Septuagint, Liber I Regum 3:

(70인역 성경, 열왕기 상권 3:)

ΠΛΗΝ ὁ λαὸσ ἦσαν θυμιῶντεσ ἐπὶ τοῖσ ὑψηλοῖσ, ὅτι οὐκ ᾠκοδομήθη οἶκοσ τῷ Κυρίῳ ἕωσ τοῦ νῦν. καὶ ἠγάπησε Σαλωμὼν τὸν Κύριον πορεύεσθαι ἐν τοῖσ προστάγμασι Δαυὶδ τοῦ πατρὸσ αὐτοῦ, πλὴν ἐν τοῖσ ὑψηλοῖσ ἔθυε καὶ ἐθυμία. καὶ ἀνέστη καὶ ἐπορεύθη εἰσ Γαβαὼν θῦσαι ἐκεῖ, ὅτι αὕτη ὑψηλοτάτη καὶ μεγάλη. χιλίαν ὁλοκαύτωσιν ἀνήνεγκε Σαλωμὼν ἐπὶ τὸ θυσιαστήριον ἐν Γαβαών. καὶ ὤφθη Κύριοσ τῷ Σαλωμὼν ἐν ὕπνῳ τὴν νύκτα, καὶ εἶπε Κύριοσ πρὸσ Σαλωμών. αἴτησαί τι αἴτημα σεαυτῷ. καὶ εἶπεν Σαλωμών. σὺ ἐποίησασ μετὰ τοῦ δούλου σου Δαυὶδ τοῦ πατρόσ μου ἔλεοσ μέγα, καθὼσ διῆλθεν ἐνώπιόν σου ἐν ἀληθείᾳ καὶ ἐν δικαιοσύνῃ καὶ ἐν εὐθύτητι καρδίασ μετὰ σοῦ, καὶ ἐφύλαξασ αὐτῷ τὸ ἔλεοσ τὸ μέγα τοῦτο δοῦναι τὸν υἱὸν αὐτοῦ ἐπὶ τοῦ θρόνου αὐτοῦ, ὡσ ἡ ἡμέρα αὕτη. καὶ νῦν, Κύριε ὁ Θεόσ μου, σὺ ἔδωκασ τὸν δοῦλόν σου ἀντὶ Δαυὶδ τοῦ πατρόσ μου, καὶ ἐγώ εἰμι παιδάριον μικρὸν καὶ οὐκ οἶδα τὴν ἔξοδόν μου καὶ τὴν εἴσοδόν μου, ὁ δὲ δοῦλόσ σου ἐν μέσῳ τοῦ λαοῦ σου, ὃν ἐξελέξω λαὸν πολύν, ὃσ οὐκ ἀριθμηθήσεται. καὶ δώσεισ τῷ δούλῳ σου καρδίαν ἀκούειν καὶ διακρίνειν τὸν λαόν σου ἐν δικαιοσύνῃ καὶ τοῦ συνιεῖν ἀνὰ μέσον ἀγαθοῦ καὶ κακοῦ. ὅτι τίσ δυνηθήσεται κρίνειν τὸν λαόν σου τὸν βαρὺν τοῦτον̣ καὶ ἤρεσεν ἐνώπιον Κυρίου, ὅτι ᾐτήσατο Σαλωμὼν τὸ ρῆμα τοῦτο, καὶ εἶπε Κύριοσ πρὸσ αὐτόν. ἀνθ̓ ὧν ᾐτήσω παῤ ἐμοῦ τὸ ρῆμα τοῦτο καὶ οὐκ ᾐτήσω σεαυτῷ ἡμέρασ πολλὰσ καὶ οὐκ ᾐτήσω πλοῦτον, οὐδὲ ᾐτήσω ψυχὰσ ἐχθρῶν σου, ἀλλ̓ ᾐτήσω σεαυτῷ τοῦ συνιεῖν τοῦ εἰσακούειν κρίμα, ἰδοὺ πεποίηκα κατὰ τὸ ρῆμά σου. ἰδοὺ δέδωκά σοι καρδίαν φρονίμην καὶ σοφήν, ὡσ σὺ οὐ γέγονεν ἔμπροσθέν σου καὶ μετὰ σὲ οὐκ ἀναστήσεται ὅμοιόσ σοι. καὶ ἃ οὐκ ᾐτήσω, δέδωκά σοι, καὶ πλοῦτον καὶ δόξαν, ὡσ οὐ γέγονεν ἀνὴρ ὅμοιόσ σοι ἐν βασιλεῦσι. καὶ ἐὰν πορευθῇσ ἐν τῇ ὁδῷ μου φυλάσσειν τὰσ ἐντολάσ μου καὶ τὰ προστάγματά μου, ὡσ ἐπορεύθη Δαυὶδ ὁ πατήρ σου, καὶ πληθυνῶ τὰσ ἡμέρασ σου. καὶ ἐξυπνίσθη Σαλωμών, καὶ ἰδοὺ ἐνύπνιον. καὶ ἀνέστη καὶ παραγίνεται εἰσ Ἱερουσαλὴμ καὶ ἔστη κατὰ πρόσωπον τοῦ θυσιαστηρίου τοῦ κατὰ πρόσωπον κιβωτοῦ διαθήκησ Κυρίου ἐν Σιὼν καὶ ἀνήγαγεν ὁλοκαυτώσεισ καὶ ἐποίησεν εἰρηνικὰσ καὶ ἐποίησε πότον μέγα ἑαυτῷ καὶ πᾶσι τοῖσ παισὶν αὐτοῦ. Τότε ὤφθησαν δύο γυναῖκεσ πόρναι τῷ βασιλεῖ καὶ ἔστησαν ἐνώπιον αὐτοῦ. καὶ εἶπεν ἡ γυνὴ μία. ἐν ἐμοί, κύριε. ἐγὼ καὶ ἡ γυνὴ αὕτη ᾠκοῦμεν ἐν οἴκῳ ἑνὶ καὶ ἐτέκομεν ἐν τῷ οἴκῳ. καὶ ἐγενήθη ἐν τῇ ἡμέρᾳ τῇ τρίτῃ τεκούσησ μου, ἔτεκε καὶ ἡ γυνὴ αὕτη. καὶ ἡμεῖσ κατὰ τὸ αὐτό, καὶ οὐκ ἔστιν οὐθεὶσ μεθ̓ ἡμῶν πάρεξ ἀμφοτέρων ἡμῶν ἐν τῷ οἴκῳ. καὶ ἀπέθανεν ὁ υἱὸσ τῆσ γυναικὸσ ταύτησ τὴν νύκτα, ὡσ ἐπεκοιμήθη ἐπ̓ αὐτόν. καὶ ἀνέστη μέσησ τῆσ νυκτὸσ καὶ ἔλαβε τὸν υἱόν μου ἐκ τῶν ἀγκαλῶν μου καὶ ἐκοίμισεν αὐτὸν ἐν τῷ κόλπῳ αὐτῆσ καὶ τὸν υἱὸν αὐτῆσ τὸν τεθνηκότα ἐκοίμισεν ἐν τῷ κόλπῳ μου. καὶ ἀνέστην τὸ πρωί̈ θηλάσαι τὸν υἱόν μου, καὶ ἐκεῖνοσ ἦν τεθνηκώσ. καὶ ἰδοὺ κατενόησα αὐτὸν πρωί̈, καὶ ἰδοὺ οὐκ ἦν ὁ υἱόσ μου, ὃν ἔτεκον. καὶ εἶπεν ἡ γυνὴ ἡ ἑτέρα. οὐχί, ἀλλὰ ὁ υἱόσ μου ὁ ζῶν, ὁ δὲ υἱόσ σου ὁ τεθνηκώσ. καὶ ἐλάλησαν ἐνώπιον τοῦ βασιλέωσ. καὶ εἶπεν ὁ βασιλεὺσ αὐταῖσ. σὺ λέγεισ. οὗτοσ ὁ υἱόσ μου ὁ ζῶν, καὶ ὁ υἱὸσ ταύτησ ὁ τεθνηκώσ. καὶ σὺ λέγεισ. οὐχί, ἀλλὰ ὁ υἱόσ μου ὁ ζῶν, καὶ ὁ υἱόσ σου ὁ τεθνηκώσ. καὶ εἶπεν ὁ βασιλεύσ. λάβετέ μοι μάχαιραν. καὶ προσήνεγκαν τὴν μάχαιραν ἐνώπιον τοῦ βασιλέωσ. καὶ εἶπεν ὁ βασιλεύσ. διέλετε τὸ παιδίον τὸ ζῶν τὸ θηλάζον εἰσ δύο καὶ δότε τὸ ἥμισυ αὐτοῦ ταύτῃ καὶ τὸ ἥμισυ αὐτοῦ ταύτῃ. καὶ ἀπεκρίθη ἡ γυνή, ἧσ ἦν ὁ υἱὸσ ὁ ζῶν, καὶ εἶπε πρὸσ τὸν βασιλέα, ὅτι ἐταράχθη ἡ μήτρα αὐτῆσ ἐπὶ τῷ υἱῷ αὐτῆσ, καὶ εἶπεν. ἐν ἐμοί, κύριε, δότε αὐτῇ τὸ παιδίον καὶ θανάτῳ μὴ θανατώσητε αὐτό. καὶ αὕτη εἶπε. μήτε ἐμοὶ μήτε αὐτῇ ἔστω, διέλετε. καὶ ἀπεκρίθη ὁ βασιλεὺσ καὶ εἶπε. δότε τὸ παιδίον τῇ εἰπούσῃ. δότε αὐτῇ αὐτὸ καὶ θανάτῳ μὴ θανατώσητε αὐτό. αὕτη ἡ μήτηρ αὐτοῦ. καὶ ἤκουσαν πᾶσ Ἰσραὴλ τὸ κρίμα τοῦτο, ὃ ἔκρινεν ὁ βασιλεύσ, καὶ ἐφοβήθησαν ἀπὸ προσώπου τοῦ βασιλέωσ, ὅτι εἶδον ὅτι φρόνησισ Θεοῦ ἐν αὐτῷ τοῦ ποιεῖν δικαίωμα. Τῆσ δὲ βασιλείασ ἑδρασθείσησ ἐν χειρὶ Σαλωμὼν ἐπιγαμίαν ἐποιήσατο Σαλωμὼν πρὸσ Φαραὼ βασιλέα Αἰγύπτου καὶ ἔλαβε τὴν θυγατέρα Φαραὼ καὶ εἰσήγαγεν αὐτὴν εἰσ τὴν πόλιν Δαυίδ, ἕωσ οὗ συνετέλεσεν οἰκοδομῶν τὸν οἶκον ἑαυτοῦ καὶ τὸν οἶκον Κυρίου καὶ τὸ τεῖχοσ Ἱερουσαλὴμ κύκλῳ.

목록

일치하는 문장이 없습니다.

SEARCH

MENU NAVIGATION