Septuagint, Liber I Samuelis 1:

(70인역 성경, 사무엘기 상권 1:)

ΑΝΘΡΩΠΟΣ ἦν ἐξ Ἀρμαθαὶμ Σιφά, ἐξ ὄρουσ Ἐφραίμ, καὶ ὄνομα αὐτῷ Ἑλκανὰ υἱὸσ Ἱερεμεὴλ υἱοῦ Ἠλιοὺ υἱοῦ Θοκὲ ἐν Νασὶβ Ἐφραίμ. καὶ τούτῳ δύο γυναῖκεσ. ὄνομα τῇ μιᾷ Ἄννα,καὶ ὄνομα τῇ δευτέρᾳ Φεννάνα. καὶ ἦν τῇ Φεννάνᾳ παιδία, καὶ τῇ Ἄννᾳ οὐκ ἦν παιδίον. καὶ ἀνέβαινεν ὁ ἄνθρωποσ ἐξ ἡμερῶν εἰσ ἡμέρασ ἐκ πόλεωσ αὐτοῦ ἐξ Ἀρμαθαὶμ προσκυνεῖν καὶ θύειν Κυρίῳ τῷ Θεῷ Σαβαὼθ εἰσ Σηλώ. καὶ ἐκεῖ Ἡλὶ καὶ οἱ δύο υἱοὶ αὐτοῦ Ὀφνὶ καὶ Φινεὲσ ἱερεῖσ τοῦ Κυρίου. καὶ ἐγενήθη ἡμέρα καὶ ἔθυσεν Ἑλκανὰ καὶ ἔδωκε τῇ Φεννάνᾳ, γυναικὶ αὐτοῦ, καὶ τοῖσ υἱοῖσ αὐτῆσ μερίδασ. καὶ τῇ Ἄννᾳ ἔδωκε μερίδα μίαν, ὅτι οὐκ ἦν αὐτῇ παιδίον, πλὴν ὅτι τὴν Ἄνναν ἠγάπα Ἑλκανὰ ὑπὲρ ταύτην. καὶ Κύριοσ ἀπέκλεισε τὰ περὶ τὴν μήτραν αὐτῆσ, ὅτι οὐκ ἔδωκεν αὐτῇ Κύριοσ παιδίον κατὰ τὴν θλῖψιν αὐτῆσ καὶ κατὰ τὴν ἀθυμίαντῆσ θλίψεωσ αὐτῆσ, καὶ ἠθύμει διὰ τοῦτο, ὅτι συνέκλεισε Κύριοσ τὰ περὶ τὴν μήτραν αὐτῆσ τοῦ μὴ δοῦναι αὐτῇ παιδίον. οὕτωσ ἐποίει ἐνιαυτὸν κατ̓ ἐνιαυτόν, ἐν τῷ ἀναβαίνειν αὐτὴν εἰσ οἶκον Κυρίου. καὶ ἠθύμει καὶ ἔκλαιε καὶ οὐκ ἤσθιε. καὶ εἶπεν αὐτῇ Ἑλκανὰ ὁ ἀνὴρ αὐτῆσ. Ἄννα. καὶ εἶπεν αὐτῷ. ἰδοὺ ἐγώ, κύριε. καί εἶπεν αὐτῇ. τί ἔστι σοι, ὅτι κλαίεισ̣ καὶ ἱνατί οὐκ ἐσθίεισ̣ καὶ ἱνατί τύπτει σε ἡ καρδία σου̣ οὐκ ἀγαθὸσ ἐγώ σοι ὑπὲρ δέκα τέκνα̣ καὶ ἀνέστη Ἄννα μετὰ τὸ φαγεῖν αὐτοὺσ ἐν Σηλὼ καὶ κατέστη ἐνώπιον Κυρίου, καὶ Ἡλὶ ὁ ἱερεὺσ ἐκάθητο ἐπὶ τοῦ δίφρου ἐπὶ τῶν φλιῶν ναοῦ Κυρίου. καὶ αὐτὴ κατώδυνοσ ψυχῇ καὶ προσηύξατο πρὸσ Κύριον καὶ κλαίουσα ἔκλαυσε καὶ ηὔξατο εὐχὴν Κυρίῳ λέγουσα. Ἀδωναί̈ Κύριε Ἐλωὲ Σαβαώθ, ἐὰν ἐπιβλέπων ἐπιβλέψῃσ ἐπὶ τὴν ταπείνωσιν τῆσ δούλησ σου καὶ μνησθῇσ μου καὶ δῷσ τῇ δούλῃ σου σπέρμα ἀνδρῶν, καὶ δώσω αὐτὸν ἐνώπιόν σου δοτὸν ἕωσ ἡμέρασ θανάτου αὐτοῦ, καὶ οἶνον καὶ μέθυσμα οὐ πίεται, καὶ σίδηροσ οὐκ ἀναβήσεται ἐπὶ τὴν κεφαλὴν αὐτοῦ. καὶ ἐγενήθη ὅτε ἐπλήθυνε προσευχομένη ἐνώπιον Κυρίου, καὶ Ἡλὶ ὁ ἱερεὺσ ἐφύλαξε τὸ στόμα αὐτῆσ. καὶ αὕτη ἐλάλει ἐν τῇ καρδίᾳ αὐτῆσ καὶ τὰ χείλη αὐτῆσ ἐκινεῖτο, καὶ φωνὴ αὐτῆσ οὐκ ἠκούετο. καὶ ἐλογίσατο αὐτὴ Ἡλὶ εἰσ μεθύουσαν. καὶ εἶπεν αὐτῇ τὸ παιδάριον Ἡλί. ἕωσ πότε μεθυσθήσῃ̣ περιελοῦ τὸν οἶνόν σου καὶ πορεύου ἐκ προσώπου Κυρίου. καὶ ἀπεκρίθη Ἄννα καὶ εἶπεν. οὐχί, κύριε. γυνή, ᾗ σκληρὰ ἡμέρα, ἐγώ εἰμι καὶ οἶνον καὶ μέθυσμα οὐ πέπωκα καὶ ἐκχέω τὴν ψυχήν μου ἐνώπιον Κυρίου. μὴ δῷσ τὴν δούλην σου εἰσ θυγατέρα λοιμήν, ὅτι ἐκ πλήθουσ ἀδολεσχίασ μου ἐκτέτακα ἕωσ νῦν. καὶ ἀπεκρίθη Ἡλὶ καὶ εἶπεν αὐτῇ. πορεύου εἰσ εἰρήνην. ὁ Θεὸσ Ἰσραὴλ δώῃ σοι πᾶν αἴτημά σου, ὃ ᾐτήσω παῤ αὐτοῦ. καὶ εἶπεν. εὗρεν ἡ δούλη σου χάριν ἐν ὀφθαλμοῖσ σου. καὶ ἐπορεύθη ἡ γυνὴ εἰσ τὴν ὁδὸν αὐτῆσ καὶ εἰσῆλθεν εἰσ τὸ κατάλυμα αὐτῆσ καὶ ἔφαγε μετὰ τοῦ ἀνδρὸσ αὐτῆσ καὶ ἔπιε, καὶ τὸ πρόσωπον αὐτῆσ οὐ συνέπεσεν ἔτι. καὶ ὀρθρίζουσι τὸ πρωί̈ καὶ προσκυνοῦσι τῷ Κυρίῳ καὶ πορεύονται τὴν ὁδὸν αὐτῶν. καὶ εἰσῆλθεν Ἑλκανὰ εἰσ τὸν οἶκον αὐτοῦ Ἀρμαθαὶμ καὶ ἔγνω τὴν Ἄνναν γυναῖκα αὐτοῦ, καὶ ἐμνήσθη αὐτῆσ Κύριοσ, καὶ συνέλαβε. καὶ ἐγενήθη τῷ καιρῷ τῶν ἡμερῶν καὶ ἔτεκεν υἱόν. καὶ ἐκάλεσε τὸ ὄνομα αὐτοῦ Σαμουὴλ καὶ εἶπεν. ὅτι παρὰ Κυρίου Θεοῦ Σαβαὼθ ᾐτησάμην αὐτόν. Καὶ ἀνέβη ὁ ἄνθρωποσ Ἑλκανὰ καὶ πᾶσ ὁ οἶκοσ αὐτοῦ θῦσαι ἐν Σηλὼμ τὴν θυσίαν τῶν ἡμερῶν καὶ τὰσ εὐχὰσ αὐτοῦ καὶ πάσασ τὰσ δεκάτασ τῆσ γῆσ αὐτοῦ. καὶ Ἄννα οὐκ ἀνέβη μετ̓ αὐτοῦ, ὅτι εἶπε τῷ ἀνδρὶ αὐτῆσ. ἕωσ τοῦ ἀναβῆναι τὸ παιδάριον, ἐὰν ἀπογαλακτίσω αὐτό, καὶ ὀφθήσεται τῷ προσώπῳ Κυρίου καὶ καθήσεται ἕωσ αἰῶνοσ ἐκεῖ. καὶ εἶπεν αὐτῇ Ἑλκανὰ ὁ ἀνὴρ αὐτῆσ. ποίει τὸ ἀγαθὸν ἐν ὀφθαλμοῖσ σου, κάθου ἕωσ ἂν ἀπογαλακτίσῃσ αὐτό. ἀλλὰ στήσαι Κύριοσ τὸ ἐξελθὸν ἐκ τοῦ στόματόσ σου. καὶ ἐκάθισεν ἡ γυνὴ καὶ ἐθήλασε τὸν υἱὸν αὐτῆσ, ἕωσ ἂν ἀπογαλακτίσῃ αὐτόν. καὶ ἀνέβη μετ̓ αὐτοῦ εἰσ Σηλὼμ ἐν μόσχῳ τριετίζοντι καὶ ἄρτοισ καὶ οἰφὶ σεμιδάλεωσ καὶ νέβελ οἴνου καὶ εἰσῆλθεν εἰσ οἶκον Κυρίου ἐν Σηλώμ, καὶ τὸ παιδάριον μετ̓ αὐτῶν. καὶ προσήγαγον ἐνώπιον Κυρίου, καὶ ἔσφαξεν ὁ πατὴρ αὐτοῦ τὴν θυσίαν, ἣν ἐποίει ἐξ ἡμερῶν εἰσ ἡμέρασ τῷ Κυρίῳ, καὶ προσήγαγε τὸ παιδάριον καὶ ἔσφαξε τὸν μόσχον. καὶ προσήγαγεν Ἄννα ἡ μήτηρ τοῦ παιδίου πρὸσ Ἡλὶ καὶ εἶπεν. ἐν ἐμοί, κύριε. ζῇ ἡ ψυχή σου, ἐγὼ ἡ γυνὴ ἡ καταστᾶσα ἐνώπιόν σου μετὰ σοῦ ἐν τῷ προσεύξασθαι πρὸσ Κύριον. ὑπὲρ τοῦ παιδαρίου τούτου προσηυξάμην, καὶ ἔδωκέ μοι Κύριοσ τὸ αἴτημά μου, ὃ ᾐτησάμην παῤ αὐτοῦ. κἀγὼ κιχρῶ αὐτὸν τῷ Κυρίῳ πάσασ τὰσ ἡμέρασ, ἃσ ζῇ αὐτόσ, χρῆσιν τῷ Κυρίῳ. Καὶ εἶπεν.

목록

일치하는 문장이 없습니다.

SEARCH

MENU NAVIGATION