헬라어 문장 검색 - Σεπτύ006́021́

(70인역 성경, 여호수아기 21:)

ΚΑΙ προσήλθοσαν οἱ ἀρχιπατριῶται τῶν υἱῶν Λευὶ πρὸσ Ἐλεάζαρ τὸν ἱερέα καὶ Ἰησοῦν τὸν τοῦ Ναυὴ καὶ πρὸσ τοὺσ ἀρχιφύλουσ πατριῶν ἐκ τῶν φυλῶν Ἰσραὴλ καὶ εἶπον πρὸσ αὐτοὺσ ἐν Σηλὼ ἐν γῇ Χαναὰν λέγοντεσ. ἐνετείλατο Κύριοσ ἐν χειρὶ Μωυσῆ δοῦναι ἡμῖν πόλεισ κατοικεῖν καὶ τὰ περισπόρια τοῖσ κτήνεσιν ἡμῶν. καὶ ἔδωκαν οἱ υἱοὶ Ἰσραὴλ τοῖσ λευίταισ ἐν τῷ κατακληρονομεῖν διὰ προστάγματοσ Κυρίου τὰσ πόλεισ καὶ τὰ περισπόρια αὐτῶν. καὶ ἐξῆλθεν ὁ κλῆροσ τῷ δήμῳ Καάθ, καὶ ἐγένετο τοῖσ υἱοῖσ Ἀαρὼν τοῖσ ἱερεῦσι τοῖσ Λευίταισ ἀπὸ φυλῆσ Ἰούδα καὶ ἀπὸ φυλῆσ Συμεὼν καὶ ἀπὸ φυλῆσ Βενιαμὶν κληρωτὶ πόλεισ δεκατρεῖσ. καὶ τοῖσ υἱοῖσ Καὰθ καταλελειμμένοισ ἐκ τῆσ φυλῆσ Ἐφραὶμ καὶ ἐκ τῆσ φυλῆσ Δὰν καὶ ἀπὸ τοῦ ἡμίσουσ φυλῆσ Μανασσῆ κληρωτὶ πόλεισ δέκα. καὶ τοῖσ υἱοῖσ Γεδσὼν ἀπὸ τῆσ φυλῆσ Ἰσσάχαρ καὶ ἀπὸ τῆσ φυλῆσ Ἀσὴρ καὶ ἀπὸ τῆσ φυλῆσ Νεφθαλὶ καὶ ἀπὸ τοῦ ἡμίσουσ φυλῆσ Μανασσῆ ἐν τῇ Βασὰν πόλεισ δεκατρεῖσ. καὶ τοῖσ υἱοῖσ Μεραρὶ κατὰ δήμουσ αὐτῶν ἀπὸ φυλῆσ Ρουβὴν καὶ ἀπὸ φυλῆσ Γὰδ καὶ ἀπὸ φυλῆσ Ζαβουλὼν κληρωτὶ πόλεισ δώδεκα. καὶ ἔδωκαν οἱ υἱοὶ Ἰσραὴλ τοῖσ Λευίταισ τὰσ πόλεισ καὶ τὰ περισπόρια αὐτῶν, ὃν τρόπον ἐνετείλατο Κύριοσ τῷ Μωυσῇ, κληρωτί. καὶ ἔδωκεν ἡ φυλὴ υἱῶν Ἰούδα καὶ ἡ φυλὴ υἱῶν Συμεὼν καὶ ἀπὸ τῆσ φυλῆσ υἱῶν Βενιαμὶν τὰσ πόλεισ ταύτασ, καὶ ἐπεκλήθησαν τοῖσ υἱοῖσ Ἀαρὼν ἀπὸ τοῦ δήμου τοῦ Καὰθ τῶν υἱῶν Λευί, ὅτι τούτοισ ἐγενήθη ὁ κλῆροσ. καὶ ἔδωκεν αὐτοῖσ τὴν Καριαθαρβὸκ μητρόπολιν τῶν Ἐνὰκ ἐν τῷ ὄρει Ἰούδα. τὰ δὲ περισπόρια κύκλῳ αὐτῆς καὶ τοὺσ ἀγροὺσ τῆσ πόλεωσ καὶ τὰσ κώμασ αὐτῆσ ἔδωκεν Ἰησοῦσ τοῖσ υἱοῖσ Χάλεβ υἱοῦ Ἰεφοννὴ ἐν κατασχέσει. καὶ τοῖσ υἱοῖσ Ἀαρὼν ἔδωκε τὴν πόλιν φυγαδευτήριον τῷ φονεύσαντι, τὴν Χεβρὼν καὶ τὰ ἀφωρισμένα τὰ σὺν αὐτῇ καὶ τὴν Λεμνὰ καὶ τὰ ἀφωρισμένα τὰ πρὸσ αὐτῇ. καὶ τὴν Αἰλὼμ καὶ τὰ ἀφωρισμένα αὐτῇ καὶ τὴν Τεμὰ καὶ τὰ ἀφωρισμένα αὐτῇ καὶ τὴν Γελλὰ καὶ τὰ ἀφωρισμένα αὐτῇ καὶ τὴν Δαβὶρ καὶ τὰ ἀφωρισμένα αὐτῇ καὶ Ἀσὰ καὶ τὰ ἀφωρισμένα αὐτῇ καὶ Τανὺ καὶ τὰ ἀφωρισμένα αὐτῇ καὶ Βαιθσαμὺσ καὶ τὰ ἀφωρισμένα αὐτῇ, πόλεισ ἐννέα παρὰ τῶν δύο φυλῶν τούτων. καὶ παρὰ τῆσ φυλῆσ Βενιαμὶν τὴν Γαβαὼν καὶ τὰ ἀφωρισμένα αὐτῇ καὶ Γαθὲθ καὶ τὰ ἀφωρισμένα αὐτῇ καὶ Ἀναθὼθ καὶ τὰ ἀφωρισμένα αὐτῇ καὶ Γάμαλα καὶ τὰ ἀφωρισμένα αὐτῇ, πόλεισ τέσσαρεσ. πᾶσαι αἱ πόλεισ υἱῶν Ἀαρὼν τῶν ἱερέων δεκατρεῖσ. καὶ τοῖσ δήμοισ υἱοῖσ Καὰθ τοῖσ Λευίταισ τοῖσ καταλελειμμένοισ ἀπὸ τῶν υἱῶν Καὰθ καὶ ἐγενήθη ἡ πόλισ τῶν ἱερέων αὐτῶν ἀπὸ φυλῆσ Ἐφραίμ, καὶ ἔδωκαν αὐτοῖσ τὴν πόλιν τοῦ φυγαδευτηρίου τὴν τοῦ φονεύσαντοσ, τὴν Συχὲμ καὶ τὰ ἀφωρισμένα αὐτῇ καὶ Γάζαρα καὶ τὰ πρὸσ αὐτὴν καὶ τὰ ἀφωρισμένα αὐτῇ καὶ Βαιθωρὼν καὶ τὰ ἀφωρισμένα τὰ αὐτῇ, πόλεισ τέσσαρεσ. καὶ ἐκ τῆσ φυλῆσ Δὰν τὴν Ἐλκωθαὶμ καὶ τὰ ἀφωρισμένα αὐτῇ καὶ τὴν Γεθεδὰν καὶ τὰ ἀφωρισμένα αὐτῇ καὶ Αἰλὼν καὶ τὰ ἀφωρισμένα αὐτῇ καὶ τὴν Γεθερεμμὼν καὶ τὰ ἀφωρισμένα αὐτῇ, πόλεισ τέσσαρεσ. καὶ ἀπὸ τοῦ ἡμίσουσ φυλῆσ Μανασσῆ τὴν Τανὰχ καὶ τὰ ἀφωρισμένα αὐτῇ καὶ τὴν Ἰεβαθὰ καὶ τὰ ἀφωρισμένα αὐτῇ, πόλεισ δύο. πᾶσαι πόλεισ δέκα καὶ τὰ ἀφωρισμένα αὐτῇ τὰ πρὸσ αὐταῖσ τοῖσ δήμοισ υἱῶν Καὰθ τοῖσ ὑπολελειμμένοισ. καὶ τοῖσ υἱοῖσ Γεδσὼν τοῖσ Λευίταισ ἐκ τοῦ ἡμίσουσ φυλῆσ Μανασσῆ τὰσ πόλεισ τὰσ ἀφωρισμένασ τοῖσ φονεύσασι, τὴν Γαυλὼν ἐν τῇ Βασανίτιδι καὶ τὰ ἀφωρισμένα αὐτῇ καὶ τὴν Βοσορὰν καὶ τὰ ἀφωρισμένα αὐτῇ, πόλεισ δύο. καὶ ἐκ τῆσ φυλῆσ Ἰσσάχαρ τὴν Κισὼν καὶ τὰ ἀφωρισμένα αὐτῇ καὶ τὴν Δεββὰ καὶ τὰ ἀφωρισμένα αὐτῇ καὶ τὴν Ρεμμὰθ καὶ τὰ ἀφωρισμένα αὐτῇ καὶ Πηγὴν γραμμάτων καὶ τὰ ἀφωρισμένα αὐτῇ, πόλεισ τέσσαρεσ. καὶ ἐκ τῆσ φυλῆσ Ἀσὴρ τὴν Βασελλὰν καὶ τὰ ἀφωρισμένα αὐτῇ καὶ τὴν Δαββὼν καὶ τὰ ἀφωρισμένα αὐτῇ καὶ Χελκὰτ καὶ τὰ ἀφωρισμένα αὐτῇ καὶ τὴν Ραὰβ καὶ τὰ ἀφωρισμένα αὐτῇ, πόλεισ τέσσαρεσ. καὶ ἐκ τῆσ φυλῆσ Νεφθαλὶ τὴν πόλιν τὴν ἀφωρισμένην τῷ φονεύσαντι, τὴν Κάδησ ἐν τῇ Γαλιλαίᾳ καὶ τὰ ἀφωρισμένα αὐτῇ καὶ τὴν Ἐμμὰθ καὶ τὰ ἀφωρισμένα αὐτῇ καὶ Θεμμὼν καὶ τὰ ἀφωρισμένα αὐτῇ, πόλεισ τρεῖσ. πᾶσαι αἱ πόλεισ τοῦ Γεδσὼν κατὰ δήμουσ αὐτῶν πόλεισ δεκατρεῖσ. καὶ τῷ δήμῳ υἱῶν Μεραρὶ τοῖσ Λευίταισ τοῖσ λοιποῖσ ἐκ τῆσ φυλῆσ Ζαβουλὼν τὴν Μαὰν καὶ τὰ περισπόρια αὐτῆσ καὶ τὴν Κάδησ καὶ τὰ περισπόρια αὐτῆς καὶ Σελλὰ καὶ τὰ περισπόρια αὐτῆσ, πόλεισ τρεῖσ. καὶ πέραν τοῦ Ἰορδάνου τοῦ κατὰ Ἱεριχὼ ἐκ τῆσ φυλῆσ Ρουβήν, τὴν πόλιν τὸ φυγαδευτήριον τοῦ φονεύσαντοσ, τὴν Βοσὸρ ἐν τῇ ἐρήμῳ τῇ Μισὼρ καὶ τὰ περισπόρια αὐτῆσ καὶ τὴν Ἰαζὴρ καὶ τὰ περισπόρια αὐτῆς καὶ τὴν Δεκμὼν καὶ τὰ περισπόρια αὐτῆσ καὶ τὴν Μαφὰ καὶ τὰ περισπόρια αὐτῆσ, πόλεισ τέσσαρεσ. καὶ ἀπὸ φυλῆσ Γὰδ τὴν πόλιν τὸ φυγαδευτήριον τοῦ φονεύσαντοσ, τὴν Ραμὼθ ἐν τῇ Γαλαὰδ καὶ τὰ περισπόρια αὐτῆσ καὶ τὴν Καμὶν καὶ τὰ περισπόρια αὐτῆς καὶ τὴν Ἐσεβὼν καὶ τὰ περισπόρια αὐτῆσ καὶ τὴν Ἰαζὴρ καὶ τὰ περισπόρια αὐτῆσ, πᾶσαι αἱ πόλεισ τέσσαρεσ. πᾶσαι αἱ πόλεισ τοῖσ υἱοῖσ Μεραρὶ κατὰ δήμουσ αὐτῶν τῶν καταλελειμμένων ἀπὸ τῆσ φυλῆσ τῆσ Λευί. καὶ ἐγενήθη τὰ ὅρια πόλεισ δεκαδύο. πᾶσαι αἱ πόλεισ τῶν Λευιτῶν ἐν μέσῳ κατασχέσεωσ υἱῶν Ἰσραὴλ τεσσαράκοντα ὀκτὼ πόλεισ καὶ τὰ περισπόρια αὐτῶν κύκλῳ τῶν πόλεων τούτων, πόλισ καὶ τὰ περισπόρια κύκλῳ τῆσ πόλεωσ πάσαισ ταῖσ πόλεσι ταύταισ. α Καὶ συνετέλεσεν Ἰησοῦσ διαμερίσασ τὴν γῆν ἐν τοῖσ ὁρίοισ αὐτῶν. β καὶ ἔδωκαν οἱ υἱοὶ Ἰσραὴλ μερίδα τῷ Ἰησοῖ κατὰ πρόσταγμα Κυρίου. ἔδωκαν αὐτῷ τὴν πόλιν, ἣν ᾐτήσατο. τὴν Θαμνασαρὰχ ἔδωκαν αὐτῷ ἐν τῷ ὄρει Ἐφραίμ. γ καὶ ᾠκοδόμησεν Ἰησοῦσ τὴν πόλιν καὶ ᾤκησεν ἐν αὐτῇ. δ καὶ ἔλαβεν Ἰησοῦσ τὰσ μαχαίρασ τὰσ πετρίνασ, ἐν αἷσ περιέτεμε τοὺσ υἱοὺσ Ἰσραὴλ τοὺσ γενομένουσ ἐν τῇ ὁδῷ ἐν τῇ ἐρήμῳ, καὶ ἔθηκεν αὐτὰσ ἐν Θαμνασαράχ. Καὶ ἔδωκε Κύριοσ τῷ Ἰσραὴλ πᾶσαν τὴν γῆν, ἣν ὤμοσε δοῦναι τοῖσ πατράσιν αὐτῶν, καὶ κατεκληρονόμησαν αὐτὴν καὶ κατῴκησαν ἐν αὐτῇ. καὶ κατέπαυσεν αὐτοὺσ Κύριοσ κυκλόθεν, καθὰ ὤμοσε τοῖσ πατράσιν αὐτῶν. οὐκ ἀντέστη οὐθεὶσ κατενώπιον αὐτῶν ἀπὸ πάντων τῶν ἐχθρῶν αὐτῶν. πάντασ τοὺσ ἐχθροὺσ αὐτῶν παρέδωκε Κύριοσ εἰσ τὰσ χεῖρασ αὐτῶν. οὐ διέπεσεν ἀπὸ πάντων τῶν ρημάτων τῶν καλῶν, ὧν ἐλάλησε Κύριοσ τοῖσ υἱοῖσ Ἰσραήλ. πάντα παρεγένετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Iosue 21:

(70인역 성경, 여호수아기 21:)

목록

SEARCH

MENU NAVIGATION