Septuagint, Liber Iosue 13:

(70인역 성경, 여호수아기 13:)

ΚΑΙ Ἰησοῦσ πρεσβύτεροσ προβεβηκὼσ τῶν ἡμερῶν. καὶ εἶπε Κύριοσ πρὸσ Ἰησοῦν. σὺ προβέβηκασ τῶν ἡμερῶν, καὶ ἡ γῆ ὑπολέλειπται πολλὴ εἰσ κληρονομίαν. καὶ αὕτη ἡ γῆ καταλελειμμένη. ὅρια Φυλιστιείμ, ὁ Γεσιρὶ καὶ ὁ Χαναναῖοσ. ἀπὸ τῆσ ἀοικήτου τῆσ κατὰ πρόσωπον Αἰγύπτου ἕωσ τῶν ὁρίων Ἀκκαρὼν ἐξ εὐωνύμων τῶν Χαναναίων προσλογίζεται ταῖσ πέντε σατραπείαισ τῶν Φυλιστιείμ, τῷ Γαζαίῳ καὶ τῷ Ἀζωτίῳ καὶ τῷ Ἀσκαλωνίτῃ καὶ τῷ Γετθαίῳ καὶ τῷ Ἀκκαρωνίτῃ. καὶ τῷ Εὐαίῳ ἐκ Θαιμὰν καὶ πάσῃ γῇ Χαναὰν ἐναντίον Γάζησ, καὶ οἱ Σιδώνιοι ἕωσ Ἀφέκ, ἕωσ τῶν ὁρίων τῶν Ἀμορραίων, καὶ πᾶσαν τὴν γῆν Γαβλὶ Φυλιστιείμ. καὶ πάντα τὸν Λίβανον ἀπὸ ἀνατολῶν ἡλίου, ἀπὸ Γαλγὰλ ὑπὸ τὸ ὄροσ τὸ Ἀερμὼν ἕωσ τῆσ εἰσόδου Ἐμάθ. πᾶσ ὁ κατοικῶν τὴν ὀρεινὴν ἀπὸ τοῦ Λιβάνου ἕωσ τῆσ Μασερεφωθαίμ, πάντασ τοὺσ Σιδωνίουσ, ἐγὼ αὐτοὺσ ἐξολοθρεύσω ἀπὸ προσώπου Ἰσραήλ. ἀλλὰ διάδοσ αὐτὴν ἐν κλήρῳ τῷ Ἰσραήλ, ὃν τρόπον σοι ἐνετειλάμην. καὶ νῦν μέρισον τὴν γῆν ταύτην ἐν κληρονομίᾳ ταῖσ ἐννέα φυλαῖσ καὶ τῷ ἡμίσει φυλῆσ Μανασσῆ. ἀπὸ τοῦ Ἰορδάνου ἕωσ τῆσ θαλάσσησ τῆσ μεγάλησ κατὰ δυσμὰσ ἡλίου δώσεισ αὐτήν, ἡ θάλασσα ἡ μεγάλη ὁριεῖ. ταῖσ δυσὶ φυλαῖσ καὶ τῷ ἡμίσει φυλῆσ Μανασσῆ, τῷ Ρουβὴν καὶ τῷ Γάδ, ἔδωκε Μωυσῆσ ἐν τῷ πέραν τοῦ Ἰορδάνου. κατ’ ἀνατολὰσ ἡλίου δέδωκεν αὐτὴν Μωυσῆσ ὁ παῖσ Κυρίου, ἀπὸ Ἀροήρ, ἥ ἐστιν ἐπὶ τοῦ χείλουσ χειμάρρου Ἀρνῶν, καὶ τὴν πόλιν τὴν ἐν μέσῳ τῆσ φάραγγοσ καὶ πᾶσαν τὴν Μισὼρ ἀπὸ Μαιδαβὰ ἕωσ Δαιβάν, πάσασ τὰσ πόλεισ Σηὼν βασιλέωσ Ἀμορραίων, ὃσ ἐβασίλευσεν ἐν Ἐσεβών, ἕωσ τῶν ὁρίων υἱῶν Ἀμμῶν, καὶ τὴν Γαλααδίτιδα καὶ τὰ ὅρια Γεσιρὶ καὶ τοῦ Μαχατί, πᾶν ὄροσ Ἀερμὼν καὶ πᾶσαν τὴν Βασανίτιν ἕωσ Σελλά, πᾶσαν τὴν βασιλείαν Ὢγ ἐν τῇ Βασανίτιδι, ὃσ ἐβασίλευσεν ἐν Ἀσταρὼθ καὶ ἐν Ἐδραί̈ν. οὗτοσ κατελείφθη ἀπὸ τῶν γιγάντων, καὶ ἐπάταξεν αὐτὸν Μωυσῆσ καὶ ἐξωλόθρευσε. καὶ οὐκ ἐξωλόθρευσαν οἱ υἱοὶ Ἰσραὴλ τὸν Γεσιρὶ καὶ τὸν Μαχατὶ καὶ τὸν Χαναναῖον, καὶ κατῴκει βασιλεὺσ Γεσιρὶ καὶ ὁ Μαχατὶ ἐν τοῖσ υἱοῖσ Ἰσραὴλ ἕωσ τῆσ σήμερον ἡμέρασ. πλὴν τῆσ φυλῆσ Λευὶ οὐκ ἐδόθη κληρονομία. Κύριοσ ὁ Θεὸσ Ἰσραήλ, οὗτοσ κληρονομία αὐτῶν, καθὰ εἶπεν αὐτοῖσ Κύριοσ. καὶ οὗτοσ ὁ καταμερισμόσ, ὃν κατεμέρισε Μωυσῆσ τοῖσ υἱοῖσ Ἰσραὴλ ἐν Ἀραβὼθ Μωὰβ ἐν τῷ πέραν τοῦ Ἰορδάνου κατὰ Ἱεριχώ. Καὶ ἔδωκε Μωυσῆσ τῇ φυλῇ Ρουβὴν κατὰ δήμουσ αὐτῶν. καὶ ἐγενήθη αὐτῶν τὰ ὅρια ἀπὸ Ἀροήρ, ἥ ἐστι κατὰ πρόσωπον φάραγγοσ Ἀρνῶν, καὶ ἡ πόλισ ἡ ἐν τῇ φάραγγι Ἀρνῶν. καὶ πᾶσαν τὴν Μισὼρ ἕωσ Ἐσεβὼν καὶ πάσασ τὰσ πόλεισ τὰσ οὔσασ ἐν τῇ Μισὼρ καὶ Δαιβὼν καὶ Βαμωθβάαλ καὶ οἴκου Βεελμὼν καὶ Ἰασσὰ καὶ Κεδημὼθ καὶ Μεφαὰθ καὶ Καριαθαὶμ καὶ Σεβαμὰ καὶ Σεραδὰ καὶ Σιὼρ ἐν τῷ ὄρει Ἐμὰκ καὶ Βαιθφογὸρ καὶ Ἀσηδὼθ Φασγὰ καὶ Βαιθασειμὼθ καὶ πάσασ τὰσ πόλεισ τοῦ Μισὼρ καὶ πᾶσαν τὴν βασιλείαν τοῦ Σηὼν βασιλέωσ τῶν Ἀμορραίων, ὃν ἐπάταξε Μωυσῆσ αὐτὸν καὶ τοὺσ ἡγουμένουσ Μαδιὰμ καὶ τὸν Εὐὶ καὶ τὸν Ροκὸμ καὶ τὸν Σοὺρ καὶ τὸν Οὒρ καὶ τὸν Ροβὲ ἄρχοντασ παρὰ Σηὼν καὶ τοὺσ κατοικοῦντασ τὴν γῆν. καὶ τὸν Βαλαὰμ τὸν τοῦ Βεώρ, τὸν μάντιν, ἀπέκτειναν ἐν τῇ ροπῇ. ἐγένετο δὲ τὰ ὅρια Ρουβήν. Ἰορδάνησ ὅριον, αὕτη ἡ κληρονομία υἱῶν Ρουβὴν κατὰ δήμουσ αὐτῶν, αἱ πόλεισ αὐτῶν καὶ αἱ ἐπαύλεισ αὐτῶν. ἔδωκε δὲ Μωυσῆσ τοῖσ υἱοῖσ Γὰδ κατὰ δήμουσ αὐτῶν. καὶ ἐγένετο τὰ ὅρια αὐτῶν Ἰαζήρ, πᾶσαι πόλεισ Γαλαὰδ καὶ τὸ ἥμισυ γῆσ υἱῶν Ἀμμῶν ἕωσ Ἀροήρ, ἥ ἐστι κατὰ πρόσωπον Ραββά, καὶ ἀπὸ Ἐσεβὼν ἕωσ Ραμὼθ κατὰ τὴν Μασσηφὰ καὶ Βοτανὶμ καὶ Μααναί̈ν ἕωσ τῶν ὁρίων Δαβίρ, καὶ Ἐμὲκ Βαιθαρὰμ Βανθαναβρὰ καὶ Σοκχωθὰ καὶ Σαφὰν καὶ τὴν λοιπὴν βασιλείαν Σηὼν βασιλέωσ Ἐσεβών, καὶ ὁ Ἰορδάνησ ὁριεῖ ἕωσ μέρουσ τῆσ θαλάσσησ Χενερὲθ πέραν τοῦ Ἰορδάνου ἀπ’ ἀνατολῶν. αὕτη ἡ κληρονομία υἱῶν Γὰδ κατὰ δήμουσ αὐτῶν, αἱ πόλεισ αὐτῶν καὶ αἱ ἐπαύλεισ αὐτῶν. καὶ ἔδωκε Μωυσῆσ τῷ ἡμίσει φυλῆσ Μανασσῆ κατὰ δήμουσ αὐτῶν. καὶ ἐγένετο τὰ ὅρια αὐτῶν ἀπὸ Μααναί̈μ καὶ πᾶσα βασιλεία Βασανὶ καὶ πᾶσα βασιλεία Ὢγ βασιλέωσ τῆσ Βασὰν καὶ πάσασ τὰσ κώμασ Ἰαί̈ρ, αἵ εἰσιν ἐν τῇ Νασανίτιδι, ἑξήκοντα πόλεισ, καὶ τὸ ἥμισυ τῆσ Γαλαὰδ καὶ ἐν Ἀσταρὼθ καὶ ἐν Ἐδραί̈ν, πόλεισ βασιλείασ Ὢγ ἐν τῇ Βασανίτιδι καὶ ἐδόθησαν τοῖσ υἱοῖσ Μαχὶρ υἱοῦ Μανασσῆ, κατὰ δήμουσ αὐτῶν. οὗτοι οὓσ κατεκληρονόμησε Μωυσῆσ πέραν τοῦ Ἰορδάνου ἐν Ἀραβὼθ Μωὰβ ἐν τῷ πέραν τοῦ Ἰορδάνου τοῦ κατὰ Ἱεριχὼ ἀπ’ ἀνατολῶν.

목록

일치하는 문장이 없습니다.

SEARCH

MENU NAVIGATION