Septuagint, Liber I Samuelis 28:

(70인역 성경, 사무엘기 상권 28:)

ΚΑΙ ἐγενήθη ἐν ταῖσ ἡμέραισ ἐκείναισ καὶ συναθροίζονται ἀλλόφυλοι ἐν ταῖσ παρεμβολαῖσ αὐτῶν ἐξελθεῖν πολεμεῖν μετὰ Ἰσραήλ, καὶ εἶπεν Ἀγχοῦσ πρὸσ Δαυίδ. γινώσκων γνώσῃ ὅτι μετ̓ ἐμοῦ ἐξελεύσῃ εἰσ πόλεμον σὺ καὶ οἱ ἄνδρεσ σου. καὶ εἶπε Δαυὶδ πρὸσ Ἀγχοῦσ. οὕτω νῦν γνώσῃ ἃ ποιήσει ὁ δοῦλόσ σου. καὶ εἶπεν Ἀγχοῦσ πρὸσ Δαυίδ. οὕτωσ ἀρχισωματοφύλακα θήσομαί σε πάσασ τὰσ ἡμέρασ. Καὶ Σαμουὴλ ἀπέθανε, καὶ ἐκόψαντο αὐτὸν πᾶσ Ἰσραὴλ καὶ θάπτουσιν αὐτὸν ἐν Ἀρμαθαὶμ ἐν πόλει αὐτοῦ. καὶ Σαοὺλ περιεῖλε τοὺσ ἐγγαστριμύθουσ καὶ τοὺσ γνώστασ ἀπὸ τῆσ γῆσ. καὶ συναθροίζονται οἱ ἀλλόφυλοι καὶ ἔρχονται καὶ παρεμβάλλουσιν εἰσ Σωμάν, καὶ συναθροίζει Σαοὺλ πάντα ἄνδρα Ἰσραήλ, καὶ παρεμβάλλουσιν εἰσ Γελβουέ. καὶ εἶδε Σαοὺλ τὴν παρεμβολὴν τῶν ἀλλοφύλων καὶ ἐφοβήθη, καὶ ἐξέστη ἡ καρδία αὐτοῦ σφόδρα. καὶ ἐπηρώτησε Σαοὺλ διὰ Κυρίου, καὶ οὐκ ἀπεκρίθη αὐτῷ Κύριοσ ἐν τοῖσ ἐνυπνίοισ καὶ ἐν τοῖσ δήλοισ καὶ ἐν τοῖσ προφήταισ. καὶ εἶπε Σαοὺλ τοῖσ παισὶν αὐτοῦ. ζητήσατέ μοι γυναῖκα ἐγγαστρίμυθον, καὶ πορεύσομαι πρὸσ αὐτὴν καὶ ζητήσω ἐν αὐτῇ. καὶ εἶπαν οἱ παῖδεσ αὐτοῦ πρὸσ αὐτόν. ἰδοὺ γυνὴ ἐγγαστρίμυθοσ ἐν Ἀενδώρ. καὶ συνεκαλύψατο Σαοὺλ καὶ περιεβάλετο ἱμάτια ἕτερα καὶ πορεύεται αὐτὸσ καὶ δύο ἄνδρεσ μετ̓ αὐτοῦ καὶ ἔρχονται πρὸσ τὴν γυναῖκα νυκτὸσ καὶ εἶπεν αὐτῇ. μάντευσαι δή μοι ἐν τῷ ἐγγαστριμύθῳ καὶ ἀνάγαγέ μοι ὃν ἐὰν εἴπω σοι. καὶ εἶπεν αὐτῷ ἡ γυνή. ἰδοὺ δὴ σὺ οἶδασ ὅσα ἐποίησε Σαούλ, ὡσ ἐξωλόθρευσε τοὺσ ἐγγαστριμύθουσ καὶ τοὺσ γνώστασ ἀπὸ τῆσ γῆσ. καὶ ἱνατί σὺ παγιδεύεισ τὴν ψυχήν μου θανατῶσαι αὐτήν̣ καὶ ὤμοσεν αὐτῇ Σαοὺλ λέγων. ζῇ Κύριοσ, εἰ ἀπαντήσεταί σοι ἀδικία ἐν τῷ λόγῳ τούτῳ. καὶ εἶπεν ἡ γυνή. τίνα ἀναγάγω σοι̣ καὶ εἶπε. τὸν Σαμουὴλ ἀνάγαγέ μοι. καὶ εἶδεν ἡ γυνὴ τὸν Σαμουὴλ καὶ ἀνεβόησε φωνῇ μεγάλῃ. καὶ εἶπεν ἡ γυνὴ πρὸσ Σαούλ. ἱνατί παρελογίσω με̣ καὶ σὺ εἶ Σαούλ. καὶ εἶπεν αὐτῇ ὁ βασιλεύσ. μὴ φοβοῦ, εἰπὸν τίνα ἑώρακασ. καὶ εἶπεν αὐτῷ ἡ γυνή. θεοὺσ ἑώρακα ἀναβαίνοντασ ἐκ τῆσ γῆσ. καὶ εἶπεν αὐτῇ. τί ἔγνωσ̣ καὶ εἶπεν αὐτῷ. ἄνδρα ὄρθιον ἀναβαίνοντα ἐκ τῆσ γῆσ, καὶ οὗτοσ διπλοί̈δα ἀναβεβλημένοσ. καὶ ἔγνω Σαούλ, ὅτι οὗτοσ Σαμουήλ, καὶ ἔκυψεν ἐπὶ πρόσωπον αὐτοῦ ἐπὶ τὴν γῆν καὶ προσεκύνησεν αὐτῷ. καὶ εἶπε Σαμουήλ. ἱνατί παρηνώχλησάσ μοι ἀναβῆναί με̣ καὶ εἶπε Σαούλ. θλίβομαι σφόδρα, καὶ οἱ ἀλλόφυλοι πολεμοῦσιν ἐν ἐμοί, καὶ ὁ Θεὸσ ἀφέστηκεν ἀπ̓ ἐμοῦ καὶ οὐκ ἐπακήκοέ μοι ἔτι καὶ ἐν χειρὶ τῶν προφητῶν καὶ ἐν τοῖσ ἐνυπνίοισ. καὶ νῦν κέκληκά σε γνωρίσαι μοι τί ποιήσω. καὶ εἶπε Σαμουήλ. ἱνατί ἐπερωτᾷσ με̣ καὶ Κύριοσ ἀφέστηκεν ἀπὸ σοῦ καὶ γέγονε μετὰ τοῦ πλησίον σου. καὶ πεποίηκε Κύριόσ σοι καθὼσ ἐλάλησε Κύριοσ ἐν χειρί μου, καὶ διαρρήξει Κύριοσ τὴν βασιλείαν σου ἐκ χειρόσ σου καὶ δώσει αὐτὴν τῷ πλησίον σου τῷ Δαυίδ. διότι οὐκ ἤκουσασ φωνῆσ Κυρίου καὶ οὐκ ἐποίησασ θυμὸν ὀργῆσ αὐτοῦ ἐν Ἀμαλήκ, διὰ τοῦτο τὸ ρῆμα ἐποίησε Κύριόσ σοι ἐν τῇ ἡμέρᾳ ταύτῃ. καὶ παραδώσει Κύριοσ τὸν Ἰσραὴλ μετὰ σοῦ εἰσ χεῖρασ ἀλλοφύλων, καὶ αὔριον σὺ καὶ οἱ υἱοί σου μετὰ σοῦ πεσοῦνται, καὶ τὴν παρεμβολὴν Ἰσραὴλ δώσει Κύριοσ εἰσ χεῖρασ ἀλλοφύλων. καὶ ἔσπευσε Σαοὺλ καὶ ἔπεσεν ἑστηκὼσ ἐπὶ τὴν γῆν καὶ ἐφοβήθη σφόδρα ἀπὸ τῶν λόγων Σαμουήλ. καὶ ἐν αὐτῷ οὐκ ἦν ἰσχὺσ ἔτι, οὐ γὰρ ἔφαγεν ἄρτον ὅλην τὴν ἡμέραν καὶ ὅλην τὴν νύκτα ἐκείνην. καὶ εἰσῆλθεν ἡ γυνὴ πρὸσ Σαοὺλ καὶ εἶδεν ὅτι ἔσπευσε σφόδρα, καὶ εἶπε πρὸσ αὐτόν. ἰδοὺ δὴ ἤκουσεν ἡ δούλη σου τῆσ φωνῆσ σου καὶ ἐθέμην τὴν ψυχήν μου ἐν τῇ χειρί μου καὶ ἤκουσα τοὺσ λόγουσ, οὓσ ἐλάλησάσ μοι. καὶ νῦν ἄκουσον δὴ φωνῆσ τῆσ δούλησ σου, καὶ παραθήσω ἐνώπιόν σου ψωμὸν ἄρτου, καὶ φάγε, καὶ ἔσται σοι ἰσχύσ, ὅτι πορεύῃ ἐν ὁδῷ. καὶ οὐκ ἐβουλήθη φαγεῖν. καὶ παρεβιάζοντο αὐτὸν οἱ παῖδεσ αὐτοῦ καὶ ἡ γυνή, καὶ ἤκουσε τῆσ φωνῆσ αὐτῶν καὶ ἀνέστη ἀπὸ τῆσ γῆσ καί ἐκάθισεν ἐπὶ τὸν δίφρον. καὶ τῇ γυναικὶ ἦν δάμαλισ νομὰσ ἐν τῇ οἰκίᾳ, καὶ ἔσπευσε καὶ ἔθυσεν αὐτὴν καὶ ἔλαβεν ἄλευρα καὶ ἐφύρασε καὶ ἔπεψεν ἄζυμα καὶ προσήγαγεν ἐνώπιον Σαοὺλ καὶ ἐνώπιον τῶν παιδῶν αὐτοῦ, καὶ ἔφαγον. καὶ ἀνέστησαν καὶ ἀπῆλθον τὴν νύκτα ἐκείνην.

목록

일치하는 문장이 없습니다.

SEARCH

MENU NAVIGATION