헬라어 문장 검색 - Σεπτύ009́012́

(70인역 성경, 사무엘기 상권 12:)

ΚΑΙ εἶπε Σαμουὴλ πρὸσ πάντα Ἰσραήλ. ἰδοὺ ἤκουσα φωνῆσ ὑμῶν εἰσ πάντα, ὅσα εἴπατέ μοι, καὶ ἐβασίλευσα ἐφ̓ ὑμᾶσ βασιλέα. καὶ νῦν ἰδοὺ ὁ βασιλεὺσ διαπορεύεται ἐνώπιον ὑμῶν, κἀγὼ γεγήρακα καὶ καθήσομαι, καὶ οἱ υἱοί μου ἰδοὺ ἐν ὑμῖν. κἀγὼ ἰδοὺ διελήλυθα ἐνώπιον ὑμῶν ἐκ νεότητοσ καὶ ἕωσ τῆσ ἡμέρασ ταύτησ. ἰδοὺ ἐγώ, ἀποκρίθητε κατ̓ ἐμοῦ ἐνώπιον Κυρίου καὶ ἐνώπιον χριστοῦ αὐτοῦ. μόσχον τίνοσ εἴληφα ἢ ὄνον τίνοσ εἴληφα ἢ τίνα κατεδυνάστευσα ὑμῶν ἢ τίνα ἐξεπίεσα ἢ ἐκ χειρὸσ τίνοσ εἴληφα ἐξίλασμα καὶ ὑπόδημα̣ ἀποκρίθητε κατ̓ ἐμοῦ, καὶ ἀποδώσω ὑμῖν. καὶ εἶπαν πρὸσ Σαμουήλ. οὐκ ἠδίκησασ ἡμᾶσ καὶ οὐ κατεδυνάστευσασ ἡμᾶσ καὶ οὐκ ἔθλασασ ἡμᾶσ καὶ οὐκ εἴληφασ ἐκ χειρὸσ οὐδενὸσ οὐδέν. καὶ εἶπε Σαμουὴλ πρὸσ τὸν λαόν. μάρτυσ Κύριοσ ἐν ὑμῖν καὶ μάρτυσ χριστὸσ αὐτοῦ σήμερον ἐν ταύτῃ τῇ ἡμέρᾳ, ὅτι οὐχ εὑρήκατε ἐν χειρί μου οὐδέν. καὶ εἶπαν. μάρτυσ. καὶ εἶπε Σαμουὴλ πρὸσ τὸν λαὸν λέγων. μάρτυσ Κύριοσ ὁ ποιήσασ τὸν Μωυσῆν καὶ τὸν Ἀαρών, ὁ ἀναγαγὼν τοὺσ πατέρασ ἡμῶν ἐξ Αἰγύπτου. καὶ νῦν κατάστητε, καὶ δικάσω ὑμᾶσ ἐνώπιον Κυρίου καὶ ἀπαγγελῶ ὑμῖν τὴν πᾶσαν δικαιοσύνην Κυρίου, ἃ ἐποίησεν ἐν ὑμῖν καὶ ἐν τοῖσ πατράσιν ὑμῶν. ὡσ εἰσῆλθεν Ἰακὼβ καὶ οἱ υἱοὶ αὐτοῦ εἰσ Αἴγυπτον, καὶ ἐταπείνωσεν αὐτοὺσ Αἴγυπτοσ, καὶ ἐβόησαν οἱ πατέρεσ ἡμῶν πρὸσ Κύριον, καὶ ἀπέστειλε Κύριοσ τὸν Μωυσῆν καὶ τὸν Ἀαρὼν καὶ ἐξήγαγον τοὺσ πατέρασ ἡμῶν ἐξ Αἰγύπτου καὶ κατῴκισεν αὐτοὺσ ἐν τῷ τόπῳ τούτῳ. καὶ ἐπελάθοντο Κυρίου τοῦ Θεοῦ αὐτῶν, καὶ ἀπέδοτο αὐτοὺσ εἰσ χεῖρασ Σισάρᾳ ἀρχιστρατήγῳ Ἰαβὶν βασιλέωσ Ἀσὼρ καὶ εἰσ χεῖρασ ἀλλοφύλων καὶ εἰσ χεῖρασ βασιλέωσ Μωάβ, καὶ ἐπολέμησαν ἐν αὐτοῖσ. καὶ ἐβόησαν πρὸσ Κύριον καὶ ἔλεγον. ἡμάρτομεν, ὅτι ἐγκατελίπομεν τὸν Κύριον καὶ ἐδουλεύσαμεν τοῖσ Βααλὶμ καὶ τοῖσ ἄλσεσι. καὶ νῦν ἐξελοῦ ἡμᾶσ ἐκ χειρὸσ ἐχθρῶν ἡμῶν, καὶ δουλεύσομέν σοι. καὶ ἀπέστειλε Κύριοσ τὸν Ἱεροβάαλ καὶ τὸν Βαρὰκ καὶ τὸν Ἰεφθάε καὶ τὸν Σαμουὴλ καὶ ἐξείλατο ἡμᾶσ ἐκ χειρὸσ ἐχθρῶν ἡμῶν τῶν κυκλόθεν, καὶ κατῳκεῖτε πεποιθότεσ. καὶ ἴδετε ὅτι Νάασ βασιλεὺσ υἱῶν Ἀμμὼν ἦλθεν ἐφ̓ ὑμᾶσ, καὶ εἴπατε. οὐχί, ἀλλ̓ ἢ ὅτι βασιλεὺσ βασιλεύσει ἐφ̓ ἡμῶν. καὶ Κύριοσ ὁ Θεὸσ ἡμῶν βασιλεὺσ ἡμῶν. καὶ νῦν ἰδοὺ ὁ βασιλεύσ, ὃν ἐξελέξασθε, καὶ ἰδοὺ δέδωκε Κύριοσ ἐφ̓ ὑμᾶσ βασιλέα. ἐὰν φοβηθῆτε τὸν Κύριον καὶ δουλεύσητε αὐτῷ καὶ ἀκούσητε τῆσ φωνῆσ αὐτοῦ καὶ μὴ ἐρίσητε τῷ στόματι Κυρίου καὶ ἦτε καὶ ὑμεῖσ καὶ ὁ βασιλεὺσ ὁ βασιλεύων ἐφ̓ ὑμῶν ὀπίσω Κυρίου πορευόμενοι. ἐὰν δὲ μὴ ἀκούσητε τῆσ φωνῆσ Κυρίου καὶ ἐρίσητε τῷ στόματι Κυρίου, καὶ ἔσται χεὶρ Κυρίου ἐφ̓ ὑμᾶσ καὶ ἐπὶ τὸν βασιλέα ὑμῶν. καὶ νῦν κατάστητε καὶ ἴδετε τὸ ρῆμα τό μέγα τοῦτο, ὃ ὁ Κύριοσ ποιήσει ἐν ὀφθαλμοῖσ ὑμῶν. οὐχὶ θερισμὸσ πυρῶν σήμερον̣ ἐπικαλέσομαι Κύριον, καὶ δώσει φωνὰσ καὶ ὑετόν, καὶ γνῶτε καὶ ἴδετε ὅτι ἡ κακία ὑμῶν μεγάλη, ἣν ἐποιήσατε ἐνώπιον Κυρίου, αἰτήσαντεσ ἑαυτοῖσ βασιλέα. καὶ ἐπεκαλέσατο Σαμουὴλ τὸν Κύριον, καὶ ἔδωκε Κύριοσ φωνὰσ καὶ ὑετὸν ἐν τῇ ἡμέρᾳ ἐκείνῃ. καὶ ἐφοβήθησαν πᾶσ ὁ λαὸσ τὸν Κύριον σφόδρα καὶ τὸν Σαμουήλ. καὶ εἶπαν πᾶσ ὁ λαὸσ πρὸσ Σαμουήλ. πρόσευξαι ὑπὲρ τῶν δούλων σου πρὸσ Κύριον Θεόν σου, καὶ οὐ μὴ ἀποθάνωμεν, ὅτι προστεθείκαμεν πρὸσ πάσασ τὰσ ἁμαρτίασ ἡμῶν κακίαν αἰτήσαντεσ ἑαυτοῖσ βασιλέα. καὶ εἶπε Σαμουὴλ πρὸσ τὸν λαόν. μὴ φοβεῖσθε. ὑμεῖσ πεποιήκατε τὴν πᾶσαν κακίαν ταύτην, πλὴν μὴ ἐκκλίνητε ἀπό ὄπισθεν Κυρίου καὶ δουλεύσατε τῷ Κυρίῳ ἐν ὅλῃ καρδίᾳ ὑμῶν καὶ μὴ παραβῆτε ὀπίσω τῶν μηθὲν ὄντων, οἳ οὐ περανοῦσιν οὐθὲν καὶ οἳ οὐκ ἐξελοῦνται, ὅτι οὐθέν εἰσιν. ὅτι οὐκ ἀπώσεται Κύριοσ τὸν λαὸν αὐτοῦ διὰ τὸ ὄνομα αὐτοῦ τὸ μέγα, ὅτι ἐπιεικῶσ Κύριοσ προσελάβετο ὑμᾶσ εἰσ λαόν. καὶ ἐμοὶ μηδαμῶσ τοῦ ἁμαρτεῖν τῷ Κυρίῳ ἀνιέναι τοῦ προσεύχεσθαι περὶ ὑμῶν, καὶ δουλεύσω τῷ Κυρίῳ καὶ δείξω ὑμῖν τὴν ὁδὸν τὴν ἀγαθὴν καὶ τὴν εὐθεῖαν. πλὴν φοβεῖσθε τὸν Κύριον καὶ δουλεύσατε αὐτῷ ἐν ἀληθείᾳ καὶ ἐν ὅλῃ καρδίᾳ ὑμῶν, ὅτι ἴδετε ἃ ἐμεγάλυνε μεθ̓ ὑμῶν, καὶ ἐὰν κακίᾳ κακοποιήσητε, καὶ ὑμεῖσ καὶ ὁ βασιλεὺσ ὑμῶν προστεθήσεσθε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Samuelis 12:

(70인역 성경, 사무엘기 상권 12:)

목록

SEARCH

MENU NAVIGATION