Septuagint, Liber I Samuelis 13:

(70인역 성경, 사무엘기 상권 13:)

ΚΑΙ ἐκλέγεται ἑαυτῷ Σαοὺλ τρεῖσ χιλιάδασ ἀνδρῶν ἐκ τῶν ἀνδρῶν Ἰσραήλ, καὶ ἦσαν μετὰ Σαοὺλ δισχίλιοι οἱ ἐν Μαχμάσ, καὶ ἐν τῷ ὄρει Βαιθήλ, καὶ χίλιοι ἦσαν μετὰ Ἰωνάθαν ἐν Γαβαὰ τοῦ Βενιαμίν, καὶ τὸ κατάλοιπον τοῦ λαοῦ ἐξαπέστειλεν ἕκαστον εἰσ τὸ σκήνωμα αὐτοῦ. καὶ ἐπάταξεν Ἰωνάθαν τὸν Νασὶβ τὸν ἀλλόφυλον τὸν ἐν τῷ βουνῷ. καὶ ἀκούουσιν οἱ ἀλλόφυλοι. καὶ Σαοὺλ σάλπιγγι σαλπίζει εἰσ πᾶσαν τὴν γῆν λέγων. ἠθετήκασιν οἱ δοῦλοι. καὶ πᾶσ Ἰσραὴλ ἤκουσε λεγόντων. πέπαικε Σαοὺλ τὸν Νασὶβ τὸν ἀλλόφυλον, καὶ ᾐσχύνθησαν Ἰσραὴλ ἐν τοῖσ ἀλλοφύλοισ. καὶ ἀνέβησαν οἱ υἱοὶ Ἰσραὴλ ὀπίσω Σαοὺλ ἐν Γαλγάλοισ. καὶ οἱ ἀλλόφυλοι συνάγονται εἰσ πόλεμον ἐπὶ Ἰσραήλ, καὶ ἀναβαίνουσιν ἐπὶ Ἰσραὴλ τριάκοντα χιλιάδεσ ἁρμάτων καὶ ἓξ χιλιάδεσ ἱππέων καὶ λαὸσ ὡσ ἡ ἄμμοσ ἡ παρὰ τὴν θάλασσαν τῷ πλήθει. καὶ ἀναβαίνουσι καὶ παρεμβάλλουσιν ἐν Μαχμὰσ ἐξ ἐναντίασ Βαιθωρὼν κατὰ νότου. καὶ ἀνὴρ Ἰσραὴλ εἶδεν ὅτι στενῶσ αὐτῷ μὴ προσάγειν αὐτόν, καὶ ἐκρύβη ὁ λαὸσ ἐν τοῖσ σπηλαίοισ καὶ ἐν ταῖσ μάνδραισ καὶ ἐν ταῖσ πέτραισ καὶ ἐν τοῖσ βόθροισ καὶ ἐν τοῖσ λάκκοισ, καὶ οἱ διαβαίνοντεσ διέβησαν τὸν Ἰορδάνην εἰσ γῆν Γὰδ καὶ Γαλαάδ. καὶ Σαοὺλ ἔτι ἦν ἐν Γαλγάλοισ, καὶ πᾶσ ὁ λαὸσ ἐξέστη ὀπίσω αὐτοῦ. καὶ διέλιπεν ἑπτὰ ἡμέρασ τῷ μαρτυρίῳ, ὡσ εἶπε Σαμουὴλ, καὶ οὐ παρεγένετο Σαμουὴλ εἰσ Γάλγαλα, καὶ διεσπάρη ὁ λαὸσ αὐτοῦ ἀπ̓ αὐτοῦ. καὶ εἶπε Σαούλ. προσαγάγετε, ὅπωσ ποιήσω ὁλοκαύτωσιν καὶ εἰρηνικάσ. καὶ ἀνήνεγκε τὴν ὁλοκαύτωσιν. καὶ ἐγένετο ὡσ συνετέλεσεν ἀναφέρων τὴν ὁλοκαύτωσιν, καὶ Σαμουὴλ παραγίνεται. καὶ ἐξῆλθε Σαοὺλ εἰσ ἀπάντησιν αὐτοῦ εὐλογῆσαι αὐτόν. καὶ εἶπε Σαμουήλ. τί πεποίηκασ̣ καὶ εἶπε Σαούλ. ὅτι εἶδον ὡσ διεσπάρη ὁ λαὸσ ἀπ̓ ἐμοῦ καὶ σὺ οὐ παρεγένου ὡσ διετάξω ἐν τῷ μαρτυρίῳ τῶν ἡμερῶν, καὶ οἱ ἀλλόφυλοι συνήχθησαν εἰσ Μαχμάσ, καὶ εἶπα. νῦν καταβήσονται οἱ ἀλλόφυλοι πρόσ με εἰσ Γάλγαλα καὶ τοῦ προσώπου τοῦ Κυρίου οὐκ ἐδεήθην. καὶ ἐνεκρατευσάμην καὶ ἀνήνεγκα τὴν ὁλοκαύτωσιν. καὶ εἶπε Σαμουὴλ πρὸσ Σαούλ. μεματαίωταί σοι, ὅτι οὐκ ἐφύλαξασ τὴν ἐντολήν μου, ἣν ἐνετείλατό σοι Κύριοσ, ὡσ νῦν ἡτοίμασε Κύριοσ τὴν βασιλείαν σου ἐπὶ Ἰσραὴλ ἕωσ αἰῶνοσ. καὶ νῦν ἡ βασιλεία σου οὐ στήσεταί σοι, καὶ ζητήσει Κύριοσ ἑαυτῷ ἄνθρωπον κατὰ τὴν καρδίαν αὐτοῦ, καὶ ἐντελεῖται Κύριοσ αὐτῷ εἰσ ἄρχοντα ἐπὶ τὸν λαὸν αὐτοῦ, ὅτι οὐκ ἐφύλαξασ ὅσα ἐνετείλατό σοι Κύριοσ. καὶ ἀνέστη Σαμουὴλ καὶ ἀπῆλθεν ἐκ Γαλγάλων εἰσ ὁδὸν αὐτοῦ, καὶ τὸ κατάλειμμα τοῦ λαοῦ ἀνέβη ὀπίσω Σαοὺλ εἰσ ἀπάντησιν ὀπίσω τοῦ λαοῦ τοῦ πολεμιστοῦ. αὐτῶν παραγενομένων ἐκ Γαλγάλων εἰσ Γαβαὰ Βενιαμὶν καὶ ἐπεσκέψατο Σαοὺλ τὸν λαὸν τὸν εὑρεθέντα μετ̓ αὐτοῦ ὡσ ἑξακοσίουσ ἄνδρασ. καὶ Σαοὺλ καὶ Ἰωνάθαν υἱὸσ αὐτοῦ καὶ ὁ λαὸσ οἱ εὑρεθέντεσ μετ̓ αὐτῶν ἐκάθισαν ἐν Γαβαὰ Βενιαμὶν καὶ ἔκλαιον, καὶ οἱ ἀλλόφυλοι παρεμβεβλήκεισαν ἐν Μαχμάσ. καὶ ἐξῆλθε διαφθείρων ἐξ ἀγροῦ ἀλλοφύλων τρισὶν ἀρχαῖσ. ἡ ἀρχὴ ἡ μία ἐπιβλέπουσα ὁδὸν Γοφερὰ ἐπὶ γῆν Σωγάλ, καὶ ἡ ἀρχὴ ἡ μία ἐπιβλέπουσα ὁδὸν Βαιθωρών, καὶ ἡ ἀρχὴ ἡ μία ἐπιβλέπουσα ὁδὸν Γαβαὲ τὴν εἰσκύπτουσαν ἐπὶ Γαὶ τὴν Σαβίμ. καὶ τέκτων σιδήρου οὐχ εὑρίσκετο ἐν πάσῃ γῇ Ἰσραήλ, ὅτι εἶπον οἱ ἀλλόφυλοι. μὴ ποιήσωσιν οἱ Ἑβραῖοι ρομφαίαν καὶ δόρυ. καὶ κατέβαινον πᾶσ Ἰσραὴλ εἰσ γῆν ἀλλοφύλων χαλκεύειν ἕκαστοσ τὸ θέριστρον αὐτοῦ καὶ τὸ σκεῦοσ αὐτοῦ καὶ ἕκαστοσ τὴν ἀξίνην αὐτοῦ καὶ τὸ δρέπανον αὐτοῦ. καὶ ἦν ὁ τρυγητὸσ ἕτοιμοσ τοῦ θερίζειν. τὰ δὲ σκεύη ἦν τρεῖσ σίκλοι εἰσ τὸν ὀδόντα, καὶ τῇ ἀξίνῃ καὶ τῷ δρεπάνῳ ὑπόστασισ ἦν ἡ αὐτή. καὶ ἐγενήθη ἐν ταῖσ ἡμέραισ τοῦ πολέμου Μαχμὰσ καὶ οὐχ εὑρέθη ρομφαία καὶ δόρυ ἐν χειρὶ παντὸσ τοῦ λαοῦ τοῦ μετὰ Σαοὺλ καὶ μετὰ Ἰωνάθαν, καὶ εὑρέθη τῷ Σαοὺλ καὶ τῷ Ἰωνάθαν υἱῷ αὐτοῦ. καὶ ἐξῆλθεν ἐξ ὑποστάσεωσ τῶν ἀλλοφύλων τὴν ἐν τῷ πέραν Μαχμάσ.

목록

일치하는 문장이 없습니다.

SEARCH

MENU NAVIGATION