헬라어 문장 검색 - Σεπτύ009́003́

(70인역 성경, 사무엘기 상권 3:)

ΚΑΙ τὸ παιδάριον Σαμουὴλ ἦν λειτουργῶν τῷ Κυρίῳ ἐνώπιον Ἡλὶ τοῦ ἱερέωσ. καὶ ρῆμα Κυρίου ἦν τίμιον ἐν ταῖσ ἡμέραισ ἐκείναισ, οὐκ ἦν ὅρασισ διαστέλλουσα. καὶ ἐγένετο ἐν τῇ ἡμέρᾳ ἐκείνῃ καὶ Ἡλὶ ἐκάθευδεν ἐν τῷ τόπῳ αὐτοῦ, καὶ οἱ ὀφθαλμοὶ αὐτοῦ ἤρξαντο βαρύνεσθαι, καὶ οὐκ ἠδύναντο βλέπειν. καὶ ὁ λύχνοσ τοῦ Θεοῦ πρὶν ἐπισκευασθῆναι, καὶ Σαμουὴλ ἐκάθευδεν ἐν τῷ ναῷ, οὗ ἡ κιβωτὸσ τοῦ Θεοῦ. καὶ ἐκάλεσε Κύριοσ. Σαμουὴλ Σαμουήλ. καὶ εἶπεν. ἰδοὺ ἐγώ. καὶ ἔδραμε πρὸσ Ἡλὶ καὶ εἶπεν. ἰδοὺ ἐγώ, ὅτι κέκληκάσ με. καὶ εἶπεν. οὐ κέκληκά σε, ἀνάστρεφε, κάθευδε. καὶ ἀνέστρεψε καὶ ἐκάθευδε. καὶ προσέθετο Κύριοσ καὶ ἐκάλεσε. Σαμουὴλ Σαμουήλ. καὶ ἐπορεύθη πρὸσ Ἡλὶ τὸ δεύτερον καὶ εἶπεν. ἰδοὺ ἐγώ, ὅτι κέκληκάσ με. καὶ εἶπεν. οὐ κέκληκά σε, ἀνάστρεφε, κάθευδε. καὶ Σαμουὴλ πρὶν ἢ γνῶναι Θεὸν καὶ ἀποκαλυφθῆναι αὐτῷ ρῆμα Κυρίου. καὶ προσέθετο Κύριοσ καλέσαι Σαμουὴλ ἐν τρίτῳ. καὶ ἀνέστη καὶ ἐπορεύθη πρὸσ Ἡλὶ καὶ εἶπεν. ἰδοὺ ἐγώ, ὅτι κέκληκάσ με. καὶ ἐσοφίσατο Ἡλὶ ὅτι Κύριοσ κέκληκε τὸ παιδάριον, καὶ εἶπεν. ἀνάστρεφε, κάθευδε, τέκνον, καὶ ἔσται ἐὰν καλέσῃ σε καὶ ἐρεῖσ. λάλει, Κύριε, ὅτι ἀκούει ὁ δοῦλόσ σου. καὶ ἐπορεύθῃ Σαμουὴλ καὶ ἐκοιμήθη ἐν τῷ τόπῳ αὐτοῦ. καὶ ἦλθε Κύριοσ καὶ κατέστη καὶ ἐκάλεσεν αὐτὸν ὡσ ἅπαξ καὶ ἅπαξ, καὶ εἶπε Σαμουήλ. λάλει, ὅτι ἀκούει ὁ δοῦλόσ σου. καὶ εἶπε Κύριοσ πρὸσ Σαμουήλ. ἰδοὺ ἐγὼ ποιῶ τὰ ρήματά μου ἐν Ἰσραήλ, ὥστε παντὸσ ἀκούοντοσ αὐτὰ ἠχήσει ἀμφότερα τὰ ὦτα αὐτοῦ. ἐν τῇ ἡμέρᾳ ἐκείνῃ ἐπεγερῶ ἐπὶ Ἡλὶ πάντα, ὅσα ἐλάλησα εἰσ τὸν οἶκον αὐτοῦ, ἄρξομαι καὶ ἐπιτελέσω. καὶ ἀνήγγελκα αὐτῷ ὅτι ἐκδικῶ ἐγὼ τὸν οἶκον αὐτοῦ ἕωσ αἰῶνοσ ἐν ἀδικίαισ υἱῶν αὐτοῦ, ὅτι κακολογοῦντεσ Θεὸν οἱ υἱοὶ αὐτοῦ, καὶ οὐκ ἐνουθέτει αὐτοὺς καὶ οὐδ̓ οὕτωσ. ὤμοσα τῷ οἴκῳ Ἡλί. εἰ ἐξιλασθήσεται ἀδικία οἴκου Ἡλὶ ἐν θυμιάματι καὶ ἐν θυσίαισ ἕωσ αἰῶνοσ. καὶ κοιμᾶται Σαμουὴλ ἕωσ πρωί̈ καὶ ὤρθρισε τὸ πρωί̈ καὶ ἤνοιξε τὰσ θύρασ οἴκου Κυρίου. καὶ Σαμουὴλ ἐφοβήθη ἀπαγγεῖλαι τὴν ὅρασιν τῷ Ἡλί. καὶ εἶπεν Ἡλὶ πρὸσ Σαμουήλ. Σαμουὴλ τέκνον. καὶ εἶπεν. ἰδοὺ ἐγώ. καὶ εἶπε. τί τὸ ρῆμα τὸ λαληθὲν πρόσ σε̣ μὴ δὴ κρύψῃσ ἀπ̓ ἐμοῦ. τάδε ποιήσαι σοι ὁ Θεὸσ καὶ τάδε προσθείη, ἐὰν κρύψῃσ ἀπ̓ ἐμοῦ ρῆμα ἐκ πάντων τῶν λόγων τῶν λαληθέντων σοι ἐν τοῖσ ὠσί σου. καὶ ἀπήγγειλε Σαμουὴλ πάντασ τοὺσ λόγουσ καὶ οὐκ ἔκρυψεν ἀπ̓ αὐτοῦ. καὶ εἶπεν Ἡλί. Κύριοσ αὐτόσ, τὸ ἀγαθὸν ἐνώπιον αὐτοῦ ποιήσει. καὶ ἐμεγαλύνθη Σαμουήλ, καὶ ἦν Κύριοσ μετ̓ αὐτοῦ, καὶ οὐκ ἔπεσεν ἀπὸ πάντων τῶν λόγων αὐτοῦ ἐπὶ τὴν γῆν. καὶ ἔγνωσαν πᾶσ Ἰσραὴλ ἀπὸ Δὰν καὶ ἕωσ Βηρσαβεὲ ὅτι πιστὸσ Σαμουὴλ εἰσ προφήτην τῷ Κυρίῳ. καὶ προσέθετο Κύριοσ δηλωθῆναι ἐν Σηλώμ, ὅτι ἀπεκαλύφθη Κύριοσ πρὸσ Σαμουήλ. καὶ ἐπιστεύθη Σαμουὴλ τοῦ προφήτησ γενέσθαι τῷ Κυρίῳ εἰσ πάντα Ἰσραὴλ ἀπ̓ ἄκρων τῆσ γῆσ καὶ ἕωσ ἄκρων. καὶ Ἡλὶ πρεσβύτησ σφόδρα, καὶ οἱ υἱοὶ αὐτοῦ πορευόμενοι ἐπορεύοντο καὶ πονηρὰ ἡ ὁδὸσ αὐτῶν ἐνώπιον Κυρίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Samuelis 3:

(70인역 성경, 사무엘기 상권 3:)

목록

SEARCH

MENU NAVIGATION