헬라어 문장 검색 - Σεπτύ010́007́

(70인역 성경, 사무엘기 하권 7:)

ΚΑΙ ἐγένετο ὅτε ἐκάθισεν ὁ βασιλεὺσ ἐν τῷ οἴκῳ αὐτοῦ, καὶ Κύριοσ κατεκληρονόμησεν αὐτὸν κύκλῳ ἀπὸ πάντων τῶν ἐχθρῶν αὐτοῦ τῶν κύκλῳ, καὶ εἶπεν ὁ βασιλεὺσ πρὸσ Νάθαν τὸν προφήτην. ἰδοὺ δὴ ἐγὼ κατοικῶ ἐν οἴκῳ κεδρίνῳ, καὶ ἡ κιβωτὸσ τοῦ Θεοῦ κάθηται ἐν μέσῳ τῆσ σκηνῆσ. καὶ εἶπε Νάθαν πρὸσ τὸν βασιλέα. πάντα, ὅσα ἂν ἐν τῇ καρδίᾳ σου, βάδιζε καὶ ποίει, ὅτι Κύριοσ μετὰ σοῦ. καὶ ἐγένετο τῇ νυκτὶ ἐκείνῃ καὶ ἐγένετο ρῆμα Κυρίου πρὸσ Νάθαν λέγων. πορεύου, καὶ εἰπὸν πρὸσ τὸν δοῦλόν μου Δαυίδ. τάδε λέγει Κύριοσ. οὐ σὺ οἰκοδομήσεισ μοι οἶκον τοῦ κατοικῆσαί με. ὅτι οὐ κατῴκηκα ἐν οἴκῳ ἀφ̓ ἧσ ἡμέρασ ἀνήγαγον τοὺσ υἱοὺσ Ἰσραὴλ ἐξ Αἰγύπτου ἕωσ τῆσ ἡμέρασ ταύτησ καὶ ἤμην ἐμπεριπατῶν ἐν καταλύματι καὶ ἐν σκηνῇ, ἐν πᾶσιν, οἷσ διῆλθον ἐν παντὶ Ἰσραήλ, εἰ λαλῶν ἐλάλησα πρὸσ μίαν φυλὴν τοῦ Ἰσραήλ, ᾧ ἐνετειλάμην ποιμαίνειν τὸν λαόν μου Ἰσραὴλ λέγων. ἱνατί οὐκ ᾠκοδομήκατέ μοι οἶκον κέδρινον̣ καὶ νῦν τάδε ἐρεῖσ τῷ δούλῳ μου Δαυίδ. τάδε λέγει Κύριοσ παντοκράτωρ. ἔλαβόν σε ἐκ τῆσ μάνδρασ τῶν προβάτων τοῦ εἶναί σε εἰσ ἡγούμενον ἐπὶ τὸν λαόν μου ἐπὶ τὸν Ἰσραὴλ καὶ ἤμην μετὰ σοῦ ἐν πᾶσιν, οἷσ ἐπορεύου, καὶ ἐξωλόθρευσα πάντασ τοὺσ ἐχθρούσ σου ἀπὸ προσώπου σου καὶ ἐποίησά σε ὀνομαστὸν κατὰ τὸ ὄνομα τῶν μεγάλων τῶν ἐπὶ τῆσ γῆσ. καὶ θήσομαι τόπον τῷ λαῷ μου τῷ Ἰσραὴλ καὶ καταφυτεύσω αὐτόν, καὶ κατασκηνώσει καθ̓ ἑαυτὸν καὶ οὐ μεριμνήσει οὐκέτι, καὶ οὐ προσθήσει υἱὸσ ἀδικίασ τοῦ ταπεινῶσαι αὐτὸν καθὼσ ἀπ̓ ἀρχῆσ, ἀπὸ τῶν ἡμερῶν, ὧν ἔταξα κριτὰσ ἐπὶ τὸν λαόν μου Ἰσραήλ, καὶ ἀναπαύσω σε ἀπὸ πάντων τῶν ἐχθρῶν σου, καὶ ἀπαγγελεῖ σοι Κύριοσ ὅτι οἶκον οἰκοδομήσεισ αὐτῷ. καὶ ἔσται ἐὰν πληρωθῶσιν αἱ ἡμέραι σου καὶ κοιμηθήσῃ μετὰ τῶν πατέρων σου, καὶ ἀναστήσω τὸ σπέρμα σου μετὰ σέ, ὃσ ἔσται ἐκ τῆσ κοιλίασ σου, καὶ ἑτοιμάσω τὴν βασιλείαν αὐτοῦ. αὐτὸσ οἰκοδομήσει μοι οἶκον τῷ ὀνόματί μου, καὶ ἀνορθώσω τὸν θρόνον αὐτοῦ ἕωσ εἰσ τὸν αἰῶνα. ἐγὼ ἔσομαι αὐτῷ εἰσ πατέρα, καὶ αὐτὸσ ἔσται μοι εἰσ υἱόν. καὶ ἐὰν ἔλθῃ ἡ ἀδικία αὐτοῦ, καὶ ἐλέγξω αὐτὸν ἐν ράβδῳ ἀνδρῶν καὶ ἐν ἁφαῖσ υἱῶν ἀνθρώπων. τὸ δὲ ἔλεόσ μου οὐκ ἀποστήσω ἀπ̓ αὐτοῦ, καθὼσ ἀπέστησα ἀφ̓ ὧν ἀπέστησα ἐκ προσώπου μου. καὶ πιστωθήσεται ὁ οἶκοσ αὐτοῦ καὶ ἡ βασιλεία αὐτοῦ ἕωσ αἰῶνοσ ἐνώπιόν μου. καὶ ὁ θρόνοσ αὐτοῦ ἔσται ἀνωρθωμένοσ εἰσ τὸν αἰῶνα. κατὰ πάντασ τοὺσ λόγουσ τούτουσ καὶ κατὰ πᾶσαν τὴν ὅρασιν ταύτην, οὕτωσ ἐλάλησε Νάθαν πρὸσ Δαυίδ. καὶ εἰσῆλθεν ὁ βασιλεὺσ Δαυὶδ καὶ ἐκάθισεν ἐνώπιον Κυρίου καὶ εἶπε. τίσ εἰμι ἐγώ, Κύριέ μου Κύριε, καὶ τίσ ὁ οἶκόσ μου, ὅτι ἠγάπησάσ με ἕωσ τούτων̣ καὶ κατεσμικρύνθην μικρὸν ἐνώπιόν σου, Κύριέ μου Κύριε. καὶ ἐλάλησασ ὑπὲρ τοῦ οἴκου τοῦ δούλου σου εἰσ μακράν. οὗτοσ δὲ ὁ νόμοσ τοῦ ἀνθρώπου, Κύριέ μου Κύριε. καὶ τί προσθήσει Δαυὶδ ἔτι τοῦ λαλῆσαι πρόσ σε̣ καὶ νῦν σὺ οἶδασ τὸν δοῦλόν σου, Κύριέ μου Κύριε. διὰ τὸν λόγον σου πεποίηκασ, καὶ κατὰ τὴν καρδίαν σου ἐποίησασ πᾶσαν τὴν μεγαλωσύνην ταύτην γνωρίσαι τῷ δούλῳ σου ἕνεκεν τοῦ μεγαλῦναί σε, Κύριέ μου Κύριε, ὅτι οὐκ ἔστιν ὡσ σὺ καὶ οὐκ ἔστι Θεὸσ πλὴν σοῦ ἐν πᾶσιν, οἷσ ἠκούσαμεν ἐν τοῖσ ὠσὶν ἡμῶν. καὶ τίσ ὡσ ὁ λαόσ σου Ἰσραὴλ ἔθνοσ ἄλλο ἐν τῇ γῇ̣ ὡσ ὡδήγησεν αὐτὸν ὁ Θεὸσ τοῦ λυτρώσασθαι αὐτῷ λαόν, τοῦ θέσθαι σε ὄνομα, τοῦ ποιῆσαι μεγαλωσύνην καὶ ἐπιφάνειαν, τοῦ ἐκβαλεῖν σε ἐκ προσώπου τοῦ λαοῦ σου, οὓσ ἐλυτρώσω σεαυτῷ ἐξ Αἰγύπτου, ἔθνη καὶ σκηνώματα̣ καὶ ἡτοίμασασ σεαυτῷ τὸν λαόν σου Ἰσραὴλ εἰσ λαὸν ἕωσ αἰῶνοσ, καὶ σύ, Κύριε, ἐγένου αὐτοῖσ εἰσ Θεόν. καὶ νῦν, Κύριέ μου Κύριε, τὸ ρῆμα, ὃ ἐλάλησασ περὶ τοῦ δούλου σου καὶ τοῦ οἴκου αὐτοῦ, πίστωσον ἕωσ τοῦ αἰῶνοσ, Κύριε παντοκράτωρ Θεὲ τοῦ Ἰσραήλ. καὶ νῦν καθὼσ ἐλάλησασ, μεγαλυνθείη τὸ ὄνομά σου ἕωσ αἰῶνοσ. Κύριε παντοκράτωρ Θεὸσ Ἰσραήλ, ἀπεκάλυψασ τὸ ὠτίον τοῦ δούλου σου, λέγων. οἶκον οἰκοδομήσω σοι. διὰ τοῦτο εὗρεν ὁ δοῦλόσ σου τὴν καρδίαν ἑαυτοῦ τοῦ προσεύξασθαι πρόσ σε τὴν προσευχὴν ταύτην. καὶ νῦν, Κύριέ μου Κύριε, σὺ εἶ ὁ Θεόσ, καὶ οἱ λόγοι σου ἔσονται ἀληθινοί, καὶ ἐλάλησασ ὑπὲρ τοῦ δούλου σου τὰ ἀγαθὰ ταῦτα. καὶ νῦν ἄρξαι καὶ εὐλόγησον τὸν οἶκον τοῦ δούλου σου τοῦ εἶναι εἰσ τὸν αἰῶνα ἐνώπιόν σου, ὅτι σύ, Κύριέ μου Κύριε, ἐλάλησασ, καὶ ἀπὸ τῆσ εὐλογίασ σου εὐλογηθήσεται ὁ οἶκοσ τοῦ δούλου σου τοῦ εἶναι εἰσ τὸν αἰῶνα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Samuelis 7:

(70인역 성경, 사무엘기 하권 7:)

목록

SEARCH

MENU NAVIGATION