헬라어 문장 검색 - Σεπτύ008́004́

(70인역 성경, 룻기 4:)

ΚΑΙ Βοὸζ ἀνέβη ἐπὶ τὴν πύλην, καὶ ἐκάθισεν ἐκεῖ, καὶ ἰδοὺ ὁ ἀγχιστεὺσ παρεπορεύετο, ὃν ἐλάλησε Βοόζ. καὶ εἶπε πρὸσ αὐτὸν Βοόζ. ἐκκλίνασ κάθισον ὧδε, κρύφιε. καὶ ἐξέκλινε καὶ ἐκάθισε. καὶ ἔλαβε Βοὸζ δέκα ἄνδρασ ἀπὸ τῶν πρεσβυτέρων τῆσ πόλεωσ καὶ εἶπε. καθίσατε ὧδε. καὶ ἐκάθισαν. καὶ εἶπε Βοὸζ τῷ ἀγχιστεῖ. τὴν μερίδα τοῦ ἀγροῦ, ἥ ἐστι τοῦ ἀδελφοῦ ἡμῶν τοῦ Ἐλιμέλεχ, ἣ δέδοται Νωεμὶν τῇ ἐπιστρεφούσῃ ἐξ ἀγροῦ Μωάβ, κἀγὼ εἶπα. ἀποκαλύψω τὸ οὖσ σου λέγων. κτῆσαι ἐναντίον τῶν καθημένων καὶ ἐναντίον τῶν πρεσβυτέρων τοῦ λαοῦ μου. εἰ ἀγχιστεύεισ, ἀγχίστευε. εἰ δὲ μὴ ἀγχιστεύεισ, ἀνάγγειλόν μοι καὶ γνώσομαι. ὅτι οὐκ ἔστι πάρεξ σοῦ τοῦ ἀγχιστεῦσαι, κἀγώ εἰμι μετὰ σέ. ὁ δὲ εἶπεν. ἐγώ εἰμι, ἀγχιστεύσω. καὶ εἶπε Βοόζ. ἐν ἡμέρᾳ τοῦ κτήσασθαί σε τὸν ἀγρὸν ἐκ χειρὸσ Νωεμὶν καὶ παρὰ Ροὺθ τῆσ Μωαβίτιδοσ γυναικὸσ τοῦ τεθνηκότοσ, καὶ αὐτὴν κτήσασθαί σε δεῖ ὥστε ἀναστῆσαι τὸ ὄνομα τοῦ τεθνηκότοσ ἐπὶ τῆσ κληρονομίασ αὐτοῦ. καὶ εἶπεν ὁ ἀγχιστεύσ. οὐ δυνήσομαι ἀγχιστεῦσαι ἐμαυτῷ, μή ποτε διαφθείρω τὴν κληρονομίαν μου. ἀγχίστευσον σεαυτῷ τὴν ἀγχιστείαν μου, ὅτι οὐ δυνήσομαι ἀγχιστεῦσαι. καὶ τοῦτο τὸ δικαίωμα ἔμπροσθεν ἐν τῷ Ἰσραὴλ ἐπὶ τὴν ἀγχιστείαν καὶ ἐπὶ τὸ ἀντάλλαγμα τοῦ στῆσαι πάντα λόγον, καὶ ὑπελύετο ἀνὴρ τὸ ὑπόδημα αὐτοῦ καὶ ἐδίδου τῷ πλησίον αὐτοῦ τῷ ἀγχιστεύοντι τὴν ἀγχιστείαν αὐτοῦ, καὶ τοῦτο ἦν μαρτύριον ἐν Ἰσραήλ. καὶ εἶπεν ὁ ἀγχιστεὺσ τῷ Βοόζ. κτῆσαι σεαυτῷ τὴν ἀγχιστείαν μου. καὶ ὑπελύσατο τὸ ὑπόδημα αὐτοῦ καὶ ἔδωκεν αὐτῷ. καὶ εἶπε Βοὸζ τοῖσ πρεσβυτέροισ καὶ παντὶ τῷ λαῷ. μάρτυρεσ ὑμεῖσ σήμερον, ὅτι κέκτημαι πάντα τὰ τοῦ Ἐλιμέλεχ καὶ πάντα, ὅσα ὑπάρχει τῷ Χελαιὼν καὶ τῷ Μααλὼν ἐκ χειρὸσ Νωεμίν. καί γε Ροὺθ τὴν Μωαβῖτιν τὴν γυναῖκα Μααλὼν κέκτημαι ἐμαυτῷ εἰσ γυναῖκα τοῦ ἀναστῆσαι τὸ ὄνομα τοῦ τεθνηκότοσ ἐπὶ τῆσ κληρονομίασ αὐτοῦ, καὶ οὐκ ἐξολοθρευθήσεται τὸ ὄνομα τοῦ τεθνηκότοσ ἐκ τῶν ἀδελφῶν αὐτοῦ καὶ ἐκ τῆσ φυλῆσ λαοῦ αὐτοῦ. μάρτυρεσ ὑμεῖσ σήμερον. καὶ εἴποσαν πᾶσ ὁ λαὸσ οἱ ἐν τῇ πύλῃ. μάρτυρεσ. καὶ οἱ πρεσβύτεροι εἴποσαν. δῴη Κύριοσ τὴν γυναῖκά σου τὴν εἰσπορευομένην εἰσ τὸν οἶκόν σου ὡσ Ραχὴλ καὶ ὡσ Λείαν, αἳ ᾠκοδόμησαν ἀμφότεροι τὸν οἶκον τοῦ Ἰσραὴλ καὶ ἐποίησαν δύναμιν ἐν Ἐφραθά, καὶ ἔσται ὄνομα ἐν Βηθλεέμ. καὶ γένοιτο ὁ οἶκόσ σου ὡσ ὁ οἶκοσ Φαρέσ, ὃν ἔτεκε Θάμαρ τῷ Ἰούδᾳ, ἐκ τοῦ σπέρματοσ οὗ δώσει Κύριόσ σοι ἐκ τῆσ παιδίσκησ ταύτησ. καὶ ἔλαβε Βοὸζ τὴν Ρούθ, καὶ ἐγενήθη αὐτῷ εἰσ γυναῖκα, καὶ εἰσῆλθε πρὸσ αὐτήν, καὶ ἔδωκεν αὐτῇ Κύριοσ κύησιν, καὶ ἔτεκεν υἱόν. καὶ εἶπαν αἱγυναῖκεσ πρὸσ Νωεμίν. εὐλογητὸσ Κύριοσ, ὃσ οὐ κατέλυσέ σοι σήμερον τὸν ἀγχιστέα, καὶ καλέσαι τὸ ὄνομά σου ἐν Ἰσραήλ, καὶ ἔσται σοι εἰσ ἐπιστρέφοντα ψυχὴν καὶ τοῦ διαθρέψαι τὴν πολιάν σου, ὅτι ἡ νύμφη ἡ ἀγαπήσασά σε ἔτεκεν αὐτόν, ἥ ἐστιν ἀγαθή σοι ὑπὲρ ἑπτὰ υἱούσ. καὶ ἔλαβε Νωεμὶν τὸ παιδίον καὶ ἔθηκεν εἰσ τὸν κόλπον αὐτῆσ καὶ ἐγενήθη αὐτῷ εἰσ τιθηνόν. καὶ ἐκάλεσαν αὐτοῦ αἱ γείτονεσ ὄνομα λέγουσαι. ἐτέχθη υἱὸσ τῇ Νωεμίν. καὶ ἐκάλεσαν τὸ ὄνομα αὐτοῦ Ὠβήδ. οὗτοσ πατὴρ Ἰεσσαὶ πατρὸσ Δαυίδ. καὶ αὗται αἱ γενέσεισ Φαρέσ. Φαρὲσ ἐγέννησε τὸν Ἐσρώμ, Ἐσρὼμ δὲ ἐγέννησε τὸν Ἀράν, καὶ Ἀρὰν ἐγέννησε τὸν Ἀμιναδάβ, καὶ Ἀμιναδὰβ ἐγέννησε τὸν Ναασσών, καὶ Ναασσὼν ἐγέννησε τὸν Σαλμάν, καὶ Σαλμὰν ἐγέννησε τὸν Βοόζ, καὶ Βοὸζ ἐγέννησε τὸν Ὠβήδ, καὶ Ὠβὴδ ἐγέννησε τὸν Ἰεσσαί, καὶ Ἰεσσαὶ ἐγέννησε τὸν Δαυίδ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ruth 4:

(70인역 성경, 룻기 4:)

목록

SEARCH

MENU NAVIGATION