Septuagint, Liber Iosue 23:

(70인역 성경, 여호수아기 23:)

ΚΑΙ ἐγένετο μεθ’ ἡμέρασ πλείουσ μετὰ τὸ καταπαῦσαι Κύριον τὸν Ἰσραὴλ ἀπὸ πάντων τῶν ἐχθρῶν αὐτοῦ κυκλόθεν, καὶ Ἰησοῦσ πρεσβύτεροσ προβεβηκὼσ ταῖσ ἡμέραισ, καὶ συνεκάλεσεν Ἰησοῦσ πάντασ τοὺσ υἱοὺσ Ἰσραὴλ καὶ τὴν γερουσίαν αὐτῶν καὶ τοὺσ ἄρχοντασ αὐτῶν καὶ τοὺσ δικαστὰσ αὐτῶν καὶ τοὺσ γραμματεῖσ αὐτῶν καὶ εἶπε πρὸσ αὐτούσ. ἐγὼ γεγήρακα καὶ προβέβηκα ταῖσ ἡμέραισ. ὑμεῖσ δὲ ἑωράκατε ὅσα ἐποίησε Κύριοσ ὁ Θεὸσ ἡμῶν πᾶσι τοῖσ ἔθνεσι τούτοισ ἀπὸ προσώπου ἡμῶν, ὅτι Κύριοσ ὁ Θεὸσ ὑμῶν ὁ ἐκπολεμήσασ ὑμῖν. ἴδετε ὅτι ἐπέρριφα ὑμῖν τὰ ἔθνη τὰ καταλελειμμένα ὑμῖν ταῦτα ἐν τοῖσ κλήροισ εἰσ τὰσ φυλὰσ ὑμῶν. ἀπὸ τοῦ Ἰορδάνου πάντα τά ἔθνη, ἃ ἐξωλόθρευσα, καὶ ἀπὸ τῆσ θαλάσσησ τῆσ μεγάλησ ὁριεῖ ἐπὶ δυσμὰσ ἡλίου. Κύριοσ δὲ ὁ Θεὸσ ἡμῶν οὗτοσ ἐξολοθρεύσει αὐτοὺσ ἀπὸ προσώπου ἡμῶν, ἕωσ ἂν ἀπόλωνται, καὶ ἀποστελεῖ αὐτοῖσ τὰ θηρία τὰ ἄγρια, ἕωσ ἂν ἐξολοθρεύσῃ αὐτοὺσ καὶ τοὺσ βασιλεῖσ αὐτῶν ἀπὸ προσώπου ὑμῶν, καὶ κατακληρονομήσετε τὴν γῆν αὐτῶν, καθὰ ἐλάλησε Κύριοσ ὁ Θεὸσ ἡμῶν ὑμῖν. κατισχύσατε οὖν σφόδρα φυλάσσειν καὶ ποιεῖν πάντα τὰ γεγραμμένα ἐν τῷ βιβλίῳ τοῦ νόμου Μωυσῆ, ἵνα μὴ ἐκκλίνητε εἰσ δεξιὰ ἢ εὐώνυμα, ὅπωσ μὴ εἰσέλθητε εἰσ τὰ ἔθνη τὰ καταλελειμμένα ταῦτα, καὶ τὰ ὀνόματα τῶν θεῶν αὐτῶν οὐκ ὀνομασθήσεται ἐν ὑμῖν, οὐδὲ μὴ λατρεύσητε οὐδὲ μὴ προσκυνήσητε αὐτοῖσ, ἀλλὰ Κυρίῳ τῷ Θεῷ ὑμῶν προσκολληθήσεσθε, καθάπερ ἐποιήσατε ἕωσ τῆσ ἡμέρασ ταύτησ. καὶ ἐξολοθρεύσει αὐτοὺσ Κύριοσ ἀπὸ προσώπου ὑμῶν ἔθνη μεγάλα καὶ ἰσχυρά, καὶ οὐδεὶσ ἀντέστη κατενώπιον ἡμῶν ἕωσ τῆσ ἡμέρασ ταύτησ. εἷσ ὑμῶν ἐδίωξε χιλίουσ, ὅτι Κύριοσ ὁ Θεὸσ ἡμῶν οὗτοσ ἐξεπολέμει ὑμῖν, καθάπερ εἶπεν ἡμῖν. καὶ φυλάξασθε σφόδρα τοῦ ἀγαπᾶν Κύριον τὸν Θεὸν ἡμῶν. ἐὰν γὰρ ἀποστραφῆτε καὶ προσθῆσθε τοῖσ ὑπολειφθεῖσιν ἔθνεσι τούτοισ τοῖσ μεθ’ ὑμῶν καὶ ἐπιγαμίασ ποιήσητε πρὸσ αὐτοὺσ καὶ συγκαταμιγῆτε αὐτοῖσ καὶ αὐτοὶ ὑμῖν, γινώσκετε ὅτι οὐ μὴ προσθῇ Κύριοσ τοῦ ἐξολοθρεῦσαι τὰ ἔθνη ταῦτα ἀπὸ προσώπου ὑμῶν, καὶ ἔσονται ὑμῖν εἰσ παγίδασ καὶ εἰσ σκάνδαλα καὶ εἰσ ἥλουσ ἐν ταῖσ πτέρναισ ὑμῶν καὶ εἰσ βολίδασ ἐν τοῖσ ὀφθαλμοῖσ ὑμῶν, ἕωσ ἂν ἀπόλησθε ἀπὸ τῆσ γῆσ τῆσ ἀγαθῆσ ταύτησ, ἣν ἔδωκεν ὑμῖν Κύριοσ ὁ Θεὸσ ὑμῶν. ἐγὼ δὲ ἀποτρέχω τὴν ὁδόν, καθὰ καὶ πάντεσ οἱ ἐπὶ τῆσ γῆσ, καὶ γνώσεσθε τῇ καρδίᾳ ὑμῶν καὶ τῇ ψυχῇ ὑμῶν, διότι οὐκ ἔπεσεν εἷσ λόγοσ ἀπὸ πάντων τῶν λόγων, ὧν εἶπε Κύριοσ ὁ Θεὸσ ἡμῶν πρὸσ πάντα τὰ ἀνήκοντα ἡμῖν, οὐ διεφώνησεν ἐξ αὐτῶν. καὶ ἔσται ὃν τρόπον ἥκει πρὸσ ἡμᾶσ πάντα τὰ ρήματα τὰ καλά, ἃ ἐλάλησε Κύριοσ ἐφ’ ὑμᾶσ, οὕτωσ ἐπάξει Κύριοσ ὁ Θεὸσ ἐφ’ ὑμᾶσ πάντα τὰ ρήματα τὰ πονηρὰ ἕωσ ἂν ἐξολοθρεύσῃ ὑμᾶσ ἀπὸ τῆσ γῆσ τῆσ ἀγαθῆσ ταύτησ, ἧσ ἔδωκε Κύριοσ ὑμῖν, ἐν τῷ παραβῆναι ὑμᾶσ τὴν διαθήκην Κυρίου τοῦ Θεοῦ ἡμῶν, ἣν ἐνετείλατο ἡμῖν, καὶ πορευθέντεσ λατρεύσητε θεοῖσ ἑτέροισ καὶ προσκυνήσητε αὐτοῖσ.

목록

일치하는 문장이 없습니다.

SEARCH

MENU NAVIGATION