헬라어 문장 검색 - Σεπτύ008́002́

(70인역 성경, 룻기 2:)

ΚΑΙ τῇ Νωεμὶν ἀνὴρ γνώριμοσ τῷ ἀνδρὶ αὐτῆσ. ὁ δὲ ἀνὴρ δυνατὸσ ἰσχύϊ ἐκ τῆσ συγγενείασ Ἐλιμέλεχ, καὶ ὄνομα αὐτῷ Βοόζ. καὶ εἶπε Ροὺθ ἡ Μωαβῖτισ πρὸσ Νωεμίν. πορευθῶ δὴ εἰσ ἀγρὸν καὶ συνάξω ἐν τοῖσ στάχυσι κατόπισθεν οὗ ἐὰν εὕρω χάριν ἐν ὀφθαλμοῖσ αὐτοῦ. εἶπε δὲ αὐτῇ. πορεύου, θύγατερ. καὶ ἐπορεύθη καὶ ἐλθοῦσα συνέλεξεν ἐν τῷ ἀγρῷ κατόπισθεν τῶν θεριζόντων. καὶ περιέπεσε περιπτώματι τῇ μερίδι τοῦ ἀγροῦ Βοὸζ τοῦ ἐκ τῆσ συγγενείασ Ἐλιμέλεχ. καὶ ἰδοὺ Βοὸζ ἦλθεν ἐκ Βηθλεὲμ καὶ εἶπε τοῖσ θερίζουσι. Κύριοσ μεθ̓ ὑμῶν. καὶ εἶπον αὐτῷ. εὐλογήσαι σε Κύριοσ. καὶ εἶπε Βοὸζ τῷ παιδαρίῳ αὐτοῦ τῷ ἐφεστῶτι ἐπὶ τοὺσ θερίζοντασ. τίνοσ ἡ νεᾶνισ αὕτη̣ καὶ ἀπεκρίθη τὸ παιδάριον τὸ ἐφεστὼσ ἐπὶ τοὺσ θερίζοντασ καὶ εἶπεν. ἡ παῖσ ἡ Μωαβῖτίσ ἐστιν ἡ ἀποστραφεῖσα μετὰ Νωεμὶν ἐξ ἀγροῦ Μωὰβ καὶ εἶπε. συλλέξω δὴ καὶ συνάξω ἐν τοῖσ δράγμασιν ὄπισθεν τῶν θεριζόντων. καὶ ἦλθε καὶ ἔστη ἀπὸ πρωί̈θεν καὶ ἕωσ ἑσπέρασ, οὐ κατέπαυσεν ἐν τῷ ἀγρῷ μικρόν. καὶ εἶπε Βοὸζ πρὸσ Ρούθ. οὐκ ἤκουσασ, θύγατερ̣ μὴ πορευθῇσ ἐν ἀγρῷ συλλέξαι ἑτέρῳ, καὶ σὺ οὐ πορεύσῃ ἐντεῦθεν. ὧδε κολλήθητι μετὰ τῶν κορασίων μου. οἱ ὀφθαλμοί σου εἰσ τὸν ἀγρόν, οὗ ἐὰν θερίζωσι, καὶ πορεύσῃ κατόπισθεν αὐτῶν. ἰδοὺ ἐνετειλάμην τοῖσ παιδαρίοισ τοῦ μὴ ἅψαισθαί σου. καὶ ὅτε διψήσεισ καὶ πορευθήσῃ εἰσ τὰ σκεύη καὶ πίεσαι ὅθεν ἐὰν ὑδρεύωνται τὰ παιδάρια. καὶ ἔπεσεν ἐπὶ πρόσωπον αὐτῆσ καὶ προσεκύνησεν ἐπὶ τὴν γῆν καὶ εἶπε πρὸσ αὐτόν. τί ὅτι εὗρον χάριν ἐν ὀφθαλμοῖσ σου τοῦ ἐπιγνῶναί με, καὶ ἐγώ εἰμι ξένη̣ καὶ ἀπεκρίθη Βοὸζ καὶ εἶπεν αὐτῇ. ἀπαγγελίᾳ ἀπηγγέλη μοι ὅσα πεποίηκασ μετὰ τῆσ πενθερᾶσ σου μετὰ τὸ ἀποθανεῖν τὸν ἄνδρα σου καὶ πῶσ κατέλιπεσ τὸν πατέρα σου καὶ τὴν μητέρα σου καὶ τὴν γῆν γενέσεώσ σου καὶ ἐπορεύθησ πρὸσ λαόν, ὃν οὐκ ᾔδεισ ἐχθὲσ καὶ τρίτησ. ἀποτίσαι Κύριοσ τὴν ἐργασίαν σου καὶ γένοιτο ὁ μισθόσ σου πλήρησ παρὰ Κυρίου Θεοῦ Ἰσραήλ, πρὸσ ὃν ἦλθεσ πεποιθέναι ὑπὸτὰσ πτέρυγασ αὐτοῦ. ἡ δὲ εἶπεν. εὕροιμι χάριν ἐν ὀφθαλμοῖσ σου, κύριε, ὅτι παρεκάλεσάσ με καὶ ὅτι ἐλάλησασ ἐπὶ καρδίαν τῆσ δούλησ σου, καὶ ἰδοὺ ἐγὼ ἔσομαι ὡσ μία τῶν παιδισκῶν σου. καὶ εἶπεν αὐτῇ Βοόζ. ἤδη ὥρα τοῦ φαγεῖν, πρόσελθε ὧδε καὶ φάγεσαι τῶν ἄρτων καὶ βάψεισ τὸν ψωμόν σου ἐν τῷ ὄξει. καὶ ἐκάθισε Ροὺθ ἐκ πλαγίων τῶν θεριζόντων, καὶ ἐβούνισεν αὐτῇ Βοὸζ ἄλφιτον, καὶ ἔφαγε καὶ ἐνεπλήσθη καὶ κατέλιπε. καὶ ἀνέστη τοῦ συλλέγειν, καὶ ἐνετείλατο Βοὸζ τοῖσ παιδαρίοισ αὐτοῦ λέγων. καί γε ἀνὰ μέσον τῶν δραγμάτων συλλεγέτω, καὶ μὴ καταισχύνητε αὐτήν. καὶ βαστάζοντεσ βαστάσατε αὐτῇ καί γε παραβάλλοντεσ παραβαλεῖτε αὐτῇ ἐκ τῶν βεβουνισμένων. καὶ φάγεται καὶ συλλέξει, καὶ οὐκ ἐπιτιμήσετε αὐτῇ. καὶ συνέλεξεν ἐν τῷ ἀγρῷ ἕωσ ἑσπέρασ. καὶ ἐρράβδισεν ἃ συνέλεξε, καὶ ἐγενήθη ὡσ οἰφὶ κριθῶν. καὶ ᾖρε καὶ εἰσῆλθεν εἰσ τὴν πόλιν, καὶ εἶδεν ἡ πενθερὰ αὐτῆσ ἃ συνέλεξε, καὶ ἐξενέγκασα Ροὺθ ἔδωκεν αὐτῇ ἃ κατέλιπεν, ἐξ ὧν ἐνεπλήσθη. καὶ εἶπεν αὐτῇ ἡ πενθερὰ αὐτῆσ. ποῦ συνέλεξασ σήμερον καὶ ποῦ ἐποίησασ̣ εἴη ὁ ἐπιγνούσ σε εὐλογημένοσ. καὶ ἀνήγγειλε Ροὺθ τῇ πενθερᾷ αὐτῆσ ποῦ ἐποίησε, καὶ εἶπε. τὸ ὄνομα τοῦ ἀνδρόσ, μεθ̓ οὗ ἐποίησα σήμερον, Βοόζ. εἶπε δὲ Νωεμὶν τῇ νύμφῃ αὐτῆσ. εὐλογητόσ ἐστι τῷ Κυρίῳ, ὅτι οὐκ ἐγκατέλιπε τὸ ἔλεοσ αὐτοῦ μετὰ τῶν ζώντων καὶ μετὰ τῶν τεθνηκότων. καὶ εἶπεν αὐτῇ Νωεμίν. ἐγγίζει ἡμῖν ὁ ἀνήρ, ἐκ τῶν ἀγχιστευόντων ἡμῖν ἐστι. καὶ εἶπε Ροὺθ πρὸσ τὴν πενθερὰν αὐτῆσ. καί γε ὅτι εἶπε πρόσ με. μετὰ τῶν κορασίων τῶν ἐμῶν προσκολλήθητι ἕωσ ἂν τελέσωσιν ὅλον τὸν ἀμητόν, ὃσ ὑπάρχει μοι. καὶ εἶπε Νωεμὶν πρὸσ Ροὺθ τὴν νύμφην αὐτῆσ. ἀγαθόν, θύγατερ, ὅτι ἐξῆλθεσ μετὰ τῶν κορασίων αὐτοῦ, καὶ οὐκ ἀπαντήσονταί σοι ἐν ἀγρῷ ἑτέρῳ. καὶ προσεκολλήθη Ροὺθ τοῖσ κορασίοισ τοῦ Βοὸζ τοῦ συλλέγειν ἕωσ τοῦ συντελέσαι τὸν θερισμὸν τῶν κριθῶν καὶ τῶν πυρῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ruth 2:

(70인역 성경, 룻기 2:)

목록

SEARCH

MENU NAVIGATION