헬라어 문장 검색 - Σεπτύ010́022́

(70인역 성경, 사무엘기 하권 22:)

ΚΑΙ ἐλάλησε Δαυὶδ τῷ Κυρίῳ τοὺσ λόγουσ τῆσ ᾠδῆσ ταύτησ ἐν ᾗ ἡμέρᾳ ἐξείλετο αὐτὸν Κύριοσ ἐκ χειρὸσ πάντων τῶν ἐχθρῶν αὐτοῦ καὶ ἐκ χειρὸσ Σαούλ, καὶ εἶπεν. Κύριε, πέτρα μου καὶ ὀχύρωμά μου καὶ ἐξαιρούμενόσ με ἐμοί, ὁ Θεόσ μου φύλαξ μου ἔσται μοι, πεποιθὼσ ἔσομαι ἐπ’ αὐτῷ, ὑπερασπιστήσ μου καὶ κέρασ σωτηρίασ μου, ἀντιλήπτωρ μου καὶ καταφυγή μου σωτηρίασ μου, ἐξ ἀδίκου σώσεισ με. αἰνετὸν ἐπικαλέσομαι Κύριον καὶ ἐκ τῶν ἐχθρῶν μου σωθήσομαι. ὅτι περιέσχον με συντριμμοὶ θανάτου, χείμαρροι ἀνομίασ ἐθάμβησάν με. ὠδῖνεσ θανάτου ἐκύκλωσάν με, προέφθασάν με σκληρότητεσ θανάτου. ἐν τῷ θλίβεσθαί με ἐπικαλέσομαι τὸν Κύριον καὶ πρὸσ τὸν Θεόν μου βοήσομαι. καὶ ἐπακούσεται ἐκ ναοῦ αὐτοῦ φωνῆσ μου, καὶ ἡ κραυγή μου ἐν τοῖσ ὠσὶν αὐτοῦ. καὶ ἐταράχθη καὶ ἐσείσθη ἡ γῆ, καὶ τὰ θεμέλια τοῦ οὐρανοῦ συνεταράχθησαν καὶ ἐσπαράχθησαν, ὅτι ἐθυμώθη Κύριοσ αὐτοῖσ. ἀνέβη καπνὸσ ἐν τῇ ὀργῇ αὐτοῦ, καὶ πῦρ ἐκ στόματοσ αὐτοῦ κατέδεται, ἄνθρακεσ ἐξεκαύθησαν ἀπ’ αὐτοῦ. καὶ ἔκλινεν οὐρανοὺσ καὶ κατέβη, καὶ γνόφοσ ὑποκάτω τῶν ποδῶν αὐτοῦ. καὶ ἐπεκάθισεν ἐπὶ Χερουβὶμ καὶ ἐπετάσθη καὶ ὤφθη ἐπὶ πτερύγων ἀνέμου. καὶ ἔθετο σκότοσ ἀποκρυφὴν αὐτοῦ κύκλῳ αὐτοῦ, ἡ σκηνὴ αὐτοῦ σκότοσ ὑδάτων. ἐπάχυνεν ἐν νεφέλαισ ἀέροσ. ἀπὸ τοῦ φέγγουσ ἐναντίον αὐτοῦ ἐξεκαύθησαν ἄνθρακεσ πυρόσ. ἐβρόντησεν ἐξ οὐρανοῦ Κύριοσ, καὶ ὁ ὕψιστοσ ἔδωκε φωνὴν αὐτοῦ καὶ ἀπέστειλε βέλη καὶ ἐσκόρπισεν αὐτούσ, καὶ ἤστραψεν ἀστραπὴν καὶ ἐξέστησεν αὐτούσ. καὶ ὤφθησαν ἀφέσεισ θαλάσσησ, καὶ ἀπεκαλύφθη θεμέλια τῆσ οἰκουμένησ ἐν τῇ ἐπιτιμήσει Κυρίου, ἀπὸ πνοῆσ πνεύματοσ θυμοῦ αὐτοῦ. ἀπέστειλεν ἐξ ὕψουσ καὶ ἔλαβέ με, εἵλκυσέ με ἐξ ὑδάτων πολλῶν. ἐρρύσατό με ἐξ ἐχθρῶν μου ἰσχύοσ, ἐκ τῶν μισούντων με, ὅτι ἐκραταιώθησαν ὑπὲρ ἐμέ. προέφθασάν με ἡμέραι θλίψεώσ μου καὶ ἐγένετο Κύριοσ ἐπιστήριγμά μου καὶ ἐξήγαγέ με εἰσ πλατυσμὸν καὶ ἐξείλετό με, ὅτι ηὐδόκησεν ἐν ἐμοί. καὶ ἀνταπέδωκέ μοι Κύριοσ κατὰ τὴν δικαιοσύνην μου, καὶ κατὰ τὴν καθαριότητα τῶν χειρῶν μου ἀνταπέδωκέ μοι. ὅτι ἐφύλαξα ὁδοὺσ Κυρίου καὶ οὐκ ἠσέβησα ἀπὸ τοῦ Θεοῦ μου, ὅτι πάντα τὰ κρίματα αὐτοῦ κατεναντίον μου, καὶ τὰ δικαιώματα αὐτοῦ, οὐκ ἀπέστην ἀπ’ αὐτῶν. καὶ ἔσομαι ἄμωμοσ αὐτῷ καὶ προφυλάξομαι ἀπὸ τῆσ ἀνομίασ μου. καὶ ἀποδώσει μοι Κύριοσ κατὰ τὴν δικαιοσύνην μου καὶ κατὰ τὴν καθαριότητα τῶν χειρῶν μου ἐνώπιον τῶν ὀφθαλμῶν αὐτοῦ. μετὰ ὁσίου ὁσιωθήσῃ καὶ μετὰ ἀνδρὸσ τελείου τελειωθήσῃ καὶ μετὰ ἐκλεκτοῦ ἐκλεκτὸσ ἔσῃ καὶ μετὰ στρεβλοῦ στρεβλωθήσῃ. καὶ τὸν λαὸν τὸν πτωχὸν σώσεισ καὶ ὀφθαλμοὺσ ἐπὶ μετεώρων ταπεινώσεισ. ὅτι σὺ ὁ λύχνοσ μου, Κύριε, καὶ Κύριοσ ἐκλάμψει μοι τὸ σκότοσ μου. ὅτι ἐν σοὶ δραμοῦμαι μονόζωνοσ καὶ ἐν τῷ Θεῷ μου ὑπερβήσομαι τεῖχοσ. ὁ ἰσχυρόσ, ἄμωμοσ ἡ ὁδὸσ αὐτοῦ, τὸ ρῆμα Κυρίου κραταιόν, πεπυρωμένον, ὑπερασπιστήσ ἐστι πᾶσι τοῖσ πεποιθόσιν ἐπ’ αὐτόν. τίσ ἰσχυρὸσ πλὴν Κυρίου̣ καὶ τίσ κτίστησ ἔσται πλὴν τοῦ Θεοῦ ἡμῶν̣ ὁ ἰσχυρὸσ ὁ κραταιῶν με δυνάμει, καὶ ἐξετίναξεν ἄμωμον τὴν ὁδόν μου. τιθεὶσ τοὺσ πόδασ μου ὡσ ἐλάφων καὶ ἐπὶ τὰ ὕψη ἱστῶν με. διδάσκων χεῖράσ μου εἰσ πόλεμον καὶ κατάξασ τόξον χαλκοῦν ἐν βραχίονί μου. καὶ ἔδωκάσ μοι ὑπερασπισμὸν σωτηρίασ μου, καὶ ἡ ὑπακοή σου ἐπλήθυνέ με εἰσ πλατυσμὸν εἰσ τὰ διαβήματά μου ὑποκάτω μου, καὶ οὐκ ἐσαλεύθησαν τὰ σκέλη μου. διώξω ἐχθρούσ μου καὶ ἀφανιῶ αὐτοὺσ καὶ οὐκ ἀναστρέψω ἕωσ ἂν συντελέσω αὐτούσ. καὶ θλάσω αὐτοὺσ καὶ οὐκ ἀναστήσονται καὶ πεσοῦνται ὑπὸ τοὺσ πόδασ μου. καὶ ἐνισχύσεισ με δυνάμει εἰσ πόλεμον, κάμψεισ τοὺσ ἐπιστανομένουσ μοι ὑποκάτω μου. καὶ τοὺσ ἐχθρούσ μου ἔδωκάσ μοι νῶτον, τοὺσ μισοῦντάσ με, καὶ ἐθανάτωσασ αὐτούσ. βοήσονται, καὶ οὐκ ἔστι βοηθόσ, πρὸσ Κύριον, καὶ οὐκ ἐπήκουσεν αὐτῶν. καὶ ἐλέανα αὐτοὺσ ὡσ χοῦν γῆσ, ὡσ πηλὸν ἐξόδων ἐλέπτυνα αὐτούσ. καὶ ρύσῃ με ἐκ μάχησ λαῶν, φυλάξεισ με εἰσ κεφαλὴν ἐθνῶν. λαόσ, ὃν οὐκ ἔγνω, ἐδούλευσάν μοι, υἱοὶ ἀλλότριοι ἐψεύσαντό μοι, εἰσ ἀκοὴν ὠτίου ἤκουσάν μου. υἱοὶ ἀλλότριοι ἀπορριφήσονται καὶ σφαλοῦσιν ἐκ τῶν συγκλεισμῶν αὐτῶν. ζῇ Κύριοσ, καὶ εὐλογητὸσ ὁ φύλαξ μου, καὶ ὑψωθήσεται ὁ Θεόσ μου, ὁ φύλαξ τῆσ σωτηρίασ μου. ἰσχυρὸσ Κύριοσ ὁ διδοὺσ ἐκδικήσεισ ἐμοί, παιδεύων λαοὺσ ὑποκάτω μου καὶ ἐξάγων με ἐξ ἐχθρῶν μου, καὶ ἐκ τῶν ἐπεγειρομένων μοι ὑψώσεισ με, ἐξ ἀνδρὸσ ἀδικημάτων ρύσῃ με. διὰ τοῦτο ἐξομολογήσομαί σοι, Κύριε, ἐν τοῖσ ἔθνεσι καὶ ἐν τῷ ὀνόματί σου ψαλῶ, μεγαλύνων τὰσ σωτηρίασ βασιλέωσ αὐτοῦ καὶ ποιῶν ἔλεοσ τῷ χριστῷ αὐτοῦ, τῷ Δαυὶδ καὶ τῷ σπέρματι αὐτοῦ ἕωσ αἰῶνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Samuelis 22:

(70인역 성경, 사무엘기 하권 22:)

목록

SEARCH

MENU NAVIGATION