Septuagint, Liber I Samuelis 22:

(70인역 성경, 사무엘기 상권 22:)

ΚΑΙ ἀπῆλθεν ἐκεῖθεν Δαυὶδ καὶ διεσώθη καὶ ἔρχεται εἰσ τὸ σπήλαιον τὸ Ὀδολλάμ. καὶ ἀκούουσιν οἱ ἀδελφοὶ αὐτοῦ καὶ ὁ οἶκοσ τοῦ πατρὸσ αὐτοῦ καὶ καταβαίνουσι πρὸσ αὐτὸν ἐκεῖ. καὶ συνήγοντο πρὸσ αὐτὸν πᾶσ ἐν ἀνάγκῃ καὶ πᾶσ ὑπόχρεωσ καὶ πᾶσ κατώδυνοσ ψυχῇ, καὶ ἦν ἐπ̓ αὐτῶν ἡγούμενοσ. καὶ ἦσαν μετ̓ αὐτοῦ ὡσ τετρακόσιοι ἄνδρεσ. καὶ ἀπῆλθε Δαυὶδ ἐκεῖθεν εἰσ Μασσηφὰθ τῆσ Μωὰβ καὶ εἶπε πρὸσ βασιλέα Μωάβ. γινέσθωσαν δὴ ὁ πατὴρ μου καὶ ἡ μήτηρ μου παρὰ σοί, ἕωσ ὅτου γνῶ τί ποιήσει μοι ὁ Θεόσ. καὶ παρεκάλεσε τὸ πρόσωπον τοῦβασιλέωσ Μωάβ, καὶ κατῴκουν μετ̓ αὐτοῦ πάσασ τὰσ ἡμέρασ ὄντοσ τοῦ Δαυὶδ ἐν τῇ περιοχῇ. καὶ εἶπε Γὰδ ὁ προφήτησ πρὸσ Δαυίδ. μὴ κάθου ἐν τῇ περιοχῇ, πορεύου καὶ ἥξεισ εἰσ γῆν Ἰούδα. καὶ ἐπορεύθη Δαυὶδ καὶ ἦλθε καὶ ἐκάθισεν ἐν πόλει Σαρίχ. Καὶ ἤκουσε Σαούλ, ὅτι ἔγνωσται Δαυὶδ καὶ οἱ ἄνδρεσ οἱ μετ̓ αὐτοῦ. καὶ Σαοὺλ ἐκάθητο ἐν τῷ βουνῷ ὑπὸ τὴν ἄρουραν τὴν ἐν Ραμά, καὶ τὸ δόρυ ἐν τῇ χειρὶ αὐτοῦ, καὶ πάντεσ οἱ παῖδεσ αὐτοῦ παρειστήκεισαν αὐτῷ. καὶ εἶπε Σαοὺλ πρὸσ τοὺσ παῖδασ αὐτοῦ τοὺσ παρεστηκότασ αὐτῷ. ἀκούσατε δὴ υἱοὶ Βενιαμίν. εἰ ἀληθῶσ πᾶσιν ὑμῖν δώσει ὁ υἱὸσ Ἰεσσαὶ ἀγροὺσ καὶ ἀμπελῶνασ καὶ πάντασ ὑμᾶσ τάξει ἑκατοντάρχουσ καὶ χιλιάρχουσ̣ ὅτι σύγκεισθε πάντεσ ὑμεῖσ ἐπ̓ ἐμέ, καὶ οὐκ ἔστιν ὁ ἀποκαλύπτων τὸ ὠτίον μου ἐν τῷ διαθέσθαι τὸν υἱόν μου διαθήκην μετὰ τοῦ υἱοῦ Ἰεσσαί, καὶ οὐκ ἔστι πονῶν περὶ ἐμοῦ ἐξ ὑμῶν καὶ ἀποκαλύπτων τὸ ὠτίον μου, ὅτι ἐπήγειρεν ὁ υἱόσ μου τὸν δοῦλόν μου ἐπ̓ ἐμὲ εἰσ ἐχθρόν, ὡσ ἡ ἡμέρα αὕτη. καὶ ἀποκρίνεται Δωὴκ ὁ Σύροσ ὁ καθεστηκὼσ ἐπὶ τὰσ ἡμιόνουσ Σαοὺλ καὶ εἶπεν. ἑώρακα τὸν υἱὸν Ἰεσσαὶ παραγινόμενον εἰσ Νομβὰ πρὸσ Ἀβιμέλεχ υἱὸν Ἀχιτὼβ τὸν ἱερέα, καὶ ἠρώτα αὐτῷ διά τοῦ Θεοῦ καὶ ἐπισιτισμὸν ἔδωκεν αὐτῷ καὶ τὴν ρομφαίαν Γολιὰθ τοῦ ἀλλοφύλου ἔδωκεν αὐτῷ. καὶ ἀπέστειλεν ὁ βασιλεὺσ καλέσαι τὸν Ἀβιμέλεχ υἱὸν Ἀχιτὼβ καὶ πάντασ τοὺσ υἱοὺσ τοῦ πατρὸσ αὐτοῦ τοὺσ ἱερεῖσ τοὺσ ἐν Νομβά, καὶ παρεγένοντο πάντεσ πρὸσ τὸν βασιλέα. καὶ εἶπε Σαούλ. ἄκουε δή, υἱὲ Ἀχιτώβ. καὶ εἶπεν. ἰδοὺ ἐγώ, λάλει κύριε. καὶ εἶπεν αὐτῷ Σαούλ. ἱνατί συνέθου κατ̓ ἐμοῦ σὺ καὶ ὁ υἱὸσ Ἰεσσαὶ δοῦναί σε αὐτῷ ἄρτον καὶ ρομφαίαν καὶ ἐρωτᾶν αὐτῷ διὰ τοῦ Θεοῦ θέσθαι αὐτὸν ἐπ̓ ἐμὲ εἰσ ἐχθρόν, ὡσ ἡ ἡμέρα αὕτη̣ καὶ ἀπεκρίθη τῷ βασιλεῖ καὶ εἶπε. καὶ τίσ ἐν πᾶσι τοῖσ δούλοισ σου ὡσ Δαυὶδ πιστὸσ καὶ γαμβρὸσ τοῦ βασιλέωσ καὶ ἄρχων παντὸσ παραγγέλματόσ σου καὶ ἔνδοξοσ ἐν τῷ οἴκῳ σου̣ ἦ σήμερον ἦργμαι ἐρωτᾶν αὐτῷ διὰ τοῦ Θεοῦ̣ μηδαμῶσ. μὴ δότω ὁ βασιλεὺσ κατὰ τοῦ δούλου αὐτοῦ λόγον καὶ ἐφ̓ ὅλον τὸν οἶκον τοῦ πατρόσ μου, ὅτι οὐκ ᾔδει ὁ δοῦλόσ σου ἐν πᾶσι τούτοισ ρῆμα μικρὸν ἢ μέγα. καὶ εἶπεν ὁ βασιλεὺσ Σαούλ. θανάτῳ ἀποθανῇ, Ἀβιμέλεχ, σὺ καὶ πᾶσ ὁ οἶκοσ τοῦ πατρόσ σου. καὶ εἶπεν ὁ βασιλεὺσ τοῖσ παρατρέχουσι τοῖσ ἐφεστηκόσι πρὸσ αὐτόν. προσαγάγετε καὶ θανατοῦτε τοὺσ ἱερεῖσ τοῦ Κυρίου, ὅτι ἡ χεὶρ αὐτῶν μετὰ Δαυίδ, καὶ ὅτι ἔγνωσαν ὅτι φεύγει αὐτόσ, καὶ οὐκ ἀπεκάλυψαν τὸ ὠτίον μου. καὶ οὐκ ἐβουλήθησαν οἱ παῖδεσ τοῦ βασιλέωσ ἐπενεγκεῖν τὰσ χεῖρασ αὐτῶν ἀπαντῆσαι εἰσ τοὺσ ἱερεῖσ Κυρίου. καὶ εἶπεν ὁ βασιλεὺσ τῷ Δωήκ. ἐπιστρέφου σὺ καὶ ἀπάντα εἰσ τοὺσ ἱερεῖσ. καὶ ἐπεστράφη Δωὴκ ὁ Σύροσ καὶ ἐθανάτωσε τοὺσ ἱερεῖσ τοῦ Κυρίου ἐν τῇ ἡμέρᾳ ἐκείνῃ, τριακοσίουσ καὶ πέντε ἄνδρασ, πάντασ αἴροντασ ἐφούδ. καὶ τὴν Νομβὰ τὴν πόλιν τῶν ἱερέων ἐπάταξεν ἐν στόματι ρομφαίασ ἀπ̓ ἀνδρὸσ ἕωσ γυναικόσ, ἀπὸ νηπίου ἕωσ θηλάζοντοσ καὶ μόσχου καὶ ὄνου καὶ προβάτου. καὶ διασώζεται υἱὸσ εἷσ τῷ Ἀβιμέλεχ υἱῷ Ἀχιτώβ, καὶ ὄνομα αὐτῷ Ἀβιάθαρ, καὶ ἔφυγεν ὀπίσω Δαυίδ. καὶ ἀπήγγειλεν Ἀβιάθαρ τῷ Δαυίδ, ὅτι ἐθανάτωσε Σαοὺλ πάντασ τοὺσ ἱερεῖσ τοῦ Κυρίου. καὶ εἶπε Δαυὶδ τῷ Ἀβιάθαρ. ᾔδειν ὅτι ἐν τῇ ἡμέρᾳ ἐκείνῃ ὅτι Δωὴκ ὁ Σύροσ ὅτι ἀπαγγέλλων ἀπαγγελεῖ τῷ Σαούλ. ἐγώ εἰμι αἴτιοσ τῶν ψυχῶν οἴκου τοῦ πατρόσ σου. κάθου μετ̓ ἐμοῦ, μὴ φοβοῦ, ὅτι οὗ ἐὰν ζητῶ τῇ ψυχῇ μου τόπον, ζητήσω καὶ τῇ ψυχῇ σου, ὅτι πεφύλαξαι σὺ παῤ ἐμοί.

목록

일치하는 문장이 없습니다.

SEARCH

MENU NAVIGATION