Septuagint, Liber I Samuelis 26:

(70인역 성경, 사무엘기 상권 26:)

ΚΑΙ ἔρχονται οἱ Ζιφαῖοι ἐκ τῆσ αὐχμώδουσ πρὸσ τὸν Σαοὺλ εἰσ τὸν βουνὸν λέγοντεσ. ἰδοὺ Δαυὶδ σκεπάζεται μεθ̓ ἡμῶν ἐν τῷ βουνῷ τοῦ Ἐχελὰ τοῦ κατὰ πρόσωπον τοῦ Ἰεσσαιμοῦν. καὶ ἀνέστη Σαοὺλ καὶ κατέβη εἰσ τὴν ἔρημον Ζίφ καὶ μετ̓ αὐτοῦ τρεῖσ χιλιάδεσ ἀνδρῶν ἐκλεκτοὶ ἐξ Ἰσραὴλ ζητεῖν τὸν Δαυὶδ ἐν τῇ ἐρήμῳ Ζίφ. καὶ παρενέβαλε Σαοὺλ ἐν τῷ βουνῷ τοῦ Ἐχελὰ τῷ ἐπὶ προσώπου τοῦ Ἰεσσαιμοῦν ἐπὶ τῆσ ὁδοῦ, καὶ Δαυὶδ ἐκάθισεν ἐν τῇ ἐρήμῳ. καὶ εἶδε Δαυὶδ ὅτι ἥκει Σαοὺλ ὀπίσω αὐτοῦ εἰσ τήν ἔρημον, καὶ ἀπέστειλε Δαυὶδ κατασκόπουσ καὶ ἔγνω ὅτι ἥκει Σαοὺλ ἕτοιμοσ ἐκ Κεϊλά. καὶ ἀνέστη Δαυὶδ λάθρᾳ καὶ εἰσπορεύεται εἰσ τὸν τόπον, οὗ ἐκάθευδεν ἐκεῖ Σαούλ, καὶ ἐκεῖ Ἀβεννὴρ υἱὸσ Νὴρ ἀρχιστράτηγοσ αὐτοῦ, καὶ Σαοὺλ ἐκάθευδεν ἐν λαμπήνῃ, καὶ ὁ λαὸσ παρεμβεβληκὼσ κύκλῳ αὐτοῦ. καὶ ἀπεκρίθη Δαυὶδ και εἶπε πρὸσ Ἀβιμέλεχ τὸν Χετταῖον καὶ πρὸσ Ἀβεσσὰ υἱὸν Σαρουί̈ασ ἀδελφὸν Ἰωὰβ λέγων. τίσ εἰσελεύσεται μετ̓ ἐμοῦ πρὸσ Σαοὺλ εἰσ τὴν παρεμβολήν̣ καὶ εἶπεν Ἀβεσσά. ἐγὼ εἰσελεύσομαι μετὰ σοῦ. καὶ εἰσπορεύεται Δαυὶδ καὶ Ἀβεσσὰ εἰσ τὸν λαὸν τὴν νύκτα, καὶ ἰδοὺ Σαοὺλ καθεύδων ὕπνῳ ἐν λαμπήνῃ, καὶ τὸ δόρυ αὐτοῦ ἐμπεπηγὸσ εἰσ τὴν γῆν πρὸσ κεφαλῆσ αὐτοῦ, καί Ἀβεννὴρ καὶ ὁ λαὸσ αὐτοῦ ἐκάθευδε κύκλῳ αὐτοῦ. καὶ εἶπεν Ἀβεσσὰ πρὸσ Δαυίδ. ἀπέκλεισε Κύριοσ σήμερον τὸν ἐχθρόν σου εἰσ χεῖράσ σου, καὶ νῦν πατάξω αὐτὸν τῷ δόρατι εἰσ τὴν γῆν ἅπαξ καὶ οὐ δευτερώσω αὐτῷ. καὶ εἶπε Δαυὶδ πρὸσ Ἀβεσσά. μὴ ταπεινώσῃσ αὐτόν, ὅτι τίσ ἐποίσει χεῖρα αὐτοῦ ἐπὶ χριστὸν Κυρίου καὶ ἀθωωθήσεται̣ καὶ εἶπε Δαυίδ. ζῇ Κύριοσ, ἐὰν μὴ Κύριοσ παίσῃ αὐτόν, ἢ ἡ ἡμέρα αὐτοῦ ἔλθῃ καὶ ἀποθάνῃ, ἢ εἰσ πόλεμον καταβῇ καὶ προστεθῇ. μηδαμῶσ μοι παρὰ Κυρίου ἐπενεγκεῖν χεῖρά μου ἐπὶ χριστὸν Κυρίου. καὶ νῦν λαβὲ δὴ τὸ δόρυ ἀπὸ προσκεφαλῆσ αὐτοῦ καὶ τὸν φακὸν τοῦ ὕδατοσ, καὶ ἀπέλθωμεν ἡμεῖσ καθ̓ ἑαυτούσ. καὶ ἔλαβε Δαυὶδ τὸ δόρυ καὶ τὸν φακὸν τοῦ ὕδατοσ ἀπὸ προσκεφαλῆσ αὐτοῦ, καὶ ἀπῆλθον καθ̓ ἑαυτούσ. καὶ οὐκ ἦν ὁ βλέπων καὶ οὐκ ἦν ὁ γινώσκων καὶ οὐκ ἦν ὁ ἐξεγειρόμενοσ, πάντεσ ὑπνοῦντεσ, ὅτι θάμβοσ Κυρίου ἐπέπεσεν ἐπ̓ αὐτούσ. καὶ διέβη Δαυὶδ εἰσ τὸ πέραν καὶ ἔστη ἐπὶ τὴν κορυφὴν τοῦ ὄρουσ μακρόθεν, καὶ πολλὴ ἡ ὁδὸσ ἀνὰ μέσον αὐτῶν. καὶ προσεκαλέσατο Δαυὶδ τὸν λαὸν καὶ τῷ Ἀβεννὴρ ἐλάλησε λέγων. οὐκ ἀποκριθήσῃ Ἀβεννήρ̣ καὶ ἀπεκρίθη Ἀβεννὴρ καὶ εἶπε. τίσ εἶ σὺ ὁ καλῶν με̣ καὶ εἶπε Δαυὶδ πρὸσ Ἀβεννήρ. οὐκ ἀνὴρ σύ̣ καὶ τίσ ὡσ σὺ ἐν Ἰσραήλ̣ καὶ διατί οὐ φυλάσσεισ τὸν κύριόν σου τὸν βασιλέα̣ ὅτι εἰσῆλθεν εἷσ ἐκ τοῦ λαοῦ διαθφεῖραι τὸν κύριόν σου τὸν βασιλέα. καὶ οὐκ ἀγαθὸν τὸ ρῆμα τοῦτο, ὃ πεποίηκασ. ζῇ Κύριοσ, ὅτι υἱοὶ θανατώσεωσ ὑμεῖσ οἱ φυλάσσοντεσ τὸν βασιλέα τὸν κύριον ὑμῶν τὸν χριστὸν Κυρίου. καὶ νῦν ἰδὲ δή. τὸ δόρυ τοῦ βασιλέωσ καὶ ὁ φακὸσ τοῦ ὕδατοσ ποῦ ἐστι τὰ πρὸσ κεφαλῆσ αὐτοῦ̣ καὶ ἐπέγνω Σαοὺλ τὴν φωνὴν Δαυὶδ καὶ εἶπεν. ἡ φωνή σου αὕτη, τέκνον Δαυίδ̣ καὶ εἶπε Δαυίδ. δοῦλόσ σου, κύριε βασιλεῦ. καὶ εἶπεν. ἱνατί τοῦτο καταδιώκει ὁ κύριοσ ὀπίσω τοῦ δούλου αὐτοῦ̣ ὅτι τί ἡμάρτηκα καὶ τί εὑρέθη ἐν ἐμοὶ ἀδίκημα̣ καὶ νῦν ἀκουσάτω ὁ κύριόσ μου ὁ βασιλεὺσ τὸ ρῆμα τοῦ δούλου αὐτοῦ. εἰ ὁ Θεὸσ ἐπισείει σε ἐπ̓ ἐμέ, ὀσφανθείη θυσίασ σου. καὶ εἰ υἱοὶ ἀνθρώπων, ἐπικατάρατοι οὗτοι ἐνώπιον Κυρίου, ὅτι ἐξέβαλόν με σήμερον μὴ ἐστηρίχθαι ἐν κληρονομίᾳ Κυρίου λέγοντεσ. πορεύου, δούλευε θεοῖσ ἑτέροισ. καὶ νῦν μὴ πέσοι τὸ αἷμά μου ἐπὶ τὴν γῆν ἐξεναντίασ προσώπου Κυρίου, ὅτι ἐξελήλυθεν ὁ βασιλεὺσ Ἰσραὴλ ζητεῖν ψυχήν μου, καθὼσ καταδιώκει ὁ νυκτικόραξ ἐν τοῖσ ὄρεσι. καὶ εἶπε Σαούλ. ἡμάρτηκα. ἐπίστρεφε τέκνον Δαυίδ, ὅτι οὐ κακοποιήσω σε ἀνθ̓ ὧν ἔντιμοσ ψυχή μου ἐν ὀφθαλμοῖσ σου καὶ ἐν τῇ σήμερον. μεματαίωμαι καὶ ἠγνόηκα πολλὰ σφόδρα. καὶ ἀπεκρίθη Δαυὶδ καὶ εἶπεν. ἰδοὺ τὸ δόρυ τοῦ βασιλέωσ. διελθέτω εἷσ τῶν παιδαρίων καὶ λαβέτω αὐτό. καὶ Κύριοσ ἐπιστρέψει ἑκάστῳ κατὰ τὰσ δικαιοσύνασ αὐτοῦ καὶ τὴν πίστιν αὐτοῦ, ὡσ παρέδωκέ σε Κύριοσ σήμερον εἰσ χεῖράσ μου καὶ οὐκ ἠθέλησα ἐπενεγκεῖν χεῖρά μου ἐπὶ χριστὸν Κυρίου. καὶ ἰδοὺ καθὼσ ἐμεγαλύνθη ἡ ψυχή σου σήμερον ἐν ταύτῃ ἐν ὀφθαλμοῖσ μου, οὕτωσ μεγαλυνθείη ἡ ψυχή μου ἐνώπιον Κυρίου καὶ σκεπάσαι με καὶ ἐξελεῖταί με ἐκ πάσησ θλίψεωσ. καὶ εἶπε Σαοὺλ πρὸσ Δαυίδ. εὐλογημένοσ σύ, τέκνον, καὶ ποιῶν ποιήσεισ καὶ δυνάμενοσ δυνήσῃ. καὶ ἀπῆλθε Δαυὶδ εἰσ τὴν ὁδὸν αὐτοῦ, καὶ Σαοὺλ ἀνέστρεψεν εἰσ τὸν τόπον αὐτοῦ.

목록

일치하는 문장이 없습니다.

SEARCH

MENU NAVIGATION