헬라어 문장 검색 - Σεπτύ009́015́

(70인역 성경, 사무엘기 상권 15:)

ΚΑΙ εἶπε Σαμουὴλ πρὸσ Σαούλ. ἐμὲ ἀπέστειλε Κύριοσ χρῖσαί σε εἰσ βασιλέα ἐπὶ Ἰσραήλ, καὶ νῦν ἄκουε τῆσ φωνῆσ Κυρίου. τάδε εἶπε Κύριοσ Σαβαώθ. νῦν ἐκδικήσω ἃ ἐποίησεν Ἀμαλὴκ τῷ Ἰσραήλ, ὡσ ἀπήντησεν αὐτῷ ἐν τῇ ὁδῷ ἀναβαίνοντοσ αὐτοῦ ἐξ Αἰγύπτου. καὶ νῦν πορεύου καὶ πατάξεισ τὸν Ἀμαλὴκ καὶ Ἱερὶμ καὶ πάντα τὰ αὐτοῦ καὶ οὐ περιποιήσῃ ἐξ αὐτοῦ καὶ ἐξολοθρεύσεισ αὐτὸν καὶ ἀναθεματιεῖσ αὐτὸν καὶ πάντα τὰ αὐτοῦ καὶ οὐ φείσῃ ἀπ̓ αὐτοῦ καὶ ἀποκτενεῖσ ἀπὸ ἀνδρὸσ καὶ ἕωσ γυναικὸσ καὶ ἀπὸ νηπίου ἕωσ θηλάζοντοσ καὶ ἀπὸ μόσχου ἕωσ προβάτου καὶ ἀπὸ καμήλου ἕωσ ὄνου. καὶ παρήγγειλε Σαοὺλ τῷ λαῷ καὶ ἐπισκέπτεται αὐτοὺσ ἐν Γαλγάλοισ τετρακοσίασ χιλιάδασ ταγμάτων καὶ τὸν Ἰούδαν τριάκοντα χιλιάδασ ταγμάτων. καὶ ἦλθε Σαοὺλ ἕωσ τῶν πόλεων Ἀμαλὴκ καὶ ἐνήδρευσεν ἐν τῷ χειμάρρῳ. καὶ εἶπε Σαοὺλ πρὸσ τὸν Κιναῖον. ἄπελθε καὶ ἔκκλινον ἐκ μέσου τοῦ Ἀμαληκίτου, μὴ προσθῶ σε μετ̓ αὐτοῦ, καὶ σὺ ἐποίησασ ἔλεοσ μετὰ τῶν υἱῶν Ἰσραὴλ ἐν τῷ ἀναβαίνειν αὐτοὺσ ἐξ Αἰγύπτου. καὶ ἐξέκλινεν ὁ Κιναῖοσ ἐκ μέσου Ἀμαλήκ. καὶ ἐπάταξε Σαοὺλ τὸν Ἀμαλὴκ ἀπὸ Εὐιλὰτ ἕωσ Σοὺρ ἐπὶ προσώπου Αἰγύπτου. καὶ συνέλαβε τὸν Ἀγὰγ βασιλέα Ἀμαλὴκ ζῶντα καὶ πάντα τὸν λαὸν καὶ Ἱερὶμ ἀπέκτεινεν ἐν στόματι ρομφαίασ. καὶ περιεποιήσατο Σαοὺλ καὶ πᾶσ ὁ λαὸσ τὸν Ἀγὰγ ζῶντα καὶ τὰ ἀγαθὰ τῶν ποιμνίων καὶ τῶν βουκολίων καὶ τῶν ἐδεσμάτων καὶ τῶν ἀμπελώνων καὶ πάντων τῶν ἀγαθῶν καὶ οὐκ ἐβούλοντο ἐξολοθρεῦσαι αὐτά. καὶ πᾶν ἔργον ἠτιμωμένον καὶ ἐξουδενωμένον ἐξωλόθρευσαν. Καὶ ἐγενήθη ρῆμα Κυρίου πρὸσ Σαμουὴλ λέγων. παρακέκλημαι ὅτι ἐβασίλευσα τὸν Σαοὺλ εἰσ βασιλέα, ὅτι ἀπέστρεψεν ἀπὸ ὄπισθέν μου καὶ τοὺσ λόγουσ μου οὐκ ἐτήρησε. καὶ ἠθύμησε Σαμουὴλ καὶ ἐβόησε πρὸσ Κύριον ὅλην τὴν νύκτα. καὶ ὤρθρισε Σαμουὴλ καὶ ἐπορεύθη εἰσ ἀπάντησιν Ἰσραὴλ τὸ πρωί̈. καὶ ἀπηγγέλη τῷ Σαοὺλ λέγοντεσ. ἥκει Σαμουὴλ εἰσ Κάρμηλον καὶ ἀνέστακεν αὐτῷ χεῖρα καὶ ἐπέστρεψε τὸ ἅρμα. καὶ κατέβη εἰσ Γάλγαλα πρὸσ Σαούλ, καὶ ἰδοὺ αὐτὸσ ἀνέφερεν ὁλοκαύτωσιν τῷ Κυρίῳ τὰ πρῶτα τῶν σκύλων, ὧν ἤνεγκεν ἐξ Ἀμαλήκ. καὶ παρεγένετο Σαμουὴλ πρὸσ Σαούλ, καὶ εἶπεν αὐτῷ Σαούλ. εὐλογητὸσ σὺ τῷ Κυρίῳ. ἔστησα πάντα, ὅσα ἐλάλησε Κύριοσ. καὶ εἶπε Σαμουήλ. καὶ τίσ ἡ φωνὴ τοῦ ποιμνίου τούτου ἐν τοῖσ ὠσί μου καὶ φωνὴ τῶν βοῶν, ὧν ἐγὼ ἀκούω̣ καὶ εἶπε Σαούλ. ἐξ Ἀμαλὴκ ἤνεγκα αὐτά, ἃ περιεποιήσατο ὁ λαὸσ τὰ κράτιστα τοῦ ποιμνίου καὶ τῶν βοῶν, ὅπωσ τυθῇ Κυρίῳ τῷ Θεῷ σου, καὶ τὰ λοιπὰ ἐξωλόθρευσα. καὶ εἶπε Σαμουὴλ πρὸσ Σαούλ. ἄνεσ καὶ ἀπαγγελῶ σοι ἃ ἐλάλησε Κύριοσ πρόσ με τὴν νύκτα. καὶ εἶπεν αὐτῷ. λάλησον. καὶ εἶπε Σαμουὴλ πρὸσ Σαούλ. οὐχὶ μικρὸσ εἶ σὺ ἐνώπιον αὐτοῦ ἡγούμενοσ σκήπτρου φυλῆσ Ἰσραήλ̣ καὶ ἔχρισέ σε Κύριοσ εἰσ βασιλέα ἐπὶ Ἰσραήλ. καὶ ἀπέστειλέ σε Κύριοσ ἐν ὁδῷ καὶ εἶπέ σοι. πορεύθητι καὶ ἐξολόθρευσον τοὺσ ἁμαρτάνοντασ εἰσ ἐμέ, τὸν Ἀμαλήκ, καὶ πολεμήσεισ αὐτοὺσ ἕωσ συντελέσῃσ αὐτούσ. καὶ ἱνατί οὐκ ἤκουσασ φωνῆσ Κυρίου, ἀλλ̓ ὥρμησασ τοῦ θέσθαι ἐπὶ τὰ σκῦλα καὶ ἐποίησασ τὸ πονηρὸν ἐνώπιον Κυρίου̣ καὶ εἶπε Σαοὺλ πρὸσ Σαμουήλ. διὰ τὸ ἀκοῦσαί με τῆσ φωνῆσ τοῦ λαοῦ. καὶ ἐπορεύθην τῇ ὁδῷ, ᾗ ἀπέστειλέ με Κύριοσ, καὶ ἤγαγον τὸν Ἀγὰγ βασιλέα Ἀμαλὴκ καὶ τὸν Ἀμαλὴκ ἐξωλόθρευσα. καὶ ἔλαβεν ὁ λαὸσ τῶν σκύλων ποίμνια καὶ βουκόλια, τὰ πρῶτα τοῦ ἐξολοθρεύματοσ, θῦσαι ἐνώπιον Κυρίου Θεοῦ ἡμῶν ἐν Γαλγάλοισ. καὶ εἶπε Σαμουήλ. εἰ θελητὸν τῷ Κυρίῳ ὁλοκαυτώματα καὶ θυσίασ ὡσ τὸ ἀκοῦσαι φωνῆσ Κυρίου̣ ἰδοὺ ἀκοὴ ὑπὲρ θυσίαν ἀγαθὴν καὶ ἡ ἐπακρόασισ ὑπὲρ στέαρ κριῶν. ὅτι ἁμαρτία οἰώνισμά ἐστιν, ὀδύνην καὶ πόνουσ θεραφὶν ἐπάγουσιν. ὅτι ἐξουδένωσασ τὸ ρῆμα Κυρίου, καὶ ἐξουδενώσει σε Κύριοσ μὴ εἶναι βασιλέα ἐπὶ Ἰσραήλ. καὶ εἶπε Σαοὺλ πρὸσ Σαμουήλ. ἡμάρτηκα ὅτι παρέβην τὸν λόγον Κυρίου καὶ τὸ ρῆμά σου, ὅτι ἐφοβήθην τὸν λαὸν καὶ ἤκουσα τῆσ φωνῆσ αὐτῶν. καὶ νῦν ἆρον δὴ τὸ ἁμάρτημά μου καὶ ἀνάστρεψον μετ̓ ἐμοῦ, καὶ προσκυνήσω Κυρίῳ τῷ Θεῷ σου. καὶ εἶπε Σαμουὴλ πρὸσ Σαούλ. οὐκ ἀναστρέφω μετὰ σοῦ, ὅτι ἐξουδένωσασ τὸ ρῆμα Κυρίου, καί ἐξουδενώσει σε Κύριοσ τοῦ μὴ εἶναι βασιλέα ἐπὶ τὸν Ἰσραήλ. καὶ ἐπέστρεψε Σαμουὴλ τὸ πρόσωπον αὐτοῦ τοῦ ἀπελθεῖν. καὶ ἐκράτησε Σαοὺλ τοῦ πτερυγίου τῆσ διπλοί̈δοσ αὐτοῦ καὶ διέρρηξεν αὐτό. καὶ εἶπε πρὸσ αὐτὸν Σαμουήλ. διέρρηξε Κύριοσ τὴν βασιλείαν σου ἀπὸ Ἰσραὴλ ἐκ χειρόσ σου σήμερον καὶ δώσει αὐτὴν τῷ πλησίον σου τῷ ἀγαθῷ ὑπὲρ σέ. καὶ διαιρεθήσεται Ἰσραὴλ εἰσ δύο, καὶ οὐκ ἀποστρέψει οὐδὲ μετανοήσει, ὅτι οὐχ ὡσ ἄνθρωπόσ ἐστι τοῦ μετανοῆσαι αὐτόσ. καὶ εἶπε Σαούλ. ἡμάρτηκα, ἀλλὰ δόξασόν με δὴ ἐνώπιον πρεσβυτέρων Ἰσραὴλ καὶ ἐνώπιον λαοῦ μου καὶ ἀνάστρεψον μετ̓ ἐμοῦ, καὶ προσκυνήσω Κυρίῳ τῷ Θεῷ σου. καὶ ἀνέστρεψε Σαμουὴλ ὀπίσω Σαοὺλ καὶ προσεκύνησε τῷ Κυρίῳ. καὶ εἶπε Σαμουήλ. προσαγάγετέ μοι τὸν Ἀγὰγ βασιλέα Ἀμαλήκ. καὶ προσῆλθε πρὸσ αὐτὸν Ἀγὰγ τρέμων, καὶ εἶπεν Ἀγάγ. εἰ οὕτω πικρὸσ ὁ θάνατοσ̣ καὶ εἶπε Σαμουὴλ πρὸσ Ἀγάγ. καθότι ἠτέκνωσε γυναῖκασ ἡ ρομφαία σου, οὕτωσ ἀτεκνωθήσεται ἐκ γυναικῶν ἡ μήτηρ σου, καὶ ἔσφαξε Σαμουὴλ τὸν Ἀγὰγ ἐνώπιον Κυρίου ἐν Γαλγάλ. καὶ ἀπῆλθε Σαμουὴλ εἰσ Ἀρμαθαίμ, καὶ Σαοὺλ ἀνέβη εἰσ τὸν οἶκον αὐτοῦ εἰσ Γαβαά. καὶ οὐ προσέθετο ἔτι Σαμουὴλ ἰδεῖν τὸν Σαοὺλ ἕωσ ἠμέρασ θανάτου αὐτοῦ, ὅτι ἐπένθει Σαμουὴλ ἐπὶ Σαούλ. καὶ Κύριοσ μετεμελήθη ὅτι ἐβασίλευσε τὸν Σαοὺλ ἐπὶ Ἰσραήλ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Samuelis 15:

(70인역 성경, 사무엘기 상권 15:)

목록

SEARCH

MENU NAVIGATION