Septuagint, Liber I Samuelis 10:

(70인역 성경, 사무엘기 상권 10:)

ΚΑΙ ἔλαβε Σαμουὴλ τὸν φακὸν τοῦ ἐλαίου καὶ ἐπέχεεν ἐπὶ τὴν κεφαλὴν αὐτοῦ καὶ ἐφίλησεν αὐτὸν καὶ εἶπεν αὐτῷ. οὐχὶ κέκχρικέ σε Κύριοσ εἰσ ἄρχοντα ἐπὶ τὸν λαὸν αὐτοῦ, ἐπὶ Ἰσραήλ̣ καὶ σὺ ἄρξεισ ἐν λαῷ Κυρίου, καὶ σὺ σώσεισ αὐτὸν ἐκ χειρὸσ ἐχθρῶν αὐτοῦ κυκλόθεν. καὶ τοῦτό σοι τὸ σημεῖον ὅτι ἔχρισέ σε Κύριοσ ἐπὶ κληρονομίαν αὐτοῦ εἰσ ἄρχοντα. ὡσ ἂν ἀπέλθῃσ σήμερον ἀπ̓ ἐμοῦ, καὶ εὑρήσεισ δύο ἄνδρασ πρὸσ τοῖσ τάφοισ Ραχὴλ ἐν τῷ ὄρει Βενιαμὶν ἁλλομένουσ μεγάλα, καὶ ἐροῦσί σοι. εὕρηνται αἱ ὄνοι, ἃσ ἐπορεύθητε ζητεῖν, καὶ ἰδοὺ ὁ πατήρ σου ἀποτετίνακται τὸ ρῆμα τῶν ὄνων καὶ ἐδαψιλεύσατο δἰ ὑμᾶσ λέγων. τί ποιήσω ὑπὲρ τοῦ υἱοῦ μου̣ καὶ ἀπελεύσῃ ἐκεῖθεν καὶ ἐπέκεινα ἥξεισ ἕωσ τῆσ δρυὸσ Θαβὼρ καὶ εὑρήσεισ ἐκεῖ τρεῖσ ἄνδρασ ἀναβαίνοντασ πρὸσ τὸν Θεὸν εἰσ Βαιθήλ, ἕνα αἴροντα τρία αἰγίδια καὶ ἕνα αἴροντα τρία ἀγγεῖα ἄρτων καὶ ἕνα αἴροντα ἀσκὸν οἴνου. καὶ ἐρωτήσουσί σε τὰ εἰσ εἰρήνην καὶ δώσουσί σοι δύο ἀπαρχὰσ ἄρτων, καὶ λήψῃ ἐκ τῆσ χειρὸσ αὐτῶν. καὶ μετὰ ταῦτα εἰσελεύσῃ εἰσ τὸν βουνὸν τοῦ Θεοῦ, οὗ ἐστιν ἐκεῖ τὸ ἀνάστημα τῶν ἀλλοφύλων, ἐκεῖ Νασὶβ ὁ ἀλλόφυλοσ. καὶ ἔσται ὡσ ἂν εἰσέλθητε ἐκεῖ εἰσ τὴν πόλιν, καὶ ἀπαντήσεισ χορῷ προφητῶν καταβαινόντων ἐκ τῆσ Βαμᾶ, καὶ ἔμπροσθεν αὐτῶν νάβλα καὶ τύμπανον καὶ αὐλὸσ καὶ κινύρα, καὶ αὐτοὶ προφητεύοντεσ. καὶ ἐφαλεῖται ἐπὶ σὲ πνεῦμα Κυρίου, καὶ προφητεύσεισ μετ̓ αὐτῶν καὶ στραφήσῃ εἰσ ἄνδρα ἄλλον. καὶ ἔσται ὅταν ἥξει τὰ σημεῖα ταῦτα ἐπὶ σέ, ποίει πάντα, ὅσα ἐὰν εὕρῃ ἡ χείρ σου, ὅτι Θεὸσ μετὰ σοῦ. καὶ καταβήσῃ ἔμπροσθεν τῆσ Γαλγάλ, καὶ ἰδοὺ καταβαίνω πρόσ σε ἀνενεγκεῖν ὁλοκαύτωσιν καὶ θυσίασ εἰρηνικάσ. ἑπτὰ ἡμέρασ διαλείψεισ ἕωσ τοῦ ἐλθεῖν με πρόσ σε, καὶ γνωρίσω σοι ἃ ποιήσεισ. καὶ ἐγενήθη ὥστε ἐπιστραφῆναι τῷ ὤμῳ αὐτοῦ ἀπελθεῖν ἀπὸ Σαμουήλ, μετέστρεψεν αὐτῷ ὁ Θεὸσ καρδίαν ἄλλην. καὶ ἦλθε πάντα τὰ σημεῖα ἐν τῇ ἡμέρᾳ ἐκείνῃ. καὶ ἔρχεται ἐκεῖθεν εἰσ τὸν βουνόν, καὶ ἰδοὺ χορὸσ προφητῶν ἐξεναντίασ αὐτοῦ. καὶ ἥλατο ἐπ̓ αὐτὸν πνεῦμα Θεοῦ, καὶ προεφήτευσεν ἐν μέσῳ αὐτῶν. καὶ ἐγενήθησαν πάντεσ οἱ εἰδότεσ αὐτὸν ἐχθὲσ καὶ τρίτησ καὶ εἶδον καὶ ἰδοὺ αὐτὸσ ἐν μέσῳ τῶν προφητῶν. καὶ εἶπεν ὁ λαὸσ ἕκαστοσ πρὸσ τὸν πλησίον αὐτοῦ. τί τοῦτο τὸ γεγονὸσ τῷ υἱῷ Κίσ̣ ἦ καὶ Σαοὺλ ἐν προφήταισ̣ καὶ ἀπεκρίθη τισ αὐτῶν καὶ εἶπε. καὶ τίσ πατὴρ αὐτοῦ̣ καὶ διὰ τοῦτο ἐγενήθη εἰσ παραβολήν, ἦ καὶ Σαοὺλ ἐν προφήταισ̣ καὶ συνετέλεσε προφητεύων καὶ ἔρχεται εἰσ τὸν βουνόν. καὶ εἶπεν ὁ οἰκεῖοσ αὐτοῦ πρὸσ αὐτὸν καὶ πρὸσ τὸ παιδάριον αὐτοῦ. ποῦ ἐπορεύθητε̣ καὶ εἶπαν. ζητεῖν τὰσ ὄνουσ. καὶ εἴδαμεν ὅτι οὐκ εἰσί, καὶ εἰσήλθομεν πρὸσ Σαμουήλ. καὶ εἶπεν ὁ οἰκεῖοσ πρὸσ Σαούλ. ἀπάγγειλον δή μοι, τί εἶπέ σοι Σαμουήλ̣ καὶ εἶπε Σαοὺλ πρὸσ τὸν οἰκεῖον αὐτοῦ. ἀπήγγειλεν ἀπαγγέλλων μοι ὅτι εὕρηνται αἱ ὄνοι. τὸ δὲ ρῆμα τῆσ βασιλείασ οὐκ ἀπήγγειλεν αὐτῷ. Καὶ παρήγγειλε Σαμουὴλ παντὶ τῷ λαῷ πρὸσ Κύριον εἰσ Μασσηφὰθ καὶ εἶπε πρὸσ υἱοὺσ Ἰσραήλ. τάδε εἶπε Κύριοσ ὁ Θεὸσ Ἰσραὴλ λέγων. ἐγὼ ἀνήγαγον τοὺσ υἱοὺσ Ἰσραὴλ ἐξ Αἰγύπτου καὶ ἐξειλάμην ὑμᾶσ ἐκ χειρὸσ Φαραὼ βασιλέωσ Αἰγύπτου καὶ ἐκ πασῶν τῶν βασιλειῶν τῶν θλιβουσῶν ὑμᾶσ. καὶ ὑμεῖσ σήμερον ἐξουδενήκατε τὸν Θεόν, ὃσ αὐτόσ ἐστιν ὑμῶν σωτὴρ ἐκ πάντων τῶν κακῶν ὑμῶν καὶ θλίψεων ὑμῶν, καὶ εἴπατε. οὐχί, ἀλλ̓ ἢ ὅτι βασιλέα καταστήσεισ ἐφ̓ ἡμῶν. καὶ νῦν κατάστητε ἐνώπιον Κυρίου κατὰ τὰ σκῆπτρα ὑμῶν καὶ κατὰ τὰσ φυλὰσ ὑμῶν. καὶ προσήγαγε Σαμουὴλ πάντα τὰ σκῆπτρα Ἰσραήλ, καὶ κατακληροῦται σκῆπτρον Βενιαμίν. καὶ προσάγει σκῆπτρον Βενιαμὶν εἰσ φυλάσ, καὶ κατακληροῦται φυλὴ Ματταρί. καὶ προσάγουσι τὴν φυλὴν Ματταρὶ εἰσ ἄνδρασ, καὶ κατακληροῦται Σαοὺλ υἱὸσ Κίσ. καὶ ἐζήτει αὐτόν, καὶ οὐχ εὑρίσκετο. καὶ ἐπηρώτησε Σαμουὴλ ἔτι ἐν Κυρίῳ. εἰ ἔρχεται ὁ ἀνὴρ ἐνταῦθα̣ καὶ εἶπε Κύριοσ. ἰδοὺ αὐτὸσ κέκρυπται ἐν τοῖσ σκεύεσι. καὶ ἔδραμε καὶ λαμβάνει αὐτὸν ἐκεῖθεν καὶ κατέστησεν ἐν μέσῳ τοῦ λαοῦ, καὶ ὑψώθη ὑπὲρ πάντα τὸν λαὸν ὑπερωμίαν καὶ ἐπάνω. καὶ εἶπε Σαμουὴλ πρὸσ πάντα τὸν λαόν. εἰ ἑωράκατε ὃν ἐκλέλεκται ἑαυτῷ Κύριοσ, ὅτι οὐκ ἔστιν ὅμοιοσ αὐτῷ ἐν πᾶσιν ὑμῖν̣ καὶ ἔγνωσαν πᾶσ ὁ λαὸσ καὶ εἶπαν. ζήτω ὁ βασιλεύσ. καὶ εἶπε Σαμουὴλ πρὸσ τὸν λαὸν τὸ δικαίωμα τοῦ βασιλέωσ καὶ ἔγραψεν ἐν βιβλίῳ καὶ ἔθηκεν ἐνώπιον Κυρίου. καὶ ἐξαπέστειλε Σαμουὴλ πάντα τὸν λαόν, καὶ ἀπῆλθεν ἕκαστοσ εἰσ τὸν τόπον αὐτοῦ. καὶ Σαοὺλ ἀπῆλθεν εἰσ τὸν οἶκον αὐτοῦ εἰσ Γαβαά. καὶ ἐπορεύθησαν υἱοὶ δυνάμεων, ὧν ἥψατο Κύριοσ καρδίασ αὐτῶν μετὰ Σαούλ. καὶ υἱοὶ λοιμοὶ εἶπαν. τίσ σώσει ὑμᾶσ οὗτοσ̣ καὶ ἠτίμασαν αὐτὸν καὶ οὐκ ἤνεγκαν αὐτῷ δῶρα.

목록

일치하는 문장이 없습니다.

SEARCH

MENU NAVIGATION