Septuagint, Liber I Samuelis 20:

(70인역 성경, 사무엘기 상권 20:)

ΚΑΙ ἀπέδρα Δαυὶδ ἐκ Ναυὰθ ἐν Ραμὰ καὶ ἔρχεται ἐνώπιον Ἰωνάθαν καὶ εἶπε. τί πεποίηκα καὶ τί τὸ ἀδίκημά μου καὶ τί ἡμάρτηκα ἐνώπιον τοῦ πατρόσ σου, ὅτι ἐπιζητεῖ τὴν ψυχήν μου̣ καὶ εἶπεν αὐτῷ Ἰωνάθαν. μηδαμῶσ σοι, οὐ μὴ ἀποθάνῃσ. ἰδοὺ οὐ μὴ ποιήσει ὁ πατήρ μου ρῆμα μέγα ἢ μικρὸν καὶ οὐκ ἀποκαλύψει τὸ ὠτίον μου. καὶ τί ὅτι κρύψει ὁ πατήρ μου ἀπ̓ ἐμοῦ τὸ ρῆμα τοῦτο̣ οὐκ ἔστι τοῦτο. καὶ ἀπεκρίθη Δαυὶδ τῷ Ἰωνάθαν καὶ εἶπε. γινώσκων οἶδεν ὁ πατήρ σου ὅτι εὕρηκα χάριν ἐν ὀφθαλμοῖσ σου, καὶ εἶπε. μὴ γνώτω τοῦτο Ἰωνάθαν, μὴ οὐ βούληται. ἀλλὰ ζῇ Κύριοσ καὶ ζῇ ἡ ψυχή σου, ὅτι, καθὼσ εἶπον, ἐμπέπλησται ἀνὰ μέσον ἐμοῦ καὶ τοῦ θανάτου. καὶ εἶπεν Ἰωνάθαν πρὸσ Δαυίδ. τὶ ἐπιθυμεῖ ἡ ψυχή σου καὶ τί ποιήσω σοι̣ καὶ εἶπε Δαυὶδ πρὸσ Ἰωνάθαν. ἰδοὺ δὴ νεομηνία αὔριον, καὶ ἐγὼ καθίσασ οὐ καθήσομαι φαγεῖν, καὶ ἐξαποστελεῖσ με, καὶ κρυβήσομαι ἐν τῷ πεδίῳ ἕωσ δείλησ. καὶ ἐὰν ἐπισκεπτόμενοσ ἐπισκέψηταί με ὁ πατὴρ σου, καὶ ἐρεῖσ. παραιτούμενοσ παρῃτήσατο ἀπ̓ ἐμοῦ Δαυὶδ δραμεῖν ἕωσ εἰσ Βηθλεὲμ τὴν πόλιν αὐτοῦ, ὅτι θυσία τῶν ἡμερῶν ἐκεῖ ὅλῃ τῇ φυλῇ. ἐὰν τάδε εἴπῃ. ἀγαθῶσ, εἰρήνη τῷ δούλῳ σου. καὶ ἐὰν σκληρῶσ ἀποκριθῇ σοι, γνῶθι ὅτι συντετέλεσται ἡ κακία παῤ αὐτοῦ. καὶ ποιήσεισ ἔλεοσ μετὰ τοῦ δούλου σου, ὅτι εἰσήγαγεσ εἰσ διαθήκην Κυρίου τὸν δοῦλόν σου μετὰ σεαυτοῦ. καὶ εἰ ἔστιν ἀδικία ἐν τῷ δούλῳ σου, θανάτωσόν με σύ, καὶ ἕωσ τοῦ πατρόσ σου ἱνατί οὕτωσ εἰσάγεισ με̣ καὶ εἶπεν Ἰωνάθαν. μηδαμῶσ σοι, ὅτι ἐὰν γινώσκων γνῶ ὅτι συντετέλεσται ἡ κακία παρὰ τοῦ πατρόσ μου τοῦ ἐλθεῖν ἐπὶ σέ, καὶ ἐὰν μὴ ᾖ εἰσ τὰσ πόλεισ σου, ἐγὼ ἀπαγγελῶ σοι. καὶ εἶπε Δαυὶδ πρὸσ Ἰωνάθαν. τίσ ἀπαγγείλῃ μοι, ἐὰν ἀποκριθῇ ὁ πατήρ σου σκληρῶσ̣ καὶ εἶπεν Ἰωνάθαν πρὸσ Δαυίδ. πορεύου καὶ μένε εἰσ ἀγρόν. καὶ ἐκπορεύονται ἀμφότεροι εἰσ ἀγρόν. καὶ εἶπεν Ἰωνάθαν πρὸσ Δαυίδ. Κύριοσ ὁ Θεὸσ Ἰσραὴλ εἶδεν, ὅτι ἀνακρινῶ τὸν πατέρα μου ὡσ ἂν ὁ καιρὸσ τρισσῶσ, καὶ ἰδοὺ ἀγαθὸν ᾖ περὶ Δαυίδ, καὶ οὐ μὴ ἀποστείλω πρόσ σε εἰσ ἀγρόν. τάδε ποιήσαι ὁ Θεὸσ τῷ Ἰωνάθαν καὶ τάδε προσθείη, ὅτι ἀνοίσω τὰ κακὰ ἐπὶ σὲ καὶ ἀποκαλύψω τὸ ὠτίον σου καὶ ἐξαποστελῶ σε καὶ ἀπελεύσῃ εἰσ εἰρήνην. καὶ ἔσται Κύριοσ μετὰ σοῦ, καθὼσ ἦν μετὰ τοῦ πατρόσ μου. καὶ ἐὰν μὲν ἔτι μου ζῶντοσ καὶ ποιήσεισ ἔλεοσ μετ̓ ἐμοῦ, καὶ ἐὰν θανάτῳ ἀποθάνω, οὐκ ἐξαρεῖσ ἔλεόσ σου ἀπὸ τοῦ οἴκου μου ἕωσ τοῦ αἰῶνοσ. καὶ εἰ μή, ἐν τῷ ἐξαίρειν Κύριον τοὺσ ἐχθροὺσ Δαυὶδ ἕκαστον ἀπὸ τοῦ προσώπου τῆσ γῆσ εὑρεθῆναι τὸ ὄνομα τοῦ Ἰωνάθαν ἀπὸ τοῦ οἴκου Δαυίδ, καὶ ἐκζητῆσαι Κύριοσ ἐχθροὺσ τοῦ Δαυίδ. καὶ προσέθετο ἔτι Ἰωνάθαν ὀμόσαι τῷ Δαυίδ, ὅτι ἠγάπησε ψυχὴν ἀγαπῶντοσ αὐτόν. καὶ εἶπεν Ἰωνάθαν. αὔριον νεομηνία, καὶ ἐπισκεπήσῃ, ὅτι ἐπισκεπήσεται καθέδρα σου. καὶ τρισσεύσεισ καὶ ἐπισκέψῃ καὶ ἥξεισ εἰσ τὸν τόπον σου, οὗ κρυβῇσ ἐν τῇ ἡμέρᾳ τῇ ἐργασίμῃ, καὶ καθήσῃ παρὰ τὸ ἐργὰβ ἐκεῖνο. καὶ ἐγὼ τρισσεύσω ταῖσ σχίζαισ ἀκοντίζων, ἐκπέμπων εἰσ τὴν ἀματταρί. καὶ ἰδοὺ ἀποστέλλω τὸ παιδάριον λέγων. δεῦρο εὑρέ μοι τὴν σχίζαν. ἐὰν εἴπω λέγων τῷ παιδαρίῳ. ὧδε ἡ σχίζα ἀπὸ σοῦ καὶ ὧδε, λάβε αὐτήν, παραγίνου, ὅτι εἰρήνη σοι, καὶ οὐκ ἔστι λόγοσ, ζῇ Κύριοσ. ἐὰν τάδε εἴπω τῷ νεανίσκῳ. ὧδε ἡ σχίζα ἀπὸ σοῦ καὶ ἐπέκεινα, πορεύου ὅτι ἐξαπέσταλκέ σε Κύριοσ. καὶ τὸ ρῆμα ὃ ἐλαλήσαμεν ἐγὼ καὶ σύ, ἰδοὺ Κύριοσ μάρτυσ ἀνὰ μέσον ἐμοῦ καὶ σοῦ ἕωσ αἰῶνοσ. Καὶ κρύπτεται Δαυὶδ ἐν ἀγρῷ, καὶ παραγίνεται ὁ μήν, καὶ ἔρχεται ὁ βασιλεὺσ ἐπὶ τὴν τράπεζαν τοῦ φαγεῖν. καὶ ἐκάθισεν ἐπὶ τὴν καθέδραν αὐτοῦ ὡσ ἅπαξ καὶ ἅπαξ, ἐπὶ τῆσ καθέδρασ παρὰ τοῖχον, καὶ προέφθασε τὸν Ἰωνάθαν, καὶ ἐκάθισεν Ἀβεννὴρ ἐκ πλαγίων Σαούλ, καὶ ἐπεσκέπη ὁ τόποσ Δαυίδ. καὶ οὐκ ἐλάλησε Σαοὺλ ἐν τῇ ἡμέρᾳ ἐκείνῃ, ὅτι εἴρηκε. σύμπτωμα φαίνεται μὴ καθαρὸσ εἶναι, ὅτι οὐ κεκαθάρισται. καὶ ἐγενήθη τῇ ἐπαύριον τοῦ μηνὸσ τῇ ἡμέρᾳ τῇ δευτέρᾳ καὶ ἐπεσκέπη ὁ τόποσ τοῦ Δαυίδ, καὶ εἶπε Σαοὺλ πρὸσ Ἰωνάθαν τὸν υἱὸν αὐτοῦ. τί ὅτι οὐ παραγέγονεν ὁ υἱὸσ Ἰεσσαὶ καὶ ἐχθὲσ καὶ σήμερον ἐπὶ τὴν τράπεζαν̣ καὶ ἀπεκρίθη Ἰωνάθαν τῷ Σαοὺλ καὶ εἶπεν αὐτῷ. παρῄτηται παῤ ἐμοῦ Δαυὶδ ἕωσ εἰσ Βηθλεὲμ τὴν πόλιν αὐτοῦ πορευθῆναι. καὶ εἶπεν. ἐξαπόστειλον δή με, ὅτι θυσία τῆσ φυλῆσ ἡμῖν ἐν τῇ πόλει, καὶ ἐνετείλαντο πρόσ με οἱ ἀδελφοί μου, καὶ νῦν εἰ εὕρηκα χάριν ἐν ὀφθαλμοῖσ σου, διαβήσομαι δὴ καὶ ὄψομαι τοὺσ ἀδελφούσ μου. διὰ τοῦτο οὐ παραγέγονεν ἐπὶ τὴν τράπεζαν τοῦ βασιλέωσ. καὶ ἐθυμώθη ὀργῇ Σαοὺλ ἐπὶ Ἰωνάθαν σφόδρα καὶ εἶπεν αὐτῷ. υἱὲ κορασίων αὐτομολούντων, οὐ γὰρ οἶδα ὅτι μέτοχοσ εἶ σὺ τῷ υἱῷ Ἰεσσαὶ εἰσ αἰσχύνην σου καὶ εἰσ αἰσχύνην ἀποκαλύψεωσ μητρόσ σου̣ ὅτι πάσασ τὰσ ἡμέρασ, ἃσ ὁ υἱὸσ Ἰεσσαὶ ζῇ ἐπὶ τῆσ γῆσ, οὐχ ἑτοιμασθήσεται ἡ βασιλεία σου. νῦν οὖν ἀποστείλασ λάβε τὸν νεανίαν, ὅτι υἱὸσ θανάτου οὗτοσ. καὶ ἀπεκρίθη Ἰωνάθαν τῷ Σαούλ. ἱνατί ἀποθνήσκει̣ τί πεποίηκε̣ καὶ ἐπῇρε Σαοὺλ τὸ δόρυ ἐπὶ Ἰωνάθαν τοῦ θανατῶσαι αὐτόν. καὶ ἔγνω Ἰωνάθαν ὅτι συντετέλεσται ἡ κακία αὕτη παρὰ τοῦ πατρὸσ αὐτοῦ θανατῶσαι τὸν Δαυίδ, καὶ ἀνεπήδησεν Ἰωνάθαν ἀπὸ τῆσ τραπέζησ ἐν ὀργῇ θυμοῦ καὶ οὐκ ἔφαγεν ἐν τῇ δευτέρᾳ τοῦ μηνὸσ ἄρτον, ὅτι ἐθραύσθη ἐπὶ τὸν Δαυίδ, ὅτι συνετέλεσεν ἐπ̓ αὐτὸν ὁ πατὴρ αὐτοῦ. Καὶ ἐγενήθη πρωί̈ καὶ ἐξῆλθεν Ἰωνάθαν εἰσ ἀγρόν, καθὼσ ἐτάξατο εἰσ τὸ μαρτύριον Δαυίδ, καὶ παιδάριον μικρὸν μετ̓ αὐτοῦ. καὶ εἶπε τῷ παιδαρίῳ. δράμε, εὑρέ μοι τὰσ σχίζασ, ἐν αἷσ ἐγὼ ἀκοντίζω. καὶ τὸ παιδάριον ἔδραμε, καὶ αὐτὸσ ἠκόντιζε τῇ σχίζῃ καὶ παρήγαγεν αὐτήν. καὶ ἦλθε τὸ παιδάριον ἕωσ τοῦ τόπου τῆσ σχίζησ, οὗ ἠκόντιζεν Ἰωνάθαν, καὶ ἀνεβόησεν Ἰωνάθαν ὀπίσω τοῦ νεανίου καὶ εἶπεν. ἐκεῖ ἡ σχίζα ἀπὸ σοῦ καὶ ἐπέκεινα. καὶ ἀνεβόησεν Ἰωνάθαν ὀπίσω τοῦ παιδαρίου αὐτοῦ λέγων. ταχύνασ σπεῦσον καὶ μὴ στῇσ. καὶ ἀνέλεξε τὸ παιδάριον Ἰωνάθαν τὰσ σχίζασ καὶ ἤνεγκε τὰσ σχίζασ πρὸσ τὸν κύριον αὐτοῦ. καὶ τὸ παιδάριον οὐκ ἔγνω οὐθέν, πάρεξ Ἰωνάθαν καὶ Δαυὶδ ἔγνωσαν τὸ ρῆμα. καὶ Ἰωνάθαν ἔδωκε τὰ σκεύη αὐτοῦ ἐπὶ τὸ παιδάριον αὐτοῦ καὶ εἶπε τῷ παιδαρίῳ αὐτοῦ. πορεύου, εἴσελθε εἰσ τὴν πόλιν. καὶ ὡσ εἰσῆλθε τὸ παιδάριον, καὶ Δαυὶδ ἀνέστη ἀπὸ τοῦ ἐργὰβ καὶ ἔπεσεν ἐπὶ πρόσωπον αὐτοῦ καὶ προσεκύνησεν αὐτῷ τρίσ, καὶ κατεφίλησεν ἕκαστοσ τὸν πλησίον αὐτοῦ, καὶ ἔκλαυσεν ἕκαστοσ τῷ πλησίον αὐτοῦ ἕωσ συντελείασ μεγάλησ. καὶ εἶπεν Ἰωνάθαν τῷ Δαυίδ. πορεύου εἰσ εἰρήνην, καὶ ὡσ ὀμωμόκαμεν ἡμεῖσ ἀμφότεροι ἐν ὀνόματι Κυρίου λέγοντεσ. Κύριοσ ἔσται μάρτυσ ἀνὰ μέσον ἐμοῦ καί σοῦ καὶ ἀνὰ μέσον τοῦ σπέρματόσ μου καὶ ἀνὰ μέσον τοῦ σπέρματόσ σου ἕωσ αἰῶνοσ.

목록

일치하는 문장이 없습니다.

SEARCH

MENU NAVIGATION