헬라어 문장 검색 - Σεπτύ009́008́

(70인역 성경, 사무엘기 상권 8:)

ΚΑΙ ἐγένετο ὡσ ἐγήρασε Σαμουήλ, καὶ κατέστησε τοὺσ υἱοὺσ αὐτοῦ δικαστὰσ τῷ Ἰσραήλ. καὶ ταῦτα τὰ ὀνόματα τῶν υἱῶν αὐτοῦ. πρωτότοκοσ Ἰωήλ, καὶ ὄνομα τοῦ δευτέρου Ἀβιά, δικασταὶ ἐν Βηρσαβεέ. καὶ οὐκ ἐπορεύθησαν οἱ υἱοὶ αὐτοῦ ἐν ὁδῷ αὐτοῦ καὶ ἐξέκλιναν ὀπίσω τῆσ συντελείασ καὶ ἐλάμβανον δῶρα καὶ ἐξέκλινον δικαιώματα. καὶ συναθροίζονται ἄνδρεσ Ἰσραὴλ καὶ παραγίνονται εἰσ Ἀρμαθαὶμ πρὸσ Σαμουὴλ καὶ εἶπαν αὐτῷ. ἰδοὺ σὺ γεγήρακασ, καὶ οἱ υἱοί σου οὐ πορεύονται ἐν τῇ ὁδῷ σου. καὶ νῦν κατάστησον ἐφ̓ ἡμᾶσ βασιλέα δικάζειν ἡμᾶσ, καθὰ καὶ τὰ λοιπὰ ἔθνη. καὶ πονηρὸν τὸ ρῆμα ἐν ὀφθαλμοῖσ Σαμουήλ, ὡσ εἶπαν, δὸσ ἡμῖν βασιλέα δικάζειν ἡμᾶσ. καὶ προσηύξατο Σαμουὴλ πρὸσ Κύριον. καὶ εἶπε Κύριοσ πρὸσ Σαμουήλ. ἄκουε τῆσ φωνῆσ τοῦ λαοῦ, καθὰ ἂν λαλῶσί σοι. ὅτι οὐ σὲ ἐξουθενήκασιν, ἀλλ̓ ἢ ἐμὲ ἐξουθενήκασι τοῦ μὴ βασιλεύειν ἐπ̓ αὐτῶν. κατὰ πάντα τὰ ποιήματα, ἃ ἐποίησάν μοι ἀφ̓ ἧσ ἡμέρασ ἀνήγαγον αὐτοὺσ ἐξ Αἰγύπτου ἕωσ τῆσ ἡμέρασ ταύτησ καὶ ἐγκατέλιπόν με καὶ ἐδούλευον θεοῖσ ἑτέροισ, οὕτωσ αὐτοὶ ποιοῦσι καὶ σοί. καὶ νῦν ἄκουε τῆσ φωνῆσ αὐτῶν. πλὴν ὅτι διαμαρτυρόμενοσ διαμαρτύρῃ αὐτοῖσ καὶ ἀπαγγελεῖσ αὐτοῖσ τὸ δικαίωμα τοῦ βασιλέωσ, ὃσ βασιλεύσει ἐπ̓ αὐτούσ. καὶ εἶπε Σαμουὴλ πᾶν τὸ ρῆμα τοῦ Κυρίου πρὸσ τὸν λαὸν τοὺσ αἰτοῦντασ παῤ αὐτοῦ βασιλέα καὶ εἶπε. τοῦτο ἔσται τὸ δικαίωμα τοῦ βασιλέωσ, ὃσβασιλεύσει ἐφ̓ ὑμᾶσ. τοὺσ υἱοὺσ ὑμῶν λήψεται, καὶ θήσεται αὐτοὺσ ἐν ἅρμασιν αὐτοῦ καὶ ἐν ἱππεῦσιν αὐτοῦ καὶ προτρέχοντασ τῶν ἁρμάτων αὐτοῦ καὶ θέσθαι αὐτοὺσ ἑαυτῷ ἑκατοντάρχουσ καὶ χιλιάρχουσ καὶ θερίζειν θερισμὸν αὐτοῦ καὶ τρυγᾶν τρυγητὸν αὐτοῦ καὶ ποιεῖν σκεύη πολεμικὰ αὐτοῦ καὶ σκεύη ἁρμάτων αὐτοῦ. καὶ τὰσ θυγατέρασ ὑμῶν λήψεται εἰσ μυρεψοὺσ καὶ εἰσ μαγειρίσσασ καὶ εἰσ πεσσούσασ. καὶ τοὺσ ἀγροὺσ ὑμῶν καὶ τοὺσ ἀμπελῶνασ ὑμῶν καὶ τοὺσ ἐλαιῶνασ ὑμῶν τοὺσ ἀγαθοὺσ λήψεται καὶ δώσει τοῖσ δούλοισ ἑαυτοῦ. καὶ τὰ σπέρματα ὑμῶν καὶ τοὺσ ἀμπελῶνασ ὑμῶν ἀποδεκατώσει καὶ δώσει τοῖσ εὐνούχοισ αὐτοῦ καὶ τοῖσ δούλοισ αὐτοῦ. καὶ τοὺσ δούλουσ ὑμῶν καὶ τὰσ δούλασ ὑμῶν καὶ τὰ βουκόλια ὑμῶν τὰ ἀγαθὰ καὶ τοὺσ ὄνουσ ὑμῶν λήψεται, καὶ ἀποδεκατώσει εἰσ τὰ ἔργα αὐτοῦ καὶ τὰ ποίμνια ὑμῶν ἀποδεκατώσει. καὶ ὑμεῖσ ἔσεσθε αὐτῷ δοῦλοι. καὶ βοήσεσθε ἐν τῇ ἡμέρᾳ ἐκείνῃ ἐκ προσώπου βασιλέωσ ὑμῶν, οὗ ἐξελέξασθε ἑαυτοῖσ, καὶ οὐκ ἐπακούσεται Κύριοσ ὑμῶν ἐν ταῖσ ἡμέραισ ἐκείναισ, ὅτι ὑμεῖσ ἐξελέξασθε ἑαυτοῖσ βασιλέα. καὶ οὐκ ἐβούλετο ὁ λαὸσ ἀκοῦσαι τοῦ Σαμουὴλ καὶ εἶπαν αὐτῷ. οὐχί, ἀλλ̓ ἢ βασιλεὺσ ἔσται ἐφ̓ ἡμᾶσ, καὶ ἐσόμεθα καὶ ἡμεῖσ καθὰ πάντα τὰ ἔθνη, καὶ δικάσει ἡμᾶσ βασιλεὺσ ἡμῶν καὶ ἐξελεύσεται ἔμπροσθεν ἡμῶν καὶ πολεμήσει τὸν πόλεμον ἡμῶν. καὶ ἤκουσε Σαμουὴλ πάντασ τοὺσ λόγουσ τοῦ λαοῦ καὶ ἐλάλησεν αὐτοὺσ εἰσ τὰ ὦτα Κυρίου. καὶ εἶπε Κύριοσ πρὸσ Σαμουήλ. ἄκουε τῆσ φωνῆσ αὐτῶν καὶ βασίλευσον αὐτοῖσ βασιλέα. καὶ εἶπε Σαμουὴλ πρὸσ ἄνδρασ Ἰσραήλ. ἀποτρεχέτω ἕκαστοσ εἰσ τὴν πόλιν αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Samuelis 8:

(70인역 성경, 사무엘기 상권 8:)

목록

SEARCH

MENU NAVIGATION