헬라어 문장 검색 - Σεπτύ006́023́

(70인역 성경, 여호수아기 23:)

ΚΑΙ ἐγένετο μεθ’ ἡμέρασ πλείουσ μετὰ τὸ καταπαῦσαι Κύριον τὸν Ἰσραὴλ ἀπὸ πάντων τῶν ἐχθρῶν αὐτοῦ κυκλόθεν, καὶ Ἰησοῦσ πρεσβύτεροσ προβεβηκὼσ ταῖσ ἡμέραισ, καὶ συνεκάλεσεν Ἰησοῦσ πάντασ τοὺσ υἱοὺσ Ἰσραὴλ καὶ τὴν γερουσίαν αὐτῶν καὶ τοὺσ ἄρχοντασ αὐτῶν καὶ τοὺσ δικαστὰσ αὐτῶν καὶ τοὺσ γραμματεῖσ αὐτῶν καὶ εἶπε πρὸσ αὐτούσ. ἐγὼ γεγήρακα καὶ προβέβηκα ταῖσ ἡμέραισ. ὑμεῖσ δὲ ἑωράκατε ὅσα ἐποίησε Κύριοσ ὁ Θεὸσ ἡμῶν πᾶσι τοῖσ ἔθνεσι τούτοισ ἀπὸ προσώπου ἡμῶν, ὅτι Κύριοσ ὁ Θεὸσ ὑμῶν ὁ ἐκπολεμήσασ ὑμῖν. ἴδετε ὅτι ἐπέρριφα ὑμῖν τὰ ἔθνη τὰ καταλελειμμένα ὑμῖν ταῦτα ἐν τοῖσ κλήροισ εἰσ τὰσ φυλὰσ ὑμῶν. ἀπὸ τοῦ Ἰορδάνου πάντα τά ἔθνη, ἃ ἐξωλόθρευσα, καὶ ἀπὸ τῆσ θαλάσσησ τῆσ μεγάλησ ὁριεῖ ἐπὶ δυσμὰσ ἡλίου. Κύριοσ δὲ ὁ Θεὸσ ἡμῶν οὗτοσ ἐξολοθρεύσει αὐτοὺσ ἀπὸ προσώπου ἡμῶν, ἕωσ ἂν ἀπόλωνται, καὶ ἀποστελεῖ αὐτοῖσ τὰ θηρία τὰ ἄγρια, ἕωσ ἂν ἐξολοθρεύσῃ αὐτοὺσ καὶ τοὺσ βασιλεῖσ αὐτῶν ἀπὸ προσώπου ὑμῶν, καὶ κατακληρονομήσετε τὴν γῆν αὐτῶν, καθὰ ἐλάλησε Κύριοσ ὁ Θεὸσ ἡμῶν ὑμῖν. κατισχύσατε οὖν σφόδρα φυλάσσειν καὶ ποιεῖν πάντα τὰ γεγραμμένα ἐν τῷ βιβλίῳ τοῦ νόμου Μωυσῆ, ἵνα μὴ ἐκκλίνητε εἰσ δεξιὰ ἢ εὐώνυμα, ὅπωσ μὴ εἰσέλθητε εἰσ τὰ ἔθνη τὰ καταλελειμμένα ταῦτα, καὶ τὰ ὀνόματα τῶν θεῶν αὐτῶν οὐκ ὀνομασθήσεται ἐν ὑμῖν, οὐδὲ μὴ λατρεύσητε οὐδὲ μὴ προσκυνήσητε αὐτοῖσ, ἀλλὰ Κυρίῳ τῷ Θεῷ ὑμῶν προσκολληθήσεσθε, καθάπερ ἐποιήσατε ἕωσ τῆσ ἡμέρασ ταύτησ. καὶ ἐξολοθρεύσει αὐτοὺσ Κύριοσ ἀπὸ προσώπου ὑμῶν ἔθνη μεγάλα καὶ ἰσχυρά, καὶ οὐδεὶσ ἀντέστη κατενώπιον ἡμῶν ἕωσ τῆσ ἡμέρασ ταύτησ. εἷσ ὑμῶν ἐδίωξε χιλίουσ, ὅτι Κύριοσ ὁ Θεὸσ ἡμῶν οὗτοσ ἐξεπολέμει ὑμῖν, καθάπερ εἶπεν ἡμῖν. καὶ φυλάξασθε σφόδρα τοῦ ἀγαπᾶν Κύριον τὸν Θεὸν ἡμῶν. ἐὰν γὰρ ἀποστραφῆτε καὶ προσθῆσθε τοῖσ ὑπολειφθεῖσιν ἔθνεσι τούτοισ τοῖσ μεθ’ ὑμῶν καὶ ἐπιγαμίασ ποιήσητε πρὸσ αὐτοὺσ καὶ συγκαταμιγῆτε αὐτοῖσ καὶ αὐτοὶ ὑμῖν, γινώσκετε ὅτι οὐ μὴ προσθῇ Κύριοσ τοῦ ἐξολοθρεῦσαι τὰ ἔθνη ταῦτα ἀπὸ προσώπου ὑμῶν, καὶ ἔσονται ὑμῖν εἰσ παγίδασ καὶ εἰσ σκάνδαλα καὶ εἰσ ἥλουσ ἐν ταῖσ πτέρναισ ὑμῶν καὶ εἰσ βολίδασ ἐν τοῖσ ὀφθαλμοῖσ ὑμῶν, ἕωσ ἂν ἀπόλησθε ἀπὸ τῆσ γῆσ τῆσ ἀγαθῆσ ταύτησ, ἣν ἔδωκεν ὑμῖν Κύριοσ ὁ Θεὸσ ὑμῶν. ἐγὼ δὲ ἀποτρέχω τὴν ὁδόν, καθὰ καὶ πάντεσ οἱ ἐπὶ τῆσ γῆσ, καὶ γνώσεσθε τῇ καρδίᾳ ὑμῶν καὶ τῇ ψυχῇ ὑμῶν, διότι οὐκ ἔπεσεν εἷσ λόγοσ ἀπὸ πάντων τῶν λόγων, ὧν εἶπε Κύριοσ ὁ Θεὸσ ἡμῶν πρὸσ πάντα τὰ ἀνήκοντα ἡμῖν, οὐ διεφώνησεν ἐξ αὐτῶν. καὶ ἔσται ὃν τρόπον ἥκει πρὸσ ἡμᾶσ πάντα τὰ ρήματα τὰ καλά, ἃ ἐλάλησε Κύριοσ ἐφ’ ὑμᾶσ, οὕτωσ ἐπάξει Κύριοσ ὁ Θεὸσ ἐφ’ ὑμᾶσ πάντα τὰ ρήματα τὰ πονηρὰ ἕωσ ἂν ἐξολοθρεύσῃ ὑμᾶσ ἀπὸ τῆσ γῆσ τῆσ ἀγαθῆσ ταύτησ, ἧσ ἔδωκε Κύριοσ ὑμῖν, ἐν τῷ παραβῆναι ὑμᾶσ τὴν διαθήκην Κυρίου τοῦ Θεοῦ ἡμῶν, ἣν ἐνετείλατο ἡμῖν, καὶ πορευθέντεσ λατρεύσητε θεοῖσ ἑτέροισ καὶ προσκυνήσητε αὐτοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Iosue 23:

(70인역 성경, 여호수아기 23:)

목록

SEARCH

MENU NAVIGATION