Septuagint, Liber I Samuelis 29:

(70인역 성경, 사무엘기 상권 29:)

ΚΑΙ συναθροίζουσιν ἀλλόφυλοι πάσασ τὰσ παρεμβολὰσ αὐτῶν εἰσ Ἀφέκ, καὶ Ἰσραὴλ παρενέβαλεν ἐν Ἀενδὼρ τὴν ἐν Ἰεζραέλ. καὶ οἱ σατράπαι τῶν ἀλλοφύλων παρεπορεύοντο εἰσ ἑκατοντάδασ καὶ χιλιάδασ, καὶ Δαυὶδ καὶ οἱ ἄνδρεσ αὐτοῦ παρεπορεύοντο ἐπ̓ ἐσχάτων μετὰ Ἀγχοῦσ. καὶ εἶπον οἱ σατράπαι τῶν ἀλλοφύλων. τίνεσ οἱ διαπορευόμενοι οὗτοι̣ καὶ εἶπεν Ἀγχοῦσ πρὸσ τοὺσ στρατηγοὺσ τῶν ἀλλοφύλων. οὐχ οὗτοσ Δαυὶδ ὁ δοῦλοσ Σαοὺλ βασιλέωσ Ἰσραήλ̣ γέγονε μεθ̓ ἡμῶν ἡμέρασ τοῦτο δεύτερον ἔτοσ, καὶ οὐχ εὕρηκα ἐν αὐτῷ οὐθὲν ἀφ̓ ἧσ ἡμέρασ ἐνέπεσε πρόσ με καὶ ἕωσ τῆσ ἡμέρασ ταύτησ. καὶ ἐλυπήθησαν ἐπ̓ αὐτῷ οἱ στρατηγοὶ τῶν ἀλλοφύλων καὶ λέγουσιν αὐτῷ. ἀπόστρεψον τὸν ἄνδρα καὶ ἀποστραφήτω εἰσ τὸν τόπον αὐτοῦ, οὗ κατέστησασ αὐτὸν ἐκεῖ, καὶ μὴ ἐρχέσθω μεθ̓ ἡμῶν εἰσ τὸν πόλεμον καὶ μὴ γινέσθω ἐπίβουλοσ τῆσ παρεμβολῆσ. καὶ ἐν τίνι διαλλαγήσεται οὗτοσ τῷ κυρίῳ αὐτοῦ̣ οὐχὶ ἐν ταῖσ κεφαλαῖσ τῶν ἀνδρῶν ἐκείνων̣ οὐχ οὗτοσ Δαυίδ, ᾧ ἐξῆρχον ἐν χοροῖσ λέγοντεσ. ἐπάταξε Σαοὺλ ἐν χιλιάσιν αὐτοῦ καὶ Δαυὶδ ἐν μυριάσιν αὐτοῦ̣ καὶ ἐκάλεσεν Ἀγχοῦσ τὸν Δαυὶδ καὶ εἶπεν αὐτῷ. ζῇ Κύριοσ, ὅτι εὐθὴσ σὺ καὶ ἀγαθὸσ ἐν ὀφθαλμοῖσ μου, καὶ ἡ ἔξοδόσ σου και ἡ εἴσοδόσ σου μετ̓ ἐμοῦ ἐν τῇ παρεμβολῇ, καὶ ὅτι οὐχ εὕρηκα κατὰ σοῦ κακίαν ἀφ̓ ἧσ ἡμέρασ ἥκεισ πρόσ με ἕωσ τῆσ σήμερον ἡμέρασ. καὶ ἐν ὀφθαλμοῖσ τῶν σατραπῶν οὐκ ἀγαθὸσ σύ. καὶ νῦν ἀνάστρεφε καὶ πορεύου εἰσ εἰρήνην, καὶ οὐ μὴ ποιήσῃσ κακίαν ἐν ὀφθαλμοῖσ τῶν σατραπῶν τῶν ἀλλοφύλων. καὶ εἶπε Δαυὶδ πρὸσ Ἀγχοῦσ. τί πεποίηκά σοι καὶ τί εὗρεσ ἐν τῷ δούλῳ σου ἀφ̓ ἧσ ἡμέρασ ἤμην ἐνώπιόν σου καὶ ἕωσ τῆσ ἡμέρασ ταύτησ, ὅτι οὐ μὴ ἔλθω πολεμήσασ τοὺσ ἐχθροὺσ τοῦ κυρίου μου τοῦ βασιλέωσ̣ καὶ ἀπεκρίθη Ἀγχοῦσ πρὸσ Δαυίδ. οἶδα ὅτι ἀγαθὸσ σὺ ἐν ὀφθαλμοῖσ μου, ἀλλ̓ οἱ σατράπαι τῶν ἀλλοφύλων λέγουσιν. οὐχ ἥξει μεθ̓ ἡμῶν εἰσ πόλεμον. καὶ νῦν ὄρθρισον τὸ πρωί̈ σὺ καὶ οἱ παῖδεσ τοῦ κυρίου σου οἱ ἥκοντεσ μετὰ σοῦ, καὶ πορεύεσθε εἰσ τὸν τόπον, οὗ κατέστησα ὑμᾶσ ἐκεῖ, καὶ λόγον λοιμὸν μὴ θῇσ ἐν καρδίᾳ σου, ὅτι ἀγαθὸσ σὺ ἐνώπιόν μου. καὶ ὀρθρίσατε ἐν τῇ ὁδῷ, καὶ φωτισάτω ὑμῖν, καὶ πορεύθητε. καὶ ὤρθρισε Δαυὶδ αὐτὸσ καὶ οἱ ἄνδρεσ αὐτοῦ ἀπελθεῖν καὶ φυλάσσειν τὴν γῆν τῶν ἀλλοφύλων, καὶ οἱ ἀλλόφυλοι ἀνέβησαν πολεμεῖν ἐπὶ Ἰσραήλ.

목록

일치하는 문장이 없습니다.

SEARCH

MENU NAVIGATION