Septuagint, Liber Iosue 10:

(70인역 성경, 여호수아기 10:)

ΩΣ δὲ ἤκουσεν Ἀδωνιβεζὲκ βασιλεὺσ Ἱερουσαλὴμ ὅτι ἔλαβεν Ἰησοῦσ τὴν Γαὶ καὶ ἐξωλόθρευσεν αὐτήν, ὃν τρόπον ἐποίησαν τὴν Ἱεριχὼ καὶ τὸν βασιλέα αὐτῆσ, οὕτωσ ἐποίησαν καὶ τὴν Γαὶ καὶ τὸν βασιλέα αὐτῆσ, καὶ ὅτι ηὐτομόλησαν οἱ κατοικοῦντεσ Γαβαὼν πρὸσ Ἰησοῦν καὶ πρὸσ Ἰσραήλ, καὶ ἐφοβήθησαν ἀπ’ αὐτῶν σφόδρα. ἤδει γὰρ ὅτι πόλισ μεγάλη Γαβαών, ὡσεὶ μία τῶν μητροπόλεων, καὶ πάντεσ οἱ ἄνδρεσ αὐτῆσ ἰσχυροί. καὶ ἀπέστειλεν Ἀδωνιβεζὲκ βασιλεὺσ Ἱερουσαλὴμ πρὸσ Ἐλὰμ βασιλέα Χεβρὼν καὶ πρὸσ Φιδὼν βασιλέα Ἱεριμοὺθ καὶ πρὸσ Ἰεφθὰ βασιλέα Λαχὶσ καὶ πρὸσ Δαβὶν βασιλέα Ὀδολλὰμ λέγων. δεῦτε, ἀνάβητε πρόσ με καὶ βοηθήσατέ μοι, καὶ ἐκπολεμήσωμεν Γαβαών. ηὐτομόλησαν γὰρ πρὸσ Ἰησοῦν καὶ πρὸσ τοὺσ υἱοὺσ Ἰσραήλ. καὶ ἀνέβησαν οἱ πέντε βασιλεῖσ τῶν Ἰεβουσαίων, βασιλεὺσ Ἱερουσαλὴμ καὶ βασιλεὺσ Χεβρὼν καὶ βασιλεὺσ Ἱεριμοὺθ καὶ βασιλεὺσ Λαχὶσ καὶ βασιλεὺσ Ὀδολλάμ, αὐτοὶ καὶ πᾶσ ὁ λαὸσ αὐτῶν καὶ περιεκάθισαν τὴν Γαβαὼν καὶ ἐξεπολιόρκουν αὐτήν. καὶ ἀπέστειλαν οἱ κατοικοῦντεσ Γαβαὼν πρὸσ Ἰησοῦν εἰσ τὴν παρεμβολὴν Ἰσραὴλ εἰσ Γάλγαλα λέγοντεσ. μὴ ἐκλύσῃσ τὰσ χεῖράσ σου ἀπὸ τῶν παίδων σου. ἀνάβηθι πρὸσ ἡμᾶσ τὸ τάχοσ καὶ βοήθησον ἡμῖν καὶ ἐξελοῦ ἡμᾶσ. ὅτι συνηγμένοι εἰσὶν ἐφ’ ἡμᾶσ πάντεσ οἱ βασιλεῖσ τῶν Ἀμορραίων, οἱ κατοικοῦντεσ τὴν ὀρεινήν. καὶ ἀνέβη Ἰησοῦσ ἐκ Γαλγάλων, αὐτὸσ καὶ πᾶσ ὁ λαὸσ ὁ πολεμιστὴσ μετ’ αὐτοῦ, πᾶσ δυνατὸσ ἐν ἰσχύϊ. καὶ εἶπε Κύριοσ πρὸσ Ἰησοῦν. μὴ φοβηθῇσ αὐτούσ, εἰσ γὰρ τὰσ χεῖράσ σου παραδέδωκα αὐτούσ, οὐχ ὑπολειφθήσεται ἐξ αὐτῶν οὐδεὶσ ἐνώπιον ὑμῶν. καὶ ἐπεὶ παρεγένετο Ἰησοῦσ ἐπ’ αὐτοὺσἄφνω, ὅλην τὴν νύκτα εἰσεπορεύθη ἐκ Γαλγάλων. καὶ ἐξέστησεν αὐτοὺσ Κύριοσ ἀπὸ προσώπου τῶν υἱῶν Ἰσραήλ, καὶ συνέτριψεν αὐτοὺσ Κύριοσ συντρίψει μεγάλῃ ἐν Γαβαών, καὶ κατεδίωξαν αὐτοὺσ ὁδὸν ἀναβάσεωσ Ὠρωνὶν καὶ κατέκοπτον αὐτοὺσ ἕωσ Ἀζηκὰ καὶ ἕωσ Μακηδά. ἐν δὲ τῷ φεύγειν αὐτοὺσ ἀπὸ προσώπου τῶν υἱῶν Ἰσραὴλ ἐπὶ τῆσ καταβάσεωσ Ὠρωνὶν καὶ Κύριοσ ἐπέρριψεν αὐτοῖσ λίθουσ χαλάζησ ἐκ τοῦ οὐρανοῦ ἕωσ Ἀζηκά, καὶ ἐγένοντο πλείουσ οἱ ἀποθανόντεσ διὰ τοὺσ λίθουσ τῆσ χαλάζησ ἢ οὓσ ἀπέκτειναν οἱ υἱοὶ Ἰσραὴλ μαχαίρᾳ ἐν τῷ πολέμῳ. Τότε ἐλάλησεν Ἰησοῦσ πρὸσ Κύριον, ᾗ ἡμέρᾳ παρέδωκεν ὁ Θεὸσ τὸν Ἀμορραῖον ὑποχείριον Ἰσραήλ, ἡνίκα συνέτριψεν αὐτοὺσ ἐν Γαβαὼν καὶ συνετρίβησαν ἀπὸ προσώπου υἱῶν Ἰσραήλ, καὶ εἶπεν Ἰησοῦσ. στήτω ὁ ἥλιοσ κατὰ Γαβαὼν καὶ ἡ σελήνη κατὰ φάραγγα Αἰλών. καὶ ἔστη ὁ ἥλιοσ καὶ ἡ σελήνη ἐν στάσει, ἕωσ ἠμύνατο ὁ Θεὸσ τοὺσ ἐχθροὺσ αὐτῶν. καὶ ἔστη ὁ ἥλιοσ κατὰ μέσον τοῦ οὐρανοῦ, οὐ προεπορεύετο εἰσ δυσμὰσ εἰσ τέλοσ ἡμέρασ μιᾶσ. καὶ οὐκ ἐγένετο ἡμέρα τοιαύτη οὐδὲ τὸ πρότερον οὐδὲ τὸ ἔσχατον, ὥστε ἐπακοῦσαι Θεὸν ἀνθρώπου, ὅτι Κύριοσ συνεξεπολέμησε τῷ Ἰσραήλ. Καὶ ἔφυγον οἱ πέντε βασιλεῖσ οὗτοι καὶ κατεκρύβησαν εἰσ τὸ σπήλαιον τὸ ἐν Μακηδά. καὶ ἀπηγγέλη τῷ Ἰησοῦ λέγοντεσ. εὕρηνται οἱ πέντε βασιλεῖσ κεκρυμμένοι ἐν τῷ σπηλαίῳ τῷ ἐν Μακηδά. καὶ εἶπεν Ἰησοῦσ. κυλίσατε λίθουσ ἐπὶ τὸ στόμα τοῦ σπηλαίου καὶ καταστήσατε ἄνδρασ φυλάσσειν ἐπ’ αὐτούσ, ὑμεῖσ δὲ μὴ ἑστήκατε καταδιώκοντεσ ὀπίσω τῶν ἐχθρῶν ὑμῶν καὶ καταλάβετε τὴν οὐραγίαν αὐτῶν καὶ μὴ ἀφῆτε εἰσελθεῖν εἰσ τὰσ πόλεισ αὐτῶν. παρέδωκε γὰρ αὐτοὺσ Κύριοσ ὁ Θεὸσ ἡμῶν εἰσ τὰσ χεῖρασ ἡμῶν. καὶ ἐγένετο ὡσ κατέπαυσεν Ἰησοῦσ καὶ πᾶσ υἱὸσ Ἰσραὴλ κόπτοντεσ αὐτοὺσ κοπὴν μεγάλην σφόδρα ἕωσ εἰσ τέλοσ, καὶ οἱ διασῳζόμενοι διεσώθησαν εἰσ τὰσ πόλεισ τὰσ ὀχυράσ, καὶ ἀπεστράφη πᾶσ ὁ λαὸσ πρὸσ Ἰησοῦν εἰσ Μακηδὰ ὑγιεῖσ, καὶ οὐκ ἔγρυξεν οὐδεὶσ τῶν υἱῶν Ἰσραὴλ τῇ γλώσσῃ αὐτοῦ. καὶ εἶπεν Ἰησοῦσ. ἀνοίξατε τὸ σπήλαιον καὶ ἐξαγάγετε τοὺσ πέντε βασιλεῖσ τούτουσ ἐκ τοῦ σπηλαίου. καὶ ἐξηγάγοσαν τοὺσ πέντε βασιλεῖσ ἐκ τοῦ σπηλαίου, τὸν βασιλέα Ἱερουσαλὴμ καὶ τὸν βασιλέα Χεβρὼν καὶ τὸν βασιλέα Ἱεριμοὺθ καὶ τὸν βασιλέα Λαχὶσ καὶ τὸν βασιλέα Ὀδολλάμ. καὶ ἐπεὶ ἐξήγαγον αὐτοὺσ πρὸσ Ἰησοῦν, καὶ συνεκάλεσεν Ἰησοῦσ πάντα Ἰσραήλ, καὶ τοὺσ ἐναρχομένουσ τοῦ πολέμου τοὺσ συμπορευομένουσ αὐτῷ, λέγων αὐτοῖσ. προπορεύεσθε καὶ ἐπίθετε τοὺσ πόδασ ὑμῶν ἐπὶ τοὺσ τραχήλουσ αὐτῶν. καὶ προσελθόντεσ ἐπέθηκαν τοὺσ πόδασ αὐτῶν ἐπὶ τοὺσ τραχήλουσ αὐτῶν. καὶ εἶπεν Ἰησοῦσ πρὸσ αὐτούσ. μὴ φοβηθῆτε αὐτοὺσ μηδὲ δειλιάσητε. ἀνδρίζεσθε καὶ ἰσχύετε, ὅτι οὕτω ποιήσει Κύριοσ πᾶσι τοῖσ ἐχθροῖσ ὑμῶν, οὓσ ὑμεῖσ καταπολεμεῖτε αὐτούσ. καὶ ἀπέκτεινεν αὐτοὺσ Ἰησοῦσ καὶ ἐκρέμασεν αὐτοὺσ ἐπὶ πέντε ξύλων, καὶ ἦσαν κρεμάμενοι ἐπὶ τῶν ξύλων ἕωσ ἑσπέρασ. καὶ ἐγενήθη πρὸσ ἡλίου δυσμὰσ ἐνετείλατο Ἰησοῦσ καὶ καθεῖλον αὐτοὺσ ἀπὸ τῶν ξύλων καὶ ἔρριψαν αὐτοὺσ εἰσ τὸ σπήλαιον, εἰσ ὃ κατεφύγοσαν ἐκεῖ, καὶ ἐπεκύλισαν λίθουσ ἐπὶ τὸ σπήλαιον ἕωσ τῆσ σήμερον ἡμέρασ. Καὶ τὴν Μακηδὰ ἐλάβοσαν ἐν τῇ ἡμέρᾳ ἐκείνῃ καὶ ἐφόνευσαν αὐτὴν ἐν στόματι ξίφουσ καὶ ἐξωλόθρευσαν πᾶν ἐμπνέον, ὃ ἦν ἐν αὐτῇ, καὶ οὐ κατελείφθη οὐδεὶσ ἐν αὐτῇ διασεσωσμένοσ καὶ διαπεφευγώσ. καὶ ἐποίησαν τῷ βασιλεῖ Μακηδὰ ὃν τρόπον ἐποίησαν τῷ βασιλεῖ Ἱεριχώ. καὶ ἀπῆλθεν Ἰησοῦσ καὶ πᾶσ Ἰσραὴλ μετ’ αὐτοῦ ἐκ Μακηδὰ εἰσ Λεβνὰ καὶ ἐπολιόρκει Λεβνά. καὶ παρέδωκεν αὐτὴν Κύριοσ εἰσ χεῖρασ Ἰσραήλ, καὶ ἔλαβον αὐτὴν καὶ τὸν βασιλέα αὐτῆσ καὶ ἐφόνευσαν αὐτὴν ἐν στόματι ξίφουσ καὶ πᾶν ἐμπνέον ἐν αὐτῇ, καὶ οὐ κατελείφθη ἐν αὐτῇ διασεσωσμένοσ καὶ διαπεφευγώσ. καὶ ἐποίησαν τῷ βασιλεῖ αὐτῆσ ὃν τρόπον ἐποίησαν τῷ βασιλεῖ Ἱεριχώ. καὶ ἀπῆλθεν Ἰησοῦσ καὶ πᾶσ Ἰσραὴλ μετ’ αὐτοῦ ἐκ Λεβνὰ εἰσ Λαχὶσ καὶ περιεκάθισεν αὐτὴν καὶ ἐπολιόρκει αὐτήν. καὶ παρέδωκε Κύριοσ τὴν Λαχὶσ εἰσ τὰσ χεῖρασ Ἰσραήλ, καὶ ἔλαβεν αὐτὴν ἐν τῇ ἡμέρᾳ τῇ δευτέρᾳ καὶ ἐφόνευσαν αὐτὴν ἐν στόματι ξίφουσ καὶ ἐξωλόθρευσαν αὐτήν, ὃν τρόπον ἐποίησαν τὴν Λεβνά. τότε ἀνέβη Ἐλὰμ βασιλεὺσ Γαζὲρ βοηθήσων τῇ Λαχίσ, καὶ ἐπάταξεν αὐτὸν Ἰησοῦσ ἐν στόματι ξίφουσ καὶ τὸν λαὸν αὐτοῦ ἕωσ τοῦ μὴ καταλειφθῆναι αὐτῶν σεσωσμένον καὶ διαπεφευγότα. καὶ ἀπῆλθεν Ἰησοῦσ καὶ πᾶσ Ἰσραὴλ μετ’ αὐτοῦ ἐκ Λαχὶσ εἰσ Ὀδολλὰμ καὶ περιεκάθισεν αὐτὴν καὶ ἐξεπολιόρκησεν αὐτήν. καὶ παρέδωκεν αὐτὴν Κύριοσ ἐν χειρὶ Ἰσραήλ, καὶ ἔλαβεν αὐτὴν ἐν τῇ ἡμέρᾳ ἐκείνῃ καὶ ἐφόνευσεν αὐτὴν ἐν στόματι ξίφουσ, καὶ πᾶν ἐμπνέον ἐν αὐτῇ ἐφόνευσαν, ὃν τρόπον ἐποίησαν τῇ Λαχίσ. καὶ ἀπῆλθεν Ἰησοῦσ καὶ πᾶσ Ἰσραὴλ μετ’ αὐτοῦ εἰσ Χεβρὼν καὶ περιεκάθισεν αὐτήν. καὶ ἐπάταξεν αὐτὴν ἐν στόματι ξίφουσ καὶ πᾶν τὸ ἐμπνέον, ὅσα ἦν ἐν αὐτῇ, οὐκ ἦν διασεσωσμένοσ. ὃν τρόπον ἐποίησαν τὴν Ὀδολλάμ, ἐξωλόθρευσαν αὐτὴν καὶ ὅσα ἦν ἐν αὐτῇ. καὶ ἀπέστρεψεν Ἰησοῦσ καὶ πᾶσ Ἰσραὴλ εἰσ Δαβὶρ καὶ περικαθίσαντεσ αὐτὴν ἔλαβον αὐτὴν καὶ τὸν βασιλέα αὐτῆσ καὶ τὰσ κώμασ αὐτῆσ καὶ ἐπάταξεν αὐτὴν ἐν στόματι ξίφουσ καὶ ἐξωλόθρευσαν αὐτὴν καὶ πᾶν ἐμπνέον ἐν αὐτῇ καὶ οὐ κατέλιπον αὐτῇ οὐδένα διασεσωσμένον. ὃν τρόπον ἐποίησαν τῇ Χεβρὼν καὶ τῷ βασιλεῖ αὐτῆσ, οὕτωσ ἐποίησαν τῇ Δαβὶρ καὶ τῷ βασιλεῖ αὐτῆσ. καὶ ἐπάταξεν Ἰησοῦσ πᾶσαν τὴν γῆν τῆσ ὀρεινῆσ καὶ τὴν Ναγὲβ καὶ τὴν πεδινὴν καὶ τὴν Ἀσηδὼθ καὶ τοὺσ βασιλεῖσ αὐτῆσ, οὐ κατέλιπον αὐτῶν σεσωσμένον. καὶ πᾶν ἐμπνέον ζωῆσ ἐξωλόθρευσεν, ὃν τρόπον ἐνετείλατο Κύριοσ ὁ Θεὸσ Ἰσραήλ, ἀπὸ Κάδησ Βαρνῆ ἕωσ Γάζησ, πᾶσαν τὴν Γοσὸμ ἕωσ τῆσ Γαβαών, καὶ πάντασ τοὺσ βασιλεῖσ αὐτῶν καὶ τὴν γῆν αὐτῶν ἐπάταξεν Ἰησοῦσ εἰσάπαξ, ὅτι Κύριοσ ὁ Θεὸσ Ἰσραὴλ συνεπολέμει τῷ Ἰσραήλ.

목록

일치하는 문장이 없습니다.

SEARCH

MENU NAVIGATION