Septuagint, Liber I Samuelis 4:

(70인역 성경, 사무엘기 상권 4:)

ΚΑΙ ἐγενήθη ἐν ταῖσ ἡμέραισ ἐκείναισ καὶ συναθροίζονται ἀλλόφυλοι ἐπὶ Ἰσραὴλ εἰσ πόλεμον. καὶ ἐξῆλθεν Ἰσραὴλ εἰσ ἀπάντησιν αὐτοῖσ εἰσ πόλεμον καὶ παρεμβάλλουσιν ἐπὶ Ἀβενέζερ, καὶ οἱ ἀλλόφυλοι παρεμβάλλουσιν ἐν Ἀφέκ. καὶ παρατάσσονται ἀλλόφυλοι εἰσ πόλεμον ἐπὶ Ἰσραήλ. καὶ ἔκλινεν ὁ πόλεμοσ, καὶ ἔπταισεν ἀνὴρ Ἰσραὴλ ἐνώπιον ἀλλοφύλων, καὶ ἐπλήγησαν ἐν τῇ παρατάξει ἐν ἀγρῷ τέσσαρεσ χιλιάδεσ ἀνδρῶν. καὶ ἦλθεν ὁ λαὸσ εἰσ τὴν παρεμβολήν, καὶ εἶπαν οἱ πρεσβύτεροι Ἰσραήλ. κατὰ τί ἔπταισεν ἡμᾶσ Κύριοσ σήμερον ἐνώπιον ἀλλοφύλων̣ λάβωμεν τὴν κιβωτὸν τοῦ Θεοῦ ἡμῶν ἐκ Σηλώμ, καὶ ἐξελθέτω ἐκ μέσου ἡμῶν, καὶ σώσει ἡμᾶσ ἐκ χειρὸσ ἐχθρῶν ἡμῶν. καὶ ἀπέστειλεν ὁ λαὸσ εἰσ Σηλώμ, καὶ αἴρουσιν ἐκεῖθεν τὴν κιβωτὸν Κυρίου καθημένου Χερουβίμ. καὶ ἀμφότεροι οἱ υἱοὶ Ἡλὶ μετὰ τῆσ κιβωτοῦ, Ὀφνὶ καὶ Φινεέσ. καὶ ἐγενήθη ὡσ ἦλθεν ἡ κιβωτὸσ Κυρίου εἰσ τὴν παρεμβολήν, καὶ ἀνέκραξε πᾶσ Ἰσραὴλ φωνῇ μεγάλῃ, καὶ ἤχησεν ἡ γῆ. καὶ ἤκουσαν οἱ ἀλλόφυλοι τῆσ κραυγῆσ, καὶ εἶπον οἱ ἀλλόφυλοι. τίσ ἡ κραυγὴ ἡ μεγάλη αὕτη ἐν τῇ παρεμβολῇ τῶν Ἑβραίων̣ καὶ ἔγνωσαν ὅτι κιβωτὸσ Κυρίου ἥκει εἰσ τὴν παρεμβολήν. καὶ ἐφοβήθησαν οἱ ἀλλόφυλοι καὶ εἶπον. οὗτοι οἱ θεοὶ ἥκασι πρὸσ αὐτοὺσ εἰσ τὴν παρεμβολήν. οὐαὶ ἡμῖν. ἐξελοῦ ἡμᾶσ, κύριε, σήμερον, ὅτι οὐ γέγονε τοιαύτη ἐχθὲσ καὶ τρίτην. οὐαὶ ἡμῖν. τίσ ἐξελεῖται ἡμᾶσ ἐκ χειρὸσ τῶν θεῶν τῶν στερεῶν τούτων̣ οὗτοι οἱ θεοί, οἱ πατάξαντεσ τὴν Αἴγυπτον ἐν πάσῃ πληγῇ καὶ ἐν τῇ ἐρήμῳ. κραταιοῦσθε καὶ γίνεσθε εἰσ ἄνδρασ ἀλλόφυλοι, ὅπωσ μὴ δουλεύσητε τοῖσ Ἑβραίοισ, καθὼσ ἐδούλευσαν ἡμῖν, καὶ ἔσεσθε εἰσ ἄνδρασ καὶ πολεμήσατε αὐτούσ. καὶ ἐπολέμησαν αὐτούσ. καὶ πταίει ἀνὴρ Ἰσραὴλ, καὶ ἔφυγεν ἕκαστοσ εἰσ σκήνωμα αὐτοῦ. καὶ ἐγένετο πληγή μεγάλη σφόδρα, καὶ ἔπεσον ἐξ Ἰσραὴλ τριάκοντα χιλιάδεσ ταγμάτων. καὶ κιβωτὸσ τοῦ Θεοῦ ἐλήφθη, καὶ ἀμφότεροι οἱ υἱοὶ Ἡλὶ ἀπέθανον, Ὀφνὶ καὶ Φινεέσ. Καὶ ἔδραμεν ἀνὴρ Ἰεμιναῖοσ ἐκ τῆσ παρατάξεωσ καὶ ἦλθεν εἰσ Σηλὼμ ἐν τῇ ἡμέρᾳ ἐκείνῃ, καὶ τὰ ἱμάτια αὐτοῦ διερρωγότα, καὶ γῆ ἐπὶ τῆσ κεφαλῆσ αὐτοῦ. καὶ ἦλθε, καὶ ἰδοὺ Ἡλὶ ἐπὶ τοῦ δίφρου παρὰ τὴν πύλη σκοπεύων τὴν ὁδόν, ὅτι ἦν καρδία αὐτοῦ ἐξεστηκυῖα περὶ τῆσ κιβωτοῦ τοῦ Θεοῦ. καὶ ὁ ἄνθρωποσ εἰσῆλθεν εἰσ τὴν πόλιν ἀπαγγεῖλαι, καὶ ἀνεβόησεν ἡ πόλισ. καὶ ἤκουσεν Ἡλὶ τὴν ̀ρ̀ν̀ρ̀ν̀ρ̀ν̀ρ̀νφωνὴν τῆσ βοῆσ καὶ εἶπε. τίσ ἡ φωνὴ τῆσ βοῆσ ταύτησ̣ καὶ ὁ ἄνθρωποσ σπεύσασ εἰσῆλθε καὶ ἀπήγγειλε τῷ Ἡλί. καὶ Ἡλὶ υἱὸσ ἐνενήκοντα ἐτῶν, καὶ οἱ ὀφθαλμοὶ αὐτοῦ ἐπανέστησαν καὶ οὐκ ἐπέβλεπε. καὶ εἶπεν Ἡλὶ τοῖσ ἀνδράσι τοῖσ περιεστηκόσιν αὐτῷ. τίσ ἡ φωνὴ τοῦ ἤχου τούτου̣ καὶ ὁ ἀνὴρ σπεύσασ προσῆλθε πρὸσ Ἡλὶ καὶ εἶπεν αὐτῷ. ἐγώ εἰμι ὁ ἥκων ἐκ τῆσ παρεμβολῆσ, κἀγὼ πέφευγα ἐκ τῆσ παρατάξεωσ σήμερον. καὶ εἶπεν Ἡλί. τί τὸ γεγονὸσ ρῆμα, τέκνον̣ καὶ ἀπεκρίθη τὸ παιδάριον καὶ εἶπε. πέφευγεν ἀνὴρ Ἰσραὴλ ἐκ προσώπου ἀλλοφύλων, καὶ ἐγένετο πληγὴ μεγάλη ἐν τῷ λαῷ, καὶ ἀμφότεροι οἱ υἱοὶ σου τεθνήκασι, καὶ ἡ κιβωτὸσ τοῦ Θεοῦ ἐλήφθη. καὶ ἐγένετο ὡσ ἐμνήσθη τῆσ κιβωτοῦ τοῦ Θεοῦ, καὶ ἔπεσεν ἀπὸ τοῦ δίφρου ὀπισθίωσ ἐχόμενοσ τῆσ πύλησ, καὶ συνετρίβη ὁ νῶτοσ αὐτοῦ καὶ ἀπέθανεν, ὅτι πρεσβύτησ ὁ ἄνθρωποσ καὶ βαρύσ. καὶ αὐτὸσ ἔκρινε τὸν Ἰσραὴλ εἴκοσιν ἔτη. Καὶ νύμφη αὐτοῦ γυνὴ Φινεὲσ συνειληφυῖα τοῦ τεκεῖν. καὶ ἤκουσε τὴν ἀγγελίαν ὅτι ἐλήφθη ἡ κιβωτὸσ τοῦ Θεοῦ καὶ ὅτι τέθνηκεν ὁ πενθερὸσ αὐτῆσ καὶ ὁ ἀνὴρ αὐτῆσ, καὶ ἔκλαυσε καὶ ἔτεκεν, ὅτι ἐπεστράφησαν ἐπ̓ αὐτὴν ὠδῖνεσ αὐτῆσ. καὶ ἐν τῷ καιρῷ αὐτῆσ ἀποθνήσκει, καὶ εἶπον αὐτῇ αἱ γυναῖκεσ αἱ παρεστηκυῖαι αὐτῇ. μὴ φοβοῦ, ὅτι υἱὸν τέτοκασ. καὶ οὐκ ἀπεκρίθη, καὶ οὐκ ἐνόησεν ἡ καρδία αὐτῆσ. καὶ ἐκάλεσε τὸ παιδάριον Οὐαὶ Βαρχαβὼθ ὑπὲρ τῆσ κιβωτοῦ τοῦ Θεοῦ καὶ ὑπὲρ τοῦ πενθεροῦ αὐτῆσ καὶ ὑπὲρ τοῦ ἀνδρὸσ αὐτῆσ. καὶ εἶπαν. ἀπῴκισται δόξα Ἰσραὴλ ἐν τῷ ληφθῆναι τὴν κιβωτὸν Κυρίου.

목록

일치하는 문장이 없습니다.

SEARCH

MENU NAVIGATION