헬라어 문장 검색 - Σεπτύ009́001́

(70인역 성경, 사무엘기 상권 1:)

ΑΝΘΡΩΠΟΣ ἦν ἐξ Ἀρμαθαὶμ Σιφά, ἐξ ὄρουσ Ἐφραίμ, καὶ ὄνομα αὐτῷ Ἑλκανὰ υἱὸσ Ἱερεμεὴλ υἱοῦ Ἠλιοὺ υἱοῦ Θοκὲ ἐν Νασὶβ Ἐφραίμ. καὶ τούτῳ δύο γυναῖκεσ. ὄνομα τῇ μιᾷ Ἄννα,καὶ ὄνομα τῇ δευτέρᾳ Φεννάνα. καὶ ἦν τῇ Φεννάνᾳ παιδία, καὶ τῇ Ἄννᾳ οὐκ ἦν παιδίον. καὶ ἀνέβαινεν ὁ ἄνθρωποσ ἐξ ἡμερῶν εἰσ ἡμέρασ ἐκ πόλεωσ αὐτοῦ ἐξ Ἀρμαθαὶμ προσκυνεῖν καὶ θύειν Κυρίῳ τῷ Θεῷ Σαβαὼθ εἰσ Σηλώ. καὶ ἐκεῖ Ἡλὶ καὶ οἱ δύο υἱοὶ αὐτοῦ Ὀφνὶ καὶ Φινεὲσ ἱερεῖσ τοῦ Κυρίου. καὶ ἐγενήθη ἡμέρα καὶ ἔθυσεν Ἑλκανὰ καὶ ἔδωκε τῇ Φεννάνᾳ, γυναικὶ αὐτοῦ, καὶ τοῖσ υἱοῖσ αὐτῆσ μερίδασ. καὶ τῇ Ἄννᾳ ἔδωκε μερίδα μίαν, ὅτι οὐκ ἦν αὐτῇ παιδίον, πλὴν ὅτι τὴν Ἄνναν ἠγάπα Ἑλκανὰ ὑπὲρ ταύτην. καὶ Κύριοσ ἀπέκλεισε τὰ περὶ τὴν μήτραν αὐτῆσ, ὅτι οὐκ ἔδωκεν αὐτῇ Κύριοσ παιδίον κατὰ τὴν θλῖψιν αὐτῆσ καὶ κατὰ τὴν ἀθυμίαντῆσ θλίψεωσ αὐτῆσ, καὶ ἠθύμει διὰ τοῦτο, ὅτι συνέκλεισε Κύριοσ τὰ περὶ τὴν μήτραν αὐτῆσ τοῦ μὴ δοῦναι αὐτῇ παιδίον. οὕτωσ ἐποίει ἐνιαυτὸν κατ̓ ἐνιαυτόν, ἐν τῷ ἀναβαίνειν αὐτὴν εἰσ οἶκον Κυρίου. καὶ ἠθύμει καὶ ἔκλαιε καὶ οὐκ ἤσθιε. καὶ εἶπεν αὐτῇ Ἑλκανὰ ὁ ἀνὴρ αὐτῆσ. Ἄννα. καὶ εἶπεν αὐτῷ. ἰδοὺ ἐγώ, κύριε. καί εἶπεν αὐτῇ. τί ἔστι σοι, ὅτι κλαίεισ̣ καὶ ἱνατί οὐκ ἐσθίεισ̣ καὶ ἱνατί τύπτει σε ἡ καρδία σου̣ οὐκ ἀγαθὸσ ἐγώ σοι ὑπὲρ δέκα τέκνα̣ καὶ ἀνέστη Ἄννα μετὰ τὸ φαγεῖν αὐτοὺσ ἐν Σηλὼ καὶ κατέστη ἐνώπιον Κυρίου, καὶ Ἡλὶ ὁ ἱερεὺσ ἐκάθητο ἐπὶ τοῦ δίφρου ἐπὶ τῶν φλιῶν ναοῦ Κυρίου. καὶ αὐτὴ κατώδυνοσ ψυχῇ καὶ προσηύξατο πρὸσ Κύριον καὶ κλαίουσα ἔκλαυσε καὶ ηὔξατο εὐχὴν Κυρίῳ λέγουσα. Ἀδωναί̈ Κύριε Ἐλωὲ Σαβαώθ, ἐὰν ἐπιβλέπων ἐπιβλέψῃσ ἐπὶ τὴν ταπείνωσιν τῆσ δούλησ σου καὶ μνησθῇσ μου καὶ δῷσ τῇ δούλῃ σου σπέρμα ἀνδρῶν, καὶ δώσω αὐτὸν ἐνώπιόν σου δοτὸν ἕωσ ἡμέρασ θανάτου αὐτοῦ, καὶ οἶνον καὶ μέθυσμα οὐ πίεται, καὶ σίδηροσ οὐκ ἀναβήσεται ἐπὶ τὴν κεφαλὴν αὐτοῦ. καὶ ἐγενήθη ὅτε ἐπλήθυνε προσευχομένη ἐνώπιον Κυρίου, καὶ Ἡλὶ ὁ ἱερεὺσ ἐφύλαξε τὸ στόμα αὐτῆσ. καὶ αὕτη ἐλάλει ἐν τῇ καρδίᾳ αὐτῆσ καὶ τὰ χείλη αὐτῆσ ἐκινεῖτο, καὶ φωνὴ αὐτῆσ οὐκ ἠκούετο. καὶ ἐλογίσατο αὐτὴ Ἡλὶ εἰσ μεθύουσαν. καὶ εἶπεν αὐτῇ τὸ παιδάριον Ἡλί. ἕωσ πότε μεθυσθήσῃ̣ περιελοῦ τὸν οἶνόν σου καὶ πορεύου ἐκ προσώπου Κυρίου. καὶ ἀπεκρίθη Ἄννα καὶ εἶπεν. οὐχί, κύριε. γυνή, ᾗ σκληρὰ ἡμέρα, ἐγώ εἰμι καὶ οἶνον καὶ μέθυσμα οὐ πέπωκα καὶ ἐκχέω τὴν ψυχήν μου ἐνώπιον Κυρίου. μὴ δῷσ τὴν δούλην σου εἰσ θυγατέρα λοιμήν, ὅτι ἐκ πλήθουσ ἀδολεσχίασ μου ἐκτέτακα ἕωσ νῦν. καὶ ἀπεκρίθη Ἡλὶ καὶ εἶπεν αὐτῇ. πορεύου εἰσ εἰρήνην. ὁ Θεὸσ Ἰσραὴλ δώῃ σοι πᾶν αἴτημά σου, ὃ ᾐτήσω παῤ αὐτοῦ. καὶ εἶπεν. εὗρεν ἡ δούλη σου χάριν ἐν ὀφθαλμοῖσ σου. καὶ ἐπορεύθη ἡ γυνὴ εἰσ τὴν ὁδὸν αὐτῆσ καὶ εἰσῆλθεν εἰσ τὸ κατάλυμα αὐτῆσ καὶ ἔφαγε μετὰ τοῦ ἀνδρὸσ αὐτῆσ καὶ ἔπιε, καὶ τὸ πρόσωπον αὐτῆσ οὐ συνέπεσεν ἔτι. καὶ ὀρθρίζουσι τὸ πρωί̈ καὶ προσκυνοῦσι τῷ Κυρίῳ καὶ πορεύονται τὴν ὁδὸν αὐτῶν. καὶ εἰσῆλθεν Ἑλκανὰ εἰσ τὸν οἶκον αὐτοῦ Ἀρμαθαὶμ καὶ ἔγνω τὴν Ἄνναν γυναῖκα αὐτοῦ, καὶ ἐμνήσθη αὐτῆσ Κύριοσ, καὶ συνέλαβε. καὶ ἐγενήθη τῷ καιρῷ τῶν ἡμερῶν καὶ ἔτεκεν υἱόν. καὶ ἐκάλεσε τὸ ὄνομα αὐτοῦ Σαμουὴλ καὶ εἶπεν. ὅτι παρὰ Κυρίου Θεοῦ Σαβαὼθ ᾐτησάμην αὐτόν. Καὶ ἀνέβη ὁ ἄνθρωποσ Ἑλκανὰ καὶ πᾶσ ὁ οἶκοσ αὐτοῦ θῦσαι ἐν Σηλὼμ τὴν θυσίαν τῶν ἡμερῶν καὶ τὰσ εὐχὰσ αὐτοῦ καὶ πάσασ τὰσ δεκάτασ τῆσ γῆσ αὐτοῦ. καὶ Ἄννα οὐκ ἀνέβη μετ̓ αὐτοῦ, ὅτι εἶπε τῷ ἀνδρὶ αὐτῆσ. ἕωσ τοῦ ἀναβῆναι τὸ παιδάριον, ἐὰν ἀπογαλακτίσω αὐτό, καὶ ὀφθήσεται τῷ προσώπῳ Κυρίου καὶ καθήσεται ἕωσ αἰῶνοσ ἐκεῖ. καὶ εἶπεν αὐτῇ Ἑλκανὰ ὁ ἀνὴρ αὐτῆσ. ποίει τὸ ἀγαθὸν ἐν ὀφθαλμοῖσ σου, κάθου ἕωσ ἂν ἀπογαλακτίσῃσ αὐτό. ἀλλὰ στήσαι Κύριοσ τὸ ἐξελθὸν ἐκ τοῦ στόματόσ σου. καὶ ἐκάθισεν ἡ γυνὴ καὶ ἐθήλασε τὸν υἱὸν αὐτῆσ, ἕωσ ἂν ἀπογαλακτίσῃ αὐτόν. καὶ ἀνέβη μετ̓ αὐτοῦ εἰσ Σηλὼμ ἐν μόσχῳ τριετίζοντι καὶ ἄρτοισ καὶ οἰφὶ σεμιδάλεωσ καὶ νέβελ οἴνου καὶ εἰσῆλθεν εἰσ οἶκον Κυρίου ἐν Σηλώμ, καὶ τὸ παιδάριον μετ̓ αὐτῶν. καὶ προσήγαγον ἐνώπιον Κυρίου, καὶ ἔσφαξεν ὁ πατὴρ αὐτοῦ τὴν θυσίαν, ἣν ἐποίει ἐξ ἡμερῶν εἰσ ἡμέρασ τῷ Κυρίῳ, καὶ προσήγαγε τὸ παιδάριον καὶ ἔσφαξε τὸν μόσχον. καὶ προσήγαγεν Ἄννα ἡ μήτηρ τοῦ παιδίου πρὸσ Ἡλὶ καὶ εἶπεν. ἐν ἐμοί, κύριε. ζῇ ἡ ψυχή σου, ἐγὼ ἡ γυνὴ ἡ καταστᾶσα ἐνώπιόν σου μετὰ σοῦ ἐν τῷ προσεύξασθαι πρὸσ Κύριον. ὑπὲρ τοῦ παιδαρίου τούτου προσηυξάμην, καὶ ἔδωκέ μοι Κύριοσ τὸ αἴτημά μου, ὃ ᾐτησάμην παῤ αὐτοῦ. κἀγὼ κιχρῶ αὐτὸν τῷ Κυρίῳ πάσασ τὰσ ἡμέρασ, ἃσ ζῇ αὐτόσ, χρῆσιν τῷ Κυρίῳ. Καὶ εἶπεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Samuelis 1:

(70인역 성경, 사무엘기 상권 1:)

목록

SEARCH

MENU NAVIGATION