Septuagint, Liber I Samuelis 5:

(70인역 성경, 사무엘기 상권 5:)

ΚΑΙ ἀλλόφυλοι ἔλαβον τὴν κιβωτὸν τοῦ Θεοῦ καὶ εἰσήνεγκαν αὐτὴν ἐξ Ἀβενέζερ εἰσ Ἄζωτον. καί ἔλαβον ἀλλόφυλοι τὴν κιβωτὸν Κυρίου καὶ εἰσήνεγκαν αὐτὴν εἰσ οἶκον Δαγὼν καὶ παρέστησαν αὐτὴν παρὰ Δαγών. καὶ ὤρθρισαν οἱ Ἀζώτιοι καὶ εἰσῆλθον εἰσ οἶκον Δαγὼν καὶ εἶδον καὶ ἰδοὺ Δαγὼν πεπτωκὼσ ἐπὶ πρόσωπον αὐτοῦ ἐνώπιον κιβωτοῦ τοῦ Θεοῦ. καὶ ἤγειραν τὸν Δαγὼν καὶ κατέστησαν εἰσ τὸν τόπον αὐτοῦ. καὶ ἐβαρύνθη χεὶρ Κυρίου ἐπὶ τοὺσ Ἀζωτίουσ καὶ ἐβασάνισεν αὐτοὺσ καὶ ἐπάταξεν αὐτοὺσ εἰσ τὰσ ἕδρασ αὐτῶν, τὴν Ἄζωτον καὶ τὰ ὅρια αὐτῆσ. καὶ ἐγένετο ὅτε ὤρθρισαν τὸ πρωί̈, καὶ ἰδοὺ Δαγὼν πεπτωκὼσ ἐπὶ πρόσωπον αὐτοῦ ἐνώπιον κιβωτοῦ διαθήκησ Κυρίου, καὶ ἡ κεφαλὴ Δαγὼν καὶ ἀμφότερα τὰ ἴχνη χειρῶν αὐτοῦ ἀφῃρημένα ἐπὶ τά ἐμπρόσθια ἀμαφὲθ ἕκαστον, καὶ ἀμφότεροι οἱ καρποὶ τῶν χειρῶν αὐτοῦ πεπτωκότεσ ἐπὶ τὸ πρόθυρον, πλὴν ἡ ράχισ Δαγὼν ὑπελείφθη. διὰ τοῦτο οὐκ ἐπιβαίνουσιν οἱ ἱερεῖσ Δαγὼν καὶ πᾶσ ὁ εἰσπορευόμενοσ εἰσ οἶκον Δαγὼν ἐπὶ βαθμὸν οἴκου Δαγὼν ἐν Ἀζώτῳ ἕωσ τῆσ ἡμέρασ ταύτησ, ὅτι ὑπερβαίνοντεσ ὑπερβαίνουσι. καὶ ἐβαρύνθη ἡ χεὶρ Κυρίου ἐπὶ Ἄζωτον, καὶ ἐπήγαγεν αὐτοῖσ καὶ ἐξέζεσεν αὐτοῖσ εἰσ τὰσ ναῦσ, καὶ μέσον τῆσ χώρασ αὐτῆσ ἀνεφύησαν μύεσ, καὶ ἐγένετο σύγχυσισ θανάτου μεγάλη ἐν τῇ πόλει. καὶ εἶδον οἱ ἄνδρεσ Ἀζώτου ὅτι οὕτωσ, καὶ λέγουσιν. ὅτι οὐ καθήσεται κιβωτὸσ τοῦ Θεοῦ Ἰσραὴλ μεθ̓ ἡμῶν, ὅτι σκληρὰ χεὶρ αὐτοῦ ἐφ̓ ἡμᾶσ καὶ ἐπὶ Δαγὼν θεὸν ἡμῶν. καὶ ἀποστέλλουσι καὶ συνάγουσι τοὺσ σατράπασ τῶν ἀλλοφύλων πρὸσ αὐτοὺσ καὶ λέγουσι. τί ποιήσωμεν τῇ κιβωτῷ Θεοῦ Ἰσραήλ̣ καὶ λέγουσιν οἱ Γεθαῖοι. μετελθέτω κιβωτὸσ τοῦ Θεοῦ πρὸσ ἡμᾶσ. καὶ μετῆλθε κιβωτὸσ τοῦ Θεοῦ Ἰσραὴλ εἰσ Γέθ. καὶ ἐγενήθη μετὰ τὸ μετελθεῖν αὐτὴν καὶ γίνεται χεὶρ Κυρίου τῇ πόλει, τάραχοσ μέγασ σφόδρα, καὶ ἐπάταξε τοὺσ ἄνδρασ τῆσ πόλεωσ ἀπὸ μικροῦ ἕωσ μεγάλου καὶ ἐπάταξεν αὐτοὺσ εἰσ τὰσ ἕδρασ αὐτῶν, καὶ ἐποίησαν οἱ Γεθαῖοι ἑαυτοῖσ ἕδρασ. καὶ ἐξαποστέλλουσι τὴν κιβωτὸν τοῦ Θεοῦ εἰσ Ἀσκάλωνα. καὶ ἐγενήθη ὡσ εἰσῆλθε κιβωτὸσ Θεοῦ εἰσ Ἀσκάλωνα, καὶ ἐβόησαν οἱ Ἀσκαλωνῖται λέγοντεσ. τί ἀπεστρέψατε τὴν κιβωτὸν τοῦ Θεοῦ Ἰσραὴλ πρὸσ ἡμᾶσ θανατῶσαι ἡμᾶσ καὶ τὸν λαὸν ἡμῶν̣ καὶ ἐξαποστέλλουσι καὶ συνάγουσι τοὺσ σατράπασ τῶν ἀλλοφύλων καὶ εἶπον. ἐξαποστείλατε τὴν κιβωτὸν τοῦ Θεοῦ Ἰσραήλ, καὶ καθισάτω εἰσ τὸν τόπον αὐτῆσ καὶ οὐ μὴ θανατώσῃ ἡμᾶσ καὶ τὸν λαὸν ἡμῶν. ὅτι ἐγενήθη σύγχυσισ ἐν ὅλῃ τῇ πόλει βαρεῖα σφόδρα, ὡσ εἰσῆλθε κιβωτὸσ Θεοῦ Ἰσραὴλ ἐκεῖ, καὶ οἱ ζῶντεσ καὶ οὐκ ἀποθανόντεσ ἐπλήγησαν εἰσ τὰσ ἕδρασ, καὶ ἀνέβη ἡ κραυγὴ τῆσ πόλεωσ εἰσ τὸν οὐρανόν.

목록

일치하는 문장이 없습니다.

SEARCH

MENU NAVIGATION