헬라어 문장 검색 - Σεπτύ010́024́

(70인역 성경, 사무엘기 하권 24:)

ΚΑΙ προσέθετο ὀργὴν Κύριοσ ἐκκαῆναι ἐν Ἰσραήλ, καὶ ἐπέσεισε τὸν Δαυὶδ ἐν αὐτοῖσ λέγων. βάδιζε, ἀρίθμησον τὸν Ἰσραὴλ καὶ τὸν Ἰούδαν. καὶ εἶπεν ὀ βασιλεὺσ πρὸσ Ἰωὰβ ἄρχοντα τῆσ ἰσχύοσ τὸν μετ’ αὐτοῦ. δίελθε δὴ πάσασ φυλὰσ Ἰσραὴλ καὶ Ἰούδα, ἀπὸ Δὰν καὶ ἕωσ Βηρσαβεὲ καὶ ἐπίσκεψαι τὸν λαόν, καὶ γνώσομαι τὸν ἀριθμὸν τοῦ λαοῦ. καὶ εἶπεν Ἰωὰβ πρὸσ τὸν βασιλέα. καὶ προσθείη Κύριοσ ὁ Θεὸσ πρὸσ τὸν λαὸν ὥσπερ αὐτοὺσ καὶ ὥσπερ αὐτοὺσ ἑκατονταπλασίονα, καὶ ὀφθαλμοὶ τοῦ κυρίου μου τοῦ βασιλέωσ ὁρῶντεσ. καὶ ὁ κύριόσ μου ὁ βασιλεὺσ ἱνατί βούλεται ἐν τῷ λόγῳ τούτῳ̣ καὶ ὑπερίσχυσεν ὀ λόγοσ τοῦ βασιλέωσ πρὸσ Ἰωὰβ καὶ εἰσ τοὺσ ἄρχοντασ τῆσ δυνάμεωσ. καὶ ἐξῆλθεν Ἰωὰβ καὶ οἱ ἄρχοντεσ τῆσ ἰσχύοσ ἐνώπιον τοῦ βασιλέωσ ἐπισκέψασθαι τὸν λαὸν τὸν Ἰσραήλ. καὶ διέβησαν τὸν Ἰορδάνην καὶ παρενέβαλον ἐν Ἀροὴρ ἐκ δεξιῶν τῆσ πόλεωσ τῆσ ἐν μέσῳ τῆσ φάραγγοσ Γὰδ καὶ Ἐλιέζερ. καὶ ἦλθον εἰσ Γαλαὰδ καὶ εἰσ γῆν Θαβασών, ἥ ἐστιν Ἀδασαί, καὶ παρεγένοντο εἰσ Δανιδὰν καὶ Οὐδὰν καὶ ἐκύκλωσαν εἰσ Σιδῶνα. καὶ ἦλθον εἰσ Μάψαρ Τύρου καὶ εἰσ πάσασ τὰσ πόλεισ τοῦ Εὐαίου καὶ τοῦ Χαναναίου καὶ ἦλθαν κατὰ νότον Ἰούδα εἰσ Βηρσαβεὲ καὶ περιώδευσαν ἐν πάσῃ τῇ γῇ καὶ παρεγένοντο ἀπὸ τέλουσ ἐννέα μηνῶν καὶ εἴκοσιν ἡμερῶν εἰσ Ἱερουσαλήμ. καὶ ἔδωκεν Ἰωὰβ τὸν ἀριθμὸν τῆσ ἐπισκέψεωσ τοῦ λαοῦ πρὸσ τὸν βασιλέα, καὶ ἐγένετο Ἰσραὴλ ὀκτακόσιαι χιλιάδεσ ἀνδρῶν δυνάμεωσ σπωμένων ρομφαίαν καὶ ἀνὴρ Ἰούδα πεντακόσιαι χιλιάδεσ ἀνδρῶν μαχητῶν. καὶ ἐπάταξε καρδία Δαυὶδ αὐτὸν μετὰ τὸ ἀριθμῆσαι τὸν λαόν, καὶ εἶπε Δαυὶδ πρὸσ Κύριον. ἥμαρτον σφόδρα, ὃ ἐποίησα νῦν, Κύριε. παραβίβασον δὴ τὴν ἀνομίαν τοῦ δούλου σου, ὅτι ἐμωράνθην σφόδρα. καὶ ἀνέστη Δαυὶδ τὸ πρωί̈. καὶ λόγοσ Κυρίου ἐγένετο πρὸσ Γὰδ τὸν προφήτην τὸν ὁρῶντα λέγων. πορεύθητι καὶ λάλησον πρὸσ Δαυὶδ λέγων. τάδε λέγει Κύριοσ. τρία ἐγώ εἰμι αἴρω ἐπὶ σέ, καὶ ἔκλεξαι σεαυτῷ ἓν ἐξ αὐτῶν καὶ ποιήσω σοι. καὶ εἰσῆλθε Γὰδ πρὸσ Δαυὶδ καὶ ἀνήγγειλε καὶ εἶπεν αὐτῷ. ἔκλεξαι σεαυτῷ γενέσθαι, εἰ ἔλθῃ σοι τρία ἔτη λιμὸσ ἐν τῇ γῇ σου, ἢ τρεῖσ μῆνασ φεύγειν σε ἔμπροσθεν τῶν ἐχθρῶν σου καὶ ἔσονται διώκοντέσ σε, ἢ γενέσθαι τρεῖσ ἡμέρασ θάνατον ἐν τῇ γῇ σου. νῦν οὖν γνῶθι καὶ ἰδὲ τί ἀποκριθῶ τῷ ἀποστείλαντί με ρῆμα. καὶ εἶπε Δαυὶδ πρὸσ Γάδ. στενά μοι πάντοθεν σφόδρα ἐστίν. ἐμπεσοῦμαι δὴ εἰσ χεῖρασ Κυρίου, ὅτι πολλοὶ οἱ οἰκτιρμοὶ αὐτοῦ σφόδρα, εἰσ δὲ χεῖρασ ἀνθρώπου οὐ μὴ ἐμπέσω. καὶ ἐξελέξατο ἑαυτῷ Δαυὶδ τὸν θάνατον. καὶ ἡμέραι θερισμοῦ πυρῶν, καὶ ἔδωκε Κύριοσ θάνατον ἐν Ἰσραὴλ ἀπὸ πρωί̈θεν ἕωσ ὥρασ ἀρίστου, καὶ ἤρξατο ἡ θραῦσισ ἐν τῷ λαῷ, καὶ ἀπέθανεν ἐκ τοῦ λαοῦ ἀπὸ Δὰν καὶ ἕωσ Βηρσαβεὲ ἑβδομήκοντα χιλιάδεσ ἀνδρῶν. καὶ ἐξέτεινεν ὁ ἄγγελοσ τοῦ Θεοῦ τὴν χεῖρα αὐτοῦ εἰσ Ἱερουσαλὴμ τοῦ διαφθεῖραι αὐτήν, καὶ παρεκλήθη Κύριοσ ἐπὶ τῇ κακίᾳ καὶ εἶπε τῷ ἀγγέλῳ τῷ διαφθείροντι ἐν τῷ λαῷ. πολὺ νῦν, ἄνεσ τὴν χεῖρά σου. καὶ ὁ ἄγγελοσ Κυρίου ἦν παρὰ τῇ ἅλῳ Ὀρνὰ τοῦ Ἰεβουσαίου. καὶ εἶπε Δαυὶδ πρὸσ Κύριον ἐν τῷ ἰδεῖν αὐτὸν τὸν ἄγγελον τὸν τύπτοντα ἐν τῷ λαῷ καὶ εἶπεν. ἰδοὺ ἐγώ εἰμι ἠδίκησα καὶ ἐγώ εἰμι ὁ ποιμὴν ἐκακοποίησα, καὶ οὗτοι τὰ πρόβατα τί ἐποίησαν̣ γενέσθω δὴ ἡ χείρ σου ἐν ἐμοὶ καὶ ἐν τῷ οἴκῳ τοῦ πατρόσ μου. καὶ ἦλθε Γὰδ πρὸσ Δαυὶδ ἐν τῇ ἡμέρᾳ ἐκείνῃ καὶ εἶπεν αὐτῷ. ἀνάβηθι καὶ στῆσον τῷ Κυρίῳ θυσιαστήριον ἐν τῷ ἅλωνι Ὀρνὰ τοῦ Ἰεβουσαίου. καὶ ἀνέβη Δαυὶδ κατὰ τὸν λόγον Γάδ, καθ’ ὃν τρόπον ἐνετείλατο αὐτῷ Κύριοσ. καὶ διέκυψεν Ὀρνὰ καὶ εἶδε τὸν βασιλέα καὶ τοὺσ παῖδασ αὐτοῦ παραπορευομένουσ ἐπάνω αὐτοῦ, καὶ ἐξῆλθεν Ὀρνὰ καὶ προσεκύνησε τῷ βασιλεῖ ἐπὶ πρόσωπον αὐτοῦ ἐπὶ τὴν γῆν. καὶ εἶπεν Ὀρνά. τί ὅτι ἦλθεν ὁ κύριόσ μου ὁ βασιλεὺσ πρόσ τὸν δοῦλον αὐτοῦ̣ καὶ εἶπε Δαυὶδ. κτήσασθαι παρὰ σοῦ τὸν ἅλωνα τοῦ οἰκοδομῆσαι θυσιαστήριον τῷ Κυρίῳ, καὶ συσχεθῇ ἡ θραῦσισ ἐπάνω τοῦ λαοῦ. καὶ εἶπεν Ὀρνὰ πρὸσ Δαυὶδ. λαβέτω καὶ ἀνενεγκάτω ὁ κύριόσ μου ὁ βασιλεὺσ τῷ Κυρίῳ τὸ ἀγαθὸν ἐν ὀφθαλμοῖσ αὐτοῦ. ἰδοὺ οἱ βόεσ εἰσ ὁλοκαύτωμα, καὶ οἱ τροχοὶ καὶ τὰ σκεύη τῶν βοῶν εἰσ ξύλα. τὰ πάντα ἔδωκεν Ὀρνὰ τῷ βασιλεῖ, καὶ εἶπεν Ὀρνά πρὸσ τὸν βασιλέα. Κύριοσ ὁ Θεόσ σου εὐλογήσαι σε. καὶ εἶπεν ὁ βασιλεὺσ πρὸσ Ὀρνά. οὐχί, ὅτι ἀλλὰ κτώμενοσ κτήσομαι παρὰ σοῦ ἐν ἀλλάγματι, καὶ οὐκ ἀνοίσω τῷ Κυρίῳ μου Θεῷ ὁλοκαύτωμα δωρεάν. καὶ ἐκτήσατο Δαυὶδ τὸν ἅλωνα καὶ τοὺσ βόασ ἐν ἀργυρίῳ σίκλων πεντήκοντα. καὶ ᾠκοδόμησεν ἐκεῖ Δαυὶδ θυσιαστήριον Κυρίῳ. καὶ ἀνήνεγκεν ὁλοκαυτώσεισ καὶ εἰρηνικάσ. καὶ προσέθηκε Σαλωμὼν ἐπὶ τὸ θυσιαστήριον ἐπ’ ἐσχάτῳ, ὅτι μικρὸν ἦν ἐν πρώτοισ. καὶ ἐπήκουσε Κύριοσ τῇ γῇ, καὶ συνεσχέθη ἡ θραῦσισ ἐπάνωθεν Ἰσραήλ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Samuelis 24:

(70인역 성경, 사무엘기 하권 24:)

목록

SEARCH

MENU NAVIGATION