헬라어 문장 검색 - Σεπτύ009́011́

(70인역 성경, 사무엘기 상권 11:)

ΚΑΙ ἐγενήθη ὡσ μετὰ μῆνα καὶ ἀνέβη Νάασ ὁ Ἀμμανίτησ καὶ παρεμβάλλει ἐπὶ Ἰαβὶσ Γαλαάδ. καὶ εἶπαν πάντεσ οἱ ἄνδρεσ Ἰαβὶσ πρὸσ Νάασ τὸν Ἀμμανίτην. διάθου ἡμῖν διαθήκην, καὶ δουλεύσομέν σοι. καὶ εἶπε πρὸσ αὐτοὺσ Νάασ ὁ Ἀμμανίτησ. ἐν ταύτῃ διαθήσομαι διαθήκην ὑμῖν, ἐν τῷ ἐξορύξαι ὑμῶν πάντα ὀφθαλμὸν δεξιόν, καὶ θήσομαι ὄνειδοσ ἐπὶ Ἰσραήλ. καὶ λέγουσιν αὐτῷ οἱ ἄνδρεσ Ἰαβίσ. ἄνεσ ἡμῖν ἑπτὰ ἡμέρασ, καὶ ἀποστελοῦμεν ἀγγέλουσ εἰσ πᾶν ὅριον Ἰσραήλ. ἐὰν μὴ ᾖ ὁ σώζων ἡμᾶσ, ἐξελευσόμεθα πρὸσ ὑμᾶσ. καὶ ἔρχονται οἱ ἄγγελοι εἰσ Γαβαὰ πρὸσ Σαοὺλ καὶ λαλοῦσι τοὺσ λόγουσ εἰσ τὰ ὦτα τοῦ λαοῦ, καὶ ᾖραν πᾶσ ὁ λαὸσ τὴν φωνὴν αὐτῶν καὶ ἔκλαυσαν. καὶ ἰδοὺ Σαοὺλ ἤρχετο μετὰ τὸ πρωί̈ ἐξ ἀγροῦ, καὶ εἶπε Σαούλ. τί ὅτι κλαίει ὁ λαόσ̣ καὶ διηγοῦνται αὐτῷ τὰ ρήματα τῶν ἀνδρῶν Ἰαβίσ. καὶ ἐφήλατο πνεῦμα Κυρίου ἐπὶ Σαοὺλ ὡσ ἤκουσε τὰ ρήματα ταῦτα, καὶ ἐθυμώθη ἐπ̓ αὐτοὺσ ὀργῇ αὐτοῦ σφόδρα. καὶ ἔλαβε δύο βόασ καὶ ἐμέλισεν αὐτὰσ καὶ ἀπέστειλεν εἰσ πᾶν ὅριον Ἰσραὴλ ἐν χειρὶ ἀγγέλων λέγων. ὃσ οὐκ ἔστιν ἐκπορευόμενοσ ὀπίσω Σαοὺλ καὶ ὀπίσω Σαμουήλ, κατὰ τάδε ποιήσουσι τοῖσ βουσὶν αὐτοῦ. καὶ ἐπῆλθεν ἔκστασισ Κυρίου ἐπὶ τὸν λαὸν Ἰσραήλ, καὶ ἐβόησαν ὡσ ἀνὴρ εἷσ. καὶ ἐπισκέπτεται αὐτοὺσ Ἀβιεζὲκ ἐν Βαμᾷ, πάντα ἄνδρα Ἰσραὴλ ἑξακοσίασ χιλιάδασ καὶ ἄνδρασ Ἰούδα ἑβδομήκοντα χιλιάδασ. καὶ εἶπε τοῖσ ἀγγέλοισ τοῖσ ἐρχομένοισ. τάδε ἐρεῖτε τοῖσ ἀνδράσιν Ἰαβίσ. αὔριον ὑμῖν ἡ σωτηρία διαθερμάναντοσ τοῦ ἡλίου. καὶ ἦλθον οἱ ἄγγελοι εἰσ τὴν πόλιν καὶ ἀπαγγέλλουσι τοῖσ ἀνδράσιν Ἰαβίσ, καὶ εὐφράνθησαν. καὶ εἶπον οἱ ἄνδρεσ Ἰαβὶσ πρὸσ Νάασ τὸν Ἀμμανίτην. αὔριον ἐξελευσόμεθα πρὸσ ὑμᾶσ, καὶ ποιήσετε ἡμῖν τὸ ἀγαθὸν ἐνώπιον ὑμῶν. καὶ ἐγενήθη μετὰ τὴν αὔριον καὶ ἔθετο Σαοὺλ τὸν λαὸν εἰσ τρεῖσ ἀρχάσ, καὶ εἰσπορεύονται μέσον τῆσ παρεμβολῆσ ἐν φυλακῇ τῇ ἑωθινῇ καὶ ἔτυπτον τοὺσ υἱοὺσ Ἀμμὼν ἕωσ διεθερμάνθη ἡ ἡμέρα, καὶ ἐγενήθη καὶ ὑπολελειμμένοι διεσπάρησαν, καὶ οὐχ ὑπελείφθησαν ἐν αὐτοῖσ δύο κατὰ τὸ αὐτό. καὶ εἶπεν ὁ λαὸσ πρὸσ Σαμουήλ. τίσ ὁ εἴπασ ὅτι Σαοὺλ οὐ βασιλεύσει ἡμῶν̣ παράδοσ τοὺσ ἄνδρασ, καὶ θανατώσομεν αὐτούσ. καὶ εἶπε Σαούλ. οὐκ ἀποθανεῖται οὐδεὶσ ἐν τῇ ἡμέρᾳ ταύτῃ, ὅτι σήμερον ἐποίησε Κύριοσ σωτηρίαν ἐν Ἰσραήλ. καὶ εἶπε Σαμουὴλ πρὸσ τὸν λαὸν λέγων. πορευθῶμεν εἰσ Γάλγαλα, καὶ ἐγκαινίσωμεν ἐκεῖ τὴν βασιλείαν. καὶ ἐπορεύθη πᾶσ ὁ λαὸσ εἰσ Γάλγαλα, καὶ ἔχρισε Σαμουὴλ ἐκεῖ τὸν Σαοὺλ εἰσ βασιλέα ἐνώπιον Κυρίου ἐν Γαλγάλοισ καὶ ἔθυσεν ἐκεῖ θυσίασ καὶ εἰρηνικὰσ ἐνώπιον Κυρίου. καὶ εὐφράνθη Σαμουὴλ καὶ πᾶσ Ἰσραὴλ ὥστε λίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Samuelis 11:

(70인역 성경, 사무엘기 상권 11:)

목록

SEARCH

MENU NAVIGATION