Septuagint, Liber I Samuelis 8:

(70인역 성경, 사무엘기 상권 8:)

ΚΑΙ ἐγένετο ὡσ ἐγήρασε Σαμουήλ, καὶ κατέστησε τοὺσ υἱοὺσ αὐτοῦ δικαστὰσ τῷ Ἰσραήλ. καὶ ταῦτα τὰ ὀνόματα τῶν υἱῶν αὐτοῦ. πρωτότοκοσ Ἰωήλ, καὶ ὄνομα τοῦ δευτέρου Ἀβιά, δικασταὶ ἐν Βηρσαβεέ. καὶ οὐκ ἐπορεύθησαν οἱ υἱοὶ αὐτοῦ ἐν ὁδῷ αὐτοῦ καὶ ἐξέκλιναν ὀπίσω τῆσ συντελείασ καὶ ἐλάμβανον δῶρα καὶ ἐξέκλινον δικαιώματα. καὶ συναθροίζονται ἄνδρεσ Ἰσραὴλ καὶ παραγίνονται εἰσ Ἀρμαθαὶμ πρὸσ Σαμουὴλ καὶ εἶπαν αὐτῷ. ἰδοὺ σὺ γεγήρακασ, καὶ οἱ υἱοί σου οὐ πορεύονται ἐν τῇ ὁδῷ σου. καὶ νῦν κατάστησον ἐφ̓ ἡμᾶσ βασιλέα δικάζειν ἡμᾶσ, καθὰ καὶ τὰ λοιπὰ ἔθνη. καὶ πονηρὸν τὸ ρῆμα ἐν ὀφθαλμοῖσ Σαμουήλ, ὡσ εἶπαν, δὸσ ἡμῖν βασιλέα δικάζειν ἡμᾶσ. καὶ προσηύξατο Σαμουὴλ πρὸσ Κύριον. καὶ εἶπε Κύριοσ πρὸσ Σαμουήλ. ἄκουε τῆσ φωνῆσ τοῦ λαοῦ, καθὰ ἂν λαλῶσί σοι. ὅτι οὐ σὲ ἐξουθενήκασιν, ἀλλ̓ ἢ ἐμὲ ἐξουθενήκασι τοῦ μὴ βασιλεύειν ἐπ̓ αὐτῶν. κατὰ πάντα τὰ ποιήματα, ἃ ἐποίησάν μοι ἀφ̓ ἧσ ἡμέρασ ἀνήγαγον αὐτοὺσ ἐξ Αἰγύπτου ἕωσ τῆσ ἡμέρασ ταύτησ καὶ ἐγκατέλιπόν με καὶ ἐδούλευον θεοῖσ ἑτέροισ, οὕτωσ αὐτοὶ ποιοῦσι καὶ σοί. καὶ νῦν ἄκουε τῆσ φωνῆσ αὐτῶν. πλὴν ὅτι διαμαρτυρόμενοσ διαμαρτύρῃ αὐτοῖσ καὶ ἀπαγγελεῖσ αὐτοῖσ τὸ δικαίωμα τοῦ βασιλέωσ, ὃσ βασιλεύσει ἐπ̓ αὐτούσ. καὶ εἶπε Σαμουὴλ πᾶν τὸ ρῆμα τοῦ Κυρίου πρὸσ τὸν λαὸν τοὺσ αἰτοῦντασ παῤ αὐτοῦ βασιλέα καὶ εἶπε. τοῦτο ἔσται τὸ δικαίωμα τοῦ βασιλέωσ, ὃσβασιλεύσει ἐφ̓ ὑμᾶσ. τοὺσ υἱοὺσ ὑμῶν λήψεται, καὶ θήσεται αὐτοὺσ ἐν ἅρμασιν αὐτοῦ καὶ ἐν ἱππεῦσιν αὐτοῦ καὶ προτρέχοντασ τῶν ἁρμάτων αὐτοῦ καὶ θέσθαι αὐτοὺσ ἑαυτῷ ἑκατοντάρχουσ καὶ χιλιάρχουσ καὶ θερίζειν θερισμὸν αὐτοῦ καὶ τρυγᾶν τρυγητὸν αὐτοῦ καὶ ποιεῖν σκεύη πολεμικὰ αὐτοῦ καὶ σκεύη ἁρμάτων αὐτοῦ. καὶ τὰσ θυγατέρασ ὑμῶν λήψεται εἰσ μυρεψοὺσ καὶ εἰσ μαγειρίσσασ καὶ εἰσ πεσσούσασ. καὶ τοὺσ ἀγροὺσ ὑμῶν καὶ τοὺσ ἀμπελῶνασ ὑμῶν καὶ τοὺσ ἐλαιῶνασ ὑμῶν τοὺσ ἀγαθοὺσ λήψεται καὶ δώσει τοῖσ δούλοισ ἑαυτοῦ. καὶ τὰ σπέρματα ὑμῶν καὶ τοὺσ ἀμπελῶνασ ὑμῶν ἀποδεκατώσει καὶ δώσει τοῖσ εὐνούχοισ αὐτοῦ καὶ τοῖσ δούλοισ αὐτοῦ. καὶ τοὺσ δούλουσ ὑμῶν καὶ τὰσ δούλασ ὑμῶν καὶ τὰ βουκόλια ὑμῶν τὰ ἀγαθὰ καὶ τοὺσ ὄνουσ ὑμῶν λήψεται, καὶ ἀποδεκατώσει εἰσ τὰ ἔργα αὐτοῦ καὶ τὰ ποίμνια ὑμῶν ἀποδεκατώσει. καὶ ὑμεῖσ ἔσεσθε αὐτῷ δοῦλοι. καὶ βοήσεσθε ἐν τῇ ἡμέρᾳ ἐκείνῃ ἐκ προσώπου βασιλέωσ ὑμῶν, οὗ ἐξελέξασθε ἑαυτοῖσ, καὶ οὐκ ἐπακούσεται Κύριοσ ὑμῶν ἐν ταῖσ ἡμέραισ ἐκείναισ, ὅτι ὑμεῖσ ἐξελέξασθε ἑαυτοῖσ βασιλέα. καὶ οὐκ ἐβούλετο ὁ λαὸσ ἀκοῦσαι τοῦ Σαμουὴλ καὶ εἶπαν αὐτῷ. οὐχί, ἀλλ̓ ἢ βασιλεὺσ ἔσται ἐφ̓ ἡμᾶσ, καὶ ἐσόμεθα καὶ ἡμεῖσ καθὰ πάντα τὰ ἔθνη, καὶ δικάσει ἡμᾶσ βασιλεὺσ ἡμῶν καὶ ἐξελεύσεται ἔμπροσθεν ἡμῶν καὶ πολεμήσει τὸν πόλεμον ἡμῶν. καὶ ἤκουσε Σαμουὴλ πάντασ τοὺσ λόγουσ τοῦ λαοῦ καὶ ἐλάλησεν αὐτοὺσ εἰσ τὰ ὦτα Κυρίου. καὶ εἶπε Κύριοσ πρὸσ Σαμουήλ. ἄκουε τῆσ φωνῆσ αὐτῶν καὶ βασίλευσον αὐτοῖσ βασιλέα. καὶ εἶπε Σαμουὴλ πρὸσ ἄνδρασ Ἰσραήλ. ἀποτρεχέτω ἕκαστοσ εἰσ τὴν πόλιν αὐτοῦ.

목록

일치하는 문장이 없습니다.

SEARCH

MENU NAVIGATION