Septuagint, Liber I Samuelis 30:

(70인역 성경, 사무엘기 상권 30:)

ΚΑΙ ἐγενήθη εἰσελθόντοσ Δαυὶδ καὶ τῶν ἄνδρῶν αὐτοῦ τὴν Σεκελὰκ τῇ ἡμέρᾳ τῇ τρίτῃ, καὶ Ἀμαλὴκ ἐπέθετο ἐπὶ τὸν νότον καὶ ἐπὶ τὴν Σεκελὰκ καὶ ἐπάταξε τὴν Σεκελὰκ καὶ ἐνεπύρισαν αὐτὴν ἐν πυρί. καὶ τὰσ γυναῖκασ καὶ πάντα τὰ ἐν αὐτῇ ἀπὸ μικροῦ ἕωσ μεγάλου οὐκ ἐθανάτωσαν ἄνδρα καὶ γυναῖκα, ἀλλ̓ ᾐχμαλώτευσαν καὶ ἀπῆλθον εἰσ τὴν ὁδὸν αὐτῶν. καὶ ἦλθε Δαυὶδ καὶ οἱ ἄνδρεσ αὐτοῦ εἰσ τὴν πόλιν, καὶ ἰδοὺ ἐμπεπύρισται ἐν πυρί, αἱ δὲ γυναῖκεσ αὐτῶν καὶ οἱ υἱοὶ αὐτῶν καὶ αἱ θυγατέρεσ αὐτῶν ᾐχμαλωτευμένοι. καὶ ᾖρε Δαυὶδ καὶ οἱ ἄνδρεσ αὐτοῦ τὴν φωνὴν αὐτῶν καί ἔκλαυσαν, ἕωσ ὅτου οὐκ ἦν ἐν αὐτοῖσ ἰσχὺσ ἔτι τοῦ κλαίειν. καὶ ἀμφότεραι αἱ γυναῖκεσ Δαυὶδ ᾐχμαλωτεύθησαν, Ἀχινόομ ἡ Ἰεζραηλῖτισ καὶ Ἀβιγαία ἡ γυνὴ Νάβαλ τοῦ Καρμηλίου. καὶ ἐθλίβη Δαυὶδ σφόδρα, ὅτι εἶπεν ὁ λαὸσ λιθοβολῆσαι αὐτόν, ὅτι κατώδυνοσ ψυχὴ παντὸσ τοῦ λαοῦ, ἑκάστου ἐπὶ τοὺσ υἱοὺσ αὐτοῦ καὶ ἐπὶ τὰσ θυγατέρασ αὐτοῦ. καὶ ἐκραταιώθη Δαυὶδ ἐν Κυρίῳ Θεῷ αὐτοῦ. καὶ εἶπε Δαυὶδ πρὸσ Ἀβιάθαρ τὸν ἱερέα υἱὸν Ἀβιμέλεχ. προσάγαγε τὸ ἐφούδ. καὶ ἐπηρώτησε Δαυὶδ διά τοῦ Κυρίου λέγων. εἰ καταδιώξω ὀπίσω τοῦ γεδδοὺρ τούτου, εἰ καταλήψομαι αὐτούσ̣ καὶ εἶπεν αὐτῷ. καταδίωκε, ὅτι καταλαμβάνων καταλήψῃ αὐτοὺσ καὶ ἐξαιρούμενοσ ἐξελῇ. καὶ ἐπορεύθη Δαυίδ, αὐτὸσ καὶ οἱ ἑξακόσιοι ἄνδρεσ μετ̓ αὐτοῦ, καὶ ἔρχονται ἕωσ τοῦ χειμάρρου Βοσόρ, καὶ οἱ περισσοὶ ἔστησαν. καὶ κατεδίωξεν ἐν τετρακοσίοισ ἀνδράσιν, ὑπέστησαν δὲ διακόσιοι ἄνδρεσ, οἵτινεσ ἐκάθισαν πέραν τοῦ χειμάρρου τοῦ Βοσόρ. καὶ εὑρίσκουσιν ἄνδρα Αἰγύπτιον ἐν ἀγρῷ καὶ λαμβάνουσιν αὐτὸν καὶ ἄγουσιν αὐτὸν πρὸσ Δαυίδ. καὶ διδόασιν αὐτῷ ἄρτον, καὶ ἔφαγε, καὶ ἐπότισαν αὐτὸν ὕδωρ. καὶ διδόασιν αὐτῷ κλάσμα παλάθησ, καὶ ἔφαγε, καὶ κατέστη τὸ πνεῦμα αὐτοῦ ἐν αὐτῷ, ὅτι οὐ βεβρώκει ἄρτον καὶ οὐ πεπώκει ὕδωρ τρεῖσ ἡμέρασ καὶ τρεῖσ νύκτασ. καὶ εἶπεν αὐτῷ Δαυίδ. τίνοσ σὺ εἶ καὶ πόθεν εἶ̣ καὶ εἶπε τὸ παιδάριον τὸ Αἰγύπτιον. ἐγώ εἰμι δοῦλοσ ἀνδρὸσ Ἀμαληκίτου, καὶ κατέλιπέ με ὁ Κύριόσ μου, ὅτι ἠνωχλήθην ἐγὼ σήμερον τριταῖοσ. καὶ ἡμεῖσ ἐπεθέμεθα ἐπὶ τὸν νότον τοῦ Χολθὶ καὶ ἐπὶ τὰ τῆσ Ἰουδαίασ μέρη καὶ ἐπὶ νότον Χελοὺβ καὶ τὴν Σεκελὰκ ἐνεπυρίσαμεν ἐν πυρί. καὶ εἶπεν αὐτῷ Δαυίδ. εἰ κατάξεισ με ἐπὶ τὸ γεδδοὺρ τοῦτο̣ καὶ εἶπεν. ὄμοσον δή μοι κατὰ τοῦ Θεοῦ μὴ θανατώσειν με καὶ μὴ παραδοῦναί με εἰσ χεῖρασ τοῦ κυρίου μου, καὶ κατάξω σε ἐπὶ τὸ γεδδοὺρ τοῦτο. καὶ κατήγαγεν αὐτὸν ἐκεῖ, καὶ ἰδοὺ οὗτοι διακεχυμένοι ἐπὶ πρόσωπον πάσησ τῆσ γῆσ ἐσθίοντεσ καὶ πίνοντεσ καὶ ἑορτάζοντεσ ἐν πᾶσι τοῖσ σκύλοισ τοῖσ μεγάλοισ, οἷσ ἔλαβον ἐκ γῆσ ἀλλοφύλων καὶ ἐκ γῆσ Ἰούδα. καὶ ἦλθεν ἐπ̓ αὐτοὺσ Δαυὶδ καὶ ἐπάταξεν αὐτοὺσ ἀπὸ ἑωσφόρου ἕωσ δείλησ καὶ τῇ ἐπαύριον, καὶ οὐκ ἐσώθη ἐξ αὐτῶν ἀνὴρ ὅτι ἀλλ̓ ἢ τετρακόσια παιδάρια, ἃ ἦν ἐπιβεβηκότα ἐπὶ τὰσ καμήλουσ καὶ ἔφυγον. καὶ ἀφείλατο Δαυὶδ πάντα, ἃ ἔλαβον οἱ Ἀμαληκῖται, καὶ ἀμφοτέρασ τὰσ γυναῖκασ αὐτοῦ ἐξείλατο. καὶ οὐ διεφώνησεν αὐτοῖσ ἀπὸ μικροῦ ἕωσ μεγάλου καὶ ἀπὸ τῶν σκύλων καὶ ἕωσ υἱῶν καὶ θυγατέρων καὶ ἕωσ πάντων, ὧν ἔλαβον αὐτῶν. τὰ πάντα ἐπέστρεψε Δαυίδ. καὶ ἔλαβε πάντα τὰ ποίμνια καὶ τὰ βουκόλια καὶ ἀπήγαγεν ἔμπροσθεν τῶν σκύλων, καὶ τοῖσ σκύλοισ ἐκείνοισ ἐλέγετο. ταῦτα τὰ σκῦλα Δαυίδ. καὶ παραγίνεται Δαυὶδ πρὸσ τοὺσ διακοσίουσ ἄνδρασ τοὺσ ὑπολειφθέντασ τοῦ πορεύεσθαι ὀπίσω Δαυὶδ καί ἐκάθισεν αὐτοὺσ ἐν τῷ χειμάρρῳ τοῦ Βοσόρ, καὶ ἐξῆλθον εἰσ ἀπάντησιν Δαυὶδ καὶ εἰσ ἀπάντησιν τοῦ λαοῦ τοῦ μετ̓ αὐτοῦ, καὶ προσήγαγε Δαυὶδ ἕωσ τοῦ λαοῦ, καὶ ἠρώτησαν αὐτὸν τὰ εἰσ εἰρήνην. καὶ ἀπεκρίθη πᾶσ ἀνὴρ λοιμὸσ καὶ πονηρὸσ τῶν ἀνδρῶν τῶν πολεμιστῶν τῶν πορευθέντων μετὰ Δαυὶδ καὶ εἶπον, ὅτι οὐ κατεδίωξαν μεθ̓ ἡμῶν, οὐ δώσομεν αὐτοῖσ ἐκ τῶν σκύλων, ὧν ἐξειλόμεθα, ὅτι ἀλλ̓ ἢ ἕκαστοσ τὴν γυναῖκα αὐτοῦ καὶ τὰ τέκνα αὐτοῦ ἀπαγέσθωσαν καὶ ἀποστρεφέτωσαν. καὶ εἶπε Δαυίδ. οὐ ποιήσετε οὕτωσ μετὰ τὸ παραδοῦναι τὸν Κύριον ἡμῖν καὶ φυλάξαι ἡμᾶσ καὶ παρέδωκε Κύριοσ τὸν γεδδοὺρ τὸν ἐπερχόμενον ἐφ̓ ἡμᾶσ εἰσ χεῖρασ ἡμῶν. καὶ τίσ ἐπακούσεται ὑμῶν τῶν λόγων τούτων̣ ὅτι οὐχ ἧττον ἡμῶν εἰσι. διότι κατὰ τὴν μερίδα τοῦ καταβαίνοντοσ εἰσ τὸν πόλεμον, οὕτωσ ἔσται ἡ μερὶσ τοῦ καθημένου ἐπὶ τὰ σκεύη. κατὰ τὸ αὐτὸ μεριοῦνται. καὶ ἐγενήθη ἀπὸ τῆσ ἡμέρασ ἐκείνησ καὶ ἐπάνω, καὶ ἐγένετο εἰσ πρόσταγμα καὶ εἰσ δικαίωμα τῷ Ἰσραὴλ ἕωσ τῆσ σήμερον. Καὶ ἦλθε Δαυὶδ εἰσ Σεκελὰκ καὶ ἀπέστειλε τοῖσ πρεσβυτέροισ τῶν σκύλων Ἰούδα καὶ τοῖσ πλησίον αὐτοῦ λέγων. ἰδοὺ ἀπὸ τῶν σκύλων τῶν ἐχθρῶν Κυρίου. τοῖσ ἐν Βαιθσοὺρ καὶ τοῖσ ἐν Ραμὰ νότου καὶ τοῖσ ἐν Ἰεθθὸρ καὶ τοῖσ ἐν Ἀροὴρ καὶ τοῖσ ἐν Ἀμμαδὶ καὶ τοῖσ ἐν Σαφὶ καὶ τοῖσ ἐν Ἐσθιὲ καὶ τοῖσ ἐν Γὲθ καὶ τοῖσ ἐν Κινὰν καὶ τοῖσ ἐν Σαφὲκ καὶ τοῖσ ἐν Θιμὰθ καὶ τοῖσ ἐν Καρμήλῳ καὶ τοῖσ ἐν ταῖσ πόλεσι τοῦ Ἱεραμηλὶ καὶ τοῖσ ἐν ταῖσ πόλεσι τοῦ Κενεζὶ καὶ τοῖσ ἐν Ἱεριμοὺθ καὶ τοῖσ ἐν Βηρσαβεὲ καὶ τοῖσ ἐν Νομβὲ καὶ τοῖσ ἐν Χεβρὼν καὶ εἰσ πάντασ τοὺσ τόπουσ, οὓσ διῆλθε Δαυὶδ ἐκεῖ, αὐτὸσ καὶ οἱ ἄνδρεσ αὐτοῦ.

목록

일치하는 문장이 없습니다.

SEARCH

MENU NAVIGATION