Septuagint, Liber Iosue 22:

(70인역 성경, 여호수아기 22:)

ΤΟΤΕ συνεκάλεσεν Ἰησοῦσ τοὺσ υἱοὺσ Ρουβὴν καὶ τοὺσ υἱοὺσ Γὰδ καὶ τὸ ἥμισυ φυλῆσ Μανασσῆ καὶ εἶπεν αὐτοῖσ. ὑμεῖσ ἀκηκόατε πάντα, ὅσα ἐνετείλατο ὑμῖν Μωυσῆσ ὁ παῖσ Κυρίου, καὶ ὑπηκούσατε τῆσ φωνῆσ μου κατὰ πάντα ὅσα ἐνετειλάμην ὑμῖν. οὐκ ἐγκαταλελοίπατε τοὺσ ἀδελφοὺσ ὑμῶν ταύτασ τὰσ ἡμέρασ καὶ πλείουσ ἕωσ τῆσ σήμερον ἡμέρασ. ἐφυλάξασθε τὴν ἐντολὴν Κυρίου τοῦ Θεοῦ ὑμῶν. νῦν δὲ κατέπαυσε Κύριοσ ὁ Θεὸσ ἡμῶν τοὺσ ἀδελφοὺσ ἡμῶν, ὃν τρόπον εἶπεν αὐτοῖσ. νῦν οὖν ἀποστραφέντεσ ἀπέλθατε εἰσ τοὺσ οἴκουσ ὑμῶν καὶ εἰσ τὴν γῆν τῆσ κατασχέσεωσ ὑμῶν, ἣν ἔδωκεν ὑμῖν Μωυσῆσ ἐν τῷ πέραν τοῦ Ἰορδάνου. ἀλλὰ φυλάξασθε σφόδρα ποιεῖν τὰσ ἐντολὰσ καὶ τὸν νόμον, ὃν ἐνετείλατο ἡμῖν ποιεῖν Μωυσῆσ ὁ παῖσ Κυρίου, ἀγαπᾶν Κύριον τὸν Θεὸν ἡμῶν, πορεύεσθαι πάσαισ ταῖσ ὁδοῖσ αὐτοῦ, φυλάξασθαι τὰσ ἐντολὰσ αὐτοῦ καὶ προσκεῖσθαι αὐτῷ καὶ λατρεύειν αὐτῷ ἐξ ὅλησ τῆσ διανοίασ ὑμῶν καὶ ἐξ ὅλησ τῆσ ψυχῆσ ὑμῶν. καὶ εὐλόγησεν αὐτοὺσ Ἰησοῦσ καὶ ἐξαπέστειλεν αὐτούσ, καὶ ἐπορεύθησαν εἰσ τοὺσ οἴκουσ αὐτῶν. καὶ τῷ ἡμίσει φυλῆσ Μανασσῆ ἔδωκε Μωυσῆσ ἐν τῇ Βασανίτιδι, καὶ τῷ ἡμίσει ἔδωκεν Ἰησοῦσ μετὰ τῶν ἀδελφῶν αὐτοῦ ἐν τῷ πέραν τοῦ Ἰορδάνου παρὰ τὴν θάλασσαν. καὶ ἡνίκα ἐξαπέστειλεν αὐτοὺσ Ἰησοῦσ εἰσ τοὺσ οἴκουσ αὐτῶν καὶ εὐλόγησεν αὐτούσ, καὶ ἐν χρήμασι πολλοῖσ ἀπήλθοσαν εἰσ τοὺσ οἴκουσ αὐτῶν, καὶ κτήνη πολλὰ σφόδρα καὶ ἀργύριον καὶ χρυσίον καὶ σίδηρον καὶ ἱματισμὸν πολὺν διείλαντο τὴν προνομὴν τῶν ἐχθρῶν μετὰ τῶν ἀδελφῶν αὐτῶν. Καὶ ἐπορεύθησαν οἱ υἱοὶ Ρουβὴν καὶ οἱ υἱοὶ Γὰδ καὶ τὸ ἥμισυ φυλῆσ Μανασσῆ ἀπὸ τῶν υἱῶν Ἰσραὴλ ἐκ Σηλὼ ἐν γῇ Χαναὰν ἀπελθεῖν εἰσ τὴν Γαλαὰδ εἰσ γῆν κατασχέσεωσ αὐτῶν, ἣν ἐκληρονόμησαν αὐτὴν διὰ προστάγματοσ Κυρίου ἐν χειρὶ Μωυσῆ. καὶ ἦλθον εἰσ Γάλγαλα τοῦ Ἰορδάνου, ἥ ἐστιν ἐν γῇ Χαναάν, καὶ ᾠκοδόμησαν οἱ υἱοὶ Ρουβὴν καὶ οἱ υἱοὶ Γὰδ καὶ τὸ ἥμισυ φυλῆσ Μανασσῆ ἐκεῖ βωμὸν ἐπὶ τοῦ Ἰορδάνου, βωμὸν μέγαν τοῦ ἰδεῖν. καὶ ἤκουσαν οἱ υἱοὶ Ἰσραὴλ λεγόντων. ἰδοὺ ᾠκοδομήκασιν οἱ υἱοὶ Ρουβὴν καὶ οἱ υἱοὶ Γὰδ καὶ τὸ ἥμισυ φυλῆσ Μανασσῆ βωμὸν ἐφ’ ὁρίων γῆσ Χαναὰν ἐπὶ τοῦ Γαλαὰδ τοῦ Ἰορδάνου ἐν τῷ πέραν υἱῶν Ἰσραήλ. καὶ συνηθροίσθησαν πάντεσ οἱ υἱοὶ Ἰσραὴλ εἰσ Σηλώ, ὥστε ἀναβάντεσ ἐκπολεμῆσαι αὐτούσ. καὶ ἀπέστειλαν οἱ υἱοὶ Ἰσραὴλ πρὸσ τοὺσ υἱοὺσ Ρουβὴν καὶ πρὸσ τοὺσ υἱοὺσ Γὰδ καὶ πρὸσ τοὺσ υἱοὺσ ἥμισυ φυλῆσ Μανασσῆ εἰσ γῆν Γαλαὰδ τόν τε Φινεὲσ υἱὸν Ἐλεάζαρ υἱοῦ Ἀαρὼν τοῦ ἀρχιερέως καὶ δέκα τῶν ἀρχόντων μετ’ αὐτοῦ, ἄρχων εἷσ ἀπὸ οἴκου πατριᾶσ ἀπὸ πασῶν φυλῶν Ἰσραήλ. ἄρχοντεσ οἴκων πατριῶν εἰσι, χιλίαρχοι Ἰσραήλ. καὶ παρεγένοντο πρὸσ τοὺσ υἱοὺσ Ρουβὴν καὶ πρὸσ τοὺσ υἱοὺσ Γὰδ καὶ πρὸσ τοὺσ ἡμίσεισ φυλῆσ Μανασσῆ εἰσ γῆν Γαλαὰδ καὶ ἐλάλησαν πρὸσ αὐτοὺσ λέγοντεσ. τάδε λέγει πᾶσα ἡ συναγωγὴ Κυρίου. τίσ ἡ πλημμέλεια αὕτη, ἣν ἐπλημμελήσατε ἐναντίον τοῦ Θεοῦ Ἰσραήλ, ἀποστραφῆναι σήμερον ἀπὸ Κυρίου οἰκοδομήσαντεσ ὑμῖν ἑαυτοῖσ βωμόν, ἀποστάτασ ὑμᾶσ γενέσθαι ἀπὸ τοῦ Κυρίου̣ μὴ μικρὸν ὑμῖν τὸ ἁμάρτημα Φογώρ̣ ὅτι οὐκ ἐκαθαρίσθημεν ἀπ’ αὐτοῦ ἕωσ τῆσ ἡμέρασ ταύτησ καὶ ἐγενήθη πληγὴ ἐν τῇ συναγωγῇ Κυρίου. καὶ ὑμεῖσ ἀπεστράφητε σήμερον ἀπὸ Κυρίου̣ καὶ ἔσται ἐὰν ἀποστῆτε σήμερον ἀπὸ Κυρίου, καὶ αὔριον ἐπὶ πάντα Ἰσραὴλ ἔσται ἡ ὀργή. καὶ νῦν εἰ μικρὰ ἡ γῆ ὑμῶν τῆσ κατασχέσεωσ ὑμῶν, διάβητε εἰσ τὴν γῆν τῆσ Κυρίου κατασχέσεωσ, οὗ κατασκηνοῖ ἐκεῖ ἡ σκηνὴ Κυρίου, καὶ κατακληρονομήσατε ἐν ἡμῖν. καὶ μὴ ἀπὸ Θεοῦ ἀποστάται γενήθητε καὶ ὑμεῖσ μηδ’ ἀπόστητε ἀπὸ Κυρίου διὰ τὸ οἰκοδομῆσαι ὑμᾶσ βωμὸν ἔξω τοῦ θυσιαστηρίου Κυρίου τοῦ Θεοῦ ἡμῶν. οὐκ ἰδοὺ Ἄχαρ ὁ τοῦ Ζαρᾶ πλημμελείᾳ ἐπλημμέλησεν ἀπὸ τοῦ ἀναθέματοσ καὶ ἐπὶ πᾶσαν συναγωγὴν Ἰσραὴλ ἐγενήθη ὀργή̣ καὶ οὗτοσ εἷσ αὐτὸσ ἀπέθανε τῇ ἑαυτοῦ ἁμαρτίᾳ. Καὶ ἀπεκρίθησαν οἱ υἱοὶ Ρουβὴν καὶ οἱ υἱοὶ Γὰδ καὶ τὸ ἥμισυ φυλῆσ Μανασσῆ καὶ ἐλάλησαν τοῖσ χιλιάρχοισ Ἰσραὴλ λέγοντεσ. ὁ Θεὸσ Θεὸσ Κύριόσ ἐστι, καὶ ὁ Θεὸσ Θεὸσ αὐτὸσ οἶδε, καὶ Ἰσραὴλ αὐτὸσ γνώσεται. εἰ ἐν ἀποστασίᾳ ἐπλημμελήσαμεν ἔναντι τοῦ Κυρίου, μὴ ρύσαιτο ἡμᾶσ ἐν τῇ ἡμέρᾳ ταύτῃ. καὶ εἰ ᾠκοδομήσαμεν ἑαυτοῖσ βωμὸν ὥστε ἀποστῆναι ἀπὸ Κυρίου τοῦ Θεοῦ ἡμῶν, ὥστε ἀναβιβάσαι ἐπ’ αὐτὸν θυσίαν ὁλοκαυτωμάτων ἢ ὥστε ποιῆσαι ἐπ’ αὐτοῦ θυσίαν σωτηρίου, Κύριοσ ἐκζητήσει. ἀλλ’ ἕνεκεν εὐλαβείασ ρήματοσ ἐποιήσαμεν τοῦτο λέγοντεσ. ἵνα μὴ εἴπωσιν αὔριον τὰ τέκνα ὑμῶν τοῖσ τέκνοισ ἡμῶν, τί ὑμῖν καὶ Κυρίῳ τῷ Θεῷ Ἰσραήλ̣ καὶ ὅρια ἔθηκε Κύριοσ ἀνὰ μέσον ἡμῶν καὶ ὑμῶν τὸν Ἰορδάνην, καὶ οὐκ ἔστιν ὑμῖν μερὶσ Κυρίου. καὶ ἀπαλλοτριώσουσιν οἱ υἱοὶ ὑμῶν τοὺσ υἱοὺσ ἡμῶν, ἵνα μὴ σέβωνται Κύριον. καὶ εἴπαμεν ποιῆσαι οὕτω, τοῦ οἰκοδομῆσαι τὸν βωμὸν τοῦτον οὐχ ἕνεκεν καρπωμάτων οὐδὲ ἕνεκεν θυσιῶν, ἀλλ’ ἵνα ᾖ τοῦτο μαρτύριον ἀνὰ μέσον ἡμῶν καὶ ὑμῶν καὶ ἀνὰ μέσον τῶν γενεῶν ἡμῶν μεθ’ ἡμᾶσ, τοῦ λατρεύειν λατρείαν Κυρίου ἐναντίον αὐτοῦ, ἐν τοῖσ καρπώμασιν ἡμῶν καὶ ἐν ταῖσ θυσίαισ ἡμῶν καὶ ἐν ταῖσ θυσίαισ τῶν σωτηρίων ἡμῶν. καὶ οὐκ ἐροῦσι τὰ τέκνα ὑμῶν τοῖσ τέκνοισ ἡμῶν αὔριον. οὐκ ἔστιν ὑμῖν μερὶσ Κυρίου. καὶ εἴπομεν. ἐὰν γένηταί ποτε καὶ λαλήσωσι πρὸσ ἡμᾶσ καὶ ταῖσ γενεαῖσ ἡμῶν αὔριον, καὶ ἐροῦσιν. ἴδετε ὁμοίωμα τοῦ θυσιαστηρίου Κυρίου, ὃ ἐποίησαν οἱ πατέρεσ ἡμῶν οὐχ ἕνεκεν καρπωμάτων οὐδὲ ἕνεκεν θυσιῶν, ἀλλὰ μαρτύριόν ἐστιν ἀνὰ μέσον ὑμῶν καὶ ἀνὰ μέσον ἡμῶν καὶ ἀνὰ μέσον τῶν υἱῶν ἡμῶν. μὴ γένοιτο οὖν ἡμᾶσ ἀποστραφῆναι ἀπὸ Κυρίου ἐν τῇ σήμερον ἡμέρᾳ ἀποστῆναι ἀπὸ Κυρίου, ὥστε οἰκοδομῆσαι ἡμᾶσ θυσιαστήριον τοῖσ καρπώμασι καὶ ταῖσ θυσίαισ Σαλαμὶν καὶ τῇ θυσίᾳ τοῦ σωτηρίου, πλὴν τοῦ θυσιαστηρίου Κυρίου, ὅ ἐστιν ἐναντίον τῆσ σκηνῆσ αὐτοῦ. Καὶ ἀκούσασ Φινεὲσ ὁ ἱερεὺσ καὶ πάντεσ οἱ ἄρχοντεσ τῆσ συναγωγῆσ Ἰσραήλ, οἳ ἦσαν μετ’ αὐτοῦ, τοὺσ λόγουσ, οὓσ ἐλάλησαν οἱ υἱοὶ Ρουβὴν καὶ οἱ υἱοὶ Γὰδ καὶ τὸ ἥμισυ φυλῆσ Μανασσῆ, καὶ ἤρεσεν αὐτοῖσ. καὶ εἶπε Φινεὲσ ὁ ἱερεὺσ τοῖσ υἱοῖσ Ρουβὴν καὶ τοῖσ υἱοῖσ Γὰδ καὶ τῷ ἡμίσει φυλῆσ Μανασσῆ. σήμερον ἐγνώκαμεν ὅτι μεθ’ ἡμῶν Κύριοσ, διότι οὐκ ἐπλημμελήσατε ἐναντίον Κυρίου πλημμέλειαν καὶ ὅτι ἐρρύσασθε τοὺσ υἱοὺσ Ἰσραὴλ ἐκ χειρὸσ Κυρίου. καὶ ἀπέστρεψε Φινεὲσ ὁ ἱερεὺσ καὶ οἱ ἄρχοντεσ ἀπὸ τῶν υἱῶν Ρουβὴν καὶ ἀπὸ τῶν υἱῶν Γὰδ καὶ ἀπὸ τοῦ ἡμίσουσ φυλῆσ Μανασσῆ ἐκ τῆσ Γαλαὰδ εἰσ γῆν Χαναὰν πρὸσ τοὺσ υἱοὺσ Ἰσραὴλ καὶ ἀπεκρίθησαν αὐτοῖσ τοὺσ λόγουσ, καὶ ἤρεσε τοῖσ υἱοῖσ Ἰσραήλ. καὶ ἐλάλησαν πρὸσ τοὺσ υἱοὺσ Ἰσραήλ, καὶ εὐλόγησαν τὸν Θεὸν υἱῶν Ἰσραὴλ καὶ εἶπαν μηκέτι ἀναβῆναι πρὸσ αὐτοὺσ εἰσ πόλεμον ἐξολοθρεῦσαι τὴν γῆν τῶν υἱῶν Ρουβὴν καὶ τῶν υἱῶν Γὰδ καὶ τοῦ ἡμίσουσ φυλῆσ Μανασσῆ. καὶ κατῴκησαν ἐπ’ αὐτῆσ. καὶ ἐπωνόμασεν Ἰησοῦσ τὸν βωμὸν τῶν Ρουβὴν καὶ τῶν Γὰδ καὶ τοῦ ἡμίσουσ φυλῆσ Μανασσῆ καὶ εἶπεν ὅτι μαρτύριόν ἐστιν ἀνὰ μέσον αὐτῶν, ὅτι Κύριοσ ὁ Θεὸσ αὐτῶν ἐστι.

목록

일치하는 문장이 없습니다.

SEARCH

MENU NAVIGATION