Septuagint, Liber Iosue 19:

(70인역 성경, 여호수아기 19:)

ΚΑΙ ἐξῆλθεν ὁ δεύτεροσ κλῆροσ τῶν υἱῶν Συμεών, καὶ ἐγενήθη ἡ κληρονομία αὐτῶν ἀναμέσον κλήρων υἱῶν Ἰούδα. καὶ ἐγενήθη ὁ κλῆροσ αὐτῶν Βηρσαβεὲ καὶ Σαμαὰ καὶ Κωλαδὰμ καὶ Ἀρσωλὰ καὶ Βωλὰ καὶ Ἀσὸμ καὶ Ἐλθουλὰ καὶ Βουλὰ καὶ Ἑρμᾶ καὶ Σικελὰκ καὶ Βαιθμαχερὲβ καὶ Σαρσουσὶν καὶ Βαθαρὼθ καὶ οἱ ἀγροὶ αὐτῶν, πόλεισ δεκατρεῖσ καὶ αἱ κῶμαι αὐτῶν. Ἐρεμμὼν καὶ Θαλχὰ καὶ Ἐθὲρ καὶ Ἀσάν, πόλεισ τέσσαρεσ καὶ αἱ κῶμαι αὐτῶν κύκλῳ τῶν πόλεων αὐτῶν ἕωσ Βαρὲκ πορευομένων Βαμὲθ κατὰ λίβα. αὕτη ἡ κληρονομία φυλῆσ υἱῶν Συμεὼν κατὰ δήμουσ αὐτῶν. ἀπὸ τοῦ κλήρου τοῦ Ἰούδα ἡ κληρονομία φυλῆσ υἱῶν Συμεών, ὅτι ἐγενήθη ἡ μερὶσ υἱῶν Ἰούδα μείζων τῆσ αὐτῶν καὶ ἐκληρονόμησαν οἱ υἱοὶ Συμεὼν ἐν μέσῳ τοῦ κλήρου αὐτῶν. Καὶ ἐξῆλθεν ὁ κλῆροσ ὁ τρίτοσ τῷ Ζαβουλὼν κατὰ δήμουσ αὐτῶν. ἔσται τὰ ὅρια τῆσ κληρονομίασ αὐτῶν Ἐσεδεκγωλά. ὅρια αὐτῶν ἡ θάλασσα καὶ Μαραγγιλὰ καὶ συνάψει ἐπὶ Βαιθάραβα εἰσ τὴν φάραγγα, ἥ ἐστι κατὰ πρόσωπον Ἰεκμάν, καὶ ἀνέστρεψεν ἀπὸ Σεδδοὺκ ἐξ ἐναντίασ ἀπὸ ἀνατολῶν Βαιθσαμὺσ ἐπὶ τὰ ὅρια Χασελωθαὶθ καὶ διελεύσεται ἐπὶ Δαβιρὼθ καὶ προσαναβήσεται ἐπὶ Φαγγαὶ καὶ ἐκεῖθεν περιελεύσεται ἐξ ἐναντίασ ἐπ’ ἀνατολὰσ ἐπὶ Γεβερέ, ἐπὶ πόλιν Κατασέμ, καὶ διελεύσεται ἐπὶ Ρεμμωνὰ Ἀμαθὰρ Ἀοζὰ καὶ περιελεύσεται ὅρια ἐπὶ βορρᾶν ἐπὶ Ἀμώθ, καὶ ἔσται ἡ διέξοδοσ αὐτῶν ἐπὶ Γαιφαὴλ καὶ Κατανὰθ καὶ Ναβαὰλ καὶ Συμοὼν καὶ Ἱεριχὼ καὶ Βαιθμάν. αὕτη ἡ κληρονομία τῆσ φυλῆσ υἱῶν Ζαβουλὼν κατὰ δήμουσ αὐτῶν, πόλεισ καὶ αἱ κῶμαι αὐτῶν. Καὶ τῷ Ἰσσάχαρ ἐξῆλθεν ὁ κλῆροσ ὁ τέταρτοσ. καὶ ἐγενήθη τὰ ὅρια αὐτῶν Ἰαζὴλ καὶ Χασαλὼθ καὶ Σουνὰμ καὶ Ἀγὶν καὶ Σιωνὰ καὶ Ρεηρὼθ καὶ Ἀναχερὲθ καὶ Δαβιρὼν καὶ Κισὼν καὶ Ρεβὲς καὶ Ρεμμὰσ καὶ Ἰεὼν καὶ Τομμὰν καὶ Αἰμαρὲκ καὶ Βηρσαφήσ, καὶ συνάψει τὰ ὅρια ἐπὶ Γαιθβὼρ καὶ ἐπὶ Σαλὶμ κατὰ θάλασσαν καὶ Βαιθσαμύσ, καὶ ἔσται αὐτοῦ ἡ διέξοδοσ τῶν ὁρίων ὁ Ἰορδάνησ. αὕτη ἡ κληρονομία φυλῆσ υἱῶν Ἰσσάχαρ κατὰ δήμουσ αὐτῶν, αἱ πόλεισ καὶ αἱ κῶμαι αὐτῶν. Καὶ ἐξῆλθεν ὁ κλῆροσ ὁ πέμπτοσ Ἀσὴρ κατὰ δήμουσ αὐτῶν. καὶ ἐγενήθη τὰ ὅρια αὐτῶν Ἐξελεκὲθ καὶ Ἀλὲφ καὶ Βαιθὸκ καὶ Κεὰφ καὶ Ἐλιμελὲχ καὶ Ἀμιὴλ καὶ Μαασὰ καὶ συνάψει τῷ Καρμήλῳ κατὰ θάλασσαν καὶ τῷ Σιὼν καὶ Λαβανὰθ καὶ ἐπιστρέψει ἀπὸ ἀνατολῶν ἡλίου καὶ Βαιθεγενὲθ καὶ συνάψει τῷ Ζαβουλὼν καὶ Ἐκγαῖ καὶ Φθαιὴλ κατὰ βορρᾶν, καὶ εἰσελεύσεται ὅρια Σαφθαιβαιθμὲ καὶ Ἰναὴλ καὶ διελεύσεται εἰσ Χωβαμασομὲλ καὶ Ἐλβὼν καὶ Ραὰβ καὶ Ἐμεμαὼν καὶ Κανθὰν ἕωσ Σιδῶνοσ τῆσ μεγάλησ, καὶ ἀναστρέψει τὰ ὅρια εἰσ Ραμὰ καὶ ἕωσ πηγῆσ Μασφασσὰτ καὶ τῶν Τυρίων, καὶ ἀναστρέψει τὰ ὅρια ἐπὶ Ἰασίφ, καὶ ἔσται ἡ διέξοδοσ αὐτοῦ ἡ θάλασσα καὶ Ἀπολὲβ καὶ Ἐχοζὸβ καὶ Ἀρχὸβ καὶ Ἀφὲκ καὶ Ρααῦ. αὕτη ἡ κληρονομία φυλῆσ υἱῶν Ἀσὴρ κατὰ δήμουσ αὐτῶν, πόλεισ καὶ αἱ κῶμαι αὐτῶν. Καὶ τῷ Νεφθαλὶ ἐξῆλθεν ὁ κλῆροσ ὁ ἕκτοσ. καὶ ἐγενήθη τὰ ὅρια αὐτῶν Μοολὰμ καὶ Μωλὰ καὶ Βεσεμιί̈ν καὶ Ἀρμὲ καὶ Ναβὸκ καὶ Ἰεφθαμαὶ ἕωσ Δωδάμ, καὶ ἐγενήθησαν αἱ διέξοδοι αὐτοῦ Ἰορδάνησ. καὶ ἐπιστρέψει τὰ ὅρια ἐπὶ θάλασσαν Ἐνὰθ Θαβὼρ καὶ διελεύσεται ἐκεῖθεν Ἰακανὰ καὶ συνάψει τῷΖαβουλὼν ἀπὸ νώτου καὶ Ἀσὴρ συνάψει κατὰ θάλασσαν, καὶ ὁ Ἰορδάνησ ἀπὸ ἀνατολῶν ἡλίου. καὶ αἱ πόλεισ τειχήρεισ τῶν Τυρίων, Τύροσ καὶ Ὠμαθά, Δακὲθ καὶ Κενερὲθ καὶ Ἀρμαί̈θ καὶ Ἀραὴλ καὶ Ἀσὼρ καὶ Κάδεσ καὶ Ἀσσαρὶ καὶ πηγὴ Ἀσὸρ καὶ Κερωὲ καὶ Μεγαλὰ Ἀρὶμ καὶ Βαιθθαμὲ καὶ Θεσσαμύσ. αὕτη ἡ κληρονομία φυλῆσ υἱῶν Νεφθαλί. Καὶ τῷ Δὰν ἐξῆλθεν ὁ κλῆροσ ὁ ἕβδομοσ. καὶ ἐγενήθη τὰ ὅρια αὐτῶν Σαρὰθ καὶ Ἀσὰ καὶ πόλεισ Σαμμάυς καὶ Σαλαμὶν καὶ Ἀμμὼν καὶ Σιλαθὰ καὶ Ἐλὼν καὶ Θαμναθὰ καὶ Ἀκκαρὼν καὶ Ἀλκαθὰ καὶ Βεγεθὼν καὶ Γεβεελὰν καὶ Ἀζὼρ καὶ Βαναιβακὰτ καὶ Γεθρεμών, καὶ ἀπὸ θαλάσσησ Ἱεράκων ὅριον πληρίον Ἰόππησ. αὕτη ἡ κληρονομία φυλῆσ υἱῶν Δὰν κατὰ δήμουσ αὐτῶν, αἱ πόλεισ αὐτῶν καὶ αἱ κῶμαι αὐτῶν. καὶ οὐκ ἐξέθλιψαν οἱ υἱοὶ Δὰν τὸν Ἀμορραῖον τὸν θλίβοντα αὐτοὺσ ἐν τῷ ὄρει. καὶ οὐκ εἴων αὐτοὺσ οἱ Ἀμορραῖοι καταβῆναι εἰσ τὴν κοιλάδα καὶ ἔθλιψαν ἀπ’ αὐτῶν τὸ ὅριον τῆσ μερίδοσ αὐτῶν. καὶ ἐπορεύθησαν οἱ υἱοὶ Δὰν καὶ ἐπολέμησαν τὴν Λαχὶσ καὶ κατελάβοντο αὐτὴν καὶ ἐπάταξαν αὐτὴν ἐν στόματι μαχαίρασ καὶ κατῴκησαν αὐτὴν καὶ ἐκάλεσαν τὸ ὄνομα αὐτῆσ Λασενδὰκ καὶ ὁ Ἀμορραῖοσ ὑπέμεινε τοῦ κατοικεῖν ἐν Ἐλὼμ καὶ ἐν Σαλαμίν. καὶ ἐβαρύνθη ἡ χεὶρ τοῦ Ἐφραὶμ ἐπ’ αὐτούσ, καὶ ἐγένοντο αὐτοῖσ εἰσ φόρον. Καὶ ἐπορεύθησαν ἐμβατεῦσαι τὴν γῆν κατὰ τὸ ὅριον αὐτῶν. καὶ ἔδωκαν οἱ υἱοὶ Ἰσραὴλ κλῆρον τῷ Ἰησοῖ τῷ υἱῷ Ναυὴ ἐν αὐτοῖς διὰ προστάγματοσ τοῦ Θεοῦ. καὶ ἔδωκαν αὐτῷ τὴν πόλιν, ἣν ᾐτήσατο, Θαμνασαράχ, ἥ ἐστιν ἐν τῷ ὄρει Ἐφραίμ. καὶ ᾠκοδόμησε τὴν πόλιν καὶ κατῴκει ἐν αὐτῇ. αὗται αἱ διαιρέσεισ ἃσ κατεκληρονόμησεν Ἐλεάζαρ ὁ ἱερεὺσ καὶ Ἰησοῦσ ὁ τοῦ Ναυὴ καὶ οἱ ἄρχοντεσ τῶν πατριῶν ἐν ταῖσ φυλαῖσ Ἰσραὴλ κατὰ κλήρουσ ἐν Σηλώ, ἔναντι Κυρίου, παρὰ τὰσ θύρασ τῆσ σκηνῆσ τοῦ μαρτυρίου. καὶ ἐπορεύθησαν ἐμβατεῦσαι τὴν γῆν.

목록

일치하는 문장이 없습니다.

SEARCH

MENU NAVIGATION