ πάντα τὰ διαγγέλματα ἐπὶ τὴν τράπεζαν τοῦ βασιλέωσ, ἕκαστοσ μῆνα αὐτοῦ, οὐ παραλλάσσουσι λόγον. καὶ τὰσ κριθὰσ καὶ τὸ ἄχυρον τοῖσ ἵπποισ καὶ τοῖσ ἅρμασιν ᾖρον εἰσ τὸν τόπον, οὗ ἂν ᾖ ὁ βασιλεύσ, ἕκαστοσ κατὰ τὴν σύνταξιν αὐτοῦ. καὶ ταῦτα τὰ δέοντα τῷ Σαλωμὼν ἐν ἡμέρᾳ μιᾷ. τριάκοντα κόροι σεμιδάλεωσ καὶ ἑξήκοντα κόροι ἀλεύρου κεκοπανισμένου. καὶ δέκα μόσχοι ἐκλεκτοὶ καὶ εἴκοσι βόεσ νομάδεσ καὶ ἑκατὸν πρόβατα ἐκτὸσ ἐλάφων καὶ δορκάδων ἐκλεκτῶν, σιτευτά. ὅτι ἦν ἄρχων πέραν ποταμοῦ, καὶ ἦν αὐτῷ εἰρήνη ἐκ πάντων τῶν μερῶν κυκλόθεν. Καὶ ἔδωκε Κύριοσ φρόνησιν τῷ Σαλωμὼν καὶ σοφίαν πολλὴν σφόδρα καὶ χύμα καρδίασ ὡσ ἡ ἄμμοσ ἡ παρὰ τὴν θάλασσαν. καὶ ἐπληθύνθη Σαλωμὼν σφόδρα ὑπὲρ τὴν φρόνησιν πάντων ἀρχαίων ἀνθρώπων καὶ ὑπὲρ πάντασ φρονίμουσ Αἰγύπτου καὶ ἐσοφίσατο ὑπὲρ πάντασ τοὺσ ἀνθρώπουσ καὶ ἐσοφίσατο ὑπὲρ Γαιθὰν τὸν Ζαρείτην καὶ τὸν Αἰνὰν καὶ τὸν Χαλκὰλ καὶ Δαρδὰ υἱοὺσ Μάλ. καὶ ἐλάλησε Σαλωμὼν τρισχιλίασ παραβολάσ, καὶ ἦσαν ᾠδαὶ αὐτοῦ πεντακισχίλιαι. καὶ ἐλάλησεν ὑπὲρ τῶν ξύλων ἀπὸ τῆσ κέδρου τῆσ ἐν τῷ Λιβάνῳ καὶ ἕωσ τῆσ ὑσσώπου τῆσ ἐκπορευομένησ διὰ τοῦ τοίχου καὶ ἐλάλησε περὶ τῶν κτηνῶν καὶ περὶ τῶν πετεινῶν καὶ περὶ τῶν ἑρπετῶν καὶ περὶ τῶν ἰχθύων. καὶ παρεγίνοντο πάντεσ οἱ λαοὶ ἀκοῦσαι τῆσ σοφίασ Σαλωμὼν καὶ ἐλάμβανε δῶρα παρὰ πάντων τῶν βασιλέων τῆσ γῆσ, ὅσοι ἤκουον τῆσ σοφίασ αὐτοῦ. α Καὶ ἔλαβε Σαλωμὼν τὴν θυγατέρα Φαραὼ αὐτῷ εἰσ γυναῖκα καὶ εἰσήγαγεν αὐτὴν εἰσ τὴν πόλιν Δαυὶδ ἕωσ συντελέσαι αὐτὸν τὸν οἶκον Κυρίου καὶ τὸν οἶκον ἑαυτοῦ καὶ τὸ τεῖχοσ Ἱερουσαλήμ. β τότε ἀνέβη Φαραὼ βασιλεὺσ Αἰγύπτου καὶ προκατελάβετο τὴν Γαζὲρ καὶ ἐνεπύρισεν αὐτὴν καὶ τὸν Χανανίτην τὸν κατοικοῦντα ἐν Μεργάβ, καὶ ἔδωκεν αὐτὰσ Φαραὼ ἀποστολὰσ θυγατρὶ αὐτοῦ γυναικὶ Σαλωμών, καὶ Σαλωμὼν ᾠκοδόμησε τὴν Γαζέρ. Καὶ ἀπέστειλε Χιρὰμ βασιλεὺσ Τύρου τοὺσ παῖδασ αὐτοῦ χρῖσαι τὸν Σαλωμὼν ἀντὶ Δαυὶδ τοῦ πατρὸσ αὐτοῦ, ὅτι ἀγαπῶν ἦν Χιρὰμ τὸν Δαυὶδ πάσασ τὰσ ἡμέρασ. καὶ ἀπέστειλε Σαλωμὼν πρὸσ Χιρὰμ λέγων. σὺ οἶδασ τὸν πατέρα μου Δαυὶδ ὅτι οὐκ ἠδύνατο οἰκοδομῆσαι οἶκον τῷ ὀνόματι Κυρίου Θεοῦ μου ἀπὸ προσώπου τῶν πολέμων τῶν κυκλωσάντων αὐτὸν ἕωσ τοῦ δοῦναι Κύριον αὐτοὺσ ὑπὸ τὰ ἴχνη τῶν ποδῶν αὐτοῦ. καὶ νῦν ἀνέπαυσε Κύριοσ ὁ Θεόσ μου ἐμοὶ κυκλόθεν. οὐκ ἔστιν ἐπίβουλοσ καὶ οὐκ ἔστιν ἁμάρτημα πονηρόν. καὶ ἰδοὺ ἐγὼ λέγω οἰκοδομῆσαι οἶκον τῷ ὀνόματι Κυρίου Θεοῦ μου, καθὼσ ἐλάλησε Κύριοσ ὁ Θεὸσ πρὸσ Δαυὶδ τὸν πατέρα μου, λέγων. ὁ υἱόσ σου, ὃν δώσω ἀντὶ σοῦ ἐπὶ τὸν θρόνον σου, οὗτοσ οἰκοδομήσει τὸν οἴκον τῷ ὀνόματί μου. καὶ νῦν ἔντειλαι καὶ κοψάτωσάν μοι ξύλα ἐκ τοῦ Λιβάνου, καὶ ἰδοὺ οἱ δοῦλοί μου μετὰ τῶν δούλων σου. καὶ τὸν μισθὸν δουλείασ σου δώσω σοι κατὰ πάντα, ὅσα ἂν εἴπῃσ, ὅτι σὺ οἶδασ ὅτι οὐκ ἔστιν ἡμῖν εἰδὼσ ξύλα κόπτειν καθὼσ οἱ Σιδώνιοι. καὶ ἐγενήθη καθὼσ ἤκουσε Χιρὰμ τῶν λόγων Σαλωμών, ἐχάρη σφόδρα καὶ εἶπεν. εὐλογητὸσ ὁ Θεὸσ σήμερον, ὃσ ἔδωκε τῷ Δαυὶδ υἱὸν φρόνιμον ἐπὶ τὸν λαὸν τὸν πολὺν τοῦτον καὶ ἀπέστειλε πρὸσ Σαλωμὼν λέγων. ἀκήκοα περὶ πάντων, ὧν ἀπέσταλκασ πρόσ με. ἐγὼ ποιήσω πᾶν θέλημά σου, ξύλα κέδρινα καὶ πεύκινα. οἱ δοῦλοί μου κατάξουσιν αὐτὰ ἐκ τοῦ Λιβάνου εἰσ τὴν θάλασσαν, ἐγὼ θήσομαι αὐτὰ σχεδίασ ἕωσ τοῦ τόπου, οὗ ἐὰν ἀποστείλῃσ πρόσ με, καὶ ἐκτινάξω αὐτὰ ἐκεῖ, καὶ σὺ ἀρεῖσ. καὶ ποιήσεισ τὸ θέλημά μου, τοῦ δοῦναι ἄρτουσ τῷ οἴκῳ μου. καὶ ἦν Χιρὰμ διδοὺσ τῷ Σαλωμὼν κέδρουσ καὶ πεύκασ καὶ πᾶν θέλημα αὐτοῦ. καὶ Σαλωμὼν ἔδωκε τῷ Χιρὰμ εἴκοσι χιλιάδασ κόρουσ πυροῦ καὶ μαχεὶρ τῷ οἴκῳ αὐτοῦ καὶ εἴκοσι χιλιάδασ βαὶθ ἐλαίου κεκομμένου. κατὰ τοῦτο ἐδίδου Σαλωμὼν τῷ Χιρὰμ κατ̓ ἐνιαυτόν. καὶ Κύριοσ ἔδωκε σοφίαν τῷ Σαλωμών, καθὼσ ἐλάλησεν αὐτῷ. καὶ ἦν εἰρήνη ἀνὰ μέσον Χιρὰμ καὶ ἀνὰ μέσον Σαλωμών, καὶ διέθεντο διαθήκην ἀνὰ μέσον αὐτῶν. καὶ ἀνήνεγκεν ὁ βασιλεὺσ φόρον ἐκ παντὸσ Ἰσραήλ, καὶ ἦν ὁ φόροσ τριάκοντα χιλιάδεσ ἀνδρῶν. καὶ ἀπέστειλεν αὐτοὺσ εἰσ τὸν Λίβανον, δέκα χιλιάδεσ ἐν τῷ μηνί, ἀλλασσόμενοι, μῆνα ἦσαν ἐν τῷ Λιβάνῳ καὶ δύο μῆνασ ἐν οἴκῳ αὐτῶν. καὶ Ἀδωνιρὰμ ἐπὶ τοῦ φόρου. καὶ ἦν τῷ Σαλωμὼν ἑβδομήκοντα χιλιάδεσ αἴροντεσ ἄρσιν καὶ ὀγδοήκοντα χιλιάδεσ λατόμων ἐν τῷ ὄρει, χωρὶσ τῶν ἀρχόντων τῶν καθεσταμένων ἐπὶ τῶν ἔργων τῷ Σαλωμών, τρεῖσ χιλιάδεσ καὶ ἑξακόσιοι ἐπιστάται οἱ ποιοῦντεσ τὰ ἔργα. καὶ ἡτοίμασαν τοὺσ λίθουσ καὶ τὰ ξύλα τρία ἔτη. Καὶ Σαλωμὼν ἦν ἐξουσιάζων ἐν πᾶσι τοῖσ βασιλείοισ ἀπὸ τοῦ ποταμοῦ γῆσ ἀλλοφύλων καὶ ἕωσ ὁρίου Αἰγύπτου προσεγγίζοντεσ δῶρα καὶ δουλεύοντεσ τῷ Σαλωμὼν πάσασ ἡμέρασ ζωῆσ αὐτοῦ.

목록

일치하는 문장이 없습니다.

SEARCH

MENU NAVIGATION