Septuagint, Liber Iosue 11:

(70인역 성경, 여호수아기 11:)

ΩΣ δὲ ἤκουσεν Ἰαβὶν βασιλεὺσ Ἀσώρ, ἀπέστειλε πρὸσ Ἰαβὰβ βασιλέα Μαρὼν καὶ πρὸσ βασιλέα Συμοὼν καὶ πρὸσ βασιλέα Ἀζίφ καὶ πρὸσ βασιλεῖσ τοὺσ κατὰ Σιδῶνα τὴν μεγάλην, εἰσ τὴν ὀρεινὴν καὶ εἰσ Ἄραβα ἀπέναντι Κενερὼθ καὶ εἰσ τὸ πεδίον καὶ εἰσ Φεναεδδὼρ καὶ εἰσ τοὺσ παραλίουσ Χαναναίουσ ἀπὸ ἀνατολῶν καὶ εἰσ τοὺσ παραλίουσ Ἀμορραίουσ καὶ τοὺσ Χετταίουσ καὶ Φερεζαίουσ καὶ Ἰεβουσαίουσ τοὺσ ἐν τῷ ὄρει καὶ τοὺσ Εὐαίουσ καὶ τοὺσ ὑπὸ τὴν Ἀερμὼν εἰσ γῆν Μασσηφά. καὶ ἐξῆλθον αὐτοὶ καὶ οἱ βασιλεῖσ αὐτῶν μετ’ αὐτῶν, ὥσπερ ἡ ἄμμοσ τῆσ θαλάσσησ τῷ πλήθει, καὶ ἵπποι καὶ ἅρματα πολλὰ σφόδρα. καὶ συνῆλθον πάντεσ οἱ βασιλεῖσ αὐτοὶ καὶ παρεγένοντο ἐπὶ τὸ αὐτὸ καὶ παρενέβαλον ἐπὶ τοῦ ὕδατοσ Μαρὼν πολεμῆσαι τὸν Ἰσραήλ. καὶ εἶπε Κύριοσ πρὸσ Ἰησοῦν. μὴ φοβηθῇσ ἀπὸ προσώπου αὐτῶν, ὅτι αὔριον ταύτην τὴν ὥραν ἐγὼ παραδίδωμι τετροπωμένουσ αὐτοὺσ ἐναντίον τοῦ Ἰσραήλ. τοὺσ ἵππουσ αὐτῶν νευροκοπήσεισ καὶ τὰ ἅρματα αὐτῶν κατακαύσεισ ἐν πυρί. καὶ ἦλθεν Ἰησοῦσ καὶ πᾶσ ὁ λαὸσ ὁ πολεμιστὴσ ἐπ’ αὐτοὺσ ἐπὶ τὸ ὕδωρ Μαρὼν ἐξάπινα καὶ ἐπέπεσαν ἐπ’ αὐτοὺσ ἐν τῇ ὀρεινῇ. καὶ παρέδωκεν αὐτοὺσ Κύριοσ ὑποχειρίουσ Ἰσραήλ, καὶ κόπτοντεσ αὐτοὺσ κατεδίωκον ἕωσ Σιδῶνοσ τῆσ μεγάλησ καὶ ἕωσ Μασερὼν καὶ ἕωσ τῶν πεδίων Μασσὼχ κατ’ ἀνατολὰσ καὶ κατέκοψαν αὐτοὺσ ἕωσ τοῦ μὴ καταλειφθῆναι αὐτῶν διασεσωσμένον. καὶ ἐποίησεν αὐτοῖσ Ἰησοῦσ ὃν τρόπον ἐνετείλατο αὐτῷ Κύριοσ. τοὺσ ἵππουσ αὐτῶν ἐνευροκόπησε καὶ τὰ ἅρματα αὐτῶν ἐνέπρησε πυρί. Καὶ ἀπεστράφη Ἰησοῦσ ἐν τῷ καιρῷ ἐκείνῳ καὶ κατελάβετο Ἀσὼρ καὶ τὸν βασιλέα αὐτῆσ. ἦν δὲ Ἀσὼρ τὸ πρότερον ἄρχουσα πασῶν τῶν βασιλειῶν τούτων. καὶ ἀπέκτειναν πᾶν ἐμπνέον ἐν αὐτῇ ἐν ξίφει καὶ ἐξωλόθρευσαν πάντασ, καὶ οὐ κατελείφθη ἐν αὐτῇ ἐμπνέον. καὶ τὴν Ἀσὼρ ἐνέπρησαν ἐν πυρί. καὶ πάσασ τὰσ πόλεισ τῶν βασιλειῶν καὶ τοὺσ βασιλεῖσ αὐτῶν ἔλαβεν Ἰησοῦσ καὶ ἀνεῖλεν αὐτοὺσ ἐν στόματι ξίφουσ, καὶ ἐξωλόθρευσαν αὐτούσ, ὃν τρόπον συνέταξε Μωυσῆσ ὁ παῖσ Κυρίου. ἀλλὰ πάσασ τὰσ πόλεισ τὰσ κεχωματισμένασ οὐκ ἐνέπρησεν Ἰσραήλ, πλὴν Ἀσὼρ μόνην ἐνέπρησεν Ἰσραὴλ καὶ πάντα τὰ σκῦλα αὐτῆσ ἐπρονόμευσαν ἑαυτοῖσ οἱ υἱοὶ Ἰσραήλ, αὐτοὺσ δὲ πάντασ ἐξωλόθρευσαν ἐν στόματι ξίφουσ, ἕωσ ἀπώλεσεν αὐτούσ, οὐ κατέλιπον ἐξ αὐτῶν οὐδὲν ἐμπνέον. ὃν τρόπον συνέταξε Κύριοσ τῷ Μωυσῇ τῷ παιδὶ αὐτοῦ, καὶ Μωυσῆσ ὡσαύτωσ ἐνετείλατο τῷ Ἰησοῖ, καὶ οὕτωσ ἐποίησεν Ἰησοῦσ. οὐ παρέβη οὐδὲν ἀπὸ πάντων, ὧν συνέταξεν αὐτῷ Μωυσῆσ. Καὶ ἔλαβεν Ἰησοῦσ πᾶσαν τὴν γῆν τὴν ὀρεινὴν καὶ πᾶσαν τὴν γῆν Ναγὲβ καὶ πᾶσαν τὴν γῆν Γοσὸμ καὶ τὴν πεδινὴν καὶ τὴν πρὸσ δυσμαῖσ καὶ τὸ ὄροσ Ἰσραὴλ καὶ τὰ ταπεινὰ τὰ πρὸσ τῷ ὄρει ἀπὸ ὄρουσ Χελχὰ καὶ ὃ προσαναβαίνει εἰσ Σηεὶρ καὶ ἕωσ Βααλγὰδ καὶ τὰ πεδία τοῦ Λιβάνου ὑπὸ τὸ ὄροσ τὸ Ἀερμὼν καὶ πάντασ τοὺσ βασιλεῖσ αὐτῶν ἔλαβε καὶ ἀνεῖλε καὶ ἀπέκτεινε. καὶ ἡμέρασ πλείουσ ἐποίησεν Ἰησοῦσ πρὸσ τοὺσ βασιλεῖσ τούτουσ τὸν πόλεμον, καὶ οὐκ ἦν πόλισ, ἣν οὐκ ἔλαβεν Ἰσραήλ, πάντα ἐλάβοσαν ἐν πολέμῳ. ὅτι διὰ Κυρίου ἐγένετο κατισχῦσαι αὐτῶν τὴν καρδίαν συναντᾶν εἰσ πόλεμον πρὸσ Ἰσραήλ, ἵνα ἐξολοθρευθῶσιν, ὅπωσ μὴ δοθῇ αὐτοῖσ ἔλεοσ, ἀλλ’ ἵνα ἐξολοθρευθῶσιν, ὃν τρόπον εἶπε Κύριοσ πρὸσ Μωυσῆν. Καὶ ἦλθεν Ἰησοῦσ ἐν τῷ καιρῷ ἐκείνῳ καὶ ἐξωλόθρευσε τοὺσ Ἐνακὶμ ἐκ τῆσ ὀρεινῆσ, ἐκ Χεβρὼν καὶ ἐκ Δαβὶρ καὶ ἐξ Ἀναβὼθ καὶ ἐκ παντὸσ γένουσ Ἰσραὴλ καὶ ἐκ παντὸσ ὄρουσ Ἰούδα σὺν ταῖσ πόλεσιν αὐτῶν, καὶ ἐξωλόθρευσεν αὐτοὺσ Ἰησοῦσ. οὐ κατελείφθη τῶν Ἐνακὶμ ἀπὸ τῶν υἱῶν Ἰσραήλ, ἀλλὰ πλὴν ἐν Γάζῃ καὶ ἐν Γὲθ καὶ ἐν Ἀσεδὼθ κατελείφθη. καὶ ἔλαβεν Ἰησοῦσ πᾶσαν τὴν γῆν, καθότι ἐνετείλατο Κύριοσ τῷ Μωυσῇ καὶ ἔδωκεν αὐτοὺσ Ἰησοῦσ ἐν κληρονομίᾳ Ἰσραὴλ ἐν μερισμῷ κατὰ φυλὰσ αὐτῶν. καὶ ἡ γῆ κατέπαυσε πολεμουμένη.

목록

일치하는 문장이 없습니다.

SEARCH

MENU NAVIGATION