헬라어 문장 검색 - Σεπτύ011́003́

(70인역 성경, 열왕기 상권 3:)

ΠΛΗΝ ὁ λαὸσ ἦσαν θυμιῶντεσ ἐπὶ τοῖσ ὑψηλοῖσ, ὅτι οὐκ ᾠκοδομήθη οἶκοσ τῷ Κυρίῳ ἕωσ τοῦ νῦν. καὶ ἠγάπησε Σαλωμὼν τὸν Κύριον πορεύεσθαι ἐν τοῖσ προστάγμασι Δαυὶδ τοῦ πατρὸσ αὐτοῦ, πλὴν ἐν τοῖσ ὑψηλοῖσ ἔθυε καὶ ἐθυμία. καὶ ἀνέστη καὶ ἐπορεύθη εἰσ Γαβαὼν θῦσαι ἐκεῖ, ὅτι αὕτη ὑψηλοτάτη καὶ μεγάλη. χιλίαν ὁλοκαύτωσιν ἀνήνεγκε Σαλωμὼν ἐπὶ τὸ θυσιαστήριον ἐν Γαβαών. καὶ ὤφθη Κύριοσ τῷ Σαλωμὼν ἐν ὕπνῳ τὴν νύκτα, καὶ εἶπε Κύριοσ πρὸσ Σαλωμών. αἴτησαί τι αἴτημα σεαυτῷ. καὶ εἶπεν Σαλωμών. σὺ ἐποίησασ μετὰ τοῦ δούλου σου Δαυὶδ τοῦ πατρόσ μου ἔλεοσ μέγα, καθὼσ διῆλθεν ἐνώπιόν σου ἐν ἀληθείᾳ καὶ ἐν δικαιοσύνῃ καὶ ἐν εὐθύτητι καρδίασ μετὰ σοῦ, καὶ ἐφύλαξασ αὐτῷ τὸ ἔλεοσ τὸ μέγα τοῦτο δοῦναι τὸν υἱὸν αὐτοῦ ἐπὶ τοῦ θρόνου αὐτοῦ, ὡσ ἡ ἡμέρα αὕτη. καὶ νῦν, Κύριε ὁ Θεόσ μου, σὺ ἔδωκασ τὸν δοῦλόν σου ἀντὶ Δαυὶδ τοῦ πατρόσ μου, καὶ ἐγώ εἰμι παιδάριον μικρὸν καὶ οὐκ οἶδα τὴν ἔξοδόν μου καὶ τὴν εἴσοδόν μου, ὁ δὲ δοῦλόσ σου ἐν μέσῳ τοῦ λαοῦ σου, ὃν ἐξελέξω λαὸν πολύν, ὃσ οὐκ ἀριθμηθήσεται. καὶ δώσεισ τῷ δούλῳ σου καρδίαν ἀκούειν καὶ διακρίνειν τὸν λαόν σου ἐν δικαιοσύνῃ καὶ τοῦ συνιεῖν ἀνὰ μέσον ἀγαθοῦ καὶ κακοῦ. ὅτι τίσ δυνηθήσεται κρίνειν τὸν λαόν σου τὸν βαρὺν τοῦτον̣ καὶ ἤρεσεν ἐνώπιον Κυρίου, ὅτι ᾐτήσατο Σαλωμὼν τὸ ρῆμα τοῦτο, καὶ εἶπε Κύριοσ πρὸσ αὐτόν. ἀνθ̓ ὧν ᾐτήσω παῤ ἐμοῦ τὸ ρῆμα τοῦτο καὶ οὐκ ᾐτήσω σεαυτῷ ἡμέρασ πολλὰσ καὶ οὐκ ᾐτήσω πλοῦτον, οὐδὲ ᾐτήσω ψυχὰσ ἐχθρῶν σου, ἀλλ̓ ᾐτήσω σεαυτῷ τοῦ συνιεῖν τοῦ εἰσακούειν κρίμα, ἰδοὺ πεποίηκα κατὰ τὸ ρῆμά σου. ἰδοὺ δέδωκά σοι καρδίαν φρονίμην καὶ σοφήν, ὡσ σὺ οὐ γέγονεν ἔμπροσθέν σου καὶ μετὰ σὲ οὐκ ἀναστήσεται ὅμοιόσ σοι. καὶ ἃ οὐκ ᾐτήσω, δέδωκά σοι, καὶ πλοῦτον καὶ δόξαν, ὡσ οὐ γέγονεν ἀνὴρ ὅμοιόσ σοι ἐν βασιλεῦσι. καὶ ἐὰν πορευθῇσ ἐν τῇ ὁδῷ μου φυλάσσειν τὰσ ἐντολάσ μου καὶ τὰ προστάγματά μου, ὡσ ἐπορεύθη Δαυὶδ ὁ πατήρ σου, καὶ πληθυνῶ τὰσ ἡμέρασ σου. καὶ ἐξυπνίσθη Σαλωμών, καὶ ἰδοὺ ἐνύπνιον. καὶ ἀνέστη καὶ παραγίνεται εἰσ Ἱερουσαλὴμ καὶ ἔστη κατὰ πρόσωπον τοῦ θυσιαστηρίου τοῦ κατὰ πρόσωπον κιβωτοῦ διαθήκησ Κυρίου ἐν Σιὼν καὶ ἀνήγαγεν ὁλοκαυτώσεισ καὶ ἐποίησεν εἰρηνικὰσ καὶ ἐποίησε πότον μέγα ἑαυτῷ καὶ πᾶσι τοῖσ παισὶν αὐτοῦ. Τότε ὤφθησαν δύο γυναῖκεσ πόρναι τῷ βασιλεῖ καὶ ἔστησαν ἐνώπιον αὐτοῦ. καὶ εἶπεν ἡ γυνὴ μία. ἐν ἐμοί, κύριε. ἐγὼ καὶ ἡ γυνὴ αὕτη ᾠκοῦμεν ἐν οἴκῳ ἑνὶ καὶ ἐτέκομεν ἐν τῷ οἴκῳ. καὶ ἐγενήθη ἐν τῇ ἡμέρᾳ τῇ τρίτῃ τεκούσησ μου, ἔτεκε καὶ ἡ γυνὴ αὕτη. καὶ ἡμεῖσ κατὰ τὸ αὐτό, καὶ οὐκ ἔστιν οὐθεὶσ μεθ̓ ἡμῶν πάρεξ ἀμφοτέρων ἡμῶν ἐν τῷ οἴκῳ. καὶ ἀπέθανεν ὁ υἱὸσ τῆσ γυναικὸσ ταύτησ τὴν νύκτα, ὡσ ἐπεκοιμήθη ἐπ̓ αὐτόν. καὶ ἀνέστη μέσησ τῆσ νυκτὸσ καὶ ἔλαβε τὸν υἱόν μου ἐκ τῶν ἀγκαλῶν μου καὶ ἐκοίμισεν αὐτὸν ἐν τῷ κόλπῳ αὐτῆσ καὶ τὸν υἱὸν αὐτῆσ τὸν τεθνηκότα ἐκοίμισεν ἐν τῷ κόλπῳ μου. καὶ ἀνέστην τὸ πρωί̈ θηλάσαι τὸν υἱόν μου, καὶ ἐκεῖνοσ ἦν τεθνηκώσ. καὶ ἰδοὺ κατενόησα αὐτὸν πρωί̈, καὶ ἰδοὺ οὐκ ἦν ὁ υἱόσ μου, ὃν ἔτεκον. καὶ εἶπεν ἡ γυνὴ ἡ ἑτέρα. οὐχί, ἀλλὰ ὁ υἱόσ μου ὁ ζῶν, ὁ δὲ υἱόσ σου ὁ τεθνηκώσ. καὶ ἐλάλησαν ἐνώπιον τοῦ βασιλέωσ. καὶ εἶπεν ὁ βασιλεὺσ αὐταῖσ. σὺ λέγεισ. οὗτοσ ὁ υἱόσ μου ὁ ζῶν, καὶ ὁ υἱὸσ ταύτησ ὁ τεθνηκώσ. καὶ σὺ λέγεισ. οὐχί, ἀλλὰ ὁ υἱόσ μου ὁ ζῶν, καὶ ὁ υἱόσ σου ὁ τεθνηκώσ. καὶ εἶπεν ὁ βασιλεύσ. λάβετέ μοι μάχαιραν. καὶ προσήνεγκαν τὴν μάχαιραν ἐνώπιον τοῦ βασιλέωσ. καὶ εἶπεν ὁ βασιλεύσ. διέλετε τὸ παιδίον τὸ ζῶν τὸ θηλάζον εἰσ δύο καὶ δότε τὸ ἥμισυ αὐτοῦ ταύτῃ καὶ τὸ ἥμισυ αὐτοῦ ταύτῃ. καὶ ἀπεκρίθη ἡ γυνή, ἧσ ἦν ὁ υἱὸσ ὁ ζῶν, καὶ εἶπε πρὸσ τὸν βασιλέα, ὅτι ἐταράχθη ἡ μήτρα αὐτῆσ ἐπὶ τῷ υἱῷ αὐτῆσ, καὶ εἶπεν. ἐν ἐμοί, κύριε, δότε αὐτῇ τὸ παιδίον καὶ θανάτῳ μὴ θανατώσητε αὐτό. καὶ αὕτη εἶπε. μήτε ἐμοὶ μήτε αὐτῇ ἔστω, διέλετε. καὶ ἀπεκρίθη ὁ βασιλεὺσ καὶ εἶπε. δότε τὸ παιδίον τῇ εἰπούσῃ. δότε αὐτῇ αὐτὸ καὶ θανάτῳ μὴ θανατώσητε αὐτό. αὕτη ἡ μήτηρ αὐτοῦ. καὶ ἤκουσαν πᾶσ Ἰσραὴλ τὸ κρίμα τοῦτο, ὃ ἔκρινεν ὁ βασιλεύσ, καὶ ἐφοβήθησαν ἀπὸ προσώπου τοῦ βασιλέωσ, ὅτι εἶδον ὅτι φρόνησισ Θεοῦ ἐν αὐτῷ τοῦ ποιεῖν δικαίωμα. Τῆσ δὲ βασιλείασ ἑδρασθείσησ ἐν χειρὶ Σαλωμὼν ἐπιγαμίαν ἐποιήσατο Σαλωμὼν πρὸσ Φαραὼ βασιλέα Αἰγύπτου καὶ ἔλαβε τὴν θυγατέρα Φαραὼ καὶ εἰσήγαγεν αὐτὴν εἰσ τὴν πόλιν Δαυίδ, ἕωσ οὗ συνετέλεσεν οἰκοδομῶν τὸν οἶκον ἑαυτοῦ καὶ τὸν οἶκον Κυρίου καὶ τὸ τεῖχοσ Ἱερουσαλὴμ κύκλῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Regum 3:

(70인역 성경, 열왕기 상권 3:)

목록

SEARCH

MENU NAVIGATION