Septuagint, Liber I Samuelis 17:

(70인역 성경, 사무엘기 상권 17:)

ΚΑΙ συνάγουσιν ἀλλόφυλοι τὰσ παρεμβολὰσ αὐτῶν εἰσ πόλεμον καὶ συνάγονται εἰσ Σοκχὼθ τῆσ Ἰουδαίασ καὶ παρεμβάλλουσιν ἀνὰ μέσον Σοκχὼθ καὶ ἀνὰ μέσον Ἀζηκὰ Ἐφερμέμ. καὶ Σαοὺλ καὶ οἱ ἄνδρεσ Ἰσραὴλ συνάγονται καὶ παρεμβάλλουσιν ἐν τῇ κοιλάδι αὐτοὶ καὶ παρατάσσονται εἰσ πόλεμον ἐξεναντίασ τῶν ἀλλοφύλων. καὶ ἀλλόφυλοι ἵστανται ἐπὶ τοῦ ὄρουσ ἐνταῦθα, καὶ Ἰσραὴλ ἵσταται ἐπὶ τοῦ ὄρουσ ἐνταῦθα, καὶ ὁ αὐλὼν ἀνὰ μέσον αὐτῶν. καὶ ἐξῆλθεν ἀνὴρ δυνατὸσ ἐκ τῆσ παρατάξεωσ τῶν ἀλλοφύλων Γολιὰθ ὄνομα αὐτῶν ἐκ Γέθ, ὕψοσ αὐτοῦ τεσσάρων πήχεων καὶ σπιθαμῆσ. καὶ περικεφαλαία ἐπὶ τῆσ κεφαλῆσ αὐτοῦ, καὶ θώρακα ἁλυσιδωτὸν αὐτὸσ ἐνδεδυκώσ, καὶ ὁ σταθμὸσ τοῦ θώρακοσ αὐτοῦ πέντε χιλιάδεσ σίκλων χαλκοῦ καὶ σιδήρου. καὶ κνημῖδεσ χαλκαῖ ἐπὶ τῶν σκελῶν αὐτοῦ, καὶ ἀσπὶσ χαλκῆ ἀνὰ μέσον τῶν ὤμων αὐτοῦ. καὶ ὁ κοντὸσ τοῦ δόρατοσ αὐτοῦ ὡσεὶ μέσακλον ὑφαινόντων, καὶ ἡ λόγχη αὐτοῦ ἑξακοσίων σίκλων σιδήρου. καὶ ὁ αἴρων τὰ ὅπλα αὐτοῦ προεπορεύετο αὐτοῦ. καὶ ἔστη καὶ ἀνεβόησεν εἰσ τὴν παράταξιν Ἰσραὴλ καὶ εἶπεν αὐτοῖσ. τί ἐκπορεύεσθε παρατάξασθαι πολέμῳ ἐξεναντίασ ἡμῶν̣ οὐκ ἐγώ εἰμι ἀλλόφυλοσ καὶ ὑμεῖσ Ἑβραῖοι τοῦ Σαούλ̣ ἐκλέξασθε ἑαυτοῖσ ἄνδρα καὶ καταβήτω πρόσ με, καὶ ἐὰν δυνηθῇ πολεμῆσαι πρόσ με καὶ ἐὰν πατάξῃ με, καὶ ἐσόμεθα ὑμῖν εἰσ δούλουσ. ἐὰν δὲ ἐγὼ δυνηθῶ καὶ πατάξω αὐτόν, ἔσεσθε ἡμῖν εἰσ δούλουσ καὶ δουλεύσετε ἡμῖν. καὶ εἶπεν ὁ ἀλλόφυλοσ. ἰδοὺ ἐγὼ ὠνείδισα τὴν παράταξιν Ἰσραὴλ σήμερον ἐν τῇ ἡμέρᾳ ταύτῃ. δότε μοι ἄνδρα, καὶ μονομαχήσομεν ἀμφότεροι. καὶ ἤκουσε Σαοὺλ καὶ πᾶσ Ἰσραὴλ τὰ ρήματα τοῦ ἀλλοφύλου ταῦτα καὶ ἐξέστησαν καὶ ἐφοβήθησαν σφόδρα. Καὶ εἶπε Δαυὶδ πρὸσ Σαούλ. μὴ δὴ συμπεσέτω καρδία τοῦ Κυρίου μου ἐπ̓ αὐτόν. ὁ δοῦλόσ σου πορεύσεται καὶ πολεμήσει μετὰ τοῦ ἀλλοφύλου τούτου. καὶ εἶπε Σαοὺλ πρὸσ τὸν Δαυὶδ. οὐ μὴ δυνήσῃ πορευθῆναι πρὸσ τὸν ἀλλόφυλον τοῦ πολεμεῖν μετ̓ αὐτοῦ, ὅτι παιδάριον εἶ σύ, καὶ αὐτὸσ ἀνὴρ πολεμιστὴσ ἐκ νεότητοσ αὐτοῦ. καὶ εἶπε Δαυὶδ πρὸσ Σαούλ. ποιμαίνων ἦν ὁ δοῦλόσ σου τῷ πατρὶ αὐτοῦ ἐν τῷ ποιμνίῳ, καὶ ὅταν ἤρχετο ὁ λέων καὶ ἡ ἄρκοσ καὶ ἐλάμβανε πρόβατον ἐκ τῆσ ἀγέλησ, καὶ ἐξεπορευόμην ὀπίσω αὐτοῦ καὶ ἐπάταξα αὐτὸν καὶ ἐξέσπασα ἐκ τοῦ στόματοσ αὐτοῦ, καὶ εἰ ἐπανίστατο ἐπ̓ ἐμέ, καὶ ἐκράτησα τοῦ φάρυγγοσ αὐτοῦ καὶ ἐπάταξα καὶ ἐθανάτωσα αὐτόν. καὶ τὸν λέοντα καὶ τὴν ἄρκον ἔτυπτεν ὁ δοῦλόσ σου, καὶ ἔσται ὁ ἀλλόφυλοσ ὁ ἀπερίτμητοσ ὡσ ἓν τούτων. οὐχὶ πορεύσομαι καὶ πατάξω αὐτόν, καὶ ἀφελῶ σήμερον ὄνειδοσ ἐξ Ἰσραήλ̣ διότι τίσ ὁ ἀπερίτμητοσ οὗτοσ, ὃσ ὠνείδισε παράταξιν Θεοῦ ζῶντοσ̣ Κύριοσ, ὃσ ἐξείλατό με ἐκ χειρὸσ τοῦ λέοντοσ καὶ ἐκ χειρὸσ τῆσ ἄρκου, αὐτὸσ ἐξελεῖταί με ἐκ χειρὸσ τοῦ ἀλλοφύλου τοῦ ἀπεριτμήτου τούτου. καὶ εἶπε Σαοὺλ πρὸσ Δαυίδ. πορεύου, καὶ ἔσται Κύριοσ μετὰ σοῦ. καὶ ἐνέδυσε Σαοὺλ τὸν Δαυὶδ μανδύαν καὶ περικεφαλαίαν χαλκῆν περὶ τὴν κεφαλήν αὐτοῦ καὶ ἔζωσε τὸν Δαυὶδ τὴν ρομφαίαν αὐτοῦ ἐπάνω τοῦ μανδύου αὐτοῦ. καὶ ἐκοπίασε περιπατήσασ ἅπαξ καὶ δίσ. καὶ εἶπε Δαυὶδ πρὸσ Σαούλ. οὐ μὴ δύνωμαι πορευθῆναι ἐν τούτοισ, ὅτι οὐ πεπείραμαι. καὶ ἀφαιροῦσιν αὐτὰ ἀπ̓ αὐτοῦ. καὶ ἔλαβε τὴν βακτηρίαν αὐτοῦ ἐν τῇ χειρὶ αὐτοῦ καὶ ἐξελέξατο ἑαυτῷ πέντε λίθουσ λείουσ ἐκ τοῦ χειμάρρου καὶ ἔθετο αὐτοὺσ ἐν τῷ καδίῳ τῷ ποιμαινικῷ τῷ ὄντι αὐτῷ εἰσ συλλογὴ καὶ σφενδόνην αὐτοῦ ἐν τῇ χειρὶ αὐτοῦ καὶ προσῆλθε πρὸσ τὸν ἄνδρα τὸν ἀλλόφυλον. καὶ εἶδε Γολιὰθ τὸν Δαυὶδ καὶ ἐξητίμασεν αὐτόν, ὅτι αὐτὸσ ἦν παιδάριον καὶ αὐτὸσ πυρράκησ μετὰ κάλλουσ ὀφθαλμῶν. καὶ εἶπεν ὁ ἀλλόφυλοσ πρὸσ Δαυίδ. ὡσεὶ κύων ἐγώ εἰμι, ὅτι σὺ ἔρχῃ ἐπ̓ ἐμὲ ἐν ράβδῳ καὶ λίθοισ̣ καὶ εἶπε Δαυίδ. οὐχί, ἀλλ̓ ἢ χείρων κυνόσ. καὶ κατηράσατο ὁ ἀλλόφυλοσ τὸν Δαυὶδ ἐν τοῖσ θεοῖσ αὐτοῦ. καὶ εἶπεν ὁ ἀλλόφυλοσ πρὸσ Δαυίδ. δεῦρο πρόσ με, καὶ δώσω τὰσ σάρκασ σου τοῖσ πετεινοῖσ τοῦ οὐρανοῦ καὶ τοῖσ κτήνεσι τῆσ γῆσ. καὶ εἶπε Δαυὶδ πρὸσ τὸν ἀλλόφυλον. σὺ ἔρχῃ πρόσ με ἐν ρομφαίᾳ καὶ ἐν δόρατι καὶ ἐν ἀσπίδι, κἀγὼ πορεύομαι πρόσ σε ἐν ὀνόματι Κυρίου Θεοῦ Σαβαὼθ παρατάξεωσ Ἰσραήλ, ἣν ὠνείδισασ σήμερον. καὶ ἀποκλείσει σε Κύριοσ σήμερον εἰσ τὴν χεῖρά μου, καὶ ἀποκτενῶ σε καὶ ἀφελῶ τὴν κεφαλήν σου ἀπὸ σοῦ καὶ δώσω τὰ κῶλά σου καὶ τὰ κῶλα παρεμβολῆσ ἀλλοφύλων ἐν ταύτῃ τῇ ἡμέρᾳ τοῖσ πετεινοῖσ τοῦ οὐρανοῦ καὶ τοῖσ θηρίοισ τῆσ γῆσ, καὶ γνώσεται πᾶσα ἡ γῆ, ὅτι ἔστι Θεὸσ ἐν Ἰσραήλ. καὶ γνώσεται πᾶσα ἡ ἐκκλησία αὕτη ὅτι οὐκ ἐν ρομφαίᾳ καὶ δόρατι σῴζει Κύριοσ, ὅτι τοῦ Κυρίου ὁ πόλεμοσ, καὶ παραδώσει Κύριοσ ὑμᾶσ εἰσ χεῖρασ ἡμῶν. καὶ ἀνέστη ὁ ἀλλόφυλοσ καὶ ἐπορεύθη εἰσ συνάντησιν Δαυίδ. καὶ ἐξέτεινε Δαυὶδ τὴν χεῖρα αὐτοῦ εἰσ τὸ κάδιον καὶ ἔλαβεν ἐκεῖθεν λίθον ἕνα καὶ ἐσφενδόνισε καὶ ἐπάταξε τὸν ἀλλόφυλον ἐπὶ τὸ μέτωπον αὐτοῦ, καὶ διέθυ ὁ λίθοσ διά τῆσ περικεφαλαίασ εἰσ τὸ μέτωπον αὐτοῦ, καὶ ἔπεσεν ἐπί πρόσωπον αὐτοῦ ἐπὶ τὴν γῆν. καὶ ἔδραμε Δαυὶδ καὶ ἐπέστη ἐπ̓ αὐτὸν καὶ ἔλαβε τὴν ρομφαίαν αὐτοῦ καὶ ἐθανάτωσεν αὐτὸν καὶ ἀφεῖλε τὴν κεφαλήν αὐτοῦ. καὶ εἶδον οἱ ἀλλόφυλοι ὅτι τέθνηκεν ὁ δυνατὸσ αὐτῶν, καὶ ἔφυγον. καὶ ἀνίστανται ἄνδρεσ Ἰσραὴλ καὶ Ἰούδα καὶ ἠλάλαξαν καὶ κατεδίωξαν ὀπίσω αὐτῶν ἕωσ εἰσόδου Γὲθ καὶ ἕωσ τῆσ πύλησ Ἀσκάλωνοσ, καὶ ἔπεσον τραυματίαι τῶν ἀλλοφύλων ἐν τῇ ὁδῷ τῶν πυλῶν καὶ ἕωσ Γὲθ καὶ ἕωσ Ἀκκαρών. καὶ ἀνέστρεψαν ἄνδρεσ Ἰσραὴλ ἐκκλίνοντεσ ὀπίσω τῶν ἀλλοφύλων καὶ κατεπάτουν τὰσ παρεμβολὰσ αὐτῶν. καὶ ἔλαβε Δαυὶδ τὴν κεφαλὴν τοῦ ἀλλοφύλου, καὶ ἤνεγκεν αὐτὴν εἰσ Ἱερουσαλὴμ καὶ τὰ σκεύη αὐτοῦ ἔθηκεν ἐν τῷ σκηνώματι αὐτοῦ. Καὶ εἶπε Δαυὶδ υἱὸσ ἀνθρώπου Ἐφραθαίου. οὗτοσ ἐκ Βηθλεὲμ Ἰούδα, καὶ ὄνομα αὐτῷ Ἰεσσαί, καὶ αὐτῷ ὀκτῲ υἱοί. καὶ ὁ ἀνὴρ ἐν ταῖσ ἡμέραισ Σαοὺλ πρεσβύτεροσ ἐληλυθὼσ ἐν ἀνδράσι. καὶ ἐπορεύθησαν οἱ τρεῖσ υἱοὶ Ἰεσσαὶ οἱ μείζονεσ ὀπίσω Σαοὺλ εἰσ πόλεμον, καὶ ὄνομα τῶν υἱῶν αὐτοῦ τῶν πορευθέντων εἰσ τὸν πόλεμον, Ἐλιὰβ ὁ πρωτότοκοσ αὐτοῦ καὶ ὁ δεύτεροσ αὐτοῦ Ἀμιναδὰβ καὶ ὁ τρίτοσ αὐτοῦ Σαμμά. καὶ Δαυὶδ αὐτόσ ἐστιν ὁ νεώτεροσ καὶ οἱ τρεῖσ οἱ μείζονεσ ἐπορεύθησαν ὀπίσω Σαούλ. Καὶ Δαυὶδ ἀπῆλθε καὶ ἀνέστρεψεν ἀπὸ τοῦ Σαούλ, ποιμαίνων τὰ πρόβατα τοῦ πατρὸσ αὐτοῦ ἐν Βηθλεέμ. καὶ προῆγεν ὁ ἀλλόφυλοσ ὀρθρίζων καὶ ὀψίζων καὶ ἐστηλώθη τεσσαράκοντα ἡμέρασ. καὶ εἶπεν Ἰεσσαὶ πρὸσ Δαυίδ. λαβὲ δὴ τοῖσ ἀδελφοῖσ σου οἰφὶ τοῦ ἀλφίτου καὶ δέκα ἄρτουσ τούτουσ καὶ διάδραμε εἰσ τὴν παρεμβολὴν καὶ δὸσ τοῖσ ἀδελφοῖσ σου, καὶ τὰσ δέκα τρυφαλίδασ τοῦ γάλακτοσ τούτου εἰσοίσεισ τῷ χιλιάρχῳ, καὶ τοὺσ ἀδελφούσ σου ἐπισκέψῃ εἰσ εἰρήνην, καὶ ὅσα ἂν χρῄζωσι γνώσῃ. καὶ Σαοὺλ αὐτὸσ καὶ πᾶσ ἀνὴρ Ἰσραὴλ ἐν τῇ κοιλάδι τῆσ δρυὸσ πολεμοῦντεσ μετὰ τῶν ἀλλοφύλων. καὶ ὤρθρισε Δαυὶδ τὸ πρωί̈, καὶ ἀφῆκε τὰ πρόβατα φύλακι, καὶ ἔλαβε καὶ ἀπῆλθε, καθὰ ἐνετείλατο αὐτῷ Ἰεσσαί. καὶ ἦλθεν εἰσ τὴν στρογγύλωσιν καὶ δύναμιν τὴν ἐκπορευομένην εἰσ τὴν παράταξιν. καὶ ἠλάλαξαν ἐν τῷ πολέμῳ. καὶ παρετάξαντο Ἰσραὴλ καὶ οἱ ἀλλόφυλοι παράταξιν ἐξεναντίασ παρατάξεωσ. καὶ ἀφῆκε Δαυὶδ τὰ σκεύη αὐτοῦ ἀφ̓ ἑαυτοῦ ἐπὶ χεῖρα φύλακοσ καὶ ἔδραμεν εἰσ τὴν παράταξιν καὶ ἦλθε καὶ ἠρώτησε τοὺσ ἀδελφοὺσ αὐτοῦ εἰσ εἰρήνην. καὶ αὐτοῦ λαλοῦντοσ μετ̓ αὐτῶν, ἰδοὺ ἀνὴρ ὁ μεσαῖοσ ἀνέβαινε, Γολιὰθ ὁ Φιλισταῖοσ ὄνομα αὐτῷ ἐκ Γέθ, ἐκ τῶν παρατάξεων τῶν ἀλλοφύλων, καὶ ἐλάλησε κατὰ τὰ ρήματα ταῦτα καὶ ἤκουσε Δαυίδ. Καὶ πᾶσ ἀνὴρ Ἰσραὴλ ἐν τῷ ἰδεῖν αὐτοὺσ τὸν ἄνδρα, καὶ ἔφυγον ἐκ προσώπου αὐτοῦ καὶ ἐφοβήθησαν σφόδρα. καὶ εἶπεν ἀνὴρ Ἰσραήλ. εἰ ἑωράκατε τὸν ἄνδρα τὸν ἀναβαίνοντα τοῦτον, ὅτι ὀνειδῖσαι τὸν Ἰσραὴλ ἀνέβη̣ καὶ ἔσται ἀνήρ, ὃσ ἂν πατάξῃ αὐτόν, πλουτίσει αὐτὸν ὁ βασιλεὺσ πλοῦτον μέγαν καὶ τὴν θυγατέρα αὐτοῦ δώσει αὐτῷ καὶ τὸν οἶκον τοῦ πατρὸσ αὐτοῦ ποιήσει ἐλεύθερον ἐν τῷ Ἰσραήλ. καὶ εἶπε Δαυὶδ πρὸσ τοὺσ ἄνδρασ τοὺσ συνεστηκότασ μετ̓ αὐτοῦ λέγων. ἢ ποιηθήσεται τῷ ἀνδρί, ὃσ ἂν πατάξει τὸν ἀλλόφυλον ἐκεῖνον, καὶ ἀφελεῖ ὀνειδισμὸν ἀπὸ Ἰσραήλ̣ ὅτι τίσ ἀλλόφυλοσ ὁ ἀπερίτμητοσ αὐτόσ, ὅτι ὠνείδισε παράταξιν Θεοῦ ζῶντοσ̣ καὶ εἶπεν αὐτῷ ὁ λαὸσ κατὰ τὸ ρῆμα τοῦτο λέγων. οὕτωσ ποιηθήσεται τῷ ἀνδρί, ὃσ ἂν πατάξει αὐτόν. καὶ ἤκουσεν Ἐλιὰβ ὁ ἀδελφὸσ αὐτοῦ ὁ μείζων ἐν τῷ λαλεῖν αὐτὸν πρὸσ τοὺσ ἄνδρασ καὶ ὠργίσθη θυμῷ Ἐλιὰβ ἐν τῷ Δαυὶδ καὶ εἶπεν. ἱνατί τοῦτο κατέβησ καὶ ἐπὶ τίνα ἀφῆκασ τὰ μικρὰ πρόβατα ἐκεῖνα ἐν τῇ ἐρήμῳ̣ ἐγὼ οἶδα τὴν ὑπερηφανίαν σου καὶ τὴν κακίαν τῆσ καρδίασ σου, ὅτι ἕνεκεν τοῦ ἰδεῖν τὸν πόλεμον κατέβησ. καὶ εἶπε Δαυίδ. τί ἐποίησα νῦν̣ οὐχί ρῆμά ἐστι̣ καὶ ἐπέστρεψε παῤ αὐτοῦ εἰσ ἐναντίον ἑτέρου καὶ εἶπε κατὰ τὸ ρῆμα τοῦτο, καὶ ἀπεκρίθη αὐτῷ ὁ λαὸσ κατὰ τὸ ρῆμα τοῦ πρώτου. καὶ ἠκούσθησαν οἱ λόγοι, οὓσ ἐλάλησε Δαυίδ, καὶ ἀνηγγέλησαν ὀπίσω Σαοὺλ καὶ παρέλαβεν αὐτόν. Καὶ ἐπορεύθη ὁ ἀλλόφυλοσ πορευόμενοσ καὶ ἐγγίζων πρὸσ Δαυίδ, καὶ ἀνὴρ ὁ αἴρων τὸν θυρεὸν ἔμπροσθεν αὐτοῦ, καὶ ἐπέβλεψεν ὁ ἀλλόφυλος Καὶ ἐκραταίωσε Δαυὶδ ὑπὲρ τὸν ἀλλόφυλον ἐν τῇ σφενδόνῃ καὶ ἐν τῷ λίθῳ, καὶ ἐπάταξε τὸν ἀλλόφυλον καὶ ἐθανάτωσεν αὐτόν. καὶ ρομφαία οὐκ ἦν ἐν χειρὶ Δαυίδ. Καὶ ὡσ εἶδε Σαοὺλ τὸν Δαυὶδ ἐκπορευόμενον εἰσ ἀπάντησιν τοῦ ἀλλοφύλου, εἶπε πρὸσ Ἀβεννὴρ τὸν ἄρχοντα τῆσ δυνάμεωσ. Υἱὸσ τίνοσ ὁ νεανίσκοσ οὗτοσ̣ καὶ εἶπεν Ἀβεννήρ. ζῇ ἡ ψυχή σου, βασιλεῦ, εἰ οἶδα. καὶ εἶπεν ὁ βασιλεύσ. ἐπερώτησον σύ, υἱὸσ τίνοσ ὁ νεανίσκοσ οὗτοσ. καὶ ὡσ ἐπέστρεψε Δαυὶδ τοῦ πατάξαι τὸν ἀλλόφυλον, καὶ παρέλαβεν αὐτὸν Ἀβεννὴρ καὶ εἰσήγαγεν αὐτὸν ἐνώπιον Σαούλ, καὶ ἡ κεφαλὴ τοῦ ἀλλοφύλου ἐν τῇ χειρὶ αὐτοῦ. καὶ εἶπε πρὸσ αὐτὸν Σαούλ. υἱὸσ τίνοσ εἶ, παιδάριον, καὶ εἶπε Δυαίδ. υἱὸσ δούλου σου Ἰεσσαὶ τοῦ Βηθλεεμείτου.

목록

일치하는 문장이 없습니다.

SEARCH

MENU NAVIGATION