Septuagint, Liber I Samuelis 15:

(70인역 성경, 사무엘기 상권 15:)

ΚΑΙ εἶπε Σαμουὴλ πρὸσ Σαούλ. ἐμὲ ἀπέστειλε Κύριοσ χρῖσαί σε εἰσ βασιλέα ἐπὶ Ἰσραήλ, καὶ νῦν ἄκουε τῆσ φωνῆσ Κυρίου. τάδε εἶπε Κύριοσ Σαβαώθ. νῦν ἐκδικήσω ἃ ἐποίησεν Ἀμαλὴκ τῷ Ἰσραήλ, ὡσ ἀπήντησεν αὐτῷ ἐν τῇ ὁδῷ ἀναβαίνοντοσ αὐτοῦ ἐξ Αἰγύπτου. καὶ νῦν πορεύου καὶ πατάξεισ τὸν Ἀμαλὴκ καὶ Ἱερὶμ καὶ πάντα τὰ αὐτοῦ καὶ οὐ περιποιήσῃ ἐξ αὐτοῦ καὶ ἐξολοθρεύσεισ αὐτὸν καὶ ἀναθεματιεῖσ αὐτὸν καὶ πάντα τὰ αὐτοῦ καὶ οὐ φείσῃ ἀπ̓ αὐτοῦ καὶ ἀποκτενεῖσ ἀπὸ ἀνδρὸσ καὶ ἕωσ γυναικὸσ καὶ ἀπὸ νηπίου ἕωσ θηλάζοντοσ καὶ ἀπὸ μόσχου ἕωσ προβάτου καὶ ἀπὸ καμήλου ἕωσ ὄνου. καὶ παρήγγειλε Σαοὺλ τῷ λαῷ καὶ ἐπισκέπτεται αὐτοὺσ ἐν Γαλγάλοισ τετρακοσίασ χιλιάδασ ταγμάτων καὶ τὸν Ἰούδαν τριάκοντα χιλιάδασ ταγμάτων. καὶ ἦλθε Σαοὺλ ἕωσ τῶν πόλεων Ἀμαλὴκ καὶ ἐνήδρευσεν ἐν τῷ χειμάρρῳ. καὶ εἶπε Σαοὺλ πρὸσ τὸν Κιναῖον. ἄπελθε καὶ ἔκκλινον ἐκ μέσου τοῦ Ἀμαληκίτου, μὴ προσθῶ σε μετ̓ αὐτοῦ, καὶ σὺ ἐποίησασ ἔλεοσ μετὰ τῶν υἱῶν Ἰσραὴλ ἐν τῷ ἀναβαίνειν αὐτοὺσ ἐξ Αἰγύπτου. καὶ ἐξέκλινεν ὁ Κιναῖοσ ἐκ μέσου Ἀμαλήκ. καὶ ἐπάταξε Σαοὺλ τὸν Ἀμαλὴκ ἀπὸ Εὐιλὰτ ἕωσ Σοὺρ ἐπὶ προσώπου Αἰγύπτου. καὶ συνέλαβε τὸν Ἀγὰγ βασιλέα Ἀμαλὴκ ζῶντα καὶ πάντα τὸν λαὸν καὶ Ἱερὶμ ἀπέκτεινεν ἐν στόματι ρομφαίασ. καὶ περιεποιήσατο Σαοὺλ καὶ πᾶσ ὁ λαὸσ τὸν Ἀγὰγ ζῶντα καὶ τὰ ἀγαθὰ τῶν ποιμνίων καὶ τῶν βουκολίων καὶ τῶν ἐδεσμάτων καὶ τῶν ἀμπελώνων καὶ πάντων τῶν ἀγαθῶν καὶ οὐκ ἐβούλοντο ἐξολοθρεῦσαι αὐτά. καὶ πᾶν ἔργον ἠτιμωμένον καὶ ἐξουδενωμένον ἐξωλόθρευσαν. Καὶ ἐγενήθη ρῆμα Κυρίου πρὸσ Σαμουὴλ λέγων. παρακέκλημαι ὅτι ἐβασίλευσα τὸν Σαοὺλ εἰσ βασιλέα, ὅτι ἀπέστρεψεν ἀπὸ ὄπισθέν μου καὶ τοὺσ λόγουσ μου οὐκ ἐτήρησε. καὶ ἠθύμησε Σαμουὴλ καὶ ἐβόησε πρὸσ Κύριον ὅλην τὴν νύκτα. καὶ ὤρθρισε Σαμουὴλ καὶ ἐπορεύθη εἰσ ἀπάντησιν Ἰσραὴλ τὸ πρωί̈. καὶ ἀπηγγέλη τῷ Σαοὺλ λέγοντεσ. ἥκει Σαμουὴλ εἰσ Κάρμηλον καὶ ἀνέστακεν αὐτῷ χεῖρα καὶ ἐπέστρεψε τὸ ἅρμα. καὶ κατέβη εἰσ Γάλγαλα πρὸσ Σαούλ, καὶ ἰδοὺ αὐτὸσ ἀνέφερεν ὁλοκαύτωσιν τῷ Κυρίῳ τὰ πρῶτα τῶν σκύλων, ὧν ἤνεγκεν ἐξ Ἀμαλήκ. καὶ παρεγένετο Σαμουὴλ πρὸσ Σαούλ, καὶ εἶπεν αὐτῷ Σαούλ. εὐλογητὸσ σὺ τῷ Κυρίῳ. ἔστησα πάντα, ὅσα ἐλάλησε Κύριοσ. καὶ εἶπε Σαμουήλ. καὶ τίσ ἡ φωνὴ τοῦ ποιμνίου τούτου ἐν τοῖσ ὠσί μου καὶ φωνὴ τῶν βοῶν, ὧν ἐγὼ ἀκούω̣ καὶ εἶπε Σαούλ. ἐξ Ἀμαλὴκ ἤνεγκα αὐτά, ἃ περιεποιήσατο ὁ λαὸσ τὰ κράτιστα τοῦ ποιμνίου καὶ τῶν βοῶν, ὅπωσ τυθῇ Κυρίῳ τῷ Θεῷ σου, καὶ τὰ λοιπὰ ἐξωλόθρευσα. καὶ εἶπε Σαμουὴλ πρὸσ Σαούλ. ἄνεσ καὶ ἀπαγγελῶ σοι ἃ ἐλάλησε Κύριοσ πρόσ με τὴν νύκτα. καὶ εἶπεν αὐτῷ. λάλησον. καὶ εἶπε Σαμουὴλ πρὸσ Σαούλ. οὐχὶ μικρὸσ εἶ σὺ ἐνώπιον αὐτοῦ ἡγούμενοσ σκήπτρου φυλῆσ Ἰσραήλ̣ καὶ ἔχρισέ σε Κύριοσ εἰσ βασιλέα ἐπὶ Ἰσραήλ. καὶ ἀπέστειλέ σε Κύριοσ ἐν ὁδῷ καὶ εἶπέ σοι. πορεύθητι καὶ ἐξολόθρευσον τοὺσ ἁμαρτάνοντασ εἰσ ἐμέ, τὸν Ἀμαλήκ, καὶ πολεμήσεισ αὐτοὺσ ἕωσ συντελέσῃσ αὐτούσ. καὶ ἱνατί οὐκ ἤκουσασ φωνῆσ Κυρίου, ἀλλ̓ ὥρμησασ τοῦ θέσθαι ἐπὶ τὰ σκῦλα καὶ ἐποίησασ τὸ πονηρὸν ἐνώπιον Κυρίου̣ καὶ εἶπε Σαοὺλ πρὸσ Σαμουήλ. διὰ τὸ ἀκοῦσαί με τῆσ φωνῆσ τοῦ λαοῦ. καὶ ἐπορεύθην τῇ ὁδῷ, ᾗ ἀπέστειλέ με Κύριοσ, καὶ ἤγαγον τὸν Ἀγὰγ βασιλέα Ἀμαλὴκ καὶ τὸν Ἀμαλὴκ ἐξωλόθρευσα. καὶ ἔλαβεν ὁ λαὸσ τῶν σκύλων ποίμνια καὶ βουκόλια, τὰ πρῶτα τοῦ ἐξολοθρεύματοσ, θῦσαι ἐνώπιον Κυρίου Θεοῦ ἡμῶν ἐν Γαλγάλοισ. καὶ εἶπε Σαμουήλ. εἰ θελητὸν τῷ Κυρίῳ ὁλοκαυτώματα καὶ θυσίασ ὡσ τὸ ἀκοῦσαι φωνῆσ Κυρίου̣ ἰδοὺ ἀκοὴ ὑπὲρ θυσίαν ἀγαθὴν καὶ ἡ ἐπακρόασισ ὑπὲρ στέαρ κριῶν. ὅτι ἁμαρτία οἰώνισμά ἐστιν, ὀδύνην καὶ πόνουσ θεραφὶν ἐπάγουσιν. ὅτι ἐξουδένωσασ τὸ ρῆμα Κυρίου, καὶ ἐξουδενώσει σε Κύριοσ μὴ εἶναι βασιλέα ἐπὶ Ἰσραήλ. καὶ εἶπε Σαοὺλ πρὸσ Σαμουήλ. ἡμάρτηκα ὅτι παρέβην τὸν λόγον Κυρίου καὶ τὸ ρῆμά σου, ὅτι ἐφοβήθην τὸν λαὸν καὶ ἤκουσα τῆσ φωνῆσ αὐτῶν. καὶ νῦν ἆρον δὴ τὸ ἁμάρτημά μου καὶ ἀνάστρεψον μετ̓ ἐμοῦ, καὶ προσκυνήσω Κυρίῳ τῷ Θεῷ σου. καὶ εἶπε Σαμουὴλ πρὸσ Σαούλ. οὐκ ἀναστρέφω μετὰ σοῦ, ὅτι ἐξουδένωσασ τὸ ρῆμα Κυρίου, καί ἐξουδενώσει σε Κύριοσ τοῦ μὴ εἶναι βασιλέα ἐπὶ τὸν Ἰσραήλ. καὶ ἐπέστρεψε Σαμουὴλ τὸ πρόσωπον αὐτοῦ τοῦ ἀπελθεῖν. καὶ ἐκράτησε Σαοὺλ τοῦ πτερυγίου τῆσ διπλοί̈δοσ αὐτοῦ καὶ διέρρηξεν αὐτό. καὶ εἶπε πρὸσ αὐτὸν Σαμουήλ. διέρρηξε Κύριοσ τὴν βασιλείαν σου ἀπὸ Ἰσραὴλ ἐκ χειρόσ σου σήμερον καὶ δώσει αὐτὴν τῷ πλησίον σου τῷ ἀγαθῷ ὑπὲρ σέ. καὶ διαιρεθήσεται Ἰσραὴλ εἰσ δύο, καὶ οὐκ ἀποστρέψει οὐδὲ μετανοήσει, ὅτι οὐχ ὡσ ἄνθρωπόσ ἐστι τοῦ μετανοῆσαι αὐτόσ. καὶ εἶπε Σαούλ. ἡμάρτηκα, ἀλλὰ δόξασόν με δὴ ἐνώπιον πρεσβυτέρων Ἰσραὴλ καὶ ἐνώπιον λαοῦ μου καὶ ἀνάστρεψον μετ̓ ἐμοῦ, καὶ προσκυνήσω Κυρίῳ τῷ Θεῷ σου. καὶ ἀνέστρεψε Σαμουὴλ ὀπίσω Σαοὺλ καὶ προσεκύνησε τῷ Κυρίῳ. καὶ εἶπε Σαμουήλ. προσαγάγετέ μοι τὸν Ἀγὰγ βασιλέα Ἀμαλήκ. καὶ προσῆλθε πρὸσ αὐτὸν Ἀγὰγ τρέμων, καὶ εἶπεν Ἀγάγ. εἰ οὕτω πικρὸσ ὁ θάνατοσ̣ καὶ εἶπε Σαμουὴλ πρὸσ Ἀγάγ. καθότι ἠτέκνωσε γυναῖκασ ἡ ρομφαία σου, οὕτωσ ἀτεκνωθήσεται ἐκ γυναικῶν ἡ μήτηρ σου, καὶ ἔσφαξε Σαμουὴλ τὸν Ἀγὰγ ἐνώπιον Κυρίου ἐν Γαλγάλ. καὶ ἀπῆλθε Σαμουὴλ εἰσ Ἀρμαθαίμ, καὶ Σαοὺλ ἀνέβη εἰσ τὸν οἶκον αὐτοῦ εἰσ Γαβαά. καὶ οὐ προσέθετο ἔτι Σαμουὴλ ἰδεῖν τὸν Σαοὺλ ἕωσ ἠμέρασ θανάτου αὐτοῦ, ὅτι ἐπένθει Σαμουὴλ ἐπὶ Σαούλ. καὶ Κύριοσ μετεμελήθη ὅτι ἐβασίλευσε τὸν Σαοὺλ ἐπὶ Ἰσραήλ.

목록

일치하는 문장이 없습니다.

SEARCH

MENU NAVIGATION