헬라어 문장 검색 - Σεπτύ009́014́

(70인역 성경, 사무엘기 상권 14:)

ΚΑΙ γίνεται ἡ ἡμέρα καὶ εἶπεν Ἰωνάθαν υἱὸσ Σαοὺλ τῷ παιδαρίῳ τῷ αἴροντι τὰ σκεύη αὐτοῦ. δεῦρο, καὶ διαβῶμεν εἰσ Μεσσὰβ τῶν ἀλλοφύλων τὴν ἐν τῷ πέραν ἐκείνῳ. καὶ τῷ πατρὶ αὐτοῦ οὐκ ἀπήγγειλε. καὶ Σαοὺλ ἐκάθητο ἐπ̓ ἄκρου τοῦ βουνοῦ ὑπὸ τὴν ροὰν τὴν ἐν Μαγδών, καὶ ἦσαν μετ̓ αὐτοῦ ὡσ ἑξακόσιοι ἄνδρεσ. καὶ Ἀχιὰ υἱὸσ Ἀχιτὼβ ἀδελφοῦ Ἰωχαβὴδ υἱοῦ Φινεὲσ υἱοῦ Ἡλὶ ἱερεὺσ τοῦ Θεοῦ ἐν Σηλὼμ αἴρων ἐφούδ. καὶ ὁ λαὸσ οὐκ ᾔδει ὅτι πεπόρευται Ἰωνάθαν. καὶ ἀνὰ μέσον τῆσ διαβάσεωσ, οὗ ἐζήτει Ἰωνάθαν διαβῆναι εἰσ τὴν ὑπόστασιν τῶν ἀλλοφύλων, καὶ ὁδοὺσ πέτρασ ἐκ τούτου καὶ ὁδοὺσ πέτρασ ἐκ τούτου, ὄνομα τῷ ἑνὶ Βασὲσ καὶ ὄνομα τῷ ἄλλῳ Σεννά. ἡ ὁδὸσ ἡ μία ἀπὸ βορρᾶ ἐρχομένῳ Μαχμὰσ καὶ ἡ ὁδὸσ ἡ ἄλλη ἀπὸ νότου ἐρχομένῳ Γαβαέ. καὶ εἶπεν Ἰωνάθαν πρὸσ τὸ παιδάριον τὸ αἶρον τὰ σκεύη αὐτοῦ. δεῦρο διαβῶμεν εἰσ Μεσσὰβ τῶν ἀπεριτμήτων τούτων, εἴτι ποιήσαι Κύριοσ ἡμῖν. ὅτι οὐκ ἔστι τῷ Κυρίῳ συνεχόμενον σῴζειν ἐν πολλοῖσ ἢ ἐν ὀλίγοισ. καὶ εἶπεν αὐτῷ ὁ αἴρων τὰ σκεύη αὐτοῦ. ποίει πᾶν, ὃ ἐὰν ἡ καρδία σου ἐκλίνῃ, ἰδοὺ ἐγὼ μετὰ σοῦ, ὡσ ἡ καρδία σου καρδία μου. καὶ εἶπεν Ἰωνάθαν. ἰδοὺ ἡμεῖσ διαβαίνομεν πρὸσ τοὺσ ἄνδρασ καὶ κατακυλισθησόμεθα πρὸσ αὐτούσ. ἐὰν τάδε εἴπωσι πρὸσ ἡμᾶσ. ἀπόστητε ἐκεῖ ἕωσ ἂν ἀπαγγείλωμεν ὑμῖν, καὶ στησόμεθα ἐφ̓ ἑαυτοῖσ καὶ οὐ μὴ ἀναβῶμεν ἐπ̓ αὐτούσ. ἐὰν τάδε εἴπωσι πρὸσ ἡμᾶσ. ἀνάβητε πρὸσ ἡμᾶσ, καὶ ἀναβησόμεθα, ὅτι παραδέδωκεν αὐτοὺσ Κύριοσ εἰσ χεῖρασ ἡμῶν. τοῦτο ἡμῖν τὸ σημεῖον. καὶ εἰσῆλθον ἀμφότεροι εἰσ Μεσσὰβ τῶν ἀλλοφύλων. καὶ λέγουσιν οἱ ἀλλόφυλοι. ἰδοὺ Ἑβραῖοι ἐκπορεύονται ἐκ τῶν τρωγλῶν αὐτῶν, οὗ ἐκρύβησαν ἐκεῖ. καὶ ἀπεκρίθησαν οἱ ἄνδρεσ Μεσσὰβ πρὸσ Ἰωνάθαν καὶ πρὸσ τὸν αἴροντα τὰ σκεύη αὐτοῦ καὶ λέγουσιν. ἀνάβητε πρὸσ ἡμᾶσ, καὶ γνωριοῦμεν ὑμῖν ρῆμα. καὶ εἶπεν Ἰωνάθαν πρὸσ τὸν αἴροντα τὰ σκεύη αὐτοῦ. ἀνάβηθι ὀπίσω μου, ὅτι παρέδωκεν αὐτοὺσ Κύριοσ εἰσ χεῖρασ Ἰσραήλ. καὶ ἀνέβη Ἰωνάθαν ἐπὶ τὰσ χεῖρασ αὐτοῦ καὶ ἐπὶ τοὺσ πόδασ αὐτοῦ καὶ ὁ αἴρων τὰ σκεύη αὐτοῦ μετ̓ αὐτοῦ. καὶ ἐπέβλεψαν κατὰ πρόσωπον Ἰωνάθαν, καὶ ἐπάταξεν αὐτούσ, καὶ ὁ αἴρων τὰ σκεύη αὐτοῦ ἐπεδίδου ὀπίσω αὐτοῦ. καὶ ἐγενήθη ἡ πληγὴ ἡ πρώτη, ἣν ἐπάταξεν Ἰωνάθαν καὶ ὁ αἴρων τὰ σκεύη αὐτοῦ, ὡσ εἴκοσιν ἄνδρεσ ἐν βολίσι καὶ ἐν πετροβόλοισ καὶ ἐν κόχλαξι τοῦ πεδίου. καὶ ἐγενήθη ἔκστασισ ἐν τῇ παρεμβολῇ καὶ ἐν ἀγρῷ, καὶ πᾶσ ὁ λαὸσ ὁ ἐν Μεσσὰβ καὶ οἱ διαφθείροντεσ ἐξέστησαν, καὶ αὐτοὶ οὐκ ἤθελον ποιεῖν. καὶ ἐθάμβησεν ἡ γῆ, καὶ ἐγενήθη ἔκστασισ παρὰ Κυρίου. καὶ εἶδον οἱ σκοποὶ τοῦ Σαοὺλ ἐν Γαβαὰ Βενιαμὶν καὶ ἰδοὺ ἡ παρεμβολὴ τεταραγμένη ἔνθεν καὶ ἔνθεν. καὶ εἶπε Σαοὺλ τῷ λαῷ τῷ μετ̓ αὐτοῦ. ἐπισκέψασθε δὴ καὶ ἴδετε τίσ πεπόρευται ἐξ ὑμῶν. καὶ ἐπεσκέψαντο, καὶ ἰδοὺ οὐχ εὑρίσκετο Ἰωνάθαν καὶ ὁ αἴρων τὰ σκεύη αὐτοῦ. καὶ εἶπε Σαοὺλ τῷ Ἀχιᾷ. προσάγαγε τὸ ἐφούδ. ὅτι αὐτὸσ ᾖρε τὸ ἐφοὺδ ἐν τῇ ἡμέρᾳ ἐκείνῃ ἐνώπιον Ἰσραήλ. καὶ ἐγενήθη ὡσ ἐλάλει Σαοὺλ πρὸσ τὸν ἱερέα, καὶ ὁ ἦχοσ ἐν τῇ παρεμβολῇ τῶν ἀλλοφύλων ἐπορεύετο πορευόμενοσ καὶ ἐπλήθυνε. καὶ εἶπε Σαοὺλ πρὸσ τὸν ἱερέα. συνάγαγε τὰσ χεῖράσ σου. καὶ ἀνέβη Σαοὺλ καὶ πᾶσ ὁ λαὸσ ὁ μετ̓ αὐτοῦ καὶ ἔρχονται ἕωσ τοῦ πολέμου, καὶ ἰδοὺ ἐγένετο ρομφαία ἀνδρὸσ ἐπὶ τὸν πλησίον αὐτοῦ, σύγχυσισ μεγάλη σφόδρα. καὶ οἱ δοῦλοι οἱ ὄντεσ ἐχθὲσ καὶ τρίτην ἡμέραν μετὰ τῶν ἀλλοφύλων οἱ ἀναβάντεσ εἰσ τὴν παρεμβολὴν ἐπεστράφησαν καὶ αὐτοὶ εἶναι μετὰ Ἰσραὴλ τῶν μετὰ Σαοὺλ καὶ Ἰωνάθαν. καὶ πᾶσ Ἰσραὴλ οἱ κρυπτόμενοι ἐν τῷ ὄρει Ἐφραὶμ καὶ ἤκουσαν ὅτι πεφεύγασιν οἱ ἀλλόφυλοι, καὶ συνάπτουσι καὶ αὐτοὶ ὀπίσω αὐτῶν εἰσ πόλεμον. καὶ ἔσωσε Κύριοσ ἐν τῇ ἡμέρᾳ ἐκείνῃ τὸν Ἰσραήλ. ̀ρ̀ν̀ρ̀ν̀ρ̀ν̀ρ̀νΚαὶ ὁ πόλεμοσ διῆλθε τὴν Βαμώθ, καὶ πᾶσ ὁ λαὸσ ἦν μετὰ Σαοὺλ ὡσ δέκα χιλιάδεσ ἀνδρῶν. καὶ ἦν ὁ πόλεμοσ διεσπαρμένοσ εἰσ ὅλην τὴν πόλιν ἐν τῷ ὄρει Ἐφραίμ. καὶ Σαοὺλ ἠγνόησεν ἄγνοιαν μεγάλην ἐν τῇ ἡμέρᾳ ἐκείνῃ καὶ ἀρᾶται τῷ λαῷ λέγων. ἐπικατάρατοσ ὁ ἄνθρωποσ, ὃσ φάγεται ἄρτον ἕωσ ἑσπέρασ, καὶ ἐκδικήσω τὸν ἐχθρόν μου. καὶ οὐκ ἐγεύσατο πᾶσ ὁ λαὸσ ἄρτου. καὶ πᾶσα ἡ γῆ ἠρίστα. καὶ Ἰάαλ δρυμὸσ ἦν μελισσῶνοσ κατὰ πρόσωπον τοῦ ἀγροῦ, καὶ εἰσῆλθεν ὁ λαὸσ εἰσ τὸν μελισσῶνα, καὶ ἰδοὺ ἐπορεύετο λαλῶν, καὶ ἰδοὺ οὐκ ἦν ἐπιστρέφων τὴν χεῖρα αὐτοῦ εἰσ τὸ στόμα αὐτοῦ, ὅτι ἐφοβήθη ὁ λαὸσ τὸν ὅρκον Κυρίου. καὶ Ἰωνάθαν οὐκ ἀκηκόει ἐν τῷ ὁρκίζειν τὸν πατέρα αὐτοῦ τὸν λαόν. καὶ ἐξέτεινε τὸ ἄκρον τοῦ σκήπτρου αὐτοῦ τοῦ ἐν τῇ χειρὶ αὐτοῦ καὶ ἔβαψεν αὐτὸ εἰσ τὸ κηρίον τοῦ μέλιτοσ καὶ ἐπέστρεψε τὴν χεῖρα αὐτοῦ εἰσ τὸ στόμα αὐτοῦ, καὶ ἀνέβλεψαν οἱ ὀφθαλμοὶ αὐτοῦ. καὶ ἀπεκρίθη εἷσ ἐκ τοῦ λαοῦ καὶ εἶπεν. ὁρκίσασ ὥρκισε τὸν λαὸν ὁ πατήρ σου λέγων. ἐπικατάρατοσ ὁ ἄνθρωποσ, ὃσ φάγεται ἄρτον σήμερον, καὶ ἐξελύθη ὁ λαόσ. καὶ ἔγνω Ἰωνάθαν καὶ εἶπεν. ἀπήλλαχεν ὁ πατήρ μου τὴν γῆν. ἰδὲ δὴ ὅτι εἶδον οἱ ὀφθαλμοί μου ὅτι ἐγευσάμην βραχύ τι τοῦ μέλιτοσ τούτου. ἀλλ̓ ὅτι εἰ ἔφαγεν ἔσθων σήμερον ὁ λαὸσ τῶν σκύλων τῶν ἐχθρῶν αὐτῶν, ὧν εὗρεν, ὅτι νῦν ἂν μείζων ἦν ἡ πληγὴ ἡ ἐν τοῖσ ἀλλοφύλοισ. καὶ ἐπάταξεν ἐν τῇ ἡμέρᾳ ἐκείνῃ ἐκ τῶν ἀλλοφύλων ἐν Μαχμάσ, καὶ ἐκοπίασεν ὁ λαὸσ σφόδρα. καὶ ἐκλήθη ὁ λαὸσ εἰσ τὰ σκῦλα, καὶ ἔλαβεν ὁ λαὸσ ποίμνια καὶ βουκόλια καὶ τέκνα βοῶν καὶ ἔσφαξεν ἐπὶ τὴν γῆν, καὶ ἤσθιεν ὁ λαὸσ σὺν τῷ αἵματι. καὶ ἀπηγγέλη Σαοὺλ λέγοντεσ. ἡμάρτηκεν ὁ λαὸσ τῷ Κυρίῳ φαγὼν σὺν τῷ αἵματι. καὶ εἶπε Σαοὺλ ἐκ Γεθθαίμ. κυλίσατέ μοι λίθον ἐνταῦθα μέγαν. καὶ εἶπε Σαούλ. διασπάρητε ἐν τῷ λαῷ καὶ εἴπατε αὐτοῖσ προσαγαγεῖν ἐνταῦθα ἕκαστοσ τὸν μόσχον αὐτοῦ καὶ ἕκαστοσ τὸ πρόβατον αὐτοῦ, καὶ σφαζέτω ἐπὶ τούτου, καὶ οὐ μὴ ἁμάρτητε τῷ Κυρίῳ τοῦ ἐσθίειν σὺν τῷ αἵματι. καὶ προσῆγεν ὁ λαὸσ ἕκαστοσ τὸἐν τῇ χειρὶ αὐτοῦ καὶ ἔσφαζον ἐκεῖ. καὶ ᾠκοδόμησεν ἐκεῖ Σαοὺλ θυσιαστήριον τῷ Κυρίῳ. τοῦτο ἤρξατο Σαοὺλ οἰκοδομῆσαι θυσιαστήριον τῷ Κυρίῳ. Καὶ εἶπε Σαούλ. καταβῶμεν ὀπίσω τῶν ἀλλοφύλων τὴν νύκτα καὶ διαρπάσωμεν ἐν αὐτοῖσ ἕωσ διαφαύσῃ ἡμέρα, καὶ μὴ ὑπολείπωμεν ἐν αὐτοῖσ ἄνδρα. καὶ εἶπαν. πᾶν τὸ ἀγαθὸν ἐνώπιόν σου ποίει. καὶ εἶπεν ὁ ἱερεύσ. προσέλθωμεν ἐνταῦθα πρὸσ τὸν Θεόν. καὶ ἐπηρώτησε Σαοὺλ τὸν Θεόν. εἰ καταβῶ ὀπίσω τῶν ἀλλοφύλων, εἰ παραδώσεισ αὐτοὺσ εἰσ χεῖρασ Ἰσραήλ̣ καὶ οὐκ ἀπεκρίθη αὐτῷ ἐν τῇ ἡμέρᾳ ἐκείνῃ. καὶ εἶπε Σαούλ. προσαγάγετε ἐνταῦθα πάσασ τὰσ γωνίασ τοῦ Ἰσραὴλ καὶ γνῶτε καὶ ἴδετε ἐν τίνι γέγονεν ἡ ἁμαρτία αὕτη σήμερον. ὅτι ζῇ Κύριοσ ὁ σώσασ τὸν Ἰσραήλ, ὅτι ἐὰν ἀποκριθῇ κατὰ Ἰωνάθαν τοῦ υἱοῦ μου, θανάτῳ ἀποθανεῖται. καὶ οὐκ ἦν ὁ ἀποκρινόμενοσ ἐκ παντὸσ τοῦ λαοῦ. καὶ εἶπε παντὶ ἀνδρὶ Ἰσραήλ. ὑμεῖσ ἔσεσθε εἰσ δουλείαν, καὶ ἐγὼ καὶ Ἰωνάθαν ὁ υἱόσ μου ἐσόμεθα εἰσ δουλείαν. καὶ εἶπεν ὁ λαὸσ πρὸσ Σαούλ. τὸ ἀγαθὸν ἐνώπιόν σου ποίει. καὶ εἶπε Σαούλ. Κύριε ὁ Θεὸσ Ἰσραήλ, τί ὅτι οὐκ ἀπεκρίθησ τῷ δούλῳ σου σήμερον̣ εἰ ἐν ἐμοὶ ἢ ἐν Ἰωνάθαν τῷ υἱῷ μου ἡ ἀδικία̣ Κύριε ὁ Θεὸσ Ἰσραὴλ δὸσ δήλουσ. καὶ ἐὰν τάδε εἴπῃσ, ἐν τῷ λαῷ σου Ἰσραήλ, δὸσ δὴ ὁσιότητα. καὶ κληροῦται Ἰωνάθαν καὶ Σαούλ, καὶ ὁ λαὸσ ἐξῆλθε. καὶ εἶπε Σαούλ. βάλετε ἀνὰ μέσον ἐμοῦ καὶ ἀνὰ μέσον Ἰωνάθαν τοῦ υἱοῦ μου. ὃν ἂν κατακληρώσηται Κύριοσ, ἀποθανέτω. καὶ εἶπεν ὁ λαὸσ πρὸσ Σαούλ. οὐκ ἔστι τὸ ρῆμα τοῦτο. καὶ κατεκράτησε Σαοὺλ τοῦ λαοῦ, καὶ βάλλουσιν ἀνὰ μέσον αὐτοῦ καὶ ἀνὰ μέσον Ἰωνάθαν τοῦ υἱοῦ αὐτοῦ, καὶ κατακληροῦται Ἰωνάθαν. καὶ εἶπε Σαοὺλ πρὸσ Ἰωνάθαν. ἀπάγγειλόν μοι τί πεποίηκασ. καὶ ἀπήγγειλεν αὐτῷ Ἰωνάθαν καὶ εἶπε. γευόμενοσ ἐγευσάμην ἐν ἄκρῳ τῷ σκήπτρῳ τῷ ἐν τῇ χειρί μου βραχὺ μέλι, καὶ ἰδοὺ ἐγὼ ἀποθνήσκω. καὶ εἶπεν αὐτῷ Σαούλ. τάδε ποιήσαι μοι ὁ Θεὸσ καὶ τάδε προσθείη, ὅτι θανάτῳ ἀποθανῇ σήμερον. καὶ εἶπεν ὁ λαὸσ πρὸσ Σαούλ. εἰ σήμερον θανατωθήσεται ὁ ποιήσασ τὴν σωτηρίαν τὴν μεγάλην ταύτην ἐν Ἰσραήλ̣ ζῇ Κύριοσ, εἰ πεσεῖται τριχὸσ τῆσ κεφαλῆσ αὐτοῦ ἐπὶ τὴν γῆν. ὅτι ὁ λαὸσ τοῦ Θεοῦ ἐποίησε τὴν ἡμέραν ταύτην. καὶ προσηύξατο ὁ λαὸσ περὶ Ἰωνάθαν ἐν τῇ ἡμέρᾳ ἐκείνῃ, καὶ οὐκ ἀπέθανε. καὶ ἀνέβη Σαοὺλ ἀπὸ ὄπισθεν τῶν ἀλλοφύλων, καὶ οἱ ἀλλόφυλοι ἀπῆλθον εἰσ τὸν τόπον αὐτῶν. Καὶ Σαοὺλ κατακληροῦται ἔργον ἐπὶ Ἰσραήλ. καὶ ἐπολέμει κύκλῳ πάντασ τούσ ἐχθροὺσ αὐτοῦ, εἰσ τὸν Μωὰβ καὶ εἰσ τοὺσ υἱοὺσ Ἀμμὼν καὶ εἰσ τοὺσ υἱοὺσ Ἐδὼμ καὶ εἰσ τὸν Βαιθεὼρ καὶ εἰσ βασιλέα Σουβὰ καὶ εἰσ τοὺσ ἀλλοφύλουσ. οὗ ἂν ἐστράφη, ἐσώζετο. καὶ ἐποίησε δύναμιν καὶ ἐπάταξε τὸν Ἀμαλὴκ καὶ ἐξείλατο τὸν Ἰσραὴλ ἐκ χειρὸσ τῶν καταπατούντων αὐτόν. καὶ ἦσαν οἱ υἱοὶ Σαοὺλ Ἰωνάθαν καὶ Ἰεσσιοὺ καὶ Μελχισά. καὶ ὀνόματα τῶν δύο θυγατέρων αὐτοῦ, ὄνομα τῇ πρωτοτόκῳ Μερόβ, καὶ ὄνομα τῇ δευτέρᾳ Μελχόλ. καὶ ὄνομα τῇ γυναικὶ αὐτοῦ Ἀχινοὸμ θυγάτηρ Ἀχιμάασ. καὶ ὄνομα τῷ ἀρχιστρατήγῳ αὐτοῦ Ἀβεννήρ, υἱὸσ Νήρ, υἱοῦ οἰκείου Σαούλ. καὶ Κὶσ πατὴρ Σαοὺλ καὶ Νὴρ πατὴρ Ἀβεννὴρ υἱὸσ Ἰαμὶν υἱοῦ Ἀβιήλ. καὶ ἦν ὁ πόλεμοσ κραταιὸσ ἐπὶ τοὺσ ἀλλοφύλουσ πάσασ τὰσ ἡμέρασ Σαούλ. καὶ ἰδὼν Σαοὺλ πάντα ἄνδρα δυνατὸν καὶ πάντα ἄνδρα υἱὸν δυνάμεωσ καὶ συνήγαγεν αὐτοὺσ πρὸσ αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Samuelis 14:

(70인역 성경, 사무엘기 상권 14:)

목록

SEARCH

MENU NAVIGATION