Septuagint, Liber I Samuelis 6:

(70인역 성경, 사무엘기 상권 6:)

ΚΑΙ ἦν κιβωτὸσ ἐν ἀγρῷ τῶν ἀλλοφύλων ἑπτὰ μῆνασ, καὶ ἐξέζεσεν ἡ γῆ αὐτῶν μύασ. καὶ καλοῦσιν ἀλλόφυλοι τοὺσ ἱερεῖσ καὶ τοὺσ μάντεισ καὶ τοὺσ ἐπαοιδοὺσ αὐτῶν λέγοντεσ. τί ποιήσωμεν τῇ κιβωτῷ Κυρίου̣ γνωρίσατε ἡμῖν ἐν τίνι ἀποστελοῦμεν αὐτὴν εἰσ τὸν τόπον αὐτῆσ. καὶ εἶπαν. εἰ ἐξαποστέλλετε ὑμεῖσ τὴν κιβωτὸν διαθήκησ Κυρίου Θεοῦ Ἰσραήλ, μὴ δὴ ἐξαποστείλητε αὐτὴν κενήν, ἀλλ̓ ἀποδιδόντεσ ἀπόδοτε αὐτῇ τῆσ βασάνου, καὶ τότε ἰαθήσεσθε, καὶ ἐξιλασθήσεται ὑμῖν, μὴ οὐκ ἀποστῇ ἡ χεὶρ αὐτοῦ ἀφ̓ ὑμῶν. καὶ λέγουσι. τί τὸ τῆσ βασάνου ἀποδώσομεν αὐτῇ̣ καὶ εἶπαν. κατ̓ ἀριθμὸν τῶν σατραπῶν τῶν ἀλλοφύλων πέντε ἕδρασ χρυσᾶσ, ὅτι πταῖσμα ἐν ὑμῖν καὶ τοῖσ ἄρχουσιν ὑμῶν καὶ τῷ λαῷ, καὶ μῦσ χρυσοῦσ ὁμοίωμα τῶν μυῶν ὑμῶν τῶν διαφθειρόντων τὴν γῆν. καὶ δώσετε τῷ Κυρίῳ δόξαν, ὅπωσ κουφίσῃ τὴν χεῖρα αὐτοῦ ἀφ̓ ὑμῶν καὶ ἀπὸ τῶν θεῶν ὑμῶν καὶ ἀπὸ τῆσ γῆσ ὑμῶν. καὶ ἵνα τί βαρύνετε τὰσ καρδίασ ὑμῶν, ὡσ ἐβάρυνεν Αἴγυπτοσ καὶ Φαραὼ τὴν καρδίαν αὐτῶν̣ οὐχὶ ὅτε ἐνέπαιξεν αὐτοῖσ, ἐξαπέστειλαν αὐτούσ, καὶ ἀπῆλθον̣ καὶ νῦν λάβετε καὶ ποιήσατε ἅμαξαν καινὴν καὶ δύο βόασ πρωτοτοκούσασ ἄνευ τῶν τέκνων καὶ ζεύξατε τὰσ βόασ ἐν τῇ ἁμάξῃ καὶ ἀπαγάγετε τὰ τέκνα ἀπὸ ὄπισθεν αὐτῶν εἰσ οἶκον. καὶ λήψεσθε τὴν κιβωτὸν καὶ θήσετε αὐτὴν ἐπὶ τὴν ἅμαξαν καὶ τὰ σκεύη τὰ χρυσᾶ ἀποδώσετε αὐτῇ τῆσ βασάνου καὶ θήσετε ἐν θέματι βερσεχθὰν ἐκ μέρουσ αὐτῆσ καὶ ἐξαποστελεῖτε αὐτὴν καὶ ἀπελάσατε αὐτήν, καὶ ἀπελεύσεται. καὶ ὄψεσθε, εἰ εἰσ ὁδὸν ὁρίων αὐτῆσ πορεύσεται κατὰ Βαιθσαμύσ, αὐτὸσ πεποίηκεν ἡμῖν τὴν κακίαν τὴν μεγάλην ταύτην, καὶ ἐὰν μή, καὶ γνωσόμεθα ὅτι οὐ χεὶρ αὐτοῦ ἧπται ἡμῶν, ἀλλὰ σύμπτωμα τοῦτο γέγονεν ἡμῖν. καὶ ἐποίησαν οἱ ἀλλόφυλοι οὕτω. καὶ ἔλαβον δύο βόασ πρωτοτοκούσασ καὶ ἔζευξαν αὐτὰσ ἐν τῇ ἁμάξῃ καὶ τὰ τέκνα αὐτῶν ἀπεκώλυσαν εἰσ οἶκον καὶ ἔθεντο τὴν κιβωτὸν Κυρίου ἐπὶ τὴν ἅμαξαν καὶ τὸ θέμα ἐργὰβ καὶ τοὺσ μῦσ τοὺσ χρυσοῦσ. καὶ κατεύθυναν αἱ βόεσ ἐν τῇ ὁδῷ εἰσ ὁδὸν Βαιθσαμύσ, ἐν τρίβῳ ἑνὶ ἐπορεύοντο καὶ ἐκοπίων καὶ οὐ μεθίσταντο δεξιὰ οὐδὲ ἀριστερά. καὶ οἱ σατράπαι τῶν ἀλλοφύλων ἐπορεύοντο ὀπίσω αὐτῆσ ἕωσ ὁρίων Βαιθσαμύσ. καὶ οἱ ἐν Βαιθσαμὺσ ἐθέριζον θερισμὸν πυρῶν ἐν κοιλάδι. καὶ ᾖραν ὀφθαλμοὺσ αὐτῶν καὶ εἶδον κιβωτὸν Κυρίου καὶ ηὐφράνθησαν εἰσ ἀπάντησιν αὐτῆσ. καὶ ἡ ἅμαξα εἰσῆλθεν εἰσ ἀγρὸν Ὠσηὲ τὸν ἐν Βαιθσαμύσ, καὶ ἔστησαν ἐκεῖ παῤ αὐτῇ λίθον μέγαν καὶ σχίζουσι τὰ ξύλα τῆσ ἁμάξησ καὶ τὰσ βόασ ἀνήνεγκαν εἰσ ὁλοκαύτωσιν τῷ Κυρίῳ. καὶ οἱ Λευῖται ἀνήνεγκαν τὴν κιβωτὸν τοῦ Κυρίου καὶ τὸ θέμα ἐργὰβ μετ̓ αὐτῆσ καὶ τὰ ἐπ̓ αὐτῆσ σκεύη τὰ χρυσᾶ καὶ ἔθεντο ἐπὶ τοῦ λίθου τοῦ μεγάλου, καὶ οἱ ἄνδρεσ Βαιθσαμὺσ ἀνήνεγκαν ὁλοκαυτώσεισ καὶ θυσίασ ἐν τῇ ἡμέρᾳ ἐκείνῃ τῷ Κυρίῳ. καὶ οἱ πέντε σατράπαι τῶν ἀλλοφύλων ἑώρων καὶ ἀνέστρεψαν εἰσ Ἀσκάλωνα τῇ ἡμέρᾳ ἐκείνῃ. καὶ αὗται αἱ ἕδραι αἱ χρυσαῖ, ἃσ ἀπέδωκαν οἱ ἀλλόφυλοι τῆσ βασάνου τῷ Κυρίῳ. τῆσ Ἀζώτου μίαν, τῆσΓάζησ μίαν, τῆσ Ἀσκάλωνοσ μίαν, τῆσ Γὲθ μίαν, τῆσ Ἀκκαρὼν μίαν. καὶ μῦσ οἱ χρυσοῖ κατ̓ ἀριθμὸν πασῶν πόλεων τῶν ἀλλοφύλων τῶν πέντε σατραπῶν ἐκ πόλεωσ ἐστερεωμένησ καὶ ἕωσ κώμησ τοῦ Φερεζαίου καὶ ἕωσ λίθου τοῦ μεγάλου, οὗ ἐπέθηκαν ἐπ̓ αὐτοῦ τὴν κιβωτὸν διαθήκησ Κυρίου, τοῦ ἐν ἀγρῷ Ὠσηὲ τοῦ Βαιθσαμυσίτου. Καὶ οὐκ ἠσμένισαν οἱ υἱοὶ Ἰεχονίου ἐν τοῖσ ἀνδράσι Βαιθσαμύσ, ὅτι εἶδον κιβωτὸν Κυρίου. καὶ ἐπάταξεν ἐν αὐτοῖσ ἑβδομήκοντα ἄνδρασ, καὶ πεντήκοντα χιλιάδασ ἀνδρῶν, καὶ ἐπένθησεν ὁ λαόσ, ὅτι ἐπάταξε Κύριοσ ἐν τῷ λαῷ πληγὴν μεγάλην σφόδρα. καὶ εἶπαν οἱ ἄνδρεσ οἱ ἐκ Βαιθσαμύσ. τίσ δυνήσεται διελθεῖν ἐνώπιον Κυρίου τοῦ Θεοῦ τοῦ ἁγίου τούτου̣ καὶ πρὸσ τίνα ἀναβήσεται κιβωτὸσ Κυρίου ἐφ̓ ἡμῶν̣ καὶ ἀποστέλλουσιν ἀγγέλουσ πρὸσ τοὺσ κατοικοῦντασ Καριαθιαρὶμ λέγοντεσ. ἀπεστρόφασιν ἀλλόφυλοι τὴν κιβωτὸν Κυρίου. κατάβητε καὶ ἀναγάγετε αὐτὴν πρὸσ ἑαυτούσ.

목록

일치하는 문장이 없습니다.

SEARCH

MENU NAVIGATION