Septuagint, Liber I Samuelis 31:

(70인역 성경, 사무엘기 상권 31:)

ΚΑΙ οἱ ἀλλόφυλοι ἐπολέμουν ἐπὶ Ἰσραήλ, καὶ ἔφυγον οἱ ἄνδρεσ Ἰσραὴλ ἐκ προσώπου τῶν ἀλλοφύλων, καὶ πίπτουσι τραυματίαι ἐν τῷ ὄρει τῷ Γελβουέ. καὶ συνάπτουσιν οἱ ἀλλόφυλοι τῷ Σαοὺλ καὶ τοῖσ υἱοῖσ αὐτοῦ, καὶ τύπτουσιν ἀλλόφυλοι τὸν Ἰωνάθαν καὶ τὸν Ἀμιναδὰβ καὶ τὸν Μελχισᾶ υἱοὺσ Σαούλ. καὶ βαρύνεται ὁ πόλεμοσ ἐπὶ Σαούλ, καὶ εὑρίσκουσιν αὐτὸν οἱ ἀκοντισταί, ἄνδρεσ τοξόται, καὶ ἐτραυματίσθη εἰσ τά ὑποχόνδρια. καὶ εἶπε Σαοὺλ πρὸσ τὸν αἴροντα τὰ σκεύη αὐτοῦ. σπάσαι τὴν ρομφαίαν σου καὶ ἀποκέντησόν με ἐν αὐτῇ, μὴ ἔλθωσιν οἱ ἀπερίτμητοι οὗτοι καὶ ἀποκεντήσωσί με καὶ ἐμπαίξωσί μοι. καὶ οὐκ ἐβούλετο ὁ αἴρων τὰ σκεύη αὐτοῦ, ὅτι ἐφοβήθη σφόδρα. καὶ ἔλαβε Σαοὺλ τὴν ρομφαίαν καὶ ἐπέπεσεν ἐπ̓ αὐτήν. καὶ εἶδεν ὁ αἴρων τὰ σκεύη αὐτοῦ ὅτι τέθνηκε Σαούλ, καὶ ἐπέπεσε καὶ αὐτὸσ ἐπὶ τὴν ρομφαίαν αὐτοῦ καὶ ἀπέθανε μετ̓ αὐτοῦ. καὶ ἀπέθανε Σαοὺλ καὶ οἱ τρεῖσ υἱοὶ αὐτοῦ καὶ ὁ αἴρων τὰ σκεύη αὐτοῦ ἐν τῇ ἡμέρᾳ ἐκείνῃ κατὰ τὸ αὐτό. καὶ εἶδον οἱ ἄνδρεσ Ἰσραὴλ οἱ ἐν τῷ πέραν τῆσ κοιλάδοσ καὶ οἱ ἐν τῷ πέραν τοῦ Ἰορδάνου ὅτι ἔφυγον οἱ ἄνδρεσ Ἰσραὴλ καὶ ὅτι τέθνηκε Σαοὺλ καὶ οἱ υἱοὶ αὐτοῦ, καὶ καταλείπουσι τὰσ πόλεισ αὐτῶν καὶ φεύγουσι. καὶ ἔρχονται οἱ ἀλλόφυλοι καὶ κατοικοῦσιν ἐν αὐταῖσ. καὶ ἐγενήθη τῇ ἐπαύριον ἔρχονται οἱ ἀλλόφυλοι ἐκδιδύσκειν τοὺσ νεκροὺσ καὶ εὑρίσκουσι τὸν Σαοὺλ καὶ τοὺσ τρεῖσ υἱοὺσ αὐτοῦ πεπτωκότασ ἐπὶ τὰ ὄρη Γελβουέ. καί ἀποστρέφουσιν αὐτὸν καὶ ἐξέδυσαν τὰ σκεύη αὐτοῦ καὶ ἀποστέλλουσιν αὐτὰ εἰσ γῆν ἀλλοφύλων κύκλῳ εὐαγγελίζοντεσ τοῖσ εἰδώλοισ αὐτῶν καὶ τῷ λαῷ. καὶ ἀνέθηκαν τὰ σκεύη αὐτοῦ εἰσ τὸ Ἀσταρτεῖον καὶ τὸ σῶμα αὐτοῦ κατέπηξαν ἐν τῷ τείχει Βαιθσάν. καὶ ἀκούουσιν οἱ κατοικοῦντεσ Ἰαβὶσ τῆσ Γαλααδίτιδοσ ἃ ἐποίησαν οἱ ἀλλόφυλοι τῷ Σαούλ. καὶ ἀνέστησαν πᾶσ ἀνὴρ δυνάμεωσ καὶ ἐπορεύθησαν ὅλην τὴν νύκτα καὶ ἔλαβον τὸ σῶμα Σαοὺλ καὶ τὸ σῶμα Ἰωνάθαν τοῦ υἱοῦ αὐτοῦ ἀπὸ τοῦ τείχουσ Βαιθσὰν καὶ φέρουσιν αὐτοὺσ εἰσ Ἰαβὶσ καὶ κατακαίουσιν αὐτοὺσ ἐκεῖ. καὶ λαμβάνουσι τὰ ὀστᾶ αὐτῶν καὶ θάπτουσιν ὑπὸ τὴν ἄρουραν τὴν ἐν Ἰαβὶσ καὶ νηστεύουσιν ἑπτὰ ἡμέρασ.

목록

일치하는 문장이 없습니다.

SEARCH

MENU NAVIGATION