Septuagint, Liber I Regum 1:

(70인역 성경, 열왕기 상권 1:)

ΚΑΙ ὁ βασιλεὺσ Δαυὶδ πρεσβύτεροσ προβεβηκὼσ ἡμέραισ, καὶ περιέβαλλον αὐτὸν ἱματίοισ, καὶ οὐκ ἐθερμαίνετο. καὶ εἶπον οἱ παῖδεσ αὐτοῦ. ζητησάτωσαν τῷ βασιλεῖ παρθένον νεάνιδα, καὶ παραστήσεται τῷ βασιλεῖ καὶ ἔσται αὐτὸν θάλπουσαν καὶ κοιμηθήσεται μετ̓ αὐτοῦ καὶ θερμανθήσεται ὁ κύριόσ μου ὁ βασιλεύσ. καὶ ἐζήτησαν νεάνιδα καλὴν ἐκ παντὸσ ὁρίου Ἰσραὴλ καὶ εὗρον τὴν Ἀβισὰγ τὴν Σωμανῖτιν καὶ ἤνεγκαν αὐτὴν πρὸσ τὸν βασιλέα. καὶ ἡ νεᾶνισ καλὴ ἕωσ σφόδρα. καὶ ἦν θάλπουσα τὸν βασιλέα καὶ ἐλειτούργει αὐτῷ, καὶ ὁ βασιλεὺσ οὐκ ἔγνω αὐτήν. Καὶ Ἀδωνίασ υἱὸσ Ἀγγὶθ ἐπῄρετο λέγων. ἐγὼ βασιλεύσω. καὶ ἐποίησεν ἑαυτῷ ἅρματα καὶ ἱππεῖσ καὶ πεντήκοντα ἄνδρασ παρατρέχειν ἔμπροσθεν αὐτοῦ. καὶ οὐκ ἀπεκώλυσεν αὐτὸν ὁ πατὴρ αὐτοῦ οὐδέποτε λέγων. διατὶ σὺ ἐποίησασ̣ καί γε αὐτὸσ ὡραῖοσ τῇ ὄψει σφόδρα, καὶ αὐτὸν ἔτεκεν ὀπίσω Ἀβεσσαλώμ. καὶ ἐγένοντο οἱ λόγοι αὐτοῦ μετὰ Ἰωὰβ τοῦ υἱοῦ Σαρουί̈ασ καὶ μετὰ Ἀβιάθαρ τοῦ ἱερέωσ, καὶ ἐβοήθουν ὀπίσω Ἀδωνίου. καὶ Σαδὼκ ὁ ἱερεὺσ καὶ Βαναίασ υἱὸσ Ἰωδαὲ καὶ Νάθαν ὁ προφήτησ καὶ Σεμεί̈ καὶ Ρησὶ καὶ υἱοὶ δυνατοὶ τοῦ Δαυὶδ οὐκ ἦσαν ὀπίσω Ἀδωνίου. καὶ ἐθυσίασεν Ἀδωνίασ πρόβατα καὶ μόσχουσ καὶ ἄρνασ παρὰ τὸν λίθον τοῦ Ζωελεθί, ὃσ ἦν ἐχόμενα τῆσ Ρωγήλ, καὶ ἐκάλεσε πάντασ τοὺσ ἀδελφοὺσ αὐτοῦ καὶ πάντασ τοὺσ ἁδροὺσ Ἰούδα παῖδασ τοῦ βασιλέωσ. καὶ Νάθαν τὸν προφήτην καὶ Βαναίαν καὶ τοὺσ δυνατούσ, καὶ τὸν Σαλωμὼν ἀδελφὸν αὐτοῦ οὐκ ἐκάλεσε. Καὶ εἶπε Νάθαν πρὸσ Βηρσαβεὲ μητέρα Σαλωμὼν λέγων. οὐκ ἤκουσασ ὅτι ἐβασίλευσεν Ἀδωνίασ υἱὸσ Ἀγγίθ̣ καὶ ὁ κύριοσ ἡμῶν Δαυὶδ οὐκ ἔγνω. καὶ νῦν δεῦρο συμβουλεύσω σοι δὴ συμβουλίαν, καὶ ἐξελοῦ τὴν ψυχήν σου καὶ τὴν ψυχὴν τοῦ υἱοῦ σου Σαλωμών. δεῦρο εἴσελθε πρὸσ τὸν βασιλέα Δαυὶδ καὶ ἐρεῖσ πρὸσ αὐτὸν λέγουσα. οὐχὶ σύ, κύριέ μου βασιλεῦ, ὤμοσασ τῇ δούλῃ σου λέγων ὅτι ὁ υἱόσ σου Σαλωμὼν βασιλεύσει μετ̓ ἐμὲ καὶ αὐτὸσ καθιεῖται ἐπὶ τοῦ θρόνου μου̣ καὶ τί ὅτι ἐβασίλευσεν Ἀδωνίασ̣ καὶ ἰδοὺ ἔτι λαλούσησ σου ἐκεῖ μετὰ τοῦ βασιλέωσ καὶ ἐγὼ εἰσελεύσομαι ὀπίσω σου καὶ πληρώσω τοὺσ λόγουσ σου. καὶ εἰσῆλθε Βηρσαβεὲ πρὸσ τὸν βασιλέα εἰσ τὸ ταμιεῖον, καὶ ὁ βασιλεὺσ πρεσβύτησ σφόδρα, καὶ Ἀβισὰγ ἡ Σωμανῖτισ ἦν λειτουργοῦσα τῷ βασιλεῖ. καὶ ἔκυψε Βηρσαβεὲ καὶ προσεκύνησε τῷ βασιλεῖ. καὶ εἶπεν ὁ βασιλεύσ. τί ἔστι σοι̣ ἡ δὲ εἶπε. κύριέ μου βασιλεῦ, σὺ ὤμοσασ ἐν Κυρίῳ τῷ Θεῷ σου τῇ δούλῃ σου λέγων. ὅτι ὁ υἱόσ σου Σαλωμὼν βασιλεύσει μετ̓ ἐμὲ καὶ αὐτὸσ καθήσεται ἐπὶ τοῦ θρόνου μου. καὶ νῦν ἰδοὺ Ἀδωνίασ ἐβασίλευσε, καὶ σύ, κύριέ μου βασιλεῦ, οὐκ ἔγνωσ. καὶ ἐθυσίασε μόσχουσ καὶ ἄρνασ καὶ πρόβατα εἰσ πλῆθοσ καὶ ἐκάλεσε πάντασ τοὺσ υἱοὺσ τοῦ βασιλέωσ καὶ Ἀβιάθαρ τὸν ἱερέα καὶ Ἰωὰβ τὸν ἄρχοντα τῆσ δυνάμεωσ, καὶ τὸν Σαλωμὼν τὸν δοῦλόν σου οὐκ ἐκάλεσε. καὶ σύ, κύριέ μου βασιλεῦ, οἱ ὀφθαλμοὶ παντὸσ Ἰσραὴλ πρόσ σε. ἀπάγγειλαι αὐτοῖσ τίσ καθήσεται ἐπὶ τοῦ θρόνου τοῦ κυρίου μου τοῦ βασιλέωσ μετ̓ αὐτόν. καὶ ἔσται ὡσ ἂν κοιμηθῇ ὁ κύριόσ μου ὁ βασιλεὺσ μετὰ τῶν πατέρων αὐτοῦ, καὶ ἔσομαι ἐγὼ καὶ Σαλωμὼν ὁ υἱὸσ μου ἁμαρτωλοί. καὶ ἰδοὺ ἔτι αὐτῆσ λαλούσησ μετὰ τοῦ βασιλέωσ καὶ Νάθαν ὁ προφήτησ ἦλθε. καὶ ἀνηγγέλη τῷ βασιλεῖ. ἰδοὺ Νάθαν ὁ προφήτησ. καὶ εἰσῆλθε κατὰ πρόσωπον τοῦ βασιλέωσ καὶ προσεκύνησε τῷ βασιλεῖ κατὰ πρόσωπον αὐτοῦ ἐπὶ τὴν γῆν. καὶ εἶπε Νάθαν. κύριέ μου βασιλεῦ, σὺ εἶπασ Ἀδωνίασ βασιλεύσει ὀπίσω μου καὶ αὐτὸσ καθήσεται ἐπὶ τοῦ θρόνου μου̣ ὅτι κατέβη σήμερον καὶ ἐθυσίασε μόσχουσ καὶ ἄρνασ καὶ πρόβατα εἰσ πλῆθοσ καὶ ἐκάλεσε πάντασ τοὺσ υἱοὺσ τοῦ βασιλέωσ καὶ τοὺσ ἄρχοντασ τῆσ δυνάμεωσ καὶ Ἀβιάθαρ τὸν ἱερέα, καὶ ἰδοὺ εἰσὶν ἐσθίοντεσ καὶ πίνοντεσ ἐνώπιον αὐτοῦ καὶ εἶπαν. ζήτω ὁ βασιλεὺσ Ἀδωνίασ. καὶ ἐμὲ αὐτὸν τὸν δοῦλόν σου καὶ Σαδὼκ τὸν ἱερέα καὶ Βαναίαν υἱὸν Ἰωδαὲ καὶ Σαλωμὼν τὸν δοῦλόν σου οὐκ ἐκάλεσεν. εἰ διὰ τοῦ κυρίου μου τοῦ βασιλέωσ γέγονε τὸ ρῆμα τοῦτο καὶ οὐκ ἐγνώρισασ τῷ δούλῳ σου τίσ καθήσεται ἐπὶ τὸν θρόνον τοῦ κυρίου μου τοῦ βασιλέωσ μετ̓ αὐτόν̣ καὶ ἀπεκρίθη ὁ βασιλεὺσ Δαυὶδ καὶ εἶπε. καλέσατέ μοι τὴν Βηρσαβεέ. καὶ εἰσῆλθεν ἐνώπιον τοῦ βασιλέωσ καὶ ἔστη ἐνώπιον αὐτοῦ. καὶ ὤμοσεν ὁ βασιλεὺσ καὶ εἶπε. ζῇ Κύριοσ, ὃσ ἐλυτρώσατο τὴν ψυχήν μου ἐκ πάσησ θλίψεωσ, ὅτι καθὼσ ὤμοσά σοι ἐν Κυρίῳ Θεῷ Ἰσραὴλ λέγων ὅτι Σαλωμὼν ὁ υἱόσ σου βασιλεύσει μετ̓ ἐμὲ καὶ αὐτὸσ καθήσεται ἐπὶ τοῦ θρόνου μου ἀντ̓ ἐμοῦ, ὅτι οὕτω ποιήσω τῇ ἡμέρᾳ ταύτῃ. καὶ ἔκυψε Βηρσαβεὲ ἐπὶ πρόσωπον ἐπὶ τὴν γῆν καὶ προσεκύνησε τῷ βασιλεῖ καὶ εἶπε. ζήτω ὁ κύριόσ μου ὁ βασιλεὺσ Δαυὶδ εἰσ τὸν αἰῶνα. καὶ εἶπεν ὁ βασιλεὺσ Δαυίδ. καλέσατέ μοι Σαδὼκ τὸν ἱερέα καὶ Νάθαν τὸν προφήτην καὶ Βαναίαν υἱὸν Ἰωδαέ. καὶ εἰσῆλθον ἐνώπιον τοῦ βασιλέωσ, καὶ εἶπεν ὁ βασιλεὺσ αὐτοῖσ. λάβετε τοὺσ δούλουσ τοῦ κυρίου ὑμῶν μεθ̓ ὑμῶν καὶ ἐπιβιβάσατε τὸν υἱόν μου Σαλωμὼν ἐπὶ τὴν ἡμίονον τὴν ἐμὴν καὶ καταγάγετε αὐτὸν εἰσ τὴν Γιών, καὶ χρισάτω αὐτὸν ἐκεῖ Σαδὼκ ὁ ἱερεὺσ καὶ Νάθαν ὁ προφήτησ εἰσ βασιλέα ἐπὶ Ἰσραήλ, καὶ σαλπίσατε κερατίνῃ καὶ ἐρεῖτε. ζήτω ὁ βασιλεὺσ Σαλωμών. καὶ καθήσεται ἐπὶ τοῦ θρόνου μου καὶ βασιλεύσει ἀντ̓ ἐμοῦ, καὶ ἐγὼ ἐνετειλάμην τοῦ εἶναι εἰσ ἡγούμενον ἐπὶ Ἰσραὴλ καὶ Ἰούδαν. καὶ ἀπεκρίθη Βαναίασ υἱὸσ Ἰωδαὲ τῷ βασιλεῖ καὶ εἶπε. γένοιτο οὕτωσ. πιστώσαι Κύριοσ ὁ Θεὸσ τοῦ κυρίου μου τοῦ βασιλέωσ. καθὼσ ἦν Κύριοσ μετὰ τοῦ κυρίου μου τοῦ βασιλέωσ, οὕτωσ εἴη μετὰ Σαλωμὼν καὶ μεγαλύναι τὸν θρόνον αὐτοῦ ὑπὲρ τὸν θρόνον τοῦ κυρίου μου τοῦ βασιλέωσ Δαυίδ. καὶ κατέβη Σαδὼκ ὁ ἱερεὺσ καὶ Νάθαν ὁ προφήτησ καὶ Βαναίασ υἱὸσ Ἰωδαὲ καὶ ὁ Χερεθὶ καὶ ὁ Φελεθὶ καὶ ἐπεκάθισαν τὸν Σαλωμὼν ἐπὶ τὴν ἡμίονον τοῦ βασιλέωσ Δαυὶδ καὶ ἀπήγαγον αὐτὸν εἰσ τὴν Γιών. καὶ ἔλαβε Σαδὼκ ὁ ἱερεὺσ τὸ κέρασ τοῦ ἐλαίου ἐκ τῆσ σκηνῆσ καὶ ἔχρισε τὸν Σαλωμὼν καὶ ἐσάλπισε τῇ κερατίνῃ, καὶ εἶπε πᾶσ ὁ λαόσ. ζήτω ὁ βασιλεὺσ Σαλωμών. καὶ ἀνέβη πᾶσ ὁ λαὸσ ὀπίσω αὐτοῦ καὶ ἐχόρευον ἐν χοροῖσ καὶ εὐφραινόμενοι εὐφροσύνην μεγάλην, καὶ ἐρράγη ἡ γῆ ἐν τῇ φωνῇ αὐτῶν. Καὶ ἤκουσεν Ἀδωνίασ καὶ πάντεσ οἱ κλητοὶ αὐτοῦ, καὶ αὐτοὶ συνετέλεσαν φαγεῖν. καὶ ἤκουσεν Ἰωὰβ τὴν φωνὴν τῆσ κερατίνησ καὶ εἶπε. τίσ ἡ φωνὴ τῆσ πόλεωσ ἠχούσησ̣ ἔτι αὐτοῦ λαλοῦντοσ καὶ ἰδοὺ Ἰωνάθαν υἱὸσ Ἀβιάθαρ τοῦ ἱερέωσ εἰσῆλθε, καὶ εἶπεν Ἀδωνίασ. εἴσελθε, ὅτι ἀνὴρ δυνάμεωσ εἶ σύ, καὶ ἀγαθὰ εὐαγγέλισαι. καὶ ἀπεκρίθη Ἰωνάθαν καὶ εἶπε. καὶ μάλα ὁ κύριοσ ἡμῶν ὁ βασιλεὺσ Δαυὶδ ἐβασίλευσε τὸν Σαλωμών. καὶ ἀπέστειλε μετ̓ αὐτοῦ ὁ βασιλεὺσ τὸν Σαδὼκ τὸν ἱερέα καὶ Νάθαν τὸν προφήτην καὶ Βαναίαν τὸν υἱὸν Ἰωδαὲ καὶ τὸν Χερεθὶ καὶ τὸν Φελεθὶ καὶ ἐπεκάθισαν αὐτὸν ἐπὶ τὴν ἡμίονον τοῦ βασιλέωσ. καὶ ἔχρισαν αὐτὸν Σαδὼκ ὁ ἱερεὺσ καὶ Νάθαν ὁ προφήτησ ἐν τῇ Γιών, καὶ ἀνέβησαν ἐκεῖθεν εὐφραινόμενοι καὶ ἤχησεν ἡ πόλισ. αὕτη ἡ φωνὴ ἣν ἠκούσατε. καὶ ἐκάθισε Σαλωμὼν ἐπὶ θρόνον βασιλείασ, καὶ εἰσῆλθον οἱ δοῦλοι τοῦ βασιλέωσ εὐλογῆσαι τὸν κύριον ἡμῶν τὸν βασιλέα Δαυὶδ λέγοντεσ. ἀγαθύναι ὁ Θεὸσ τὸ ὄνομα Σαλωμὼν ὑπὲρ τὸ ὄνομά σου καὶ μεγαλύναι τὸν θρόνον αὐτοῦ ὑπὲρ τὸν θρόνον σου. καὶ προσεκύνησεν ὁ βασιλεὺσ ἐπὶ τὴν κοίτην, καί γε οὕτωσ εἶπεν ὁ βασιλεύσ. εὐλογητὸσ Κύριοσ ὁ Θεὸσ Ἰσραήλ, ὃσ ἔδωκε σήμερον ἐκ τοῦ σπέρματόσ μου καθήμενον ἐπὶ τοῦ θρόνου μου, καὶ οἱ ὀφθαλμοί μου βλέπουσι. Καὶ ἐξέστησαν πάντεσ οἱ κλητοὶ τοῦ Ἀδωνίου καὶ ἦλθον ἀνὴρ εἰσ τὴν ὁδὸν αὐτοῦ. καὶ Ἀδωνίασ ἐφοβήθη ἀπὸ προσώπου Σαλωμὼν καὶ ἀνέστη καὶ ἀπῆλθε καὶ ἐπελάβετο τῶν κεράτων τοῦ θυσιαστηρίου. καὶ ἀνηγγέλη τῷ Σαλωμὼν λέγοντεσ. ἰδοὺ Ἀδωνίασ ἐφοβήθη τὸν βασιλέα Σαλωμὼν καὶ κατέχει τῶν κεράτων τοῦ θυσιαστηρίου λέγων. ὀμοσάτω μοι σήμερον Σαλωμών, εἰ οὐ θανατώσει τὸν δοῦλον αὐτοῦ ἐν ρομφαίᾳ. καὶ εἶπε Σαλωμών. ἐὰν γένηται εἰσ υἱὸν δυνάμεων, εἰ πεσεῖται τῶν τριχῶν αὐτοῦ ἐπὶ τὴν γῆν. καὶ ἐὰν κακία εὑρεθῇ ἐν αὐτῷ, θανατωθήσεται. καὶ ἀπέστειλεν ὁ βασιλεὺσ Σαλωμὼν καὶ κατήνεγκαν αὐτὸν ἀπάνωθεν τοῦ θυσιαστηρίου. καὶ εἰσῆλθε καὶ προσεκύνησε τῷ βασιλεῖ Σαλωμών, καὶ εἶπεν αὐτῷ Σαλωμών. δεῦρο εἰσ τὸν οἶκόν σου.

목록

일치하는 문장이 없습니다.

SEARCH

MENU NAVIGATION