Septuagint, Liber I Samuelis 11:

(70인역 성경, 사무엘기 상권 11:)

ΚΑΙ ἐγενήθη ὡσ μετὰ μῆνα καὶ ἀνέβη Νάασ ὁ Ἀμμανίτησ καὶ παρεμβάλλει ἐπὶ Ἰαβὶσ Γαλαάδ. καὶ εἶπαν πάντεσ οἱ ἄνδρεσ Ἰαβὶσ πρὸσ Νάασ τὸν Ἀμμανίτην. διάθου ἡμῖν διαθήκην, καὶ δουλεύσομέν σοι. καὶ εἶπε πρὸσ αὐτοὺσ Νάασ ὁ Ἀμμανίτησ. ἐν ταύτῃ διαθήσομαι διαθήκην ὑμῖν, ἐν τῷ ἐξορύξαι ὑμῶν πάντα ὀφθαλμὸν δεξιόν, καὶ θήσομαι ὄνειδοσ ἐπὶ Ἰσραήλ. καὶ λέγουσιν αὐτῷ οἱ ἄνδρεσ Ἰαβίσ. ἄνεσ ἡμῖν ἑπτὰ ἡμέρασ, καὶ ἀποστελοῦμεν ἀγγέλουσ εἰσ πᾶν ὅριον Ἰσραήλ. ἐὰν μὴ ᾖ ὁ σώζων ἡμᾶσ, ἐξελευσόμεθα πρὸσ ὑμᾶσ. καὶ ἔρχονται οἱ ἄγγελοι εἰσ Γαβαὰ πρὸσ Σαοὺλ καὶ λαλοῦσι τοὺσ λόγουσ εἰσ τὰ ὦτα τοῦ λαοῦ, καὶ ᾖραν πᾶσ ὁ λαὸσ τὴν φωνὴν αὐτῶν καὶ ἔκλαυσαν. καὶ ἰδοὺ Σαοὺλ ἤρχετο μετὰ τὸ πρωί̈ ἐξ ἀγροῦ, καὶ εἶπε Σαούλ. τί ὅτι κλαίει ὁ λαόσ̣ καὶ διηγοῦνται αὐτῷ τὰ ρήματα τῶν ἀνδρῶν Ἰαβίσ. καὶ ἐφήλατο πνεῦμα Κυρίου ἐπὶ Σαοὺλ ὡσ ἤκουσε τὰ ρήματα ταῦτα, καὶ ἐθυμώθη ἐπ̓ αὐτοὺσ ὀργῇ αὐτοῦ σφόδρα. καὶ ἔλαβε δύο βόασ καὶ ἐμέλισεν αὐτὰσ καὶ ἀπέστειλεν εἰσ πᾶν ὅριον Ἰσραὴλ ἐν χειρὶ ἀγγέλων λέγων. ὃσ οὐκ ἔστιν ἐκπορευόμενοσ ὀπίσω Σαοὺλ καὶ ὀπίσω Σαμουήλ, κατὰ τάδε ποιήσουσι τοῖσ βουσὶν αὐτοῦ. καὶ ἐπῆλθεν ἔκστασισ Κυρίου ἐπὶ τὸν λαὸν Ἰσραήλ, καὶ ἐβόησαν ὡσ ἀνὴρ εἷσ. καὶ ἐπισκέπτεται αὐτοὺσ Ἀβιεζὲκ ἐν Βαμᾷ, πάντα ἄνδρα Ἰσραὴλ ἑξακοσίασ χιλιάδασ καὶ ἄνδρασ Ἰούδα ἑβδομήκοντα χιλιάδασ. καὶ εἶπε τοῖσ ἀγγέλοισ τοῖσ ἐρχομένοισ. τάδε ἐρεῖτε τοῖσ ἀνδράσιν Ἰαβίσ. αὔριον ὑμῖν ἡ σωτηρία διαθερμάναντοσ τοῦ ἡλίου. καὶ ἦλθον οἱ ἄγγελοι εἰσ τὴν πόλιν καὶ ἀπαγγέλλουσι τοῖσ ἀνδράσιν Ἰαβίσ, καὶ εὐφράνθησαν. καὶ εἶπον οἱ ἄνδρεσ Ἰαβὶσ πρὸσ Νάασ τὸν Ἀμμανίτην. αὔριον ἐξελευσόμεθα πρὸσ ὑμᾶσ, καὶ ποιήσετε ἡμῖν τὸ ἀγαθὸν ἐνώπιον ὑμῶν. καὶ ἐγενήθη μετὰ τὴν αὔριον καὶ ἔθετο Σαοὺλ τὸν λαὸν εἰσ τρεῖσ ἀρχάσ, καὶ εἰσπορεύονται μέσον τῆσ παρεμβολῆσ ἐν φυλακῇ τῇ ἑωθινῇ καὶ ἔτυπτον τοὺσ υἱοὺσ Ἀμμὼν ἕωσ διεθερμάνθη ἡ ἡμέρα, καὶ ἐγενήθη καὶ ὑπολελειμμένοι διεσπάρησαν, καὶ οὐχ ὑπελείφθησαν ἐν αὐτοῖσ δύο κατὰ τὸ αὐτό. καὶ εἶπεν ὁ λαὸσ πρὸσ Σαμουήλ. τίσ ὁ εἴπασ ὅτι Σαοὺλ οὐ βασιλεύσει ἡμῶν̣ παράδοσ τοὺσ ἄνδρασ, καὶ θανατώσομεν αὐτούσ. καὶ εἶπε Σαούλ. οὐκ ἀποθανεῖται οὐδεὶσ ἐν τῇ ἡμέρᾳ ταύτῃ, ὅτι σήμερον ἐποίησε Κύριοσ σωτηρίαν ἐν Ἰσραήλ. καὶ εἶπε Σαμουὴλ πρὸσ τὸν λαὸν λέγων. πορευθῶμεν εἰσ Γάλγαλα, καὶ ἐγκαινίσωμεν ἐκεῖ τὴν βασιλείαν. καὶ ἐπορεύθη πᾶσ ὁ λαὸσ εἰσ Γάλγαλα, καὶ ἔχρισε Σαμουὴλ ἐκεῖ τὸν Σαοὺλ εἰσ βασιλέα ἐνώπιον Κυρίου ἐν Γαλγάλοισ καὶ ἔθυσεν ἐκεῖ θυσίασ καὶ εἰρηνικὰσ ἐνώπιον Κυρίου. καὶ εὐφράνθη Σαμουὴλ καὶ πᾶσ Ἰσραὴλ ὥστε λίαν.

목록

일치하는 문장이 없습니다.

SEARCH

MENU NAVIGATION