Septuagint, Liber Iosue 17:

(70인역 성경, 여호수아기 17:)

ΚΑΙ ἐγένετο τὰ ὅρια φυλῆσ υἱῶν Μανασσῆ, ὅτι οὗτοσ πρωτότοκοσ τῷ Ἰωσήφ. τῷ Μαχὶρ πρωτοτόκῳ Μανασσῆ πατρὶ Γαλαάδ ἐν τῇ Γαλααδίτιδι καὶ ἐν τῇ Βασανίτιδι. καὶ ἐγενήθη τοῖσ υἱοῖσ Μανασσῆ τοῖσ λοιποῖσ κατὰ δήμουσ αὐτῶν, τοῖσ υἱοῖσ Ἰεζὲρ καὶ τοῖσ υἱοῖσ Κελὲζ καὶ τοῖσ υἱοῖσ Ἱεζιὴλ καὶ τοῖσ υἱοῖσ Συχὲμ καὶ τοῖσ υἱοῖσ Συμαρὶμ καὶ τοῖσ υἱοῖσ Ὀφέρ. οὗτοι ἄρσενεσ κατὰ δήμουσ αὐτῶν. καὶ τῷ Σαλπαὰδ υἱῷ Ὀφὲρ οὐκ ἦσαν αὐτῷ υἱοί, ἀλλ’ ἢ θυγατέρεσ. καὶ ταῦτα τὰ ὀνόματα τῶν θυγατέρων Σαλπαάδ. Μααλὰ καὶ Νουὰ καὶ Ἐγλὰ καὶ Μελχὰ καὶ Θερσά. καὶ ἔστησαν ἐναντίον Ἐλεάζαρ τοῦ ἱερέωσ, καὶ ἐναντίον Ἰησοῦ, καὶ ἐναντίον τῶν ἀρχόντων λέγουσαι. ὁ Θεὸσ ἐνετείλατο διά χειρὸσ Μωυσῆ δοῦναι ἡμῖν κληρονομίαν ἐν μέσῳ τῶν ἀδελφῶν ἡμῶν. καὶ ἐδόθη αὐταῖσ διὰ προστάγματοσ Κυρίου κλῆροσ ἐν τοῖσ ἀδελφοῖσ τοῦ πατρὸσ αὐτῶν. καὶ ἔπεσεν ὁ σχοινισμὸσ αὐτῶν ἀπὸ Ἀνάσσα καὶ πεδίον Λαβὲκ ἐκ τῆσ γῆσ Γαλαάδ, ἥ ἐστι πέραν τοῦ Ἰορδάνου. ὅτι θυγατέρεσ υἱῶν Μανασσῆ ἐκληρονόμησαν κλῆρον ἐν μέσῳ τῶν ἀδελφῶν αὐτῶν. ἡ δὲ γῆ Γαλαὰδ ἐγενήθη τοῖσ υἱοῖσ Μανασσῆ τοῖσ καταλελειμμένοισ. καὶ ἐγενήθη ὅρια υἱῶν Μανασσῆ Δηλανάθ, ἥ ἐστι κατὰ πρόσωπον υἱῶν Ἀνάθ, καὶ πορεύεται ἐπὶ τὰ ὅρια ἐπὶ Ἰαμὶν καὶ Ἰασσὶβ ἐπὶ πηγὴν Θαφθώθ. τῷ Μανασσῇ ἔσται, καὶ Θαφὲθ ἐπὶ τῶν ὁρίων Μανασσῆ, τοῖσ υἱοῖσ Ἐφραίμ. καὶ καταβήσεται τὰ ὅρια ἐπὶ φάραγγα Καρανὰ ἐπὶ λίβα κατὰ φάραγγα Ἰαριήλ, τερέβινθοσ τῷ Ἐφραὶμ ἀνὰ μέσον πόλεωσ Μανασσῆ. καὶ ὅρια Μανασσῆ ἐπὶ τὸν βορρᾶν εἰσ τὸν χειμάρρουν, καὶ ἔσται αὐτοῦ ἡ διέξοδοσ θάλασσα. ἀπὸ λιβὸσ τῷ Ἐφραίμ, καὶ ἐπὶ βορρᾶν Μανασσῆ, καὶ ἔσται ἡ θάλασσα ὅρια αὐτοῖσ. καὶ ἐπὶ Ἀσὴβ συνάψουσιν ἐπὶ βορρᾶν καὶ τῷ Ἰσσάχαρ ἀπὸ ἀνατολῶν. καὶ ἔσται Μανασσῆ ἐν Ἰσσάχαρ καὶ ἐν Ἀσὴρ Βαιθσὰν καὶ αἱ κῶμαι αὐτῶν καὶ τοὺσ κατοικοῦντασ Δὼρ καὶ τὰσ κώμασ αὐτῆσ, καὶ τοὺσ κατοικοῦντασ Μαγεδδώ, καὶ τὰσ κώμασ αὐτῆσ, καὶ τὸ τρίτον τῆσ Ναφετὰ καὶ τὰσ κώμασ αὐτῆσ. καὶ οὐκ ἠδυνάσθησαν οἱ υἱοὶ Μανασσῆ ἐξολοθρεῦσαι τὰσ πόλεισ ταύτασ, καὶ ἤρχετο ὁ Χαναναῖοσ κατοικεῖν ἐν τῇ γῇ ταύτῃ. καὶ ἐγενήθη καὶ ἐπεὶ κατίσχυσαν οἱ υἱοὶ Ἰσραήλ, καὶ ἐποίησαν τοὺσ Χαναναίουσ ὑπηκόουσ, ἐξολοθρεῦσαι δὲ αὐτοὺσ οὐκ ἐξωλόθρευσαν. ἀντεῖπαν δὲ οἱ υἱοὶ Ἰωσὴφ τῷ Ἰησοῖ λέγοντεσ. διατί ἐκληρονόμησασ ἡμᾶσ κλῆρον ἕνα καὶ σχοίνισμα ἕν̣ ἐγὼ δὲ λαὸσ πολύσ εἰμι, καὶ ὁ Θεὸσ εὐλόγησέ με. καὶ εἶπεν αὐτοῖσ Ἰησοῦσ. εἰ λαὸσ πολὺσ εἶ, ἀνάβηθι εἰσ τὸν δρυμὸν καὶ ἐκκάθαρον σεαυτῷ, εἰ στενοχωρεῖ σε τὸ ὄροσ τὸ Ἐφραίμ. καὶ εἶπαν. οὐκ ἀρέσκει ἡμῖν τὸ ὄροσ τὸ Ἐφραίμ, καὶ ἵπποσ ἐπίλεκτοσ καὶ σίδηροσ τῷ Χαναναίῳ τῷ κατοικοῦντι ἐν αὐτῷ ἐν Βαιθσὰν καὶ ἐν ταῖσ κώμαισ αὐτῆσ, ἐν τῇ κοιλάδι Ἰεσραέλ. καὶ εἶπεν Ἰησοῦσ τοῖσ υἱοῖσ Ἰωσήφ. εἰ λαὸσ πολὺσ εἶ, καὶ ἰσχὺν μεγάλην ἔχεισ, οὐκ ἔσται σοι κλῆροσ εἷσ. ὁ γὰρ δρυμὸσ ἔσται σοι, ὅτι δρυμόσ ἐστι καὶ ἐκκαθαριεῖσ αὐτόν, καὶ ἔσται σοι. καὶ ὅταν ἐξολοθρεύσῃσ τὸν Χαναναῖον, ὅτι ἵπποσ ἐπίλεκτοσ αὐτῷ ἐστι, σὺ γὰρ ὑπερισχύεισ αὐτοῦ.

목록

일치하는 문장이 없습니다.

SEARCH

MENU NAVIGATION